सिंदखेड राजा ( सचिन खंडारे )
वाढत्या कोरोनाच्या पार्श्‍वभूमीवर तसेच वाढती रेमडेसिविर इंजेक्शनची मागणी लक्षात घेता
जिल्ह्यात रेमडेसिविर इंजेक्शनचा तुटवडा निर्माण झाला आहे.त्या पाश्र्वभूमीवर प्रशासनाने राज्य शासनाकडे जास्तीची मागणी नोंदवून रेमडेसिविर इंजेक्शन्स उपलब्ध करावे.अशी मागणी फार्मसी स्टूडेंट कौन्सिल चे बुलढाणा जिल्हा संपर्कप्रमुख जिवन चेके यांनीदिनांक 25 एप्रिल रोजी निवेदनाद्वारे जिल्हाधिकाऱ्यांकडे केली आहे.
गतवर्षांपासून कोरोनाशी लढा दिला जात आहे. प्रशासकीय
पातळीवर जिल्ह्यासह संबंध महाराष्ट्राने अतिशय चांगल्या पद्धतीने परिस्थिती हाताळली आहे मात्र कोरोनाच्या दुसऱ्या लाटेत कोरोनाचे संक्रमण खूप वाढले आहे. जिल्ह्यात दिवसागणिक कोरोनाची रुग्णसंख्या वाढत आहे परिस्थिती अत्यंत गंभीर होत चालली आहे त्यात जिल्ह्यात रेमडेसिविर इंजेक्शनचा पुरवठा अत्यल्प होत आहे.त्यामुळे रेमडेसिविर इंजेक्शनचा काळाबाजार होताना दिसत आहे अश्या परिस्थितीत जिल्हाधिकाऱ्यांनी राज्य शासनाकडे रेमडेसिविर इंजेक्शनची जास्तीची मागणी नोंदवावी.तसेच तत्काळ रेमडेसिविर इंजेक्शनचा साठा उपलब्ध करून द्यावा अशी मागणी जिवन चेके यांनी जिल्हाधिकाऱ्यांकडे केली आहे.
