शेगांव: इस्माईल शेख(प्रतिनिधी):

२५ डिसेंबर २०२२: सद्गुरू माता सुदीक्षा जी महाराज यांच्या पावन आशीर्वादाने शाखा शेगांव तर्फे संत निरंकारी चॅरिटेबल फाउंडेशन द्वारे रक्तदान शिबिराचे आयोजन करण्यात आले.

या शिबिरामध्ये संत निरंकारी मिशनचे ७५ श्रद्धाळू भक्त तथा सेवादारांनी निस्वार्थ भावानी रक्तदान केले. रक्त संकलनाकरिता उपजिल्हा रुग्णालय शेगाव व जिल्हा स्त्री रुग्णालय अकोला येथील डॉक्टर चमू उपस्थित होती.

या शिबिराचे उदघाटन आ.समाधान सोनवणे तहसीलदार शेगाव यांचे शुभ हस्ते करण्यात आले त्यांनी रक्तदान करिता येणाऱ्या रक्तदात्यांना प्रोत्साहन दिले आणि मानाव कल्याणकरिता रक्तदानाची जी सेवा करीत आहेत त्यांची प्रशंसा केली.

याव्यतिरिक्त श्री संतोषजी शेगोकार संयोजक तथा ज्ञानप्रचरक जिल्हा बुलडाणा जी यांच्याद्वारे रक्तदान शिबिरामध्ये आलेले गनमान्य अतिथी सी.आर .मिटकरी, सुलताने पतंजली योगपीठ साहित डॉक्टर व त्यांची चमू तथा रक्तदात्यांचे आभार व्यक्त केले. ते पुढे म्हणाले मिशन कडून प्रथम रक्तदान शिबिराचे आयोजन दिल्ली येथे नोव्हेंबर १९८६ मध्ये वार्षिक निरंकारी संत समागमाच्या निमित्ताने केले होते त्यावेळेस बाबा हरदेवसिंगजींनी या शिबिराचे उदघाटन केले

आणि मानवतेला हा संदेश दिला की रक्त नालीमध्ये नाही नाडीमध्ये वाहायला पाहिजे.संत निरंकारी मिशनचे सेवादार हा संदेश चरितार्थ घेऊन दिवसरात्र मानवमात्रांची सेवेमध्ये तत्पर आहेत. जनकल्याणाकरिता निस्वार्थी भावाने निरंतर सेवेत कार्यरत आहेत

संत निरंकारी मिशन हे मानवकल्याणाकरिता वेळोवेळी सेवेमध्ये कार्यरत आहेत की ज्यामध्ये मानवतेचा विकास होईल. यामध्ये मुख्यतः स्वच्छता अभियान, वृक्षारोपण, विनामूल्य आरोग्य निदान शिबीर, नेत्र शिबिर, नैसर्गिक आपत्ती मध्ये जरूरतमंदाना सहायता केली जाते. या सर्व सेवांकरिता राज्य सरकार कडून वेळोवेळी मिशनची प्रशंसा केली जाते आणि सन्मानित केले जाते.

सदर रक्तदान शिबिर हे या वर्षामधील दुसरे रक्तदान शिबीर आहे. प्रथम रक्तदान शिबीरामध्ये ८५ पिशव्या रक्तदान शिबिर झाले आहे.

शेगाव  अर्जून कराळे

अध्यक्षपदी सचिन कडूकार

शेगाव (प्रतिनिधी) : मराठी पत्रकार परिषद संलग्नित डीजीटल मिडीया परिषदेची शेगाव तालुका कार्यकारिणी गठीत बुलढाणा जिल्हा पत्रकार संघाचे अध्यक्ष चंद्रकांत बर्दे यांनी जाहिर केली.

यात शेगाव तालुकाध्यक्ष पदी सचिन कडूकार यांची निवड करण्यात आली आहे.

तसेच उर्वरित कार्यकारणीत उपाध्यक्ष अर्जुन कराळे,रवि शेगोकार,सचिव लक्ष्मण कान्हेरकर,सहसचिव सुरज देशमुख,कोषाध्यक्ष उमेश राजगुरे,संघटक श्रीकांत कलोरे,सुभाष वाकोडे,प्रसिध्दी प्रमुख प्रशांत खत्री, सहसंघटक सागर सिरसाट,सदस्य देवचंद्र सम्दुर,ईस्माईल शेख, ज्ञानेश्वर कुकडे व सल्लागार अनिल उंबरकार,राजेश चौधरी,नंदकिशोर कुळकर्णी,नारायण दाभाडे,श्रीधर ढगे,उमेश सिरसाट यांचा समावेश आहे.

