बातमीदार ऋषिकेश सुरवसे उमरगा

उमरगा प्रतिनिधी -: रविवारी दुपारनंतर उमरगा शहरात धुवाधार पावसाने हजेरी लावली पावसाचा जोर प्रचंड असल्याने रविवारच्या आठवडी बाजाराचा पुरता बोजवारा उडाला. रस्त्यावर चिखल, पाणी साचल्यामुळे बाजारात पालेभाज्या फळे विक्रेत्यांसह व्यापारी, ग्राहकांची पावसामुळे अक्षरशः तारांबळ उडाल्याचे चित्र दिसून आले.

मागील आठवड्यापासून सुरू असलेल्या सततच्या पावसामुळे जनजीवन विस्कळित झाले आहे. त्यांतच उमरगा शहरात रविवारी मोठा आठवडी बाजारात भरत असतो.

उमरगा तालुक्यातील पंधरा ते पंचवीस गावातील पालेभाज्या, फळे, विक्रेते, व्यापारी, नागरिक खरेदी विक्रीसाठी उमरगा तालुक्याला येत असतात. परंतु याचं रविवारच्या दिवशी दुपारनंतर धुवाधार पावसाने आठवडी बाजारात हजेरी लावली.

Bajarnews/पावसाचा जोर इतका प्रचंड होता की, काही क्षणात आठवडी बाजार रस्त्यावर पाणी साचल्यामुळे पसारा आवरता आवरता बाजाकरूंची मोठी तारांबळ उडाल्यामुळे आठवडी बाजाराचा पावसाने पुरता बोजवारा उडाला आहे.

मागण्या मान्य न झाल्यास शिवसेना स्टाईलने आंदोलन करण्याचा इशारा
—————
बातमीदार ऋषिकेश सुरवसे, उमरगा

उमरगा प्रतिनिधी -: उमरगा-लोहारा तालुका सरसकट ओला दुष्काळ जाहीर करावा, बाधित शेतकऱ्यांना प्रति एकरी ५० हजार रुपये मदत द्यावी, तसेच रब्बी हंगामासाठी मोफत बियाणे व खत उपलब्ध करून द्यावे, अशा मागणीचे निवेदन उपविभागीय अधिकारी कार्यालयामार्फत शुक्रवारी (दि१९) रोजी जिल्हाधिकाऱ्यांना निवेदन देण्यात आले.

उपविभागीय अधिकारी कार्यालयामार्फत जिल्हाधिकारी यांना देण्यात आलेल्या निवेदनात म्हटले आहे की, उमरगा-लोहारा तालुक्यात सतत झालेल्या पावसामुळे खरीप पिकांचे मोठ्या प्रमाणात नुकसान झाले असून, सध्याच्या परिस्थितीत शेतकऱ्याची आर्थिक अडचण अत्यंत गंभीर झाली असून शेती उत्पादनावर आधारित शेतकऱ्यांचे उपजीविकेवर संकट आले आहे.

तसेच शासनाने यांचा सहानभुतीपूर्वक विचार करून तातडीने ओला दुष्काळ घोषित करून बांधित शेतकऱ्यांना एकरी पन्नास हजार रुपये इतकी मदत जाहीर करण्यात यावे, आणि शेतकऱ्यांच्या पुढील रब्बी हंगामासाठी मोफत बियाणे व खत उपलब्ध करून देण्यात यावे. अशी मागणी निवेदनातून करण्यात आली आहे.

अन्यथा मागण्या मान्य न झाल्यास शेतकरी सेना उबाठा पक्षाच्या वतीने शिवसेना स्टाईलने तीव्र आंदोलन करण्यात येईल असा इशारा निवेदनाच्या शेवटी देण्यात आला आहे.

Shivshenanews/यावेळी, जिल्हा प्रमुख शेतकरी सेना विजयकुमार नागणे, तालुका अध्यक्ष शेतकरी सेना विजयकुमार तळभोगे, मा.नगराध्यक्ष रझाक आत्तार, उपतालुकाप्रमुख सुधाकर पाटील, मा.सभापती रणधीर पवार, जेष्ठ शिवसैनिक महावीर आण्णा कोराळे, तालुका सोशल मीडिया प्रमुख दत्ता शिंदे यांच्यासह डी.के. माने, राजेंद्र समाने, अप्पाराव गायकवाड, संगमेश्वर स्वामी, धीरज बेळमकर, संतोष कलशेट्टी, संतोष जाधव, तानाजी जाधव, पवन त्रिमुखे, आदिनाथ काळे, विजय गायकवाड, अभिषेक स्वामी, आकाश गायकवाड, सगर उमशेट्टी, सदाशिव पाटील, जयराम चव्हाण, बिराजदार श्रीकर, रवी बडोरे, मल्लिकार्जुन बिराजदार, रमेश पवार, आकाश शर्मा, शहाजी गायकवाड, पंडित माशाळे, विशाल गायकवाड, मारुती थोरे, अण्णाराव माने, शिवाजी गायकवाड, सिद्धराम हत्तरगे, निकेश मारेकर, विलास माने, प्रकाश बेळंबे, सदाशिव भातागळीकर, शंभूलिंग स्वामी, हरी मदने आदी पदाधिकारी व शिवसैनिक मोठ्या संख्येने उपस्थित होते.

बातमीदार ऋषिकेश सुरवसे

उमरगा प्रतिनिधी -: येथील बालविकास प्राथमिक विद्यामंदिरात (दि.१७)रोजी मराठवाडा मुक्ती संग्राम दिन उत्साहात साजरा करण्यात आला. कार्यक्रमाच्या अध्यक्षस्थानी संस्थेचे अध्यक्ष संजीवकुमार सोनकवडे उपस्थित होते. कार्यक्रमाच्या सुरुवातीला महापुरुषाच्या प्रतिमेचे पूजन पांडुरंग काळे व दिलीप कुलकर्णी यांच्या हस्ते करण्यात आले.

तर ध्वजारोहण शाळेच्या मुख्याध्यापिका अनिता कावळे यांनी केले. विद्यार्थ्यांनी मराठवाडा मुक्ती संग्राम दिनाच्या निमित्ताने भाषणे, देशभक्तीपर गीत सादर केले. कार्यक्रमाचे सूत्रसंचालन श्रीमती श्रद्धा पुजारी यांनी केले.

Dharashivnews/तर आभार प्रदर्शन मोनिका नदीवाडे यांनी मानले. कार्यक्रम यशस्वी करण्यासाठी शिक्षिका अश्विनी भोरे, पल्लवी मुटले, शबाना मुल्ला शिक्षक अक्षय राठोड व आकाश कटकधोंड यांनी कार्यक्रम यशस्वीतेसाठी परिश्रम घेतले.यावेळी शिक्षक, विद्यार्थी, व पालक मोठ्या संख्येने उपस्थित होते.

उमरगा : धाराशिव जिल्ह्यात अतिवृष्टीच्या निकषाप्रमाणे पंचनामे पुर्ण करुण शेतकऱ्यांना सरसकट अतिवृष्टीची तातडीची मदत देण्यात यावी . या मागणीचे निवेदन कृषिमंत्री ना दत्ता मामा भरणे यांना राष्ट्रवादीचे प्रदेश उपाध्यक्ष प्रा . सुरेश दाजी बिराजदार यांनी दि.१७ रोजी मुंबई येथे दिले आहे .

देण्यात आलेल्या निवेदनात म्हंटले आहे की, ऑगस्ट महिन्यामध्ये धाराशिव जिल्ह्यातील ४२ महसूल मंडळापैकी २२ महसूल मंडळामध्ये अतिवृष्टी झाल्याची नोंद आहे .तसेच सप्टेंबर महिन्यामध्ये आज अखेर आठ महसूल मंडळामध्ये अतिवृष्टी झालेली आहे .असे असताना प्रत्यक्षात मात्र धाराशिव जिल्ह्यातील अनेक पर्जन्यमापक यंत्रे नादुरुस्त किंवा खराब झालेली आहेत. यामुळे चुकीच्या पर्जन्याची नोंद होत आहे. व त्यामुळे अनेक महसुल मंडळे अतिवृष्टीतुन वंचीत राहत आहेत. वास्तव परीस्थिती पाहता सर्वत्र मोठ्या प्रमाणात पाऊस व नुकसान झालेला आहे.

Loharanews /परंतु ऑगस्ट महिन्यामध्ये सरासरीपेक्षा दीडशे टक्के पेक्षा जास्त पावसाची नोंद असल्यामुळे काढणीस आलेले सोयाबीन,उडीद ,तुर इत्यादी पिकांचे अतोनात नुकसान झालेले आहे तरी ही बाब विचारात घेऊन यंत्रणेस पंचनामे करण्याचे आदेश व्हावे व धाराशीव जिल्ह्यातील शेतकऱ्यांना तातडीची सरसकट नुकसान भरपाई मिळावी असे निवेदनात म्हटले आहे .

बातमीदार ऋषिकेश सुरवसे

उमरगा :जिल्हा परिषद धाराशिव आरोग्य विभाग यांच्या वतीने येणेगुर प्राथमिक आरोग्य केंद्र अंतर्गत जेकेकूर आरोग्य उपकेंद्र येथे दि . १८ रोजी स्वस्थ नारी सशक्त परिवार अभियान राबविण्यात आले .

या आरोग्य शिबिराचे उद्घाटन सरपंच अनिल बिराजदार व वैद्यकीय अधिकारी डॉ . ऋतुजा साळुंखे यांच्या हस्ते धन्वंतरी पूजनाने करण्यात आले .
यावेळी चेतन गायकवाड ,रहमान जमादार,रामभाऊ समाने ,
,लियाकतबी पटेल , डॉ हरुण मुजावर ,दीपमाला देवळकर ,आरोग्य सेविका सोनाली सगर ,संतोष बिराजदार आदींची प्रमुख उपस्थिती होती .

स्वस्थ नारी सशक्त परिवार अभियान जिल्हा परिषद आरोग्य विभागाच्या वतीने जेकेकूर येथे घेण्यात आलेल्या महिला आरोग्य तपासणी शिबिरात १२५ महिलांची तपासणी करण्यात आली .या अंतर्गत विविध कर्करोग ,क्षयरोग’ ,गरोदर माता तपासणी ,लहान बालकांची तपासणी ,रक्त तपासणी ,कुष्ठरोग तपासणी ,यासह रक्तदाब , मधुमेह ,विविध आजारावरील तपासण्या करण्यात आल्या व औषधोपचार देण्यात आले .आयुष्मान कार्डही यावेळी काढण्यात आले .कार्यक्रमाचे प्रास्ताविक डॉ . ऋतुजा साळुंखे यांनी केले तर सूत्रसंचालन संजय बिराजदार यांनी केले .डॉ . हरून मुजावर यांनी आभार व्यक्त केले .

Dharashivnews /यावेळी नागनाथ जाधव,मेघराज देशमुख ,सरोजा बिराजदार, रंजना जांभळे, शितल जाधव,सुनिता सोनकांबळे, विश्वरूपा रेड्डी, सुवर्णा स्वामी , अंगणवाडी कार्यकर्त्या कमल दुलंगे, अनिता कांबळे इत्यादी सह गावातील महिला रुग्ण मोठ्या संख्येने उपस्थित होत्या .

बातमीदार ऋषिकेश सुरवसे

उमरगा प्रतिनिधी -: लोहारा तालुक्यातील होळी येथील जिल्हा परिषद शाळेत बुधवारी (दि.१७) रोजी मराठवाडा मुक्ती संग्राम दिनानिमित्त मुख्याध्यापक देविदास पावशेरे यांच्या हस्ते ध्वजारोहण झाले. कार्यक्रमाच्या अध्यक्षस्थानी संतोष चव्हाण होते .

यावेळी शालेय समिती उपाध्यक्ष विनोद गायकवाड , सेवानिवृत्त शिक्षक श्नी. जाधव ,सुतार पाटील, एस.जी.मठपती, योगराज सांडूर ,राहूल स्वामी ,माधुरी कुलकर्णी, रेखा बाभळसुरे आदींची उपस्थिती होती. विद्यार्थ्यांची भाषणे झाली.

Loharanews/प्रास्ताविक मनोज स्वामी यांनी तर वनराज सूर्यवंशी यांनी सूत्रसंचालन करून आभार मांडले.