आरोपींना तीन दिवसांचा पी, सी, आर,
फसवणूक झालेल्यांनी समोर यावे.. शेख सईद, विदर्भ संपर्कप्रमुख आझाद हिंद शेतकरी संघटना.

बुलडाणा जिल्ह्यातील मलकापूर तालुक्यातील दाताळा येथील सीमा तायडे,व निर्मला पाटील यांनी दिनाक, 21/12/2021 रोजी जिल्हा अधिकारी कार्यालय बुलडाणा येथे उपोषण केले होते, त्यावेळी आझाद हिंद शेतकरी संघटनेचे राष्ट्रीय अध्यक्ष ऍड,सतीशचंद्र रोठे, विदर्भ संपर्क प्रमुख शेख सईद,शेख कदिर, जिल्हा उपाध्यक्ष सौ वर्षाताई ताठरकर, यांनाही तक्रार निवेदनाच्या देन्यात आले होते. सदर विनंती निवेदनावरून आझाद हिंद शेतकरी संघटनेच्या पदाधिकाऱ्यांनी जातीने लक्ष देऊन पाठपुरावा केला. त्यावेळी दिलेल्या निवेदनात नमूद केले की, वडनेर भोलजी येथील विजय गव्हाळ याने युवा शक्ती जागरण मंच,यासह विविध बनावट नावांनी जिल्हाभर महिला गटांची स्थापना केली. सदर गटातील महिलांना रोजगार व साहित्य मिळवून देण्याचे आश्वासन दिले, या आमिषाला बळी पडत जिल्ह्यातील लाखो महिलांनी करोडो रुपये जमा केले होते, परंतु रोजगार आणि वस्तू, साहित्य मिळाले नसल्याने फसवणूक केल्या प्रकरणी फसवणूक झालेल्या महिलांना सोबत घेऊन आझाद हिंद शेतकरी संघटनेच्या वतीने बुलढाणा जिल्ह्यातील मलकापूर, मोताळा, नांदुरा,शेगाव, अशा विविध पोलीस स्टेशनला विजय गव्हाळ विरोधात रीतसर एफ आय आर नोंदविन्यात आल्या. आझाद हिंद शेतकरी संघटना व आझाद हिंद महिला संघटनेच्या वतीने जिल्हाभर उपोषण आंदोलन करण्यात आले. गृह मंत्रालय पर्यंत सदर आंदोलनाची दखल घेण्यात आली त्यानुसार उच्चस्तरीय पोलिस यंत्रणा कार्यान्वित झाली.

तर जिल्ह्यात सर्वप्रथम नांदुरा पोलिस स्टेशन येथे फिर्यादी संकेत सोपान संभरे यांनी दिलेल्या तक्रारी नुसार नांदुरा पोलिसांनी आरोपी विजय गव्हाळ,शरद इंडोले,योगेश करंकर,शिवशंकर धूसर, व अधिक एक अश्या पाच आरोपी विरुद्ध अप,क,619/2020 नुसार कलम 420/ 468//34 भा,द,वी, नुसार गुन्हा दाखल करण्यात आला असून चार आरोपींना जेरबंद करण्यात आले, विजय गव्हाळ गेल्या दीड वर्षांपासून फरार होता हायकोर्टाने बेल नाकारली होती. विजय गव्हाळला जेरबंद करण्यात अखेर प्रथमता नांदुरा पोलिसांना यश प्राप्त झाले.
नांदुरा न्यायालयासमोर हजर केले असता विजय गव्हाळ ला न्यायालयाने 18/4/2022 ते 20/4/2022 पर्यंत तीन दिवसाचा पि,सी,आर, देण्यात आला. सदर गुन्ह्यात जिल्ह्यात व जिल्हा बाहेरही फसवणूक झालेल्या फिर्यादींची तर सदर गुन्ह्यात समाविष्ट असलेल्या सहभागीदार आरोपींची संख्याही वाढू शकते. करोडो रुपयांचे घबाळ समोर येन्याची दाट शक्यता पोलीस प्रशासनाने वर्तवली आहे.पुढील तपास नांदुरा पोलिस स्टेशन चे ठाणेदार भूषण गावंडे यांचे मार्गदर्शनाखाली सहाय्यक पोलीस निरीक्षक पी,डी,मानकर,तडवी,गायकवाड,राजपूत, निंबोलकर, वेरुळकर,हे करीत आहेत.

लाखो महिलांकडून प्रत्येकी अकराशे, दोन हजार,पाच हजार, तर काही ठिकाणी 50 हजार ,दोन लाख, पाच लाख अशीही रक्कम विविध वस्तू आणि योजनांच्या नावाखाली गंडवल्याचे आलेल्या तक्रारी घेऊन सिद्ध होत आहे. तर यामध्ये विविध कंपन्यांचे बनावट दस्त बनवून त्यावरही लुबाडणूक झाल्याचेही स्पष्ट झाले आहे. त्यानुसार तपासात आयपीसी कलम 467 सह विविध गंभीर गुन्हे आनखी दाखल होण्याची शक्यता आहे. जिल्ह्यातील फसवणूक झालेल्या सर्व नागरिकांनी समोर येण्याचे आवाहन आझाद हिंद शेतकरी संघटनेचे विदर्भ संपर्कप्रमुख शेख सईद शेख कदीर यांनी केले आहे.

दि 20 एप्रिल

हिंगणघाट :- मा. मुख्यमंत्री उद्धव ठाकरे मार्फत:उपविभागीय अधिकारी हिंगणघाट
वर्धा जिल्हा हा पत्रकारितेच्या क्षेत्रात ऐतिहासिक पार्श्वभूमी असलेला जिल्हा आहे. दिनांक १८ एप्रिल २०२२ रोजी वर्धा नागपूर मार्गावर उड्डाण पुलाजवळ पत्रकार रविंद्रजी कोटम्बकर यांच्यावर रात्री दरम्यान हल्ला झाला असल्याची माहिती मिळाली. अशा प्रकारचा हल्ला म्हणजे पत्रकारितेवर झालेला सर्वात मोठा आघात आहे.
आपल्या वर्तमान पत्रातून सतत सर्वसामान्य जनतेला न्याय मिळवून देण्याचा प्रयत्न पत्रकार सतत आपल्या लेखनीमधून करीत असतात. परंतु अशा प्रकारचे हल्ले करून पत्रकारिता क्षेत्रातील पत्रकारांचे खच्चीकरण करण्याचा प्रयत्न समाजकंटकांकडून होताना दिसून येत आहे. हिंगणघाट शहरातील सर्व वृत्तपत्र प्रतिनिधी तसेच पत्रकार या घटनेचा निषेध करीत आहेत.
या दुर्दवी घटनेत झालेला प्रकार गंभीर आहे. पत्रकार संरक्षण कायद्यानुसार पत्रकार बांधवांना मिळत असलेले कवच सैल होऊ नये यासाठी प्रयत्न होण्याची गरज आहे.
निवेदन देताना ज्येष्ठ पत्रकार रमेशजी लोंढेकर, अनिल कडू, इकबाल पहेलवान, सचिन वाघे कदीर बक्ष, शेख अब्दुलअमीन, शेख जावेद, प्रमोद जुमडे, सुधाकर बोरकर,मोहसीन खान, आकाश बोरीकर, गुरु मुखसिंग बावरा, जितेंद्र शेजवल निखिल ठाकरे, जाकीर भाई , अमोल झाडे, सचिन महाजन होते.
सूर्या मराठी न्यूज साठी सचिन वाघे वर्धा

शासन गरीब तर अधिकारी गब्बर होत आहेत. त्यामुळे आता या विषयाकडे परिवहन मंत्री अनिल परब (Anil Parab) लक्ष देतील काय, हाच प्रश्न वाहन चालक विचारत आहेत.
आरटीओचा देवरी चेकपोस्ट ठरला लुबाडणुकीचा अड्डा, परिवहन मंत्री लक्ष देतील का?

देवरी : महाराष्ट्र-छत्तीसगड सीमेवर असलेल्या गोंदिया (Gondia) जिल्ह्यातील देवरी(सीरपुर बाधं) आरटीओचा चेक पोस्ट येणाऱ्या-जाणाऱ्या वाहनचालकांच्या आर्थिक लुबाडणुकीचा अड्डा बनला आहे. येथील अधिकाऱ्यांना मेवा दिल्याशिवाय साधा ट्रकसुद्धा या चेक पोस्ट वरून पास होऊ शकत नाही. त्यासाठी येथे चक्क पंटरांची फौज कार्यान्वित झाली आहे. अधिकाऱ्यांच्या या खाऊ वृत्तीमुळे शासनाचा दररोज कोट्यवधींचा महसूल बुडत असून शासन गरीब तर अधिकारी गब्बर होत आहेत. त्यामुळे आता या विषयाकडे परिवहन मंत्री अनिल परब (Anil Parab) लक्ष देतील काय, हाच प्रश्न वाहन चालक विचारत आहेत.

आरटीओच्या (RTO) या चेक पोस्टवर नेमकं चालतं तरी काय, ते जाणून घेऊ या. कोट्यवधी रुपयांचा महसूल लुटणारे परिवहन विभागाचे चेक पोस्ट गोंदिया जिल्ह्यातील देवरी येथील आहे. हा चेक पोस्ट मुंबई- कोलकाता जाण्यासाठी महत्वाच्या मार्गावर असल्याने दररोज लाखोंच्या संख्येने वाहने या मार्गावरून वाहने जातात. मात्र महाराष्ट्रात (Maharashtra) प्रवेश करायचा असेल किंवा महाराष्ट्राच्या बाहेर जायचे असेल तर तुम्हाला आर्थिक मेवा दिल्याशिवाय जाता अथवा येता येत नाही. आता तुम्हाला प्रश्न पडला असेल की, तुमच्या वाहनाचे सर्व कागदपत्र बरोबर असले तरी तुमचे वाहन का थांबविले गेले. तर तुम्ही जो पर्यंत परिवहन अधिकाऱ्यांना 50 रुपयांपासून ते 1000 रुपयांपर्यंत चिरीमिरी देत नाही, तो पर्यंत तुमचे वाहन पास होणार नाही.
तुमच्यावर कायद्याचा धाक दाखवून काहीतरी कारवाई केली जाणार, हे मात्र निश्चित. यासाठी येथे एक-दोन नव्हे तर पंटरांची अख्खी फौज कार्यान्वित केली गेली आहे. त्यामुळेच चेक पोस्ट सर्व नियमांची पूर्तता केल्यावरही ही अधिकाऱ्यांच्या बनावटी चेक पोस्ट वर पैशाची देन दिल्यानंतर तुमचे वाहन पास होते, असा आरोप येथील ट्रक चालक करतात. त्यामुळे चेक पोस्टवर अवजड वाहनांच्या रांगाच रांगा लागलेल्या दिसतात. यासाठी प्रशासकीय इमारतीत चक्क एका खिडकीतून अवैध वसुलीचा पैसा घेतला जात असल्याच्या आरोप येथून येणाऱ्या-जाणाऱ्या वाहनचालकांनी केला.
विशेष म्हणजे या मार्गाने नियमित वाहतूक करणाऱ्या वाहनांना एक खास टोकनस्वरूपी पास दिल्याची धक्कादायक माहिती वाहन चालक देत आहेत. याबाबतचे चित्रीकरण सुरू असताना अधिकाऱ्यांची एकच तारांबळ उडाली आणि ज्या खिडकीतून अवैध वसुली सुरू होती, ती ‘एक खिडकी योजना’ कॅमेरा दिसताच बंद करण्यात आली. शिवाय वाहन चालकांना कुठलेही पैसे न घेता सोडून देण्यात आले. हा प्रकार दररोज सुरू असून वाहन चालकांना आर्थिक भुर्दंड द्यावा लागत आहे. त्यामुळे शासनाने ही अवैध वसुली बंद करावी, अशी मागणी वाहन चालकांनी केली आहे.

आधीच इंधन महाग झाल्याने महागाईची मार ट्रक चालकांवर पडत आहे. दुसरीकडे परिवहन अधिकाऱ्यांकडून होत असलेल्या अवैध वसुलीमुळे ट्रकचालकसुद्धा त्रासले आहेत. त्यामुळे या चेक पोस्टवरची आर्थिक लुबाडणूक थांबविण्याची मागणी येथील वाहन चालक करीत आहे. अधिकाऱ्यांच्या अवैध वसुलीचे केंद्र ठरलेल्या या ‘एक खिडकी योजने’ची चौकशी राज्याचे परिवहन मंत्री अनिल परब करतील का, हा खरा प्रश्न निर्माण झाला आहे.

यावल ( प्रतिनिधी )विकी वानखेडे

तालुक्यातील सांगवी खुर्द येथे किरकोळ कारणावरून दोन गटात फ्री स्टाईल हाणामारी झाल्याची घटना घडली. या घटनेप्रकरणी यावल पोलीस ठाण्यात परस्परविरोधात १८ जणांवर गुन्हा दाखल करण्यात आला आहे.

या घटनेत पहिल्या फिर्यादीत सुनिल रामदास कोळी (वय-४८) रा. सांगवी खुर्द ता. यावल यांनी म्हटले आहे की, त्यांचा मुलगा लखन कोळी हा १५ एप्रिल रोजी रात्री ८ वाजेच्या सुमारास मुंजोबाच्या कार्यक्रम सांगण्यासाठी जात असतांना गल्लीतील जुन्या भांडणात मारहाण केल्याच्या कारणावरून संजय वसंत धनगर यांच्यासह आठ जणांनी लखन कोळी याला मारहाण करून जीवे ठार मारण्याची धमकी दिली. याप्रकरणी शनिवार १६ एप्रिल रोजी रात्री सुनिल कोळी यांच्या फिर्यादीवरून संशयित आरोपी शुभम प्रमोद धनगर, निलेश संजय धनगर, संदीप संजय धनगर, गणेश मधुकर धनगर, संजय वसंत धनगर, कैलास वसंत धनगर, प्रमोद वसंत धनगर आणि बबलु कैलास धनगर सर्व रा. सांगवी खुर्द ता. यावल यांच्या विरोधात गुन्हा दाखल करण्यात आला आहे.

तर दुसऱ्या गटातील संजय वसंत धनगर (वय-५५) रा. सांगवी खुर्द ता.यावल यांनी दिलेल्या फिर्यादीत म्हटले आहे की, शुक्रवार १५ एप्रिल रोजी त्यांचा भाचा गणेश मधुकर ठोके याला शिवीगाळ करत असल्याचा जाब विचारला. याचा राग आल्याने लखन सुनिल कोळी, सुनिल रामदास कोळी यांच्यासह इतर १० जणांनी लाठ्या काठ्यांनी गणेश ठोके आणि संजय धनगर यांना बेदम मारहाण केली. याप्रकरणी संजय धनगर यांनी दिलेल्या फिर्यादीवरून संशयित आरोपी लखन सुनिल कोळी, सुनिल रामदास कोळी, सागर सुनिल कोळी, चंद्रकांत दिलीप कोळी, दिलीप पितांबर कोळी, ताराचंद दिलीप कोळी, भागवत दिनकर कोळी, रविंद्र पोपट कोळी, विकास गणेश कोळी आणि महेंद्र भगवान कोळी सर्व रा. सांगवी ता. यावल यांच्या विरोधात यावल पोलीस ठाण्यात गुन्हा दाखल करण्यात आला आहे. दोन्ही गुन्ह्याचा तपास पोलीस नाईक संदीप सुर्यवंशी करीत आहे.

संग्रामपूर/-मेळघाट व्याघ्र प्रकल्प अकोट वन्यजीव विभाग अंतर्गत येणाऱ्या वन अभयारण्य मध्ये दिनांक 3 व 4 एप्रिल रोजी अज्ञात इसमांनी अवैधरीत्या आग लावली होती . सदर आगीमध्ये वान परीक्षेत्रात प . तलई बिट मधील वनखंड क्र . 1249 , 1248 , 1239 एकुण 163 हेक्टर क्षेत्र जळाले तसेच सोनाळा परीक्षेत्रातील सालवन सर्वे नंबर 44,45 मधील एकुण 153 हेक्टर क्षेत्र जळाले होते . त्याअनुषंगाने त्या बाबत वनगुन्हा क्र . अन्वये भारतीय वन अधिनियम 1927 चे कलम 26 ( 1 ) ब , वन्यजिव संरक्षण अधिनियम 1972 चे कलम 27,29,30,51 ( I – C ) अन्वये वनगुन्हा जारी करण्यात आला होता .

वन विभागाला गुप्त माहीती नुसार प्रकरणातील संक्षयीत इसम नामे गंगाराम थानसिंग नरगावे वय 24 वर्ष, 2. रुफानसिंग गुमानसिंग नरगावे वय 38 वर्ष दोन्ही रा . रोहीणखीडकी ता . संग्रामपुर जि . बुलडाणा यास ताब्यात घेवून चौकशी केली असता आरोपींने मेळघाट व्याघ्र प्रकल्प , अंबाबारवा व वान अभयारण्यात अवैधरीत्या गोंद गोळा करण्याच्या उद्देशाने ने सालई झाडांना करवे करुन आग लावण्याबाबत कबुली दिली आहे . त्यांनी दिलेल्या कबुली जबाबावरुन त्यांना अटक करुन न्यायालय संग्रापुर येथे हजर केले असता न्यायालयाने दिनांक 17 ते 20 एप्रिल पर्यत वनकोठडी सुनावली आहे . सदर प्रकरणी तपासादरम्यान इतर इसमही सदर गुन्हयात सामील असल्याचे निष्पन्नास आले असुन त्या अनुषंगाने पुढील तपास सुरु आहे .