गजानन सोनटक्के
जळगाव जामोद
व्यापारी संघटना नेहमीच नवनवीन उपक्रमासाठी आणि आंदोलनासाठी ओळखले जाते सध्या कोरोना च्या भयंकर काळात रक्ताचा तुटवडा निर्माण होत आहे. रक्त हे कुठल्याही फॅक्टरीत तयार होत नाही हे जाणून सामाजिक दायित्वाचे भान ठेवत संघटनेमार्फत रक्तदान शिबीराचे यशस्वी आयोजन करण्यात आले होते. यामध्ये व्यापारी बांधव व इतर नागरीकांच्या माध्यमातून लक्षणिय बॕग्स रक्त गोळा करण्यात संघटना यशस्वी झाली. सदर शिबिर रक्ताच्या जमा झालेल्या रक्ताच्या बॕग्स व नियोजनासाठी एक आदर्श बनले . विविध सामाजिक संघटनांचा उत्स्फूर्त प्रतिसाद ही आणखी एक विशेष बाब. सदर शिबिरासाठी डॉक्टर हेडगेवार रक्तपेढी अकोला यांचे सहकार्य लाभले.
*लक्षवेधक नियोजन*
कोरोनाचा काळ पाहता अतिशय प्रशंसनीय नियोजन संघटनेमार्फत करण्यात आले होते. मास्क , सॕनी टायझर, प्रत्येक रक्त दात्यांमध्ये आठ फुटाचे अंतर ,आरोग्याची काळजी घेता प्रत्येक रक्तदात्या करिता प्लेन सीटचा वापर, शारीरिक अंतर , प्रत्येक कार्यकर्त्याला हॅन्ड ग्लोज , नियम व सूचना फलक अशा अनेक गोष्टी लक्षवेधक होत्या .
*महिलांचा प्रतिसाद*
सदर रक्तदान शिबिरात महिलांचा सहभाग दिसून आला. महिलांना रक्तदानासाठी स्वतंत्र व्यवस्था हे आणखी एक नवीन वैशिष्ट्ये दिसून आले .
*सेल्फी पॉइंट*
*आम्ही रक्तदान केले ……तुम्ही?* हा सेल्फी पाॕईंट येणाऱ्या प्रत्येक व्यक्तीचा आकर्षणाचा बिंदू ठरला. प्रत्येक रक्तदात्यांना प्रोत्साहन मिळण्यासाठी व इतरांना प्रेरणा मिळण्यासाठी सेल्फी पाॕईंट ची निर्मिती हा नवा प्रयोग पहावयास मिळाला.
सदर शिबिराचे आयोजनात
व्यापारी संघटनेचे अध्यक्ष अजय वानखडे , अनिल भगत, जितेश पलन, निलेश सेदाणी , अजय पलन, महेंद्र पलन, गौतम भंसाली , एफ आर खान ,हुसेन डायमंड , प्रकाश सोळंकी , पवन चांडक आणि व्यापारी बांधवांनी परिश्रम घेतले.
सरकारी अधिकारी आणि राजकीय पदाधिकारी यांच्या भेटी
सदर शिबीराला जळगाव जामोद च्या उपविभागीय अधिकारी वैशाली देवकर मॕडम , तहसिलदार शिवाजी मगर, नगराध्यक्ष सौ. सीमाताई डोबे,डाॕ. संदिप वाकेकर , काँग्रेस चे शहरअध्यक्ष अर्जुन घोलप, भाजयुमोचे जिल्हाध्यक्ष सचिन देशमुख , तालुकाध्यक्ष प्रकाश वाघ , शहराध्यक्ष अभिमन्यु भगत, परिक्षित ठाकरे , उमेश येऊल , तसेच कैलास डोबे , राजू हिस्सल , डाॕ. प्रकाश बगाडे, अजिंक्य टापरे यांनी भेटी दिल्या. नगरपरिषद जळगाव जामोद ने सांस्कृतिक भवन उपलब्ध करून दिल्याबद्दल व्यापारी संघटनेमार्फत पालीका प्रशासनाचे आभार व्यक्त करण्यात आले.
