सचिन वाघे जिल्हा प्रतिनिधी

हिंगणघाट:- १८ ऑक्टो
माजी आमदार प्रा.राजू तिमांडे यांची जिल्हाधिकारी कडे मागणी.
अतिवृष्टीमुळे शेतकऱ्यांच्या झालेल्या पिकांचे नुकसान भरपाई म्हणून सरकारने ०३ हेक्टर पर्यंत जाहीर केलेली मदत न दिल्याबाबत तसेच सरकारने शेतकऱ्याला घोषित केलेली अतिवृष्टीची मदत बँक ऑफ इंडिया हिंगणघाट व इतर शाखांनी पीक कर्जाच्या लोनमध्ये कपात करत असल्याबाबत माजी आमदार प्रा.राजू तिमांडे यांनी तहसील कार्यालयावर शेतकऱ्यांचा मोर्चा नेत जिल्हाधिकारी यांना उपविभागीय अधिकारी मार्फत निवेदन देण्यात आले. त्यावेळी शेतकऱ्यांच्या वतीने रोष व्यक्त करण्यात आला.
खरिपाच्या हंगामात जुलै महिन्याच्या सुरुवातीपासून ऑक्टोबर महिन्याच्या आज मिती पर्यंत सततधार पावसामुळे शेतकऱ्यांच्या शेतातील पिके जळाली. अतिवृष्टीमुळे नदी नाल्याचे पाणी शेतात साचल्यामुळे शेती खरडून गेली आणि काही शेतकऱ्यांच्या शेतात गाळ साचून पिके नष्ट झाली. त्यामुळे शेतकरी अंधकारमय चाकोरीतून वाटचाल करीत आहे.
सरकारने शेतकऱ्यांच्या झालेल्या पिकाचे नुकसानीचा आढावा घेऊन ०३ हेक्टर पर्यंत मदत जाहीर केली परंतु वेळा येथील पटवारी श्री.कपूर यांनी शेतकऱ्यांच्या खात्यावर ०३ हेक्टरची मदत दाखविली नाही त्यामुळे ज्यांच्याकडे १० एकर,१५ एकर,२० एकर,२९ एकर जमीन अतिवृष्टीमुळे पिके नष्ट झाली त्यांना ०१ हेक्टर पर्यंत १३ हजार रुपयाची सरकारकडून जमा झाली. तर काहींना फक्त ०८ हजार १६० रुपये खात्यात जमा झाली.
अशाप्रकारे वेळा येथील पटवारी श्री.कपूर यांनी शेतकऱ्यांना सरकारच्या मदतीपासून वंचित ठेवून सरकारची लफ्तरे वेशीवर टांगली आहे. तरी त्वरित सर्वे करून शेतकऱ्यांना घोषित केलेली सरकारची हक्काची मदत देण्यात यावी तसेच संबंधित पटवाऱ्याने शासकीय कामात दुर्लक्ष केले त्यांच्यावर कारवाई करण्यात यावी.
तसेच काजळसरा येथील शेतकरी चोखाराम डफ यांना १७ एकर ७४ आर शेती असताना फक्त ०२ हेक्टरची मदत खात्यात जमा झाली. अशा अनेक शेतकरी या निष्काळजीपणामुळे मदतीपासून वंचित आहे.त्या गावला सौ.ढोक मॅडम या पटवारी असून त्यांनी सुद्धा सर्वे करून शेतकऱ्याला ०३ हेक्टर पर्यंत मदत दाखविली नाही त्यामुळे शेतकऱ्यांना पूर्ण मदत झाली नाही.
तसेच बँक ऑफ इंडिया हिंगणघाट शाखेने काजळसरा येथील शेतकरी चोखाराम डफ व इतर शेतकऱ्यांची मदत पीक कर्जात कापून सरकारचे नियम धाब्यावर ठेवले आहे. तरी संबंधितावर कारवाई करण्यात यावी अशी मागणी माजी आमदार प्रा.राजू तिमांडे यांनी निवेदनाद्वारे केली आहे. त्यावेळी नुकसानग्रस्त शेतकरी गुणवंत कामडी, सतीश सायंकार, चोखाराम डफ, वामन वरघणे, नागो भुते,सुभाष शेंडे, शंकर भुते,नारायण लोणकर, सुरेश नखाते ,बंडूजी वाघमारे, बादशहाराव नखाते,नामदेव लोणकर,रुपेश तळवेकर, नारायण नखाते,प्रवीण आत्राम, मधुकर गायकवाड,शोभा सायंकार,कृष्णा बोरकर,अभिलाष कामडी, सिद्धेश सायंकार,सुजल शेंडे,देवा शेंडे आदि शेतकरी मोठ्या संख्येने उपस्थित होते.

सचिन वाघे प्रतिनिधी

हिंगणघाट :- बिडकर वार्ड येथील सामाजिक कार्यकर्ते अरविंन्द कवडूजी झाडे वय 37 वर्ष याचे हुदय विकाराच्या झटक्याने निधन झाले. त्याचे मागे पत्नि ,आई , 1भाऊ ,5 बहिनी वाढदिवसाच्या दिवशी मुत्यू झाला . त्याच्या या अचानक कमी वयात निधन झाल्यामुळे परिसरातील लोकांना हळहळ वाटत आहे. त्यांचा अतिम संस्कार वनामोक्ष धाम गाडगेबाबा पुलाजवळ परिसरातील लोक, नातेवाईक, समाज बांधव मोठ्या प्रमाणात उपस्थितित होते. शोकसभा घेऊन सामाजिक कार्यकर्ते अरविंन्द झाडे याचे जिवन कार्यावर प्रकाश टाकला या शोक सभेला लोजपाचे जिल्हा अध्यक्ष केशव तितरे, माजी नप सभापती अनिल भोंगाडे ,देवा कुबडे, श्रीधरराव हुडे, चाहत्यानी शोक सवेदना व्यक्त करून मुक श्रध्दांजली अर्पण केली.

@ गोर गरीब जनतेचा सरकारला प्रश्र

शासनाने मोठा गाजावाजा करीत गोरगरीब जनतेला दिवाळीला १०० रुपयात धान्याची किट देण्याचे जाहीर केले आहे. मात्र दिवाळी ४ ते ५ दिवसांवर येऊन ठेपली असतांना अद्यापही स्वस्त धान्य दुकानातून धान्याची किट वितरीत केली जात नसल्याने शासन दिवाळीनंतर किट देणार काय ? असा प्रश्न गोरगरीब जनता उपस्थित करीत आहे

शासनाने वृत्तपत्रे आणि टि व्ही चॅनल्सद्वारे, मोठा गाजावाजा करीत दिवाळी निमित्त, एक किलो रवा, एक किलो चना दाळ, एक किलो साखर आणि एक किलो पामतेल या वस्तु शंभर रुपयात देण्याचे जाहीर केले आहे. मात्र दिवाळी अवघ्या चार ते पाच दिवसावर येऊन ठेपली असतांना अध्यापही स्वस्त धान्य दुकानातून गोरगरीबांची व निराधारांची दिवाळी गोड करण्याकरीता जाहिर केलेली किट वाटप केली जात नसल्याने, सदर किट दिवाळी झाल्यावर मिळणार की काय? अश्या प्रश्नाचा भाडीमार जनता करीत असल्याचे दिसत आहे. तसेच दरमहा मिळणारे नियमित धान्य आणि प्रधानमंत्री गरीब अन्य योजने अंतर्गत मिळणारे मोफत धान्य यांचेही वाटप चालू झाले नसल्याने. त्यामुळे हे धान्य सुद्धा दिवाळी झाल्यावर मिळणार की काय? असा प्रश्न जनता उपस्थित करीत आहे.

सचिन वाघे जिल्हा प्रतिनिधी

गिरड :- दि.16 ऑक्टोंबर
मृतक सौ. वृंदा बाबाराव गुंडे वय 55 वर्ष ही तिचे पती सोबत मौजा, आर्वी शेत शिवारातील त्यांचे मालकीचे शेतातील निंदनाचे कामा करिता गेली असता, अंदाजे संध्याकाळी 4 ते 5 दरम्यान तिचे पती दुसऱ्या शेतात बैलाला चारत असताना मृतक ही
शेतात निंदन करीत असताना त्यावेळेस जंगली रानडुकरानी मृतकाच्या अंगावर हमला केला ,जागेवर तिचे पती आले असताना मृतक ही ठार झालेली दिसली. व आजूबाजूला प्राण्याचे पायाचे निशाण व जंगली रान डुकर दिसला . पुढील तपास गिरड पोलीस करीत आहे

यावल, ( प्रतिनिधी )विकी वानखेडे

येथे शहरात विनापरवाना वाळू वाहतूक करणारे डंपर येथील महसूल विभागाने जप्त केले होते. ते डंपर आज पहाटे तीन च्या सुमारास चोरून नेल्याचा प्रकार उघडकीस आला आहे. या प्रकरणी येथील पोलिसात चार जणांविरुद्ध गुन्हा दाखल करण्यात आला आहे. महसूल विभागाच्या फिर्यादीवरून हा गुन्हा दाखल झाला आहे.

येथे शहरात डंपर क्रमांक (एमएच १९ -८६५६) या डंपर मधून वाळू वाहतूक करीत असताना येथील महसूल विभागाच्या पथकाने सदर वाहन जप्त करून, तहसील कार्यालयाच्या आवारात लावले होते. गुरुवार (ता.१३) पहाटे तीन ते सहा वाजेच्या दरम्यान गणेश गंगाराम कोळी ( रा. ममुराबाद), संदीप आधार सोळंके (रा. कोळन्हावी ता.यावल) यांच्यासह इतर दोघांनी तहसील कार्यालयाच्या आवाराचे बंद गेट तोडून आत प्रवेश करत सहा लाख रुपये किमतीचे वाळूचे डंपर चोरून नेले. अशा आशयाची फिर्याद तहसील कार्यालयातील महसूल सहाय्यक अधिकारी दीपक बाविस्कर यांनी येथील पोलिसात दिली आहे. संशयित गणेश कोळी, संदीप सोळुंके यांचे सह इतर दोन असे चौघांवर गुन्हा दाखल करण्यात आला आहे. पुढील तपास पोलीस उपनिरीक्षक सुनिता कोळपकर या करीत आहेत.

सचिन वाघे जिल्हा प्रतिनिधी

हिंगणघाट :- 14 ऑक्टोंबर
हिंगणबाट बचाव समिती, सामाजिक संस्था, व्यापारी संघटना कडून प्रशासन व शासनाकडून होत असलेले दुर्लक्ष बाबत , मा. उपविभागीय अधिकारी यांना निवेदनातून केली मागणी सध्या शहरात खालील विषयाकडे आज लक्ष देण्याची गरज आहे.
1)किडन्यापिंग चे प्रयत्न पाहता शहरातील बंद असलेले सी. सी .टीव्ही.कॅमेरे त्यरित चालू करण्यात यावे.
२) शहरातील बाल वयातील मुले व्यसनाधीत होत असल्यामुळे गांजा. दारू, नशेच्या गोळया या सारखे अवैध धंधे बंद करण्यात यावे.
३) शहरात दामिनी (चार्ली) पथक स्थापन करून सुसाट बाईक चालविन्यावर कार्यवाही करण्यात यावी.
अधिकारी यांना आठ दिवसात या समस्या निकाली काढा ? अन्यथा तीव्र आंदोलनाचा इशारा यावेळी दिला. श्री. सतीश मासाळ (तहसीलदार) यांनी येत्या मंगळवारी (ता.18 ऑक्टोंबर मंगळवार ला या विषयावर सर्व अधिकारी आणि सामाजिक क्षेत्रातील नागरिकांची सभा घेवून हा विषय निकाली काढण्याचे आश्वासन आंदोलनकर्त्यांना दिले.

यावल ( प्रतिनिधी )विकी वानखेडे

तालुक्यातील अंजाळे गावातील लग्न घटकाजवळ आलेल्या तरूणी आपल्या घरात गळफास घेवुन आत्महत्या केल्याची दुदैवी घटना उघडकीस आली आहे सदर तरूणी असा प्रसंगी आत्महत्या केल्याने गावात शोककळा पसरली असुन , याबाबत यावल पोलीस स्टेशन मध्ये अक्समात मृत्युची नोंद करण्यात आली आहे . या संदर्भात पोलीस सुत्रांकडुन मिळालेली सविस्तर माहीती अशी की , मिनल निवृत्ती भागवत क्य२३ वर्ष राहणार नविन प्लाट क्षेत्र अंजाळे तालुका यावल या तरुणीने दिनांक १५ आक्टोबर २o२२ रोजी सकाळी १oवाजेच्या पुर्वी आपल्या राहत्या घरातील छ्ताच्या लोखंडी पाईपला ओढणीने गळफास घेवुन आत्महत्या केल्याची घटनासमोर आली आहे . या बाबत मयत तरूणीचे वडील निवृत्ती किसन भागवत क्य५८ वर्ष यांनी खबर दिल्याने यावल पोलीस स्टेशनमध्ये अ.मृ .र ६५ / २०२२ प्रमाणे अक्समात मृत्युची नोंद करण्यात आली असुन , घटनेचा तपास पोलीस निरिक्षक राकेश मानगावकर यांच्या मार्गदर्शनाखाली पोलीस नाईक संदीप सुर्यवंशी हे करीत आहे . सदरच्या आत्महत्या केलेल्या तरुणीचे लग्न जुळले होते व विवाह दिवाळी नंतर होणार होता अशी माहीती मिळत आहे त्यामुळे विवाहची वेळ जवळ आली असता तरुणीने आत्मह्त्वा का केली असावी असा प्रश्न उपस्थित होते . दरम्यान मयत तरूणीचे मृतदेह यावलच्या ग्रामीण रूग्णालयात शवविच्छेदन वैद्यकीय अधिकारी डॉ . राजेश पवन जैन यांनी केली