जावेद शहा बुलढाणा
राजर्षी शाहू चॅरिटेबल ट्रस्ट सुंदरखेड, बुलडाणा द्वारा संचलित जिजाऊ ज्ञान मंदिर स्कुल अँड ज्युनिअर कॉलेज पळसखेड भट येथे* *सावित्रीबाई फुले यांना जन्मदिनी अभिवादन करून शिक्षक दिन साजरा करण्यात आला.
कार्यक्रमाच्या अध्यक्षस्थानी शाळेचे प्राचार्य प्रा. किशोर सिरसाट होते तर अतिथी म्हणून सा.शिक्षिका ज्योती सरकटे, व शिक्षकदिनी प्राचार्या बनलेल्या आचल धनावत होत्या.
राज्यस्तरीय संत गाडगेबाबा पुरस्काराने शेगाव येथील प्रविण बोदडे सर सन्मानित…(medianews)
Buldhana:सर्वप्रथम मान्यवरांच्या हस्ते सावित्रीबाई फुले प्रतिमा पूजन, दीप-प्रज्वलन व पुष्पहार अर्पण करण्यात आला. तद्नंतर बऱ्याच विद्यार्थ्यांनी सावित्रीबाई फुले यांच्या जीवनावर प्रकाश टाकत आपले मनोगत व्यक्त केले.
यावेळी अध्यक्षीय भाषणात प्रा किशोर सिरसाट म्हणाले की, शिक्षक ही सर्वोच्च पदवी होय ती सर्वसामान्यांना महात्मा फुले व सावित्रीबाई फुलें मुळेच प्राप्त झाली.
सावित्रीमाई नसत्या तर आजची महिला शिक्षिका व चांगल्या हुद्द्यावर नसत्या, सावित्रीबाई फुले यांनी फक्त शिक्षणाचाच प्रसार केला नाही, तर बालविवाह, सती प्रथा, जातीय विषमता आणि विधवांच्या दुर्दशेविरोधात आवाज उठवला. त्यांनी विधवांसाठी विशेष आश्रयस्थाने तयार केली, जिथे विधवांना सन्मानाने जगता येईल. त्यांनी स्त्रियांना आपली ओळख आणि स्वाभिमान निर्माण करण्यासाठी प्रेरित केले. असे म्हणत अध्यक्षीय भाषण संपवले.
कार्यक्रमाचे विशेष म्हणजे आज दिवसभर शाळेचा कार्यभार विद्यार्थ्यातूनच विविध वेशभूषेतील शिक्षक-शिक्षिका बनलेले विद्यार्थी यांनी वाहिला व अनुभव घेतला.
Buldhana :कार्यक्रमासाठी संस्था अध्यक्ष मा.संदीपदादा शेळके यांचे मोलाचे मार्गदर्शन लाभले. सूत्रसंचालन विद्यार्थिनी कु.प्रिती कव्हळकर व नम्रता इंगळे यांनी तर आभार प्रदर्शन प्रतिक्षा शेजोळ हिनी केले. कार्यक्रमाच्या यशस्वीतेसाठी सर्वच कर्मचारी यांनी प्रयत्न केले.
