प्रतिनिधी सचिन वाघे
वर्धा : जिल्ह्यात अंमली पदार्थांविरुद्ध कठोर कारवाईचे आदेश देण्यात आल्यानंतर स्थानिक गुन्हे शाखेने धडक मोहीम हाती घेतली आहे. या पार्श्वभूमीवर 18 एप्रिल रोजी हिंगणघाट उपविभागात गस्त घालत असताना पोलिसांना मिळालेल्या गुप्त माहितीच्या आधारे समुद्रपूर पोलीस ठाणे हद्दीतील मौजा कोरा येथे छापा टाकण्यात आला.hingnghatnews
या कारवाईदरम्यान कमलाकर चिंतामन वावधणे हा आरोपी गांजाची विक्री करताना रंगेहात पकडण्यात आला. पोलिसांनी घटनास्थळी पंचनामा करून आरोपीच्या ताब्यातून सुमारे 2 किलो 151 ग्रॅम गांजा, गांजाच्या वाहतुकीसाठी वापरण्यात आलेली पॅशन प्रो मोटारसायकल (क्र. MH 32 AM 1627) तसेच मोबाईल असा एकूण 1 लाख 34 हजार 775 रुपयांचा मुद्देमाल जप्त केला.wardhanews
या प्रकरणात आरोपीला गांजा पुरवठा करणारा शेख अलीम शेख रमजान (रा. आदर्श नगर, नागपूर) याचाही समावेश असून, दोघांविरुद्ध समुद्रपूर पोलीस ठाण्यात एनडीपीएस कायद्यान्वये गुन्हा नोंद करण्यात आला आहे.
Crimenews /ही कारवाई जिल्हा पोलीस अधीक्षक सौरभ कुमार अग्रवाल व अपर पोलीस अधीक्षक सदाशिव वाघमारे यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद चौधरी यांच्या नेतृत्वात पथकाने यशस्वीपणे पार पाडली.
