रविवार दिनांक २८ नोव्हेंबर रोजी रात्री २:३० वाजताच्या सुमारास शेगाव शहरातील अग्रसेन चौक परिसरातील दार्जिलिंग चहाच्या हॉटेलसमोरील पादचारी मार्गावर अज्ञात व्यक्तीचा दगडाने ठेचून खून करण्यात आल्याची घटना घडली आहे. ही घटना आज सकाळी सात ते साडेसात वाजताच्या दरम्यान उघडकीस आली.

शेगाव शहर पोलीस स्टेशनचे ठाणेदार पोलीस निरीक्षक अनिल गोपाळ,पोलीस उपनिरीक्षक गौतम इंगळे, पोलीस उपनिरीक्षक कमलेश खंडारे, पोलीस उपनिरीक्षक नितीन इंगोले, पोलीस उपनिरीक्षक योगेशकुमार दंदे पोलीस हेडकॉन्स्टेबल महेंद्र नारखेडे आणि अमोल परिहार यांना घटनेची माहिती मिळताच घटनास्थळी दाखल झाले. त्याठिकाणी असलेल्या सीसीटीव्ही फुटेजच्या आधारे पोलिसांनी संशयित आरोपीला एका तासातच अटक केली आहे.
मृतक झालेला इसम मानसिक स्थिती ढासळलेला आणि भीक मागून उदरनिर्वाह करणारा होता अशी माहिती परिसरातील नागरिकांकडून पोलिसांना देण्यात आलेली आहे. याप्रकरणी घटनास्थळी पोलीस पंचनामा करीत असून मृतक इसमाला सईबाई मोटे रुग्णालय येथील सामान्य रुग्णालयातील शवविच्छेदन केंद्र या ठिकाणी नेण्यात आले आहे. त्या घटनेचा तपास पोलिसांकडून वेगाने सुरू असून लवकरच या घटनेचा उलगडा होणार आहे.

महात्मा फुले विषमता व वर्णव्यवस्थेचे समूळ उच्चाटन करणारे थोर समाजसुधारक- देवराव भोंगळे

(चंद्रपूर घुग्घुस)प्रतिनिधी
रमेश सुध्दाला

रविवार 28 नोव्हेंबर रोजी सकाळी येथील मा.आ.सुधीरभाऊ मुनगंटीवार सेवा केंद्रात सामाजिक अन्यायाविरुद्ध आयुष्यभर संघर्ष करणारे महात्मा जोतिबा फुले यांची आज पुण्यतिथी निमित्त अभिवादन करण्यात आले.
याप्रसंगी महात्मा जोतिबा फुले यांच्या प्रतिमेसमोर द्विप प्रज्वलीत व माल्यार्पण करून भाजपाचे जिल्हाध्यक्ष देवराव भोंगळे, भाजयुमोचे प्रदेश उपाध्यक्ष विवेक बोढे, वाहतूक आघाडीचे उपाध्यक्ष विनोद चौधरी यांनी अभिवादन केले.
मनोगत व्यक्त करतांना भाजपा जिल्हाध्यक्ष देवराव भोंगळे म्हणाले महात्मा जोतिबा फुले थोर समाज सुधारक होते. महात्मा जोतिबा फुले यांनी आपले संपूर्ण आयुष्य समाजात स्वातंत्र्य, समता, बंधुता, शिक्षण, सत्य, अहिंसा हे मूल्य समाजात रुजविण्यासाठी वेचले. समाजातील विषमता, वर्णव्यवस्थेचे समूळ उच्चाटन करण्याचे कार्य केले. अस्पृश्य समाजाचा अनेक शतकात पासून होत असलेल्या शोषणाचा व सामाजिक गुलामगिरीचा त्यांनी कडाडून विरोध केला. अवघ्या 21 व्या वर्षी स्त्री शिक्षणासाठी मुलींन करिता पहिली शाळा पुण्यात सुरु केली. त्यांचे निधन 28 नोव्हेंबर 1890 रोजी पुणे येथे झाले त्यांच्या स्मृतिदिनी मि अभिवादन करतो.
यावेळी भाजपाचे जिल्हाध्यक्ष देवराव भोंगळे, भाजयुमोचे प्रदेश उपाध्यक्ष विवेक बोढे, वाहतूक आघाडीचे उपाध्यक्ष विनोद चौधरी, ओम बेहरे, प्रणय काखले, सुरज मांडळकर, अविनाश मेश्राम, प्रतीक पिंपळकर, अवी कोराम, पराग धांडे, सहदेव भांडेकर, शीतल कामतवार, खुशबू मेश्राम, प्रिया नागभीडकर, स्वाती गंगाधरे, पायल मांदाडे, उमेश दडमल उपस्थित होते.

सतीश मुलंगे सह जगन मोरे लोणार

विधान परिषद निवडणुकीत विजय पताका फडकवणार; नेत्यांनी व्यक्त केला निर्धार.
मोताळा व संग्रामपूर नगरपंचायत महाविकास आघाडी आघाडीच्या नेतृत्वात लढणार.
आगामी नगरपालिका व जिल्हा परिषदच्या निवडणुका एकत्रित लढण्याच्या मुद्यावर चर्चा.
राज्यात मुख्यमंत्री ना.उद्धव ठाकरे यांच्या नेतृत्वात महाविकास आघाडी सरकारने कोरोना महामारी सारखा प्रश्न मोठ्या संयमाने, धीराने सांभाळत नैसर्गिक संकटातही चांगली कामगिरी केली आहे. आगामी स्थानिक स्वराज्य संस्थांच्या निवडणुका देखील महाविकास आघाडीच्या नेतृत्वात एकत्रित लढविण्यासंदर्भात चर्चा करत अकोला, बुलढाणा व वाशीम या तीन जिल्ह्यातल्या स्थानिक स्वराज्य संस्थांमधून डिसेंबरमध्ये होऊ घातलेली विधान परिषदेची निवडणूक ही एक हाती जिंकण्याचा निर्धार नेत्यांनी व्यक्त केला.
महाविकास आघाडीची जिल्हा पातळीवरील संयुक्त बैठक आज २७ नोव्हेंबर रोजी चिखली येथे पार पडली. या बैठकीला राष्ट्रवादी कॉंग्रेसचे नेते तथा पालकमंत्री डॉ.राजेंद्र शिंगणे,केंद्रीय ग्रामविकास समितीचे अध्यक्ष तथा शिवसेनेचे जिल्हा संपर्कप्रमुख खासदार प्रतापराव जाधव,र काँग्रेसचे प्रदेश उपाध्यक्ष एडवोकेट गणेश पाटील, आमदार डॉक्टर संजय रायमुलकर, आमदार संजय गायकवाड, आमदार राजेश एकडे, जिल्हा काँग्रेस कमिटीचे अध्यक्ष माजी आमदार राहुलभाऊ बोंद्रे, राष्ट्रवादी काँग्रेसचे जिल्हाध्यक्ष एडवोकेट नाझेर काझी, शिवसेनेचे जिल्हाप्रमुख जालींदर बुधवत, जिल्हाप्रमुख शांताराम दाणे, बळीराम मापारी यांच्यासह इतर नेतेमंडळी उपस्थित होती.
या बैठकीत महाविकास आघाडीच्या नेतृत्वात एकत्रित निवडणूक लढण्यास संदर्भात चर्चा करण्यात आली. सध्या अकोला,बुलढाणा, वाशीम या स्थानिक स्वराज्य संस्थेची विधान परिषदेची निवडणूक लागली आहे. यासाठी महाविकास आघाडीचे उमेदवार हे आमदार गोपीकिशन बाजोरिया असून त्यांना विक्रमी मतांनी विजयी करण्यासाठी यावेळी आवाहन करण्यात आले. महत्वाचे म्हणजे जिल्ह्यातील मोताळा व संग्रामपूर या दोन नगर पंचायतीच्या निवडणुका देखील घोषित झाल्या आहेत. या निवडणुका महा विकास आघाडीच्या नेतृत्वात एकत्रित लढण्याचा निर्णय घेण्यात आला. त्यापाठोपाठ आगामी सर्व नगरपालिका आणि जिल्हा परिषद, पंचायत समितीच्या,कृ उ बा स च्या निवडणुका महाविकास आघाडीत लढण्याबाबत देखील सविस्तर चर्चा झाली.
त्याचबरोबर तालुका व जिल्हास्तरीय समित्या वाटप करण्याच्या बाबतही चर्चा करत निर्णय घेण्यात आले.
४ डिसेंबरला बुलडाणा येथे विधान परिषदेच्या निवडणुकीसाठी आघाडीच्या मतदारांचा मेळावा…
आमदार गोपीकिशन बाजोरिया यांच्या विजयाचा निर्धार व्यक्त करत येत्या शनिवारी चार डिसेंबरला बुलढाणा येथे महाविकास आघाडीच्या स्थानिक स्वराज्य संस्थेतील विधान परिषदेच्या जिल्ह्यातील मतदारांचा मेळावा दुपारी बारा वाजता आयोजित करण्यावर शिक्कामोर्तब करण्यात आले.मेळाव्याचे स्थळ लवकरच निश्चित केले जाणार असून सर्व महा विकास आघाडीतील नेते आणि मतदारांची या मेळाव्याला उपस्थित राहणार आहे.

