यावल ( प्रतिनिधी ) विकी वानखेडे

तालुक्यातील सावखेडा सिम येथे आदीवासी बांधवांचा सामूहीक विवाह सोहळा विविध क्षेत्रातील मान्यवरांच्या उपस्थित संपन्न झाला , या विवाह सोहळ्यात सहा आदीवासी विवाह ईच्छुकांचे शुभमंगल संपन्न झाले. यावल तालुक्यातील सावखेडा सिम येथील आदीवासी तरुणांच्या माध्यमातुन दिनांक ७ मे २०२२ शनीवार रोजी आयोजीत सामुहिक विवाह सोहळा आयोजीत करण्यात आला होता . या सामूहिक विवाह सोहळ्यात सहा आदीवासी जोडप्यांचे धर्म व पारंपारिक पद्धतीने विवाह लावण्यात आला यावेळी आमदार शिरीष चौधरी , रमेश चौधरी , शेखर पाटील , प्रभाकर सोनवणे आदी मान्यवरांच्या हस्ते वधुवरांना संसार उपयोगी भांडी व वस्तु भेट देण्यात आली . याप्रसंगी वधु वरांना शुभ आर्शिवाद देण्यासाठी यावल रावेर विधानसभा क्षेत्राचे आमदार शिरीष मधुकरराव चौधरी, माजी आमदार रमेश विठ्ठल चौधरी ,काँग्रेस कमेटीचे तालुका अध्यक्ष प्रभाकर अप्पा सोनवणे , संजय गांधी निराधार समितीचे तालुका अध्यक्ष व माजी पंचायत समिती सदस्य शेखर सोपान पाटील , जिल्हा परिषदच्या माजी सदस्या सविता भालेराव . माजी पंचायत समितीच्या सदस्या मिना राजु तडवी , यावल सार्वजनिक बांधकाम विभागाचे उपविभागीय अधिकारी जहाँगीर तडवी , ग्राम पंचायतच्या सदस्या नसिबा तडवी, माजी ग्राम पंचायत सदस्य उस्मान तडवी , फैजपुर मंडळ अधिकारी हानिफ तडवी, आदीवासी समाजाचे सामाजीक कार्यकर्ते सचिन तडवी यांच्यासह मोठया संख्येत समाजबांधव या सामुहिक विवाह सोहळ्यास उपस्थित होते . या सामुहिक विवाह सोहळयास यशस्वी करण्यासाठी ईगल ग्रुप, तडवी किंग ग्रुप, इंदीरा नगर बॉईज , सुखवस्ती ग्रुप , गुलाब नगर ग्रुप , पिएमसी क्रिकेट क्लब , लव किंग ग्रुप , मायकल वॉर्न क्रिकेट क्लब व सावखेडा सिम व परिसरातील आदीवासी तरूणांनी महत्वाचे परिश्नम घेतले .

राजूरेड्डी यांनी घडविले माणूसकीचे दर्शन

(चंद्रपूर घुग्घुस)प्रतिनिधी
रमेश सुध्दाला

घुग्गुस : येथील तिलक नगर निवासी अशोक कामपल्ली वय – 30 वर्ष हे नगर परिषदेत कंत्राटी पद्धतीने सफाईकर्मी म्हणुन कार्यरत आहे.

गेल्या चार – पाच दिवसांपूर्वी राजीव रतन चौक कडून सायकलने जात असता ट्रक खाली येवून अपघात घडला या अपघातात कांमपेल्ली यांचा एका पायाचा पूर्ण चुराडाच झाला
अपघातग्रस्त सफाईकर्मीला तातडीने सामान्य रुग्णालय चंद्रपूर येथे भरती केले मात्र रुग्णाची परिस्तिथी अत्यंत गंभीर असल्याने ट्रक मालकाने रुग्णाला डॉ. चेपुरकर यांच्या खाजगी रुग्णालयात दाखल केले.
रुग्ण हा सिकलसेल रुग्ण असल्याने त्यांच्या शरीरात रक्ताचा तूटवडा झाल्याने त्याला अती दक्षता विभागात ठेवण्यात आले.
गेल्या तीन चार दिवसात जवळपास एक लाख रुपये खर्च झाल्याने यापुढे आपण आर्थिक मदद देवु शकत नसल्याचे ट्रक मालकाने सांगितल्यावर कामपेल्ली कुटुंब संकटात सापडला.

सदर माहिती मिळताच राजुरेड्डी यांनी रुग्णालयात जावून रुग्णाची भेट घेतली व डॉक्टर कडून पूर्ण अंदाजित खर्चाचा आढावा घेतला असता दोन ते तीन लाख रुपये खर्च येणार असल्याचे माहिती मिळाली सदर कुटुंब अगदी गरीब असल्याने घरात खायलाच नाही तर उपचार कसा करायचा असा प्रश्न कांमपेल्ली यांच्या पत्नीला पडला असता काँग्रेस अध्यक्षाने कुटुंबाच्या सहमतीने सदर रुग्णाला दत्ता मेघे वर्धा येथे हलविण्याचा निर्णय घेतला चेपुरवार रुग्णालयाचे उपचार खर्च फेडून रुग्णवाहिका बोलवून रुग्णाच्या पत्नीला वीस हजार रुपये आर्थिक मदद दिली.

रेड्डी यांच्या सहयोगाने पीडित कुटुंबाच्या डोळ्यात अश्रू तरांगले आपल्या मददतीला देवदूतच धावून आल्याचे समाधान कामपेल्ली कुटुंबाने व्यक्त केले.
याप्रसंगी कामगार नेते सैय्यद अनवर व बालकिशन कुळसंगे उपस्थित होते.

घुग्घुस काँग्रेस तर्फे जन समस्यांचा आढावा

(चंद्रपूर घुग्घुस)प्रतिनिधी
रमेश सुध्दाला

घुग्घुस : शहरातील पारा सध्या 47 डिग्रीच्या जवळपास असून वाढत्या तापमानाने व भीषण उन्हामुळे नागरिक प्रचंड त्रस्त झालेले आहेत.

असे असताना शहरात सर्वत्र भीषण पाणी टंचाई निर्माण झाली असल्याने नागरिकांना अनेक संकटाना तोंड द्यावे लागत आहे.

शहरातील नागरिकांच्या मूलभूत गरजे मध्ये कूलरचा हा सर्वात महत्वपूर्ण घटक झालेला आहे.

या जीवघेण्या परिस्थितीत शहरात सर्वत्र पाणी टंचाई झाली असून नागरिकांना पिण्याचा पाणी ही मिळेनासा झाला आहे.

नागरिकांच्या समस्या लक्षात घेऊन आज दिनांक 07 मे रोजी
काँग्रेस अध्यक्ष राजूरेडडी कामगार नेते सैय्यद अनवर यांनी शास्त्री नगर भागाची पाहणी केली नागरिकांन तर्फे समस्या जाणून घेतल्या व समस्या निवारणासाठी वेकोलि अधिकाऱ्याला वॉर्डांत बोलावून संपूर्ण परिसरात फिरवून
समस्येशी अवगत करण्यात आले
व तातळीने समस्या निकाली काढण्याच्या सूचना देण्यात आले.

व नागरिकांना तत्काळ वॉटर टँकर द्वारे नागरिकांना पाणी उपलब्ध करून देण्यात आले

याप्रसंगी सौ. पुष्पा कणकम, अविनाश गोगुर्ले, बालकिशन कुळसंगे, व मोठ्या संख्येने परिसरातील नागरिक उपस्थित होते.

