इस्माईल शेख बुलढाणा जिल्हा प्रतिनिधी
शेगाव शहर पोलीस स्टेशनमध्ये गुन्हा दाखल करण्यात आला आहे याबाबत शेगाव शहर पोलीस सूत्राकडून मिळालेल्या माहितीनुसार
शेगाव येथील बसस्थानकावर गर्दीचा फायदा – घेवून अज्ञात चोरटयाने इसमाच्या खिशातून २४हजार रुपये लंपास केल्याची घटना आज उघडकीस आली.
शेगाव पोलीस स्टेशन हद्दीत असणाऱ्या रोकडिया नगर परिसरात राहणाऱ्या मधूकर काशीनाथ तायडे (५३) रा. रोकडीया नगर हे नातेवाईकांना सोडण्यासाठी येथील बसस्थानकावर आले होते. यावेळी नातेवाईकांना बसमध्ये बसवून देण्यासाठी तायडे हे गर्दीत घुसले असता
अज्ञात चोरटयाने त्यांच्या खिशातील २४ हजार रुपये काढुन घेतले व तो फरार झाला. याबाबत तायडे यांनी शहर पोस्टेला तक्रर दिली असून पोलिसांनी अज्ञात चोरट्याविरुध्द कलम ३७९ भादंवीनुसार गुन्हा दाखल केला आहे.
