प्रतिनिधी । यावल विकी वानखेडे

न्यायालयात दीर्घकाळ खटले चालवण्यापेक्षा लोक आदालत मध्ये मध्यस्थी करून आपसात तडजोड करीत तात्काळ प्रकरणांचा निपटारा केल्यास वादी व प्रतिवादी दोघांनाही समाधान मिळते व कोण हरलं कोण जिंकलं हे न होता दोघंच जिंकतात म्हणून अधिकाधिक प्रमाणावर पक्षकारांनी लोकअदालत मध्ये मध्यस्ती च्या माध्यमातून आपल्या प्रकरणांचा निपटारा करण्यासाठी पुढाकार घ्यावा असे आवाहन यावल न्यायालयाचे प्रथमवर्ग न्यायाधीश एम. एस. बनचरे यांनी केले ते शुक्रवारी येथील न्यायालयामध्ये कायदेविषयक मार्गदर्शन कार्यक्रमात बोलत होते.
येथील न्यायालयामध्ये शुक्रवारी तालुका विधी सेवा समिती आणि स्थानिक वकील संघाच्या माध्यमातून कायदेविषयक मार्गदर्शन शिबिर घेण्यात आले. या शिबिराचे अध्यक्षस्थानी प्रथमवर्ग न्यायाधीश एम. एस. बनचरे होते तर शिबीराचे उद्घाटन सहदिवाणी न्यायाधीश व्ही. एस. डामरे यांच्या हस्ते करण्यात आले. तर या कायदेविषयक मार्गदर्शन शिबिरामध्ये न्यायाधीश एम. एस. बनचरे यांनी मार्गदर्शन करतांना सांगितले की येत्या २५ सप्टेंबर रोजी यावल न्यायालयामध्ये लोकआदालतीचे आयोजन करण्यात आले आहे. तेव्हा मोठ्या प्रमाणावर पक्षकारांनी न्यायालयात न्याय प्रतीक्षेत दीर्घकाळ रेंगाळत असलेली प्रकरणांमध्ये समेट घडवून आणला पाहिजे व मध्यस्ती च्या माध्यमातून तडजोड करीत समतोल निकाल लावून घेतला पाहिजे. कारण न्यायालयात खटला चालवतांना वादी किंवा प्रतिवादी यातील एक जिंकतो तर एकाचा पराभव होतो मात्र, जर तुम्ही मध्यस्ती च्या माध्यमातून तडजोड करीत प्रकरण निकाली काढले तर दोघांनाही विजय प्राप्त होतो. म्हणून ना कोई हारा, ना कोई जीता, दोघं जिंकले असा एक वेगळा समाधान असतो आणि आपल्याला न्याय निर्वाळा देखील मिळतो. तेव्हा पक्षकारांनी लोक अदालतीमध्ये सहभाग घ्यावा असे आवाहन याप्रसंगी त्यांनी केले. या कायदेविषयक शिबिरात न्यायधिश एम. एस.बनचरे सोबत सह दिवानी न्यायधिश व्ही.एस.डामरे, वकील संघाचे सचिव एड. निलेश मोरे, एड. एस. आर. लोंढे, एड. यु. सी. बडगुजर, पंचायत समितीचे कक्ष अधिकारी एस. एस. तडवी, ऍड. देवेंद्र बाविस्कर, सरकारी वकील फरीद शेख सह सर्व वकील संघाच्या सदस्य उपस्थित होते कार्यक्रमाचे सूत्रसंचालन एड. ए. आर. सुरडकर यांनी केले तर आभार न्यायालय कक्ष अधीक्षक एस. बी. शुक्ला यांनी मानले. या शिबिराच्या यशस्वितेसाठी अधिक्षक एस. बी. शुक्ला, सी. एम. झोपे, के.के. लोंढे सह कर्मचाऱ्यांनी परिश्रम घेतले

यावल ( प्रतिनिधी )विकी वानखेडे

अखेर तालुक्यातील सातपुडा पर्वताच्या पायथ्याशी लागुन असलेल्या आसराबारी वस्तीवरील आठ महीन्याच्या बालकाचे कुपोषणामुळे जळगाव येथे जिल्हा सामान्य रुग्णालयात उपचारा दरम्यान मृत्यु झाल्याप्रकरणी यावल पोलीसात नोंद करण्यात आली आहे . या संदर्भातील पोलीस सुत्रांकडुन मिळालेली माहिती अशी की , आसराबारी तालुका यावल येथील राहणारे जवानसिंग पावरा यांच्या आठ महीन्याच्या आकाश पावरा या कुपोषणग्रस्त बाळाला उपचारा करीता जळगाव येथील जिल्हा सामान्य रुग्णालयात उपचारा दरम्यान दिनांक ३१ जुलै रोजी दुदैवी मृत्यु झाला होता , दरम्यान मृत्युच्या जवळपास २६ दिवसानंतर जळगाव जिल्हा सामान्य रुग्णालयाचे वैद्यकीय अधिकारी डॉ . सचिन अहिरे यांनी खबर दिल्यावरून यावल पोलीस स्टेशन मध्ये सिआरपीसी कलम१७४प्रमाणे अक्समात मृत्युची नोंद करण्यात आली आहे . पुढील तपास पोलीस निरिक्षक सुधीर पाटील यांच्या आदेशान्वये पोलीस हेड काँस्टेबल सिकंदर तडवी हे करीत आहे .दरम्यान कुपोषणामुळे आठ महीन्याच्या बालकाचा झालेला दुदैवी मृत्यु घटनेला जवळपास एक महीना होत असुन तरी देखील प्रशासना कडुन निवळ कागदपत्रांची देवाण घेवाणच्या पलीकडे वरिष्ठ पातळीवर ठोस असे काहीही झाले नसल्याने कुपोषणग्रस्तांचे गंभीर प्रश्न हे राजकीय दबावाखाली दडपले जाणार तर नाही ना असे अनेक प्रश्न आदीवासी सामाजीक संघटनाच्या माध्यामातुन उपस्थित करण्यात येत आहे .

किसान सन्मान निधी अंतर्गत शेतकऱ्यांना लाभ मिळण्यासाठी येत असलेल्या अडचणी दूर करण्याची मागणी

अजहर पठाण
सेलू/परभणी

सेलू तालुक्यातील अनेक शेतकऱ्यांना किसान सन्मान निधी चा दोन हजार रुपयांचा लाभ मिळण्यासाठी त्रुटी निर्माण झाले असून या त्रुटीमुळे सेलू तालुक्यातील लाभधारक शेतकऱ्यांना किसान सन्मान निधी चा लाभ मिळण्यासाठी सेलू तहसीलच्या चकरा माराव्या लागत आहे अनेक वेळा चकरा मारून अनेक वेळा त्रुटींची पूर्तता करून देखील सदरील शेतकऱ्यांना किसान सन्मान निधी च्या लाभ मिळालेला नाही त्यामुळे भाजपा किसान सेलू तहसीलदारांना लेखी निवेदनाद्वारे सदरील शेतकऱ्यांच्या समस्यांचे निराकरण करण्याची मागणी करण्यात आलेली आहे सेलू तालुक्यातील बहुतांशी लाभधारक शेतकरी किसान सन्मान निधी च्या लाभापासून वंचित राहिले आहे आणि तालुक्यातील शेतकऱ्यांनी वेळोवेळी सेलू तहसील मध्ये कागदपत्रांची पूर्तता करून देखील सेलू तालुक्यातील अनेक शेतकऱ्यांना आज पर्यंत एक हप्ता मिळालेला नाही वेळोवेळी शेतकरी सेलू तहसील मध्ये चकरा मारतात तहसील मधून शेतकऱ्यांना तालुका कृषी अधिकारी यांच्या कार्यालयाशी पाठवले जाते तहसील कार्यालय आणि कृषी विभाग यांच्या अनागोंदी कारभारामुळे त्याचा गोरगरीब शेतकऱ्यांना फटका बसत आहे त्यामुळे किसान सन्मान निधी च्या अनुदानाचा लाभ तात्काळ शेतकऱ्यांना मिळावा यासाठी भाजपा किसान मोर्चा सेलू च्या वतीने तहसीलदारांना लेखी निवेदन देण्यात आले असून या निवेदनामध्ये चकरा मारत असलेल्या शेतकऱ्यांना किसान सन्मान निधी चा लाभ मिळण्यासाठी सेलू तहसील दार यांनी तात्काळ लक्ष घालून सेलू तालुक्यातील शेतकऱ्यांची प्रश्न तात्काळ सोडवावा आणि तालुक्यातील शेतकऱ्यांना लवकरात लवकर किसान सन्मान निधी चे लाभ मिळण्यासाठी शेतकऱ्यांचे प्रश्न सोडविण्यात यावी अशी मागणी आज गुरुवार रोजी दिनांक 26 8 दोन हजार एकोणवीस रोजी करण्यात आली आहे वरील मागणीचे लेखी निवेदन तहसीलदारांना भाजपा किसान मोर्चाचे तालुकाध्यक्ष दगडोबा जोगदंड पाटील भाजपा जिल्हा युवा मोर्चाचे सरचिटणीस अभिजीत रोडगे गोविंद मगर गिरगाव चे सरपंच अंकुश काटे नारायण दुबे भाजपा तालुकाध्यक्ष दगडोबा जोगदंड रामा शेवाळे तुकाराम धनवटे भागवत दळवे तिच्या कर ना कपिल फुलारी आदींच्या स्वाक्षऱ्या आहे