प्रतिनिधी सचिन वाघे
हिंगणघाट :- उपविभागीय पोलीस अधिकारी कार्यालयाच्या गुन्हे प्रकटीकरण पथकाने केलेल्या कारवाईत दोन आरोपींना मॅफेड्रॉनसह अटक करण्यात आली असून एकूण ₹1,93,560/- किमतीचा मुद्देमाल जप्त करण्यात आला आहे.
पो.उपनि. हरीहर सोनकुसरे व त्यांच्या पथकातील अधिकारी पेट्रोलिंग करीत असताना गोपनीय माहितीच्या आधारे समजले की केतन कृष्णा देशपांडे (वय 20, रा. यशवंत नगर, हिंगणघाट) हा मॅफेड्रॉन नावाचा अंमली पदार्थ विक्रीसाठी घेऊन येत आहे. माहितीच्या आधारे, विशाल मॅगी पॉइंट, सर्व्हिस रोड, हिंगणघाट येथे सापळा रचण्यात आला.
त्यावेळी मोटारसायकलवरून आलेल्या दोन तरुणांना थांबवून त्यांची झडती घेतली असता, त्यांच्याकडून खालील मुद्देमाल जप्त करण्यात आला:
1. 10.13 ग्रॅम मॅफेड्रॉन (किंमत ₹18,560)
2. हिरो होंडा पॅशन प्रो मोटारसायकल (MH-32-H-5791) – ₹20,000
3. Apple कंपनीचे दोन आयफोन – ₹1,55,000
एकूण जप्त मुद्देमाल: ₹1,93,560/-
आरोपींची नावे पुढीलप्रमाणे आहेत:
केतन कृष्णा देशपांडे, वय 20, रा. यशवंत नगर, हिंगणघाट
प्रियांश रवी येणकोतकर, वय 19, रा. पोथरा कॉलनी, हिंगणघाट
ही कारवाई मा. पोलीस अधीक्षक अनुराग जैन, अप्पर पोलीस अधीक्षक सदाशीव वाघमारे, उपविभागीय पोलीस अधिकारी सुशीलकुमार नायक व पोलीस निरीक्षक अनिल राऊत यांच्या मार्गदर्शनाखाली करण्यात आली.
कारवाईत खालील पोलीस अधिकारी व कर्मचारी सहभागी होते:policenews
Crimenews /पो.ह. अश्विन सुखदेवे, चेतन पिसे, राहुल साठे, सतीश घवघवे, उमेश लडके, रवी घाटुर्ले, अनंता हराळ, दीपक मस्के, भारत बुटलेकर, राकेश इतवारे, प्रशांत ठोंबरे, राजेश शेंडे, आशिष नेवारे, मंगेश वाघमारे, रोहित साठे.
सदर गुन्ह्याचा पुढील तपास पोउपनि संगीता हेलोडे करीत आहे