बुलढाणा येथील जिल्हा पत्रकार भवनमध्ये मराठी पत्रकार परिषदेचे राज्य उपाध्यक्ष राजेंद्र काळे यांच्या उपस्थितीत जिल्हाध्यक्ष चंद्रकांत बर्दे यांनी शेगाव तालुका डिजीटल मिडिया परिषद ची कार्यकारिणी जाहिर केली.यावेळी जिल्हा कार्याध्यक्ष अजय बिल्लारी,सरचिटणीस संदिप शुक्ला,उपाध्यक्ष अनिल उंबरकर,शेगाव तालुका पत्रकार संघाचे अध्यक्ष धनराज ससाने,काशिम शेख,संदिप वानखडे,सुभाष लहाने आदीची उपस्थिती होती.

शेगाव  अर्जुन कराळे

बुलढाणा:
मराठी पत्रकार परिषदेशी संलग्नीत डिजीटल मिडीया परिषदेच्या शेगांव तालुका कार्यकारणीचा सत्कार, आधी बुलडाणा जिल्हा पत्रकार भवनात करण्यात आला, जिल्हा पत्रकार संघाच्या वतीने हा सत्कार झाला.

यानंतर समृध्दी महामार्गासाठी उपजिल्हाधिकारी दिनेश गिते यांनी केलेल्या कार्याबद्दल जिल्हा पत्रकार संघाच्या वतीने त्यांच्या दालनात त्यांचा सत्कार करण्यात आला.

अगदी सुरुवातीच्या काळात दिनेश गिते यांनी नायब तहसीलदार म्हणून शेगावला सेवा दिलेली असल्यामुळे, शेगावचे पत्रकार आल्याचे पाहून त्यांनी शेगाव डिजीटल कार्यकारणीचाही पुष्पगुच्छ देवून सत्कार केला.

यावेळी शेगाव विकास आराखड्यात तिथल्या स्थानिक पत्रकारांनी बजावलेल्या सकारात्मक भुमिकेमुळे काम करण्यास आनंद मिळाल्याचे प्रतिपादन निवासी उपजिल्हाधिकारी दिनेश गिते यांनी केले.

डिजीटल मिडीया परिषदेची पहिली कार्यकारिणी बुलडाणा जिल्ह्यात शेगाव तालुक्यात गठीत झाली. यावेळी सर्वानुमते अध्यक्ष म्हणून सचिन कडूकार यांची निवड करण्यात आली. तर त्यांच्यासोबत कार्यकारणीत उपाध्यक्ष अर्जून कराळे, नारायण दाभाडे, रवी शेगोकार, सुभाष वाकोडे, सागर शिरसाट, शेख ईस्माइल, सुरज देशमुख यांचा समावेश आहे.

या डिजीटल मिडीया कार्यकारणीचा सत्कार बुलडाणा जिल्हा पत्रकार भवनात जिल्हा पत्रकार संघाचे अध्यक्ष चंद्रकांत बर्दे, कार्याध्यक्ष अजय बिल्लारी, सरचिटणीस संदिप शुक्ला, सचिव शे.कासीम, ज्येष्ठ पत्रकार संजय मोहिते व राजेंद्र काळे, महाराष्ट्र राज्य पत्रकार संघाचे जिल्हाध्यक्ष प्रा.सुभाष लहाने, प्रसिध्दी प्रमुख संदिप वानखेडे आदींच्या हस्ते कर ण्यात आला.

समृध्दी महामार्गासाठी राज्य शासनाने गौरविल्याबद्दल निवासी उपजिल्हाधिकारी दिनेश गिते यांचा सत्कार बुलडाणा जिल्हा पत्रकार संघाच्या वतीने करण्यात आला. यावेळी पत्रकार संघाच्या पदाधिकाऱ्यांसह शेगाव तालुका डिजीटल मिडीया परिषदेचे पदाधिकारी व पत्रकार प्रामुख्याने उपस्थित होते.

यावेळी ज्येष्ठ पत्रकार राजेंद्र काळे, जिल्हा पत्रकार संघाचे अध्यक्ष चंद्रकांत बर्दे, कार्याध्यक्ष अजय बिल्लारी, सरचिटणीस संदिप शुक्ला, शेख कासीम, जिल्हा पत्रकार संघाचे उपाध्यक्ष अनिल अंबरकार, धनराज ससाने, तथा शेगांव तालुक्यातील सचिन कडूकार, अर्जून कराळे, रवी शेगोकार, सुभाष वाकोडे, सागर शिरसाट, नारायण दाभाडे, शेख ईस्माइल, सुरज देशमुख यांचेसह अनेक पत्रकार उपस्थित होते.

शेगाव  इस्माईल शेख

शेगाव – राष्ट्रवादी काँग्रेस पक्षाचे आमदार जयंत पाटील यांच्याकडून हिवाळी अधिवेशनात विधानसभेचे अध्यक्ष बाबत अपशब्द वापरले यामुळे राजकीय वातावरण चांगलेच तापले होते.

विरोधी पक्ष नेते अजित दादा पवार यांनी या वक्ता याबाबत दिलगिरी व्यक्त केली. परंतु हिवाळी अधिवेशन संपेपर्यंत जयंत पाटील यांना निलंबित करण्यात आलं.परंतू थोर महापुरुषांच्या या सरकारकडून वारंवार अपमान होत आहे.

तरीसुद्धा प्रस्थापित शासन याच्यावर दुर्लक्ष करून सर्व निवेदन तसेच आंदोलनाची बाजू भिजती ठेवत आहे. या शासनाचे निर्ज्यपणा मुळे सर्वसामान्यांची कोंडी होत आहे. राष्ट्रवादी काँग्रेस हा पक्ष संसदीय मर्यादा व परंपरा पाळणारा पक्ष आहे.

पण तरीही सभागृहात जनतेच्या प्रश्नांवर विरोधकांना बोलू दिले जात नाही.त्यांचा आवाज दडपला जातो.विरोधी पक्षनेते अजितदादा पवार हे सातत्याने विनंती करीत असतानादेखील विधानसभा अध्यक्षांनी ऐकले नाही.

अश्या सामाजिक,राजकीय महाराष्ट्राची आधुनिकतेची समृद्धीची बाजू राष्ट्रवादी काँग्रेस पक्षाकडून सतत संसदेत, असो वा सामाजिक पातळीवर असो, न्यायाची बाजू मांडण्याचा प्रयत्न पक्ष सदैव करीत असतो. परंतु वारंवार शासनाच्या हुकूमशाहीमुळे पक्षांच्या नेत्यांवर टीका करून महाराष्ट्राचे राजकारण गढूळ होत आहे.

असा आरोप शिंदे सरकारवर राष्ट्रवादी काँग्रेस पक्षाच्या वतीने करण्यात आला. सरकारचा निषेध म्हणून आज दिनांक 22 डिसेंबर 2022 रोजी
शेगाव शहर राष्ट्रवादी काँग्रेस तर्फे छत्रपती शिवाजी महाराज चौक शेगाव येथे महाराष्ट्राचा आवाज दाबण्याचा प्रयत्न करणार्‍या सरकारचा धिक्कार असो… निर्लज्ज सरकारचा, निर्लज्जपणाचा कहर… जयंत पाटीलसाहेब तुम आगे बढो हम तुम्हारे साथ है…अशा घोषणा देत .

जयंतराव पाटील यांच्या समर्थनार्थ शिंदे सरकारचा निषेध करत या सरकारचा करायचं काय खाली डोकं वर पाय अशा शब्दात रोष व्यक्त करण्यात आला.

शहराध्यक्ष दिनेश साळुंखे शैलेश पटोकार, गणेश पिसे, संतोष शेगोकार,रवींद्र भिरडे, राजू काठोळे, राहुल वाघमारे,सरफराज खान, अन्साद खान, अहमद खान, कृष्णा देशमुख, बाळू टावरे, पवन नामदास, शौकाब खान, इमाम भाई,गजानन हुसे, सागर डांबरे इत्यादी राष्ट्रवादी काँग्रेस पक्षाचे कार्यकर्ते व पदाधिकारी उपस्थित होते.