हिंगणघाट पोलीस स्टेशन चे पोलीस निरीक्षक यांना निवेदनाद्वारे करण्यात आली कारवाई करण्याची मागणी

हिंगणघाट:- मलक नईम

शहरातील गुरुनानक वार्ड येथील सुप्रसिद्ध श्री सिंध गणेश मंडळ मागील १६ वर्षा पासून सार्वजनिक गणेश उत्सव मोठ्या उत्साहात साजरा करीत आहे मात्र दोन दिवसा अगोदर या मंडळात हुक्का पार्टी सुरू असल्याची दुसऱ्या जागेवरील व्हिडिओ या मंडळाशी जोडून खोटी बातमी पसरवल्याने सदर मंडळाची बदनामी केल्याचा आरोप करीत मंडळाचे पदाधिकारी तसेच बजरंग दल समवेत शहरातील सामाजिक कार्यकर्ते यांनी पोलीस स्टेशन हिंगणघाट चे पोलीस निरीक्षक यांना निवेदनाद्वारे चुकीची बातमी पसरवणाऱ्यांवर कडक कारवाई करण्याची मागणी करण्यात आली आहे यावेळी मंडळाचे अध्यक्ष मुकेश उदासी,उपाध्यक्ष विक्की तकतानी,लखन पाखरानी,राहुल मोटवानी,बजरंग दलचे तालुका अध्यक्ष दीपक शर्मा,उपाध्यक्ष प्रशांत तिवारी,सामाजिक कार्यकर्ते दिनेश वर्मा,संजय माडे,नगरसेवक सोनू गवळी समवेत मंडळाचे आदी सदस्य उपस्थित होते.

आदिवासी दुर्गम बहुल भाग म्हणून ओळखल्या जाणारा जळगाव (जा) तालुका मुख्यत्वे करून या भागातील नागरिक जास्तीत जास्त शासकीय आरोग्य यंत्रणेवर अवलंबून आहेत. तसेच आरोग्य कर्मचाऱ्या अभावी रुग्णांनाची हेळसांड होत असून
प्रा.आरोग्य केंद्रांमध्ये मनुष्यबळाची कमतरता भासू नये.

गेले कित्येक वर्षापासून पिंपळगाव काळे प्रा.आ.केंद्र, जामोद प्रा.आ.केंद्र, मडाखेड प्रा.आ.केंद्र ह्या तीन केंद्रांवर “सहाय्यक परिचारिका मिडवाइफरी”(ANM) ची पदे रिक्त आहेत.

खलील प्रमाणे रिक्त असलेली (ANM) पदे

पिंपळगाव काळे प्रा.आ.केंद्र
एकूण पदे-6
भरलेली पदे-1
रिक्त पदे – 5

जामोद प्रा.आ.केंद्र
एकूण पदे-6
भरलेली पदे-1
रिक्त पदे – 5

मडाखेड प्रा.आ.केंद्र
एकूण पदे-6
भरलेली पदे-2
रिक्त पदे – 4

रिक्त असलेली पदे तात्काळ भरण्यात यावी
या करिता जळगाव (जा) तालुका वैद्यकीय अधिकारी “सौ श्रीमती पाटील मॅडम” यांच्याशी चर्चा करून निवेदन देण्यात आले…

-आपला सेवक
-प्रकाश विठ्ठलराव भिसे
-संस्थापक अध्यक्ष-सारथी फाउंडेशन

यावल ( प्रतिनिधी ) विकी वानखेडे

तालुक्यातील हिंगोणा ग्राम पंचायतचे ग्रामसेवक आणी ग्रामपंचायत सदस्य यांनी केलेल्या डिजीटल स्वाक्षरी प्रमाणपत्रावर ( डीएससी ) चे ई -टेंडरचा गैरवापर करून आदीवासी महिला सरपंच यांना धमकी देत मानसिक छळ करून खंडणी मागणाऱ्यांवर आदीवासी विशेष कायद्या अंतर्गत चौकशी करून संबधीतांवर गुन्हे दाखल करण्यात यावे अशा मागणीचे तक्रार संदर्भातील निवेदन आदीवासी तडवी भिल्ल एकता मंच, महाराष्ट्रच्या वतीने राज्याचे अध्यक्ष एम बी तडवी यांनी मुख्यमंत्री एकनाथराव शिंदे, उपमुख्यमंत्री देवेन्द्र फडणवीस यांच्यासह यावल पंचायत समितीचे सहाय्यक गटविकास अधिकारी किशोर सपकाळे यांना देण्यात आले आहे . या संदर्भात दिलेल्या तक्रार निवेदनात आदीवासी तडवी भिल्ल एकता मंच , महाराष्ट्र प्रदेश अध्यक्ष एम बी तडवी यांनी म्हटले आहे की हिंगोणा तालुका यावल या ग्रामपंचायतीवर आदीवासी तडवी समाजाची महीला सौ रूखसाना फिरोज तडवी या सरपंचपदाचा कारभार सांभाळत आहेत . ग्रामपंचायतच्या कार्यक्षेत्रातील विकास कामे ही पारदर्शी व्हावी याची जबाबदारी सरपंच आणी ग्रामसेवक यांची असते परंतु हिंगोणा गांवातील विकासकामे ही ठराविक किंवा ठरलेल्या एकच व मर्जीतील ठेकेदार यांच्या वतीने होत असल्याचे सरपंच सौ .रूखसाना तडवी यांचे म्हणणे असुन , संबधीत कामांच्या कार्यपद्धती बद्दल सरपंच यांनी ग्रामसेवक यांना डीएससी गैरवापर होत असल्याबाबत च्या सुचना दिल्या असतांना ग्रामसेवक आर टी बाविस्कर यांनी या गंभीर विषयाकडे टाळाटाळ करीत दुर्लक्ष केते . हिंगोणा ग्रामपंचायत अंतर्गत दलीत वस्ती योजनेची कामे मंजुर असुन ,या कामांची ई – टेंडर प्रक्रीया करणे करिता सरपंच यांची डीएससी ची आवश्वता असते , असे असतांना ग्रामसेवक यांनी टेंडर प्रक्रीयेत घोळ करून बेकाद्याशिररित्या ठरावीक किंवा ठरलेल्या एकच ठेकेदारास लाखो रुपयांची बांधकाम भ्रष्ठाचार करण्याच्या हेतुने दिली आहे . असा प्रकारची लाखो रुपयांची बेकाद्याशीर कामे करून सरपंच यांच्यावर डीएससी मिळवण्यासाठी वरिष्ठांकडे खोटया तक्रारी करून तसेच काही गुन्हेगार वृत्तीची ठेकेदार मंडळी यांनी या आधीच ईतर ग्रामपंचायतींच्या घेतलेल्या कामांची विशेष पोलीस पथकाच्या माध्यमातुन चौकशी करण्यात यावी असे तक्रार निवेदनात म्हटले असुन , महाराष्ट्र शासन ग्रामविकास विभाग यांचे दिनांक २७ मे२०१५ रोजीचे शासन निर्णय क्रं. निविदा २०१४ / प्र . क्र .२६० / परा-७नुसार ई – निविदा प्रणाली नियमानुसार ग्रामसेवक आर टी बाविस्कर हे ई – टेंडर करीत नसुन बेवसाईटवर बांधकामाची निविदा प्रक्रीया करण्यासाठी ग्रामसेवक हा सरपंच यांची डीएससीचा बेकायद्याशीर पद्धतीने गैरवापर करून बांधकाम टेंडर हे शासनच्या ई – टेंडर बेवसाईटवर काही वेळेसाठी फ्लेस करतात व त्यानंतर हिड करतात व ते काम असे करीत असतांना सदरचे काम बद्दलची माहिती ऑनलाईन ईतरांना दिसत नसल्याने ईतर ठेकेदारांना टेंडर भरता येत नाही अशा प्रकारे ग्रामसेवक यांच्या व काही स्वार्थी मंडळींच्या संगनमतांने हा सर्व घोळ आपल्या मर्जीतील ठेकेदाराच्या पदरात बांधकाम पाडत असतात , या सर्व प्रकारामुळे ईतर होतकरू सुशिक्षीत बेरोजगार अभियंता यांना संधी मिळत नसत्याचे चित्र निर्माण झाले आहे . या सर्व प्रकरणाची वरिष्ठ पातळीवर तात्काळ चौकशी करण्यात येवुन कायद्या दुरुपयोग करून आदीवासी समाजातील महिला सरपंच यांना आर्थिक स्वार्थासाठी धमकी देवुन मानसिक छड करणारे शासकीय अधिकारी व या प्रकरणात सहभागी असलेल्यांवर गुन्हे दाखल करण्यात यावे अशी मागणी निवेदनाद्वारे आदीवासी तडवी भिल्ल एकता मंचचे प्रदेश अध्यक्ष एम बी तडवी यांच्या नेतृत्वाखाली तालुका अध्यक्ष सरदार बलदार तडवी व आदीवासी समाजातील असंख्प महीलांच्या वतीने देण्यात आले असुन तसे न झाल्यास संघटनेच्या वतीने तिव्र आदोंलन छेडले जाईल असा ईशारा देण्यात आला आहे .

सचिन वाघे प्रतिनिधी

हिंगणघाट पोलीस स्टेशन संपर्क दूरध्वनी नंबर हा अनेक दिवसापासून बंद आहे. अनेकदा फोन लावून सुद्धा फोन लागत नाही अशी जनसामान्यातून माहिती मिळाली. सध्या पोळा, गणेश उत्सव, दुर्गा उत्सव, धम्म चक्र परिवर्तन ,दशहरा असे अनेक कार्यक्रम हिंगणघाट व ग्रामीण भागात होत असतात. अशा वेळेस काही घटना घडल्यास जनतेने संपर्क कुठे करायचा असा प्रश्न निर्माण झाला आहे ?
कोणतीही घटना घडल्यास सर्वप्रथम पोलीस स्टेशन मध्ये संपर्क करण्यात येतो, परंतु सध्या हिंगणघाट पोलीस स्टेशन चा नंबर हा बंद आहे. हिंगणघाट पोलीस स्टेशन दूरध्वनी नंबर हा अनेक दिवसापासून बंद असल्यामुळे कदाचित बिल भरले नसल्यामुळे कनेक्शन बंद करण्यात तर आले नाही ? वरिष्ठांकडून याकडे लक्ष देण्याची गरज आहे .

सचिन वाघे प्रतिनिधी

हिंगणघाट नगर परिषद हद्दितील झाडे / वृक्ष धोकादायक स्थितीत असल्यास किंवा धोकादायक झाडाच्या फांदया तोडावयाच्या असल्यास नागरीकांनी तसा रितसर अर्ज / झाडांचा फोटो सह नगर परिषद कार्यालयात सादर करावा. आपण सादर केलेला अर्ज महाराष्ट्र (नागरी क्षेत्र) झाडांचे संरक्षण व जतन अधिनियम १९७५ अन्वये हिंगणघाट नगर परिषदेमध्ये नियुक्त वृक्ष प्राधिकरण समितीची सभेसमोर ठेवण्यात येईल. वृक्ष प्राधिकरण समितीच्या मान्यतेनंतर त्वरीत निर्णय घेवुन निकाली काढणे तसेच अवैध वृक्ष तोडीवर महाराष्ट्र (नागरी क्षेत्र) झाडांचे संरक्षण व जतन अधिनियम १९७५ मधील तरतूदीनुसार दंड आकारण्यात येईल. याबाबत कडक कारवाई करण्यात येईल.
शहरातील वृक्ष संवर्धनाकरीता असलेल्या सामाजिक संस्था यांचा शहर हिरवेगार करण्याकरीता तसेच पर्यावरण पुरक उपक्रम राबविण्याकरीता सहभाग घेवून पुढील कार्यवाही करण्यात येईल असे आवाहन नगर परिषदेतर्फे करण्यात येत आहे.

विठ्ठल अवताडे बुलढाणा जिल्हा प्रतिनिधि

विदर्भाची पंढरी म्हणून ओळख असणारे संत नगरी शेगाव श्री गजानन महाराज संस्थान मध्ये आज श्रींचा ११२ वा ऋषीपंचमी उत्सव साजरा करण्यात आला या निमित्त विदर्भासह संपूर्ण महाराष्ट्रातील विविध भागातून भकांच्या पैदल दिंड्यांचे संत नगरीत आगमन झाले असून २८ तारखे पासून श्री गजानन महाराज संस्थानचे वतीने कार्यक्रम आणि महायज्ञ सुरू होते.

आज शहरातून राजवैभवात दुपारी २ वाजता गज अश्व मेना टाळमृदंग गजरात नगर परीक्रमा निघाली या वेळी शहरात विविध ठिकाणी भाविकांनी महाप्रसादाचे आयोजन केले आहे तर येणाऱ्या सर्व पलख्यांची संस्थांचे वतीने वेवस्ता करण्यात येत असते ही परंपरा वर्षानुवर्ष सुरू आहे कोरोणा नंतर या वर्षी भाविकांमध्ये उत्साह असल्याचे दिसते