जावेद शहा. बुलढाणा प्रतिनिधी
buldhana:दि. 20 ऑक्टोबर वर्षभरापूर्वी आज रोजी देशातील पहिले शहिद अग्नीविर जवान अक्षय लक्ष्मण गवते यांना विरमरण आले होते. आज त्यांच्या शहीद दिनानिमित्त पिंपळगाव सराई गावाचे वतीने पुण्यस्मरण व रक्तदान कार्यक्रमाचे आयोजन करण्यात आले होते.
प्रसंगी परिसरातील बहुसंख्य युवक-युवती व नागरीकांनी रक्तदान करुन वेगळ्या प्रकारे शहीद जवान अक्षय गवते यास आदरांजली वाहिली. प्रचंड प्रमाणात या रक्तदान शिबीराचे प्रतीसाद मिळाला.
पिकविम्यापासून वंचित असलेल्या शेतकऱ्यांना तात्काळ विमा द्या…(Ravikanttupkar)
यातून एकप्रकारे विर शहीद जवान अक्षय च्या रुपाने अनेकांना जिवनदान मिळणार आहे. यावेळी सर्वंच गावकरी अगदी तन-मन-धनाने एकत्र येऊन शहीद जवानाप्रती आदरभाव व्यक्त करतांना दिसले.
तसेच या पुण्यस्मरण दिनानिमित्त सायंकाळी ह.भ.प. कु. कांचन ताई शिवनंदन शेळके यांचे जाहीर किर्तनाचा कार्यक्रम आयोजित करण्यात आला होता.
याप्रसंगीही गावकरी मोठ्या संख्येने उपस्थित होते. या भारतमातेच्या सुपुत्राने हि पिंपळगाव ची भुमी पवित्र केल्याची भावना गावकऱ्यांच्या मनोमनी होती.
या शहिद अग्नीविर जवानामुळे परिसरातील प्रत्येक तरुणांच्या मनात सैन्यात जाण्याचा अग्नी प्रज्वलित झाला हे विशेष! याप्रसंगी नायब सुभेदार युवराज गवते यांनी प्रतिक्रिया देतांना म्हटले की, गावकऱ्यांचे जेवढे आभार मानावे तेवढे कमीच आहे. एका शहीद देशबांधवासाठी ऐवढ्या आत्मियतेनं संपूर्ण गाव एकत्र येऊन जी होईल ती मदत करत आहे. वाट्याला येईल ते काम करत आहे.
बातमी लाईव्ह पाहण्यासाठी येथे क्लिक करा
आज खरोखर अस वाटतंय की अक्षय आज तुझ्या आत्म्याला खरोखर शांती मिळेल, आणि जर माझ्यावर किंवा दुसऱ्या एखाद्या फौजी वर अशी वेळ आली तर एवढं प्रेम, आदर पाहून आत्म्याला नक्कीचं शांती मिळेल. तसेच गावकऱ्यांच्या मनात फौजी बद्दल जी आत्मीयता आहे ती आज दिसून आली. पुन्हा एकदा खूप खूप आभार मानतो. अशा शब्दांत नायब सुबेदार युवराज गवते यांनी प्रतिक्रिया दिली.
buldhana:प्रसंगी एकच नारा घुमला अमर रहे, अमर रहे, शाहिद जवान अक्षय गवते अमर रहे!यावेळी परिसरातील बरेच युवक- यूवती, मान्यवरांनी उपस्थिती दाखवली व नागरीकांनीही आदरांजली वाहिली.
