अल्लीपुर :- दि. 21 मार्च
फिर्यादी अशोक पांडुरंग डगे, वय 60 वर्ष, रा. भवानी वार्ड, अलीपुर यांचे मुलाचे लग्र असल्याने ते लग्नाचे कार्यक्रमात व्यस्त असताना त्यांचेकडे जे.सि.बि. चालविण्याचे काम मागण्यास आलेल्या एका अनोळखी इसमाने फिर्यादीचा मुलगा अतुल पांडुरंग ढगे यांचे मालकीचा रुपये 18,00,000/ किंमती जे.सि.बि. क. MH-32-AH 1923 हा चोरुन नेला अशा फिर्यादीच्या तोंडी रिपोर्ट वरुन दि. 22 मार्च रोजी पोस्टे. अल्लीपुर येथे अप क्र. 236/22 कलम 379 भा.द.वी. अन्वये गुन्हा नोंद करण्यात आला.
सदर गुन्ह्याची तात्काळ दखल घेऊन अनोळखी आरोपीचा शोध घेण्यासाठी अल्लीपुर पोलीस पथकाला सुचना देण्यात आल्या. पोलीस पथकाने आपली तपासाची चक्रे फिरवुन सदर आरोपी बाबत बोरखेडी नागपुर येथील टोलनाक्यावरून अनोळखी आरोपी बाबत माहीती गोळा केली. सदर माहीती वरून पोलीस पथकाने प्रथम नागपुर त्यानंतर भंडारा गाठले तेथे मिळालेल्या गुप्त माहीती वरून अखेर पोलीस पथकाला आरोपी संतलाल देवचरन टंडन वय 36 वर्ष रा. रामपुरा तह. साजा जि. बेमेतरा राज्य छत्तीसगड यास भंडारा ते राजनांदगाव रोडवर चीचोली. छत्तीसगढ जवळुन चोरलेल्या जे.सी.बी. सह ताब्यात घेण्यात आले.
सदरची कारवाई मा. पोलीस अधीक्षक श्री प्रशांत होळकर, मा. अप्पर पोलीस अधीक्षक श्री यशवंत सोळंके, मा. उपविभागीय पोलीस अधिकारी, पुलगाव थी. आबुराव सोनवने व श्री. गोकुलसिंग पाटील यांच्या मार्गदर्शनाखाली पो.नि. सुनिल गाडे यांचे निर्देशानुसार पोलीस उपनिरीक्षक स्वप्रील भोजगुडे, पो.हवा. अजय रिठे , विनोद बुरीले ना.पो.हवा. शंकर पोहाणे , संदीप झिले ,अभय वानखेडे , यांनी केली.
सूर्या मराठी न्यूज साठी सचिन वाघे वर्धा

हिंगणघाट :- फिर्यादी आशिष अर्जुनलाल नागरवाळे वय 29 वर्ष हे रेल्वे ठेकेदाराचे साईड अभियंता असुन त्यांनी ते काम करीत असलेल्या येनोरा रेल्वे स्टेशन हाउसचे नवनिर्माणाधीन बांधकामासाठी आणलेल्या एकुण लोखंडी सळाखींपैकी 16 एम.एम. चे 19 सळाखींचे बंडल वजन अंदाजे 02 टन किंमत प्रति टन 43,000/- रूपये प्रमाणे एकुण 86,000/- रूपयांचा माल दिनांक 20/04/22 चे 16.00 ते दिनांक 22/04/22 चे 11.00 वा दरम्यान अज्ञात आरोपीने चोरून नेल्याबाबतची तक्रार दिल्याने सदर रिपोर्ट वर पोलीस स्टेशन हिंगणघाट येथे अप. क्रमांक 503/2022 कलम 379 भादवि प्रमाणे गुन्हा नोंद करून तपासात घेतला.
प्रस्तुत गुन्हयाचे तपासात ठाणेदार श्री. संपत चव्हाण यांनी गुन्हे प्रगटीकरण पथकाचे पो.हवा. विवेक बनसोड यांना गुन्हयासंबंधाने मार्गदर्शन करून अज्ञात आरोपीचा शोध घेण्याबाबत सुचना दिल्या. त्याअनुषंगाने पो.हवा. विवेक बनसोड व त्यांचे पथकाने तात्काळ शोध मोहीम व तपास सुरू करून आरोपी 1) आकाश सुरेष राउत वय 24 वर्ष रा. येनोरा
2) गौतम गोपाल आत्राम वय 19 वर्ष रा. येनोरा यांना निष्पण्ण करून त्यांचे ताब्यातुन 19 बंडल असलेल्या 2 टन लोखडी सळाखी किंमत 86,000/- रूपये , एक बलेरो पिकअप मालवाहु गाडी क्रमांक एम.एच. 30/ए.बी./3979 किंमत 6,00,000/- रूपये असा एकुण 6,86,000/- रूपयांचा माल जप्त करून गुन्हा उघडकीस आणला. पुढील तपास विवेक बनसोड करीत आहेत.
सदरची कार्यवाही श्री. प्रशांत होळकर पोलीस अधिक्षक वर्धा, श्री. यशवंत सोळंखे अपर पोलीस अधिक्षक वर्धा, श्री. दिनेश कदम उप विभागीय पोलीस अधिकारी हिंगणघाट उप विभाग यांचे मार्गदर्षनात ठाणेदार श्री. संपत चव्हाण, पोलीस निरीक्षक पोलीस स्टेशन हिंगणघाट यांचे निर्देषानुसार पोउपनि सोमनाथ टापरे व पोउपनि बी.एस. मुंढे यांचे सह गुन्हे प्रगटीकरण पथकाचे पो.हवा. विवेक बनसोड, पंकज घोडे, प्रशांत वाटखेडेे, उमेश बेले यांनी केली.
सूर्या मराठी न्यूज साठी सचिन वाघे वर्धा

