उपक्रमाचा उपजिल्हाधिकारी यांच्या हस्ते शुभारंभ
अजहर पठाण
सेलू परभणी
मागील ५ वर्षांपासून सेलू शहरात दरवर्षी भव्य दिव्य शोभयात्रेचे आयोजन श्रीराम जन्मोत्सव समिती सेलूच्या वतीने करण्यात येते.मात्र मागील वर्षांपासून कोरोना वायरस ने संपूर्ण जगावर धुमाकूळ घातला आहे.यावर्षी सुद्धा कोरोना संक्रमण अधिक प्रमाणात वाढल्यामुळे शोभायात्रा रद्द करत
गरजू नागरिकांनसाठी प्रभू श्रीराम *”अन्नछत्र”* हा अभिनव उपक्रम समिती तर्फे राबविण्यात येत असून श्रीराम नवमीच्या शुभ दिनाचे औचित्य साधून श्रीराम भक्तांच्या व समितीच्या सहकार्यातुन २११ गरजू कुटुंबांना ३० दिवस पुरेल एवढे धान्य (किट)वाटपाचा शुभारंभ आज मा.उपजिल्हाधिकारी श्री उमाकांत पारधी, नगराध्यक्ष श्री.विनोद बोराडे, उपजिल्हा रुग्णालयाचे वैद्यकीय अधीक्षक श्री संजय हरबडे,श्री संजय लोया यांच्या हस्ते गरजवंतांना धान्य सामग्री(किट)प्रदान करुन करणात आला.
हा उपक्रम प्रशासनाने दिलेल्या निर्देशाचे पालन करत राबविण्यात येत असल्यामुळे मा.उपजिल्हाधिकारी व नगराध्यक्ष यांनी श्री राम जन्मोत्सव समितीच्या सर्व सदस्यांचे अभिनंदन केले..
समितीच्यावतीने गरजवंत कुटुंबीयांना घरपोच धान्य सामग्री(किट) देणार आहे.
समिती तर्फे शासनाच्या नियमांचे पालन करत कोरोना काळात समाजातील गरजवंतांन साठी विविध सामाजिक उपक्रम राबविण्यात येणार आहे.
असे समितीच्या वतीने सांगण्यात आले
