अर्जुन कराळे शेगाव प्रतिनिधि

कनारखेड: कनारखेड गावात स्मशानभूमीसाठी जागा नसल्याचा प्रश्न ऐरणीवर आला असून गुरुवारी एका वृद्धचे निधन झाल्यानंतर अंत्यसंस्कार करायचे कोठे करायचे म्हनत ग्रामस्थांनी चक्क ग्रामपंचायत इमारत परिसरात तयारी केल्याने खळबळ उडाली आहे.
शेगाव तालुक्यातील कनारखेड गावात स्मशानभूमीसाठी जागाच नाही. गुरुवारी गावातील चंद्रभागाबाई मारुती वाकोडे या महिलेचा रात्री मृत्यू झाला. सध्या पावसाचे दिवस असल्यामुळे ई क्लास किंवा शासनाची कुठलीही जमीन नाही. ग्रामस्थांनी वेळोवेळी गटविकास अधिकारी, जिल्हाधिकारी बुलढाणा, पालकमंत्री, आमदार, खासदार यांना निवेदन देऊन स्मशानभूमीसाठी जागेची मागणी केली आहे. गायगाव बु, गायगाव खुर्द, कनारखेड अशा तीन गावांची गट ग्रामपंचायत आहे. गायगाव गट ग्रामपंचायत ने सुद्धा स्मशानभूमीसाठी जागा उपलब्ध करून देण्याकरता ठराव घेतला आहे. गुरुवारी सकाळी ग्रामस्थांनी ग्रामपंचायतच्या करमणूक केंद्र परिसरात लाकडे आणून अंत्यविधीसाठी तयारी सुरू केली.
बैलगाडीत लाकडे आणून करमणूक केंद्राचे परिसरात ग्रामस्थ ठाण मांडून बसले आहेत.
कनारखेड गावातील लोकांना अंतिम संस्कार कुठे करावा हा मोठा प्रश्न पडलेला आहे. शासनाचा वारंवार गावकऱ्यांनी पाठपुरावा करूनही आज पर्यंत कोणत्याही प्रकारची उपाययोजना करण्यात आली नाही.
त्यामुळे कणारखेड येथील रहिवाशांनी गावातील गट ग्रामपंचायत चे इमारत परिसरातील कार्यरत असलेले करमणुक केंद्र परिसरात परिसरात येऊन व अंतिम संस्कार च्या लाकडं आणून आम्हाला जागा उपलब्ध करून द्या ग्रामपंचायत परिसरामध्ये आम्ही अंतिम संस्कार करू यासाठी ठाण मांडून येथील नागरिक शासनाविरोधात रोष व्यक्त करत होते.

यावल ( प्रतिनिधी )विकी वानखेडे

तालुक्यातील किनगाव येथील राहणाऱ्या एका तरूणाने गळफास घेवुन आत्महत्या केल्याची घटना घडली असुन याबाबत यावल पोलीