यावल तालुका ,(प्रतिनिधी)विकी वानखेडे
चुचाळे बोराळे : सोमवारी सायंकाळी यावल तालुक्यात वादळी वाऱ्यासह विजांच्या कडकडात मध्ये पाऊस झाला यात चुंचाळे -बोराडे व सातपुड्याच्या पायथ्याशी असलेल्या गायरान भागात ढगफुटी सदृश्य पाऊस झाला. दोनतास तुफान वेगात सऱ्या बरसल्या तर बोराडे गावात वीज पडून सुरेश प्रल्हाद धनगर यांची बैल जोडी ठार झाली. एक लाख २० हजार रूपये किंमतीची सदरील बैल जोडी होती तर या घटनेत प्रत्यक्षदर्शी विनोद(महाराज) वानखेडे हे थोडक्यात बचावले तसेच चुंचाळे या गावात पुराचे पाणी प्रचंड वेगाने येत असतांना संजयसिंग राजपूत व रमेश पितांबर धनगर चुंचाळे या दोघांच्या दुचाकी पुरात वाहून गेल्या तसेच गायरान व चुंचाळे प्लॉट भागातील २०० हून अधिक घरात पाणी शिरले आहे.गायरान, चुंचाळे व बोराळे या गावांचा एकमेकाशी संपर्क हा रात्री उशिरापर्यंत तुटलेला होता पाऊस थांबल्यामुळे नागरिकांमध्ये थोडा दिलासा आहे.—
