सिंदखेड राजा ( सचिन खंडारे )
सिंदखेडराजा तालुक्यामधील ग्रामीण भागामध्ये बहुतांश गावांमध्ये कोरोना रुग्णांची संख्या अतिशय वेगाने वाढत आहे आणि ग्रामीण भागातील लोक अजूनही निष्काळजीपणाने वावरत आहे कोरोनावर मात करून घरी परतले ते लोक अजूनही तोंडाला माक्स लावत नाही ही वस्तुस्थिती आहे तसेच अनेक लोक हे अजूनही गोळक्यामध्ये जाऊन त्या ठिकाणी गप्पा मारताना आपल्याला दिसत आहे .
तसेच अनेक ठिकाणी कोरोनामुळे लोक उपचाराअभावी मृत्युमुखी पडत आहे .
या पार्श्वभूमीवर कोरोना लसीकरण स्थानिक प्राथमिक आरोग्य केंद्रांमध्ये सुरू आहे ।
परंतु पाहिजे तसा तालुक्याला लसीचा पुरवठा होत नाही त्यामुळे लसीकरण हे सुरळीत पणाने सध्या दिसत नाही .
अनेक लोक लस घेण्यासाठी जवळच्या प्राथमिक आरोग्य केंद्रांमध्ये जातात परंतु तिथे गेल्यावर त्यांना सांगितले जाते लस उपलब्ध नाही त्यामुळे खेड्यापाड्यातील लोक मोठ्या आशेने लस घेण्यासाठी जात असतात परंतु संपूर्ण काम सोडून त्यांना लस घेण्यासाठी जवळच्या प्राथमिक आरोग्य केंद्रात जावे लागते ‘
म्हणून प्राथमिक आरोग्य केंद्रांमध्ये फक्त स्थानिक लोकांचीच लसीकरण करावे जेणेकरून लसीकरणासाठी गर्दी होणार नाही लोकांचाही वेळ वाया जाणार नाही !
खेडे गावातील लोकांच्या लसीकरणासाठी गावातच लसीकरणाची सोय उपलब्ध करून द्यावी जेणेकरून लोकांचा त्रास वाचेल !
शिवाय गावातच लसीकरणासाठी बहुतांश गावातील सरपंच आग्रही आहे .
कारण खेड्यापाड्यात कोरोणाचा प्रादुर्भाव झपाट्याने वाढत आहे व लसीकरण हे संथ गतीने सुरू असल्यामुळे रुग्णांची संख्या आणखीन वाढत आहे ! .त्यामुळे गावातच लसीकरणाची सोय उपलब्ध करून द्यावी अशी मागणी लोकांनी केली आहे !!
….!गावामध्ये कोरोनाचा प्रादुर्भाव वाढत आहे शिवाय लस घेण्यासाठी सामान्य लोकांना साखरखेर्डा येथील प्राथमिक आरोग्य केंद्रामध्ये जावे लागते कुठलीही वाहनाची व्यवस्था नसल्यामुळे उन्हातानात लोक पायी जातात व त्यामुळे तिथे कधी लस उपलब्ध नसते त्यामुळे ते रिकाम्या हाताने परतावं लागतं त्यामुळे गावातच लसीकरणाची सोय उपलब्ध व्हावी !
….. .सौ अर्चना विनोद खरात ( सरपंच शिंदी )
…..गावात लसीकरणाची सोय उपलब्ध झाली तर लोकांचा वेळही वाचेल व खर्चही वाचेल अनेक वयस्कर लोक गाड्यांची सुविधा नसल्यामुळे पाणी जाऊ शकत नाही त्यामुळे गावात जर लसीकरण याची सोय झाली तर चांगलं होईल …
…सौ अलकाताई भानुदास लव्हाळे ।सरपंच रताळी )
…..साखरखेर्डा ते पिंपळगाव हे सात किलोमीटरचे अंतर आहे पिंपळगाव येथून साखरखेर्डा जाण्यासाठी सर्वसामान्य माणसाला कुठल्याही वाहनाची व्यवस्था नाही तसेच उन्हाळ्याचे दिवस असल्यामुळे लसीकरणासाठी लोक पायी जातात तर कधी लस उपलब्ध असते तर कधी लस उपलब्ध नसल्यामुळे ते माघारी येत असतात त्यामुळे त्यांचा वेळही वाया जातो व कामही वाया जाते .
त्यामुळे गावातच लसीकरण व्हायला पाहिजे यासाठी वेळ पडल्यास पालकमंत्री डॉक्टर राजेंद्रजी शिंगणे यांना सुद्धा बोलू !
.. तोताराम ठोसरे ( सरपंच पिंपळगाव सोनारा )