उषा पानसरे मूख्य कार्यकारी संपादक मो.9921400542
दिनाक 8 मे अमरावती

लातूर : प्रेस संपादक व पत्रकार सेवा संघ, महाराष्ट्र राज्य या संघाच्या सोलापूर जिल्हा पदाधिकाऱ्यांनी प्रेस संपादक व पत्रकार सेवा संघाच्या लातूर जिल्हा पदाधिकाऱ्यांची भेट घेऊन यथोचित सन्मान केला व राजर्षी शाहू महाराज यांच्या स्मृती शताब्दी निमित्त १०० सेकंद स्तब्ध उभे राहून आदरांजली वाहण्यात आली. यावेळी संस्थापक अध्यक्ष डी. टी. आंबेगावे यांनी पत्रकारांच्या कुटुंबियांना शैक्षणिक व आरोग्य सुविधा पुरविणार असून पत्रकारांच्या पाल्यांना शैक्षणिक संस्थामध्ये विविध प्रकारच्या सुविधा उपलब्ध करून देणार असल्याचे सांगितले. याप्रसंगी प्रेस संपादक व पत्रकार सेवा संघाच्या राज्य महिला अध्यक्षा डॉ. सुधाताई कांबळे, दैनिक साहित्य सम्राटचे मुख्य संपादक पंडीत हणमंते, संघटनेचे लातूर जिल्हाध्यक्ष लहुकुमार शिंदे, लातूर जिल्हा महिलाध्यक्षा वैशालीताई पाटील, लातूर जिल्हा प्रसिद्धी प्रमुख संतोष सोनवणे, जिल्हा संघटक संजय राजुळे तसेच प्रेस संपादक व पत्रकार सेवा संघाचे सोलापूर जिल्हाध्यक्ष सोमनाथ खंडागळे, महिला जिल्हाध्यक्षा आशाताई चांदणे, जिल्हा उपाध्यक्ष विजयाताई कर्णवर, जिल्हा सचिव प्रमिला जाधव, माढा तालुका अध्यक्ष कुंदन वजाळे, माढा तालुका उपाध्यक्ष सिद्धनाथ सावंत, करमाळा तालुका सचिव हर्षवर्धन गाडे, रमेश हणमंते, उत्तम फड, उषाताई भालेराव, प्रतिक्षा पिटले, आबासाहेब झिंजारे, सुरज मद्देवाद आदी पदाधिकारी उपस्थित होते.
यावेळी कार्यक्रमाच्या प्रास्ताविकात लहुकुमार शिंदे यांनी प्रेस संपादक व पत्रकार सेवा संघाच्या लातूर जिल्हा कार्याकरिणीने केलेल्या उत्कृष्ट कार्याचा उलगडा केला. राज्य महिला अध्यक्षा डॉ. सुधाताई कांबळे यांनी माझ्या माहेरच्या पदाधिकाऱ्यांनी लातूर येथे सासरी येऊन सन्मान केला. हा सन्मान मी विसरू शकणार नाही असे प्रतिपादन केले. दैनिक साहित्य सम्राटचे मुख्य संपादक पंडित हणमंते यांनी प्रेस संपादक व पत्रकार सेवा संघाचे कार्य महाराष्ट्रात अतिशय उत्कृष्ट कार्य करीत असून संघटनेच्या सर्व बातम्या दैनिक साहित्य सम्राटमधून कायम प्रसिद्ध करणार असल्याचा विश्वास दिला. सोलापूर जिल्हा महिला अध्यक्षा आशाताई चांदणे यांनी सोलापूर जिल्ह्यात अनेक महिला पत्रकार संघटनेत येण्यास इच्छुक असून वर्षभर विविध उपक्रम राबविणार असल्याचे सांगितले. तर लातूर जिल्हा महिला अध्यक्षा वैशालीताई पाटील यांनी संघटनेच्या माध्यमातून आम्ही पत्रकारांच्या कल्याणार्थ कायम लढणार असल्याचे सांगून उपस्थित सर्व पदाधिकाऱ्यांचे आभार मानले.
याप्रसंगी प्रेस संपादक व पत्रकार सेवा संघाचे लातूर व सोलापूर जिल्हा पदाधिकारी उपस्थित होते.

यावल ( प्रतिनिधी )विकी वानखेडे

शहरातील काजीपुरा वस्तीतील 21 वर्षीय तरुणावर तीन जणांनी तीक्ष्ण हत्याराने वार करून गंभीर जखमी केल्याची घटना गुरुवारी रात्री येथील भुसावल रस्त्यावरील पीर बाबा दर्ग्याजवळ घडली आहे. हा हल्ला त्याच परिसरात राहणाऱ्या एका विवाहीत महीलेशी असलेल्या प्रेम प्रकरणातून झाला असल्याचा कुटुंबीयांचा आरोप आहे

यावल शहरातील काजीपुरा वस्तीतील रहिवासी जावेद युनुस पटेल(वय२१ ) याचे एका विवाहित महिलेशी प्रेम संबंध होते दरम्यान फैजपूर येथील तीन जणांनी गुरुवारी रात्री दहा वाजेच्या सुमारास जावेद पटेल यास गोड बोलुन दुचाकीवर बसवून येथील भुसावल रस्त्यावरील घोडेपीर बाबा दर्ग्याजवळ आणत त्याचेवर तीन जणांनी चाकूने सपासप वार करून जिवघेणा हल्ला करीत त्यास गंभीर जखमी केले आहे. घटनास्थळावरून तीनही संशयित आरोपी फरार झाले दरम्यान मध्यरात्री दोन वाजेच्या सुमारास काही आदिवासींना जावेद जखमी अवस्थेत रस्त्यावर, पडलेला दिसून आल्याने त्यांनी तातडीने येथील ग्रामीण रुग्णालयात वैद्यकीय उपचारार्थ दाखल केले हा जिवघेणा हल्ला प्रेमप्रकरणातून झाला असल्याचा त्याच्या नातेवाईकांनी आरोप केला आहे घटनेची माहिती मिळाल्यानंतर विभागीय पोलिस अधीक्षक डॉ. कुणाल सोनवणे येथील पोलीस ठाण्याचे प्रभारी अधिकारी सहाय्यक पोलीस अधीक्षक आशित कांबळे यांनी घटनास्थळी भेट दिली आहे. याबाबत येथील पोलीस ठाण्यात गुन्हा नोंदवण्याचे काम सुरू आहे जखमीस रात्री जळगाव येथे सामान्य रुग्णालयात पुढील उपचारासाठी हलवण्यात आले आहे. या वेळी जखमींची प्रकृती चिंताजनक असल्याचे वृत्त आहे .