प्रतिनिधी सचिन वाघे
RapeNews:हिंगणघाट तालुक्यातील वर्धा रोडवरील रायफुली येथील विश्वत्रिवेणी टेक्स्टाईल या कंपनीत काम करणाऱ्या एका अल्पवयीन किशोरीवरती जबरी बलात्कार केल्याची घटना आज शनीवारी उघडकीस आली.
याप्रकरणी सदर टेक्स्टाईल कंपनीचे व्यवस्थापक व अन्य एका इसमावरती पोस्को अंतर्गत नजीकच्या अल्लीपूर पोलीस ठाण्यात गुन्हा नोंदविण्यात आला असून दोन्ही आरोपी फरार आहेत.
जी एम गुरुमूर्ती व मोबीन खान अशी या आरोपींची ओळख असून गुरुमुर्ती हा येथील व्यवस्थापक असल्याची माहिती आहे.
हिंगणघाट शहरातील प्रतिष्ठित समाजसेवी उद्योजक तथा वैद्यकीय व्यवसायी डॉ.मधुसुधन गोयनका हे या कंपनीचे संचालक आहे.
पीडिता ही आपल्या आईसोबत कंपनीचे परिसरातच राहत असल्याचे माहिती मिळाली असून अल्पवयीन असूनसुद्धा नियमबाह्यरित्या कंपनीत काम करीत असल्याची चर्चा आहे.
गेल्या दि.४ मे रोजी पीडिता ही पॅकिंग रूममध्ये काम करीत असताना आरोपी मोबिनखान याने पिडीतेच्या डोळ्यात काहीतरी पावडरसदृश पदार्थ टाकून तिला कॉम्प्रेसर रूम मध्ये फरफटत नेले तेथे आरोपी पैकी गुरुमूर्ती याने तिचे कपडे काढून जबरदस्तीने बलात्कार केला, या घटनेची कुठेही वाच्यता केल्यास पिडीतेला कामावरून काढून टाकण्याची धमकीसुद्धा या नराधमांनी तिला दिली.
RapeNews / पिडीतेने घाबरलेल्या स्थितीत घटनेची तक्रार
आज दि.१० रोजी तालुक्यातील अल्लीपुर पोलिस ठाण्यात केली असून दोन्ही फरार आरोपींचा शोध अल्लीपुर पोलिस घेत आहेत.