कारंजा घाडगे प्रतिनिधी पियुष रेवतकर …

गेल्या महिनाभरापासून संपूर्ण महाराष्ट्र राज्यातील बस सेवा ही कर्मचाऱ्यांच्या संपामुळे बंद आहे. या कामबंद आंदोलनामुळे याचा सर्वाधिक फटका हा विद्यार्थ्यांना बसत आहे. आधीच कोरोणा काळात विद्यार्थ्याचे दोन वर्षाचे शैक्षणिक नुकसान झाले आहे. आज येवढ्या कालावधीनंतर शाळा सुरू झाल्या मात्र राज्य परिवहन महामंडळाच्या बस बंद असल्याने ग्रामीण भागातील विद्यार्थी शिक्षणापासून वंचित राहत आहे. खासगी वाहन चालक मोठ्या प्रमाणात भाडे आकारून विद्यार्थ्यांची व पालकांची आर्थिक लूट करीत आहे. त्यांना तालुक्याचे प्रमुख म्हणून तहसीलदार यांनी आळा घालावा व विद्यार्थ्यांची आर्थिक लूट थांबवावी याकरिता तहसीलदार कारंजा घाडगे यांना निवेदन देण्याकरिता प्रहार चे अक्षय भोणे यांच्या नेतृत्वात विद्यार्थी तहसील कार्यालयावर धडकले असता तहसीलदार मात्र गैरहजर होते. त्यामुळे संतप्त विद्यार्थ्यांनी तहसील कार्यालयातच ठिय्या आंदोलन आरंभ केले. शेवटी तहसीलदार कार्यालय न आल्याने नायब तहसीलदार राऊत यांनी विद्यार्थ्यांचे निवेदन स्वीकारले. व चर्चा केली.. त्यावेळी तहसीलदार यांनी आम्ही लवकरच सदर प्रकरणी अँक्शन प्लॅन तयार करून विद्यार्थ्यांना या त्रासातून मुक्त करू असे आश्वासन दिले. तेव्हा विद्यार्थ्यांनी आपले ठिय्या आंदोलन मागे घेतले..
यावेळी अक्षय भोने रोहित घागरे तुषार मस्की हिमांशू लहाबर योगेश घोडे सूरज बेलखळे कुंदन देवसे प्रितम पांचाळ गौरव गोरे अमोल चोपडे विलास चौधरी कैलास चोपडे यश डोगर रोहित किनकर सूरज चोपडे अमित चौधरी उदय चिकने लोकेश खवशी उज्वल घोडाम प्रहार कार्यकर्ते व कॉलेजमध्ले विद्यार्थी मोठ्या संख्येने उपस्थित होते