प्रतिनिधी अशोक भाकरे

मोरझाडी:पोलीस स्टेशन उरळ ठाणेदार अनंतराव वडतकर साहेब यांना आज दिनांक 19/12/22 रोजी सकाळी 10/30 वाजता
दरम्यान गुप्त बातमीदारा कडून माहिती मिळाली की एक इसम त्याचे मोटरसायकलवर ग्राम लोहाराकडून निंबा फाटाकडे अवैधरित्या दारूची वाहतूक करणार आहे तात्काळ पोलीस स्टाफ सोबत घेऊन निंबा फाटा येथे पोहोचून मिळालेल्या बातमीप्रमाणे संशयित मोटरसायकल चालक नामे उमेश विष्णू भालेराव वय 32 वर्षे राहणार जुना अंदुरा ताब्यात घेऊन त्याच्याकडून कॉलेज बॅग मध्ये McDowell’s no.1, 180 ml 24 बॉटल्स, imperial blue 14 बॉटल्स अशी एकूण 5940 रुपयाची इंग्लिश दारू व टीव्हीएस कंपनीची अपाची गाडी क्रमांक MH30 z 4917 किंमत अंदाजे 50,000/- असा एकूण मुद्देमाल 50,940/- आरोपीकडून जप्त करून आरोपी विरुद्ध महाराष्ट्र दारूबंदी कायदा कलम 65 प्रमाणे गुन्हा दाखल करण्यात आला आहे कार्यवाही करणारे पथक ठाणेदार अनंतराव वडतकर, पोलीस अंमलदार पद्मसिंग बैस ,सुनील सपकाळ, कांताराम तांबडे

मातंग समाज समन्वय समिती महाराष्ट्र राज्य
सिंदी रेल्वे ता.२० : शहरातील सुप्रसिद्ध समाजसेवक तथा काग्रेस कार्यकर्ते गजानन खंडाळे यांची मातंग समाज समन्वय समिती महाराष्ट्र राज्य च्या वर्धा जिल्हाध्यक्षपदी सर्वानुमते नुकतीच नियुक्ती करण्यात आली.

मातंग समाज समन्वय समिती महाराष्ट्र राज्य संघटनेचे संस्थापक अध्यक्ष संजय बोदडे आणि महासचिव विजय सोनोने यांनी सर्वानुमते गजानन खंडाळे यांची निवड केली.

आपल्या निवडीबद्दल गजानन खंडाळे यांनी मातंग समाज समन्वय समिती महाराष्ट्र राज्य च्या सर्व पदाधिकाऱ्यांचे आभार मानले. असुन आपण समाजाच्या उत्थानासाठी स्वतःला यापुढे वाहुन घेऊ असे आश्वस्त केले.

सिंदी रेल्वे सारख्या छोट्या शहरातुन जिल्हाध्यक्षपदी निवड झालेल्या गजानन खंडाळे यांचे सर्व स्तरातून तसेच मातंग समाज बांधवा कडुन अभिनंदन होत आहे.

यावल विकी वानखेडे  

यावल तहसील कार्यालयात कर्मचार्‍यांना साहित्याचे वितरण करण्यात आले. आठ ग्रामपंचायतीच्या 35 बुथमध्ये रविवारी सकाळी साडेसात ते सायंकाळी साडेपाच या वेळेत मतदान होईल.

सरपंच पदाकरीता 28 तर 52 सदस्य पदाकरीता 136 उमेदवार रींगणात असून सोमवारी तहसील कार्यालयात मतमोजणी होईल.

या ग्रामपंचायतीसाठी निवडणूक यावल तालुक्यातील चिखली बुद्रुक, कासारखेडा, न्हावी, चुंचाळे, पिळोदा बुद्रुक, पाडळसे, चिखली खुर्द व चितोडा या आठ ग्रामपंचायतीसाठी निवडणूक होत आहे.

या निवडणुकीत पिळोदा बुद्रुक ग्रामपंचायत लोकनियुक्त सरपंचासह सात ग्रामपंचायतीमधून 26 सदस्य माघारीत बिनविरोध ठरले होते तर उर्वरीत सात ग्रामपंचायतीत लोकनियुक्त सरपंच पदाकरीता 28 तर 52 सदस्यापदाकरीता 136 उमेदवार रींगणात आहेत.

आठ ग्रामपंचायतीत रविवारी सकाळी साडेसात ते सायंकाळी साडेपाच या वेळेत मतदान होईल.

सोमवारी हाती येणार निकाल निवडणुकीसाठी तहसीलदार महेश पवार, निवासी नायब तहसीलदार संतोष विनंते, निवडणूक नायब तहसीलदार आर.डी.पाटील यांच्या मार्गदर्शनाखाली निवडणूक निर्णय अधिकारी हनीफ तडवी, बबीता चौधरी, एस.एल. पाटील, सचिन जगताप, एन.पी.वैराळकर, एम.पी.देवरे, शेखर तडवी आदी लक्ष ठेवून आहेत. दरम्यान, सोमवार, 19 रोजी सकाळी 10 वाजेपासून तहसील कार्यालयात मतमोजणीला सुरवात होईल.

कायदा व सुव्यवस्था अबाधित राहण्यासाठी यावलचे पोलिस निरीक्षक राकेश मानगावकर यांच्या मार्गदर्शनाखाली स्थानिक पोलिसांसह राज्य राखीव दलाची तुकडी बंदोबस्तासाठी नेमण्यात आली आहे

यावल तालुका( प्रतिनिधी) विकी वानखेडे

यावल : तालुक्यातील बोरावल बुद्रुक शेत शिवारामध्ये निंदणी करत असतांना महिलेचा गावठी बनावटीचा हात बॉम्बला स्पर्श होताच तो फुटल्याने या घटनेत महिला गंभीर जखमी झाली.

ही धक्कादायक घटना शुक्रवारी दुपारी घडली. जखमी महिलेवर यावल ग्रामीण रुग्णालयात प्रथमोपचार करून तिला जळगावी हलवण्यात आले.

रानडुकरांच्या शिकारीच्या उद्देशाने फासेपारधींनी हातबॉम्ब शेतात पुरल्याचा संशय आहे.

55 वर्षीय महिला गंभीर बोरावल बुद्रुक, ता.यावल या शिवारात तापी नदीच्या किनारी नरेश लक्ष्मण जावळे (रा.राजोरा) या शेतकर्‍याचे शेत असून या शेतात त्यांनी हरभरा पेरणी केली आहे.

शुक्रवारी या हरभर्‍याच्या शेतात महिला मजुर निंदणी करीत असताना बेबाबाई पंडित सोनवणे (55, रा.राजोरा) या महिलेला एक गोळा आढळला व महिलेच्या स्पर्शाने छेडछाडदरम्यान गोळ्याचा विस्फोट होवून त्यात बेबाबाई सोनवणे यांच्या डाव्या हाताला जबर दुखापत झाली.

या अपघातात त्यांच्या हाताची दोन बोटं तुटली आहेत. ब्लास्टनंतर शेतातील मजुरी करणार्‍या महिला या सैरावैरा पळाल्या.
महिलेची प्रकृती गंभीर शेतकरी नरेश जावळे यांनी जखमी अवस्थेतील महिलेला तातडीने तेथून यावल ग्रामीण रुग्णालयामध्ये उपचारार्थ दाखल केले.

वैद्यकीय अधिकारी डॉ.शिवदास चव्हाण, अधिपपरीचारीका मनीषा धांडे, नेपाली भोळे, सुमन राऊत, अमोल अडकमोल आदींनी त्यांच्यावर प्रथमोपचार केले व त्यांना तातडीने पुढील उपचारार्थ जळगाव जिल्हा शासकीय वैद्यकीय महाविद्यालयाच्या रुग्णालयात हलवले.

घटनेची माहिती मिळताच पोलिस निरिक्षक राकेश मानगावकर, उपनिरीक्षक प्रदीप बोरूडे पथकासह घटनास्थळी दाखल झाले.

शिकारीच्या उद्देशाने लावले असतील हात बॉम्ब
शेतासह परीसरात फासेपारधींकडून रानडुकरांच्या शिकारीसाठी अशा पद्धतीने गावठी बनावटीचे हात बॉम्ब बनवून जमिनीत पुरले जातात.

शेत मशागतीत हा बॉम्ब जमिनीत गाढला गेल्याचा अंदाज असून महिलेने त्यास स्पर्श करून छेछाड केल्याने त्याचा ब्लास्ट झाल्याचे शेतकरी नरेश भंगाळे म्हणाल