यावल प्रतिनिधी विकी वानखेडे
यावल (जि. जळगाव) – स्थानिक राजकीय व सामाजिक क्षेत्रात सक्रिय असलेले गोपाल भाऊ चौधरी यांची यावल व चोपडा उपजिल्हाप्रमुख पदी निवड झाल्याने परिसरात आनंदाचे वातावरण निर्माण झाले आहे. त्यांच्या या निवडीमुळे कार्यकर्त्यांमध्ये उत्साह संचारला असून अनेकांनी त्यांच्यावर अभिनंदनाचा वर्षाव केला आहे.breaking
शिवसेना (उद्धव बाळासाहेब ठाकरे गट) या पक्षाच्या वतीने करण्यात आलेली ही नियुक्ती महत्त्वपूर्ण मानली जात आहे. गोपाल भाऊ चौधरी यांनी यापूर्वीही विविध सामाजिक व संघटनात्मक उपक्रमांमध्ये सक्रिय सहभाग घेतला असून, सामान्य नागरिकांच्या प्रश्नांवर सातत्याने आवाज उठवला आहे.udhhavthacry
त्यांच्या कार्यशैलीमुळेच पक्षश्रेष्ठींनी त्यांच्यावर विश्वास ठेवत ही जबाबदारी सोपवली असल्याचे बोलले जात आहे.
या निवडीबद्दल कार्यकर्ते, पदाधिकारी व नागरिकांकडून त्यांचे स्वागत करण्यात येत असून, अनेकांनी सोशल मीडियावरूनही शुभेच्छांचा वर्षाव केला आहे. यावल व चोपडा तालुक्यात पक्ष संघटना अधिक बळकट करण्यासाठी तसेच युवकांना संधी देण्यासाठी गोपाल भाऊ प्रयत्नशील राहतील, अशी अपेक्षा व्यक्त केली जात आहे.jalgaon khandesh
आपल्या निवडीबद्दल प्रतिक्रिया देताना गोपाल भाऊ म्हणाले की, “पक्षाने माझ्यावर टाकलेला विश्वास मी नक्कीच सार्थ ठरवीन.
Yavalnews /येत्या काळात जनतेच्या प्रश्नांसाठी अधिक ताकदीने काम करणार असून, संघटन वाढीसाठी सर्व कार्यकर्त्यांना सोबत घेऊन पुढे जाईन.”
दरम्यान, त्यांच्या निवडीमुळे यावल व चोपडा परिसरात पक्ष संघटनाला नवे बळ मिळणार असून आगामी काळात राजकीय घडामोडींना वेग येण्याची शक्यता व्यक्त केली जात आहे.