हिंगणघाट :- दिनांक 22 मार्च रोजी फिर्यादीने त्याचे मालकीची होंडा कंपनीची सीबी व्टिस्टर मोटरसायकल क्र. एम. एच.- 32 / यु – 7547 ही दुकानाचे बाहेर उभी करून दुकानात गेले दिवसभर दुकानात काम करून रात्री 7 वा. दरम्याण घरी जाण्याकरीता ज्या जागेवर मोटरसायकल ठेवली होती तेथे मोटरसायकल दिसुन आली नाही. फिर्यादीची मोटरसायकल ही दुकानाचे समोरून कोणीतरी अज्ञात चोरट्यांनी चोरून नेल्याचे लक्षात आल्याने फिर्यादीच्या तोंडी रिपोर्टवरून कलम 379 भादवि अन्वये गुन्हा नोंद करण्यात आला.
सदरची माहिती पो.नि. संपत चव्हाण यांनी पोहवा शेखर डोंगरे यांचे डी.बी. पथकाला सदरचा गुन्हा उघड आणण्याबाबतच्या सुचना दिल्या. सदरची माहीती मिळताच लागलीच पोहवा शेखर डोंगरे व त्यांच्या पथकांनी आपले नेटवर्क चा फायदा व माहीती घेत सदर गुन्हयातील आरोपी अमोल प्रभाकर पुलकंठवार वय 29 वर्षे रा. सेन्ट्रल वार्ड, हिंगणघाट याच्या ताब्यातुन चोरीस गेलेली मोटरसायकल किमंत 20,000 रू. ची जप्त करून गुन्हा उघडकिस आनला. तसेच त्याचे ताब्यातुन पोस्टे अप क्र. 494/2022 कलम 379 भादंवि च्या गुन्हयातील चोरीस गेलेली स्प्लेंडर मोटरसायकल किमंत 20,000 रू. असा एकुण जु.कि. 40,000 रू. च्या दोन मोटरसायकल जप्त करण्यात आल्या.
सदरची कामगीरी मा. श्री. प्रशांत होळकर, पोलीस अधीक्षक, वर्धा, मा. श्री. यशवंत सोळंके, अपर पोलीस अधीक्षक, वर्धा, मा. श्री. दिनेश कदम, उपविभागीय पोलीस अधिकारी, हिंगणघाट, पो.नि. श्री. संपत चव्हाण, पोलीस स्टेशन, हिंगणघाट, यांचे मार्गदर्शनात डि. बी. पथकाचे पो.हवा. शेखर डोंगरे, नापोशि. निलेश तेलरांधे, सचिन घेवंदे, सचिन भारशंकर, विशाल बंगाले, यांनी केली आहे.
सुर्या मराठी न्युज साठी सचिन वाघे वर्धा

हिंगणघाट
हिंगणघाट ब्राह्मण समाजाचे वतीने आज दि 23 एप्रिलला रा का आमदार मिटकरी यांनी एका भाषणात हिंदुधर्माच्या बाबतीत चुकीची माहिती देऊन हिंदूंच्या भावना दुखावल्याने त्यांच्या विरुद्ध गुन्हा नोंदविण्यात यावा या मागणीचे निवेदन ठाणेदार संपत चव्हाण यांना देण्यात आले.
पोलीस निरीक्षक यांना दिलेल्या निवेदनात दिलेल्या माहितीनुसार, राष्ट्रवादी काँग्रेस पक्ष हा महाराष्ट्रातील तथाकथित पुरोगामी म्हणून ओळखल्या जाणाच्या राजकीय पक्षाचे महाराष्ट्राच्या विधान परिषदेत आमदार म्हणून प्रतिनिधित्व करणाऱ्या अमोल रामकृष्ण मिटकरी या राजकीय व्यक्तीने दि. १९ एप्रिल २०२२ रोजी महाराष्ट्रातील सांगली जिल्ह्यातील इस्लामपूर येथे आयोजित केलेल्या राष्ट्रवादी काँग्रेस पक्षाच्या जनसंवाद यात्रेच्या कार्यक्रमात हजारोंच्या जनतेसमोर जाहीर भाषण करताना ब्राह्मण समाजाबद्दल आणि एकूण हिंदू धर्मातील धार्मिक संस्कारांबद्दल अत्यंत प्रक्षोभक आणि जातीयवादी तेढ निर्माण करणारी विधाने केलेली आहेत. आमदार अमोल मिटकरी यानी याआधीही आपल्या वाचाळ वाणीतून भारतीयांच्या भावना दुखावण्याचे आणि विविध धर्माच्या आणि जातींच्या बाबतीत चुकीची आणि पुरावाशून्य वक्तव्य करून भारतीय समाजात तेढ आणि दुजाभाव निर्माण करण्याचे प्रयत्न केलेले आहेत. मिटकरी यांचे भाषण भारत देशातील नव्हे तर जगाच्या कानकोपयातील ब्राह्मण समाजातील आणि सकल हिंदू धर्मातील भारतीय
नागरिका पर्यंत प्रसारमाध्यमांच्याद्वारे पोहोचले आहे . सदर भाषण आमचे राहते घरी पाहताना आमच्यासारखे तमाम हिंदू देशप्रेमी भारतीय नागरिकांच्या भावना दुखावल्या आहे त्यामुळे अमोल मिटकरी याच्यावर भारतीय दंड साहित्याच्या कलम 34 ,953, 153 ,166, 268, 295, 198 504 ,505 दाखल पात्र गुन्हा दाखल करण्यात यावा अशी मागणी हिंगणघाट ब्राह्मण समाजा तर्फे करण्यात आली.यावेळी ब्राह्मण सभेचे अध्यक्ष विजय बाकरे,अरविद घरोटे,शरद ढोक चंद्रशेखर खापरे,प्रकाश तांबोळी,सचिन थारकर,राकेश शर्मा,गोविंद जोशी,स्वप्नील वाघे,जयंत वखरे,प्रसाद पचखेडे,गौरव तांबोळी व मोठ्या संख्येने ब्राह्मण समाज यांनी हिंगणघाट पोलीस स्टेशन येथे पोलीस निरीक्षक संपत चव्हाण यांना निवेदन देऊन अमोल मिटकरी यांच्या वक्तव्यावर गुन्हा दाखल करून कारवाई करण्याची मागणी केली.
सूर्या मराठी न्यूज साठी सचिन वाघे वर्धा

(चंद्रपूर घुग्घुस)प्रतिनिधी
रमेश सुध्दाला

घुग्घुस परिसरात पाण्याची टाकी बनवा अशी मागणी एआयएमआयएम पार्टीतर्फे आमदार किशोर जोरगेवार यांना निवेदन देऊन केली आहे.

घुग्घुस येथील शिवनगर, शास्त्रीनगर, आंबेडकर नगर येथे पिण्याच्या पाण्याची टाकी नाही या वार्डातील लोकसंख्या हि 10 ते 15 हजार आहे. तसेच आठवडी बाजार व तलाव परिसरात पाण्याची टाकी नाही या वार्डातील लोकसंख्या हि 15 हजाराच्या जवळपास आहे. सध्या तीव्र उन्हाळा सुरु असल्याने या वार्डात भीषण पाणी टंचाई निर्माण झाली आहे. येथील वार्डातील लोकांना पाण्यासाठी भटकावे लागत आहे. अपुऱ्या पाण्यामुळे वार्डातील लोकांना मोठा त्रास सहन करावा लागत आहे. त्यामुळे घुग्घुस येथील एआयएमआयएम पार्टीतर्फे आमदार किशोर जोरगेवार यांची भेट घेऊन निवेदन देण्यात आले आमदार किशोर जोरगेवार यांनी मागणी पूर्ण करण्याचे आश्वासन दिले.
यावेळी शहर अध्यक्ष सानु सिद्दीकी, कौसर शेख, मानु सिद्दीकी, मोशिम शेख, सोनू किंग, हसनैन शेख, मुन्ना शेख, फैज़ान सिद्दीकी उपस्थित होते.

