बीड दि.(प्रतिनिधी):-
पेठ बीड शहर विकास कृती समितीच्या वतीने मागील कोरोणा काळापासून विविध सामाजिक उपक्रमांच्या माध्यमातून रुग्णांना अन्नाची पाकिटे त्याच बरोबर आता मोफत तात्पुरत्या ऑक्सीजन पोर्टेबल कँनच्या सहाय्याने जे रुग्ण बाहेरगावी जाण्यासाठी तसेच होम आयशोलेशनमध्ये आहे त्या रुग्णांना हा उपक्रमातून मदत होणार असून पेठ बीड शहर विकास कृती समितीच्या माध्यमातून समाजहिताचे उपक्रम राबविले जातात त्यांचे करावे तेवढे कौतुकच. सोशल इंजिनिअरिंगचे हे एक आदर्श मूर्तिमंत उदाहरण असल्याचे प्रतिपादन नगराध्यक्ष डॉ. भारतभूषण क्षीरसागर यांनी केले.
रविवारी पेठ बीड भागातील बालाजी मंदिर रोडवरील पेठ बीड शहर विकास कृती समितीच्या वतीने मोफत पोर्टेबल आँक्सीजन कँन वितरण तसेच वाचनालयाच्या फलकाचे अनावरन कार्यक्रमाचे आयोजन करण्यात आले होते या प्रसंगी नगराध्यक्ष डाँ. भारतभूषण क्षीरसागर मार्गदर्शन करीत होते. यावेळी व्यासपीठावर पो.नि.पाटील साहेब (पेठ बीड पो.स्टे.), डाँ. नरेश कासट (बीड तालुका वैद्यकीय अधिकारी), माजी नगराध्यक्ष रणजितसिंह चौव्हाण, आसाराम गायकवाड, सादेकजमा, पेठ बीड शहर विकास कृती समितीचे मार्गदर्शक/ अध्यक्ष तथा माजी उपनगराध्यक्ष अमृत सारडा, नगरसेवक प्रेम चांदणे, सतिश पवार आदींची उपस्थिती होती.
पुढे बोलताना नगराध्यक्ष डॉ. क्षीरसागर म्हणाले की कोरोणा महामारीमुळे देशात रोजगार, नोकरी, व्यवसायात अनेक समस्या निर्माण होत असून कोरोणा रुग्णांना खऱ्या अर्थाने मेडिसिन, आहार तसेच मायेच्या आधाराची गरज असते योग्य निदान आणी मायेचा आधार मिळाल्यास रुग्णांच्या मनातील भीती कमी होऊन त्यांना जगण्याची नवी उर्जा प्राप्त होण्यास मदत होते. बीडच्या विकासासाठी कृती समितीच्या माध्यमातून माजी मंत्री अण्णा व माझ्याकडे पेठ बीड भागातील प्राथमिक आरोग्य केंद्र, खंडेश्वरी भागातील तालुका स्टेडियम, शहराच्या मध्यवर्ती भागातील यशवंत उद्यान तसेच विविध विकास कामांसाठी पाठपुरावा करण्यात आला. या परिसरात सर्व जाती धर्माचे लोक गुण्यागोविंदाने राहत ही कौतुकास्पद बाब असून खरा भारत या भागात पहावयास मिळतो. कोरोणा महामारीत पोलीस, आरोग्य कर्मचारी, समाजातील दानशुर, समाजसेवक, न.प.च्या कर्मचाऱ्यांनी जिवाची पर्वा न करता नागरिकांना सेवा दिली त्यांचे करावे तेवढे कौतुक कमीच आहे. कोरोणा हद्दपार करण्यासाठी शासनाच्या वतीने सांगितलेल्या नियमांचे पालन करा असे आवाहन त्यांनी यावेळी केले.
पो.नि.पाटील साहेब याप्रसंगी म्हणाले की, पेठ बीड शहर विकास समितीच्या वतीने सातत्यपूर्ण विविध सामाजिक उपक्रम राबविण्यात येत असून मोफत पोर्टेबल आँक्सीजन कँन वाटप हा सर्वात महत्वाचा उपक्रम असून कोरोणा रूग्णांना यामुळे मोठी मदत होणार आहे. व्हँक्सिनेशन सेंटरवर ४५ वर्षापुढील नागरिकांना कोरोणा लस दिली जात असून ईतरांनी त्या परिसरात अनावश्यक गर्दी करू नये. नागरिकांनी शासनाने घालून दिलेल्या नियमांचे पालन करावे असे आवाहन त्यांनी केले.
डाँ.नरेश कासट यावेळी म्हणाले की, कोरोणा महामारीत वैद्यकीय अधिकारी, कर्मचारी आपल्या जिवाची पर्वा न करता रुग्णांना वेळेत सेवा देत आहेत रूग्णांच्या नातेवाईकांनी पण सहकार्य करणे गरजेचे आहे. रूग्णांच्या चेहऱ्यावर निरागस हसू खुलवण्यासाठी आम्ही सर्वच प्रयत्नशील असतो. पेठ बीड शहर विकास समितीच्या माध्यमातून मोफत पोर्टेबल आँक्सीजन कँन या स्तूत्य उपक्रम हाती घेण्यात आला असून या उपक्रमातून अनेक गरजू रूग्णांना बाहेरगावी हलविण्यासाठी तसेच घरी उपचार घेणाऱ्या रुग्णांना पोर्टेबल आँक्सीजन कँनचा दिडशे ते दोनशे वेळा उपयोग होणार आहे. रुग्णांच्या नातेवाईकांनी याचा गरजेनुसार योग्य प्रमाणात वापर करावा असे आवाहन त्यांनी केले.
यावेळी मनोगत व्यक्त करतांना अमृत काका सारडा म्हणाले की आपण समाजाचे काही देणे लागतो या भावनेतून पेठ बीड शहर विकास कृती समिती मागील काळापासून काम करीत असून कोरोणा काळात आठशे ते हजार गरजुना घरपोच जेवन पुरविण्याचे काम केले, दरवर्षी प्रमाणे याही वर्षी कोरोणाचे नियम पाळून मोफत घरपोच पाणी पुरवठा करण्यात येत आहे, यशवंत उद्यानाच्या विकासासाठी प्रयत्नशील असून कोरोणा रुग्णांना तात्पुरत्या मोफत पोर्टेबल आँक्सीजन कँनच्या माध्यमातून छोटीशी मदत करण्याचा प्रयत्न आम्ही सर्वजन करीत आहोत रुग्णांच्या नातेवाईकांनी डाँक्टरांनी दिलेली योग्य कागदपत्रे दाखवून या मोफत पोर्टेबल आँक्सीजन कँनचा लाभ घ्यावा असे आवाहन त्यांनी याप्रसंगी केले.
या कार्यक्रमासाठी सतपाल लाहोट, लक्ष्मण शेनकुडे, सुरेश बनसोडे, विजय पिव्हळ, दत्ता परळकर अमोल वडतीले नागेश पवार, विलास बामणे, सम्राट सिंह चौव्हाण, जितेंद्र लोढा, सुरेश जगताप, भारत मस्के, कल्याण रायते, सोनू पांडे, मेहबूबखान, दादा हातागळे, किशोर परदेशी सखाराम चांदणे, रवि घेणे, सोमनाथ टऊळ, राम इगडे, अतीक शेख, शेख अब्बुभाई, भागचंद परदेसी, तीलक गुरखुदे, वनवे, अरुण नवले, गणेश कांबळे, रणजीत शिंनगारे, रतन बडोदे, विजय देशमुख, किशोर परदेशी, संजय घेणे, लाला बनसोडे, नितीन इगडे, नितीन साखरे, शेख खलील, नंदु येवले, ईश्वर धन्वे, फामजी पारीख आदिसह गरजु लाभार्थी उपस्थिती होती. यावेळी लोकसंगितातून कोरोणा महामारीवर आहेर वडगाव येथील कलावंतांनी जनजागृती केली तर यावेळी शासनाच्या वतीने सांगितलेल्या तोंडावर मास्क, सुरक्षित अंतर यासह कोरोणा नियमांचे पालन करण्यात आले.
