शेगाव: पंचायत समिती शेगाव अंतर्गत येणाऱ्या जवळा बुद्रुक येथील प्रभारी ग्रामसेवक एस एम दुबे यांचे विरुद्ध फौजदारी गुन्हे दाखल करा अशा मागणीचे निवेदन जवळा बुद्रुक ग्रामपंचायत चे सरपंच ग्रा.पं सदस्य व गावकऱ्यांनी शेगाव पंचायत समितीचे बिडिओ यांना देण्यात आले आहे. शेगाव पंचायत समितीच्या गटविकास अधिकारी यांना देण्यात आलेल्या निवेदनात म्हटले आहे की प्रभारी ग्रामसेवक दुबे यांनी पंधराव्या वित्त आयोगातून सहा लाख रुपये परस्पर आरो प्लांट करिता देयक अदा केले. याच प्रमाणे ग्राम सभेची परवानगी न घेता खोटे कागदपत्र सादर करून ग्रामसेवक दुबे यांनी सरपंच व इतरांच्या खोट्या सह्या करून पंधराव्या वित्त आयोग विकास आराखड्यातून आरो प्लांट मशीन ची बिले काढली व फसवणूक केली .. आरो मशीन मागील तीन महिन्यापासून आणलेली असून ती निकृष्ट दर्जाची असल्याचाही आरोप या निवेदनात करण्यात आला आहे याप्रकरणी गंभीर दखल घेऊन ग्रामसेवक एस एम दुबे यांच्याविरुद्ध गुन्हे दाखल करण्यात यावे कठोर कारवाई करण्यात यावी अशी मागणी निवेदनात करण्यात आली आहे या निवेदनावर सरपंच करूणा सावदेकर, उपसरपंच मनीषा भटकर ग्रामपंचायत सदस्य गोपाल कानेरकर यांच्यासह गावकर यांच्या सह्या आहेत..
-आरो प्लांट साहित्य पुरवठा याचाच फक्त ठेका दिलेला होता साहित्य पुरवठा केल्याने नियमानुसार देयक अदा केले-ग्रामसेवक दुबे.
जवळा बुद्रुक ग्रामपंचायत चे प्रभारी ग्रामसेवक एस एम दुबे यांना त्यांच्यावर करण्यात आलेल्या आरोपाबाबत विचारणा केली असता त्यांनी प्रसिद्धिमाध्यमांशी बोलताना सांगितले की मी कोणत्याही प्रकारे प्रकार केलेला नाही जवळा बुद्रुक ग्रामपंचायतमध्ये घेण्यात आलेल्या ठरावानुसार केवळ आरो प्लांट चे साहित्य पुरवठा करण्याचा ठेका दिलेला होता सदर ठेकेदाराने सर्व साहित्य पुरवठा केलेला असून नियमानुसार व ग्रामपंचायतच्या सरपंच उपसरपंच यांच्या सही शिक्का निशी संबंधित ठेकेदाराची चे बिल अदा करण्यात आले. गावातील राजकारणामध्ये मला पडायचे नाही त्यांनी प्रसिद्धिमाध्यमांशी बोलताना सांगितले