यावल तालुका( प्रतिनिधी )
विकी वानखेडे

येथील पंचायत समितीला मोठया प्रतिक्षेनंतर मिळालेले गटविकास अधिकारी डॉ निलेश पाटील यांची बदली झाल्यापासुन कायमस्वरूपी गटविकास अधिकारी नसल्याने तालुक्यातील ग्रामीण गाव पातळीवरून विविध विकास कामांचा विविध कारणाने गोंधळ उडाला असुन ,तालुक्यातील गावपातळीवर काम करणाऱ्या सरपंच व ईतर लोकप्रतिनिधींना काम करणे अवघड झाल्याने जिल्हा परिषद प्रशासना बाबत प्रचंड नाराजी व्यक्त करण्यात येत आहे . यावल येथील पंचायत समितीला मोठया प्रतिक्षेनंतर मिळालेले गटविकास अधिकारी डॉ निलेश पाटील यांची कळवण ( नाशिक ) येथे साधारण सहा ते सात महीन्या पुर्वी बदली झाल्याने त्यांच्या रिक्त झालेल्या जागेवर पुन्हा प्रभारी गटविकास अधिकारी यांनी पदभार स्विकारल्याने तालुक्यात लाखो रुपये खर्चाच्या निधीतुन प्रगतीपथावर असलेली विविध विकास कामांची गती व गुणवत्तेचे बारा वाजले असुन , त्याचबरोषर निकृष्ठ कामे करणारी ठेकेदार मंडळीची आपली बिले काढण्यासाठी यावल पंचायत समितीच्या आवारात मागील दोन महीन्यापासुन एकच गर्दी दिसुन येत आहे . यावल तालुक्यातील जिल्हा परिषद व पंचायत समिती पातळीवर होणाऱ्या विविध विकास कामांची गुणवत्ता ही टक्केवारीच्या मोहापोटी हरवल्याची दिसुन येत आहे . सामाजीक कार्यकर्ते व विविध राजकीय पक्षांच्या माध्यमातुन शासनाच्या निधीतुन होणाऱ्या विकास कामांच्या निकृष्ठतेबाबत अनेकांच्या तक्रारी आहे मग संबधीत अधिकारी हे या गुणवत्ता नसलेल्या विकास कामांची चौकशी करून कार्यवाही का करीत नाही असा मोठा प्रश्न लोकप्रतिनिधी पासुन विविध सामाजीक संघटनेकडून उपस्थित करण्यात येत असुन त्या जिल्हा परिषद सदस्य व पंचायत समिती सदस्यांचा कार्यकाळ संपल्याने अधिकाऱ्यांवरची असलेली लोकप्रतिनिधींची पकड संपलेली आहे. यावल पंचायत समितीला कायमस्वरूपी सक्षम गटविकास अधिकारी मिळत नाही तो पर्यंत तथा कथित ठेकेदार आणी आर्थिक मोहाला बळी पडणारे अधिकारी यांचा सावळा गोंधळ थांबणार नाही असे तालुक्यातील ग्रामीण पातळीवरील नागरीकांमध्ये बोलले जात आहे .

नितीन सिरसागर हिंगणघाट यांची पुतणी
“आदिती दीपक ताजने” या 2 वर्षाच्या चिमुकलीसाठी मदतीचे आवाहन केले आहे. आदिती १५-०४-२०२२ या दिवशी खेळत असताना आग लागल्यामुळे ती ६४% जळाली/भाजली गेली आहे. तिला किंगस्वे हॉस्पिटल नागपूर येथे भरती करण्यात आले आहे आत्तापर्यंत तिच्या हॉस्पिटलचा खर्च ४ लाख इतका झाला आहे आणि पुढील उपचारासाठी तब्बल ७ लाख इतका खर्च आहे. तिचा किंगस्वे हॉस्पिटल नागपूर पी आय सी यु विभागांमध्ये उपचार चालू असून तिच्या आई-वडिलांची परिस्तिथी बिकट असल्याने तिच्या उपचारासाठी मदतीचे आवाहन करण्यात येत आहे. बाळासाठी मदत करण्यासाठी पुढे यावे असे त्यांनी म्हटले आहे.
तरी सर्वांना विनंती करण्यात येत आहे की सर्वांनी या चिमुकलीसाठी होईल तितकी मदत करावी.
नितीन सिरसागर हिंगणघाट फोन पे नंबर वर मदत करावी – 9960590753..
सूर्या मराठी न्यूज साठी सचिन वाघे वर्धा