रक्षाबंधनाच्या निमित्ताने बहिणीला आणि तिच्या तीन मुलांना घेऊन आपल्या गावी परतणाऱ्या कुटुंबावर काळाने घाला घातला आहे. संग्रामपूर तालुक्यातील टुणकी–लाडनापूर मार्गावर दूध डेअरीजवळ भीषण अपघात झाला.
या अपघातात एका चिमुकल्याचा आणि त्याच्या आईचा दुर्दैवी मृत्यू झाल्याची माहिती आहे, तर इतर जखमींवर उपचार सुरू आहेत.
मिळालेल्या माहितीनुसार, तेल्हारा तालुक्यातील बुरवा येथील दुचाकीस्वार रक्षाबंधनानिमित्त मध्य प्रदेशातील जसौंदी येथे आपल्या बहिणीच्या घरी गेला होता. Brekingnews
बहिणीला आणि तिच्या तीन मुलांना सोबत घेऊन तो बुरवा गावाकडे परतत असताना संग्रामपूर तालुक्यातील लाडनापूर दूध डेअरीजवळ हा भीषण अपघात घडला. accidentnews
याचवेळी रेल्वे विभागाची महिंद्रा बोलेरो टुणकीकडून जळगावच्या दिशेने भरधाव वेगाने जात असल्याचे सांगण्यात येत आहे. बोलेरो आणि दुचाकीची जोरदार धडक झाली.
धडक एवढी भीषण होती की दुचाकी तब्बल २५ फूट अंतरावर फेकली गेल्याचे सांगण्यात येत आहे. अपघाताची तीव्रता एवढी होती की एका बालकाचे शरीर आणि शीर रस्त्यापासून अनुक्रमे सुमारे ३०० आणि ४०० फूट अंतरावर फेकले गेल्याची माहिती समोर आली आहे.
या भीषण अपघातात एका चिमुकल्याचा जागीच मृत्यू झाला, तर त्याच्या आईचाही मृत्यू झाल्याची प्राथमिक माहिती आहे. कुटुंबातील इतर जखमींना तातडीने उपचारासाठी रुग्णालयात दाखल करण्यात आले आहे.boloroapghat
रक्षाबंधनाच्या आनंदाच्या दिवशी बहिणीला घेऊन घरी परतणाऱ्या कुटुंबावर अचानक दुःखाचा डोंगर कोसळल्याने परिसरात हळहळ व्यक्त होत आहे.baikaccdent
दरम्यान, या अपघाताची माहिती मिळताच संबंधित यंत्रणा घटनास्थळी दाखल झाली. अपघात नेमका कोणत्या कारणामुळे झाला, बोलेरोचा वेग किती होता आणि या घटनेला कोण जबाबदार आहे, याचा तपास संबंधित पोलीस करत आहेत.
AccidentNews/संग्रामपूर तालुक्यातील टुणकी–लाडनापूर मार्गावरील या भीषण अपघातामुळे पुन्हा एकदा भरधाव वाहनांच्या वेगाचा आणि रस्त्यावरील सुरक्षेचा प्रश्न ऐरणीवर आला आहे.
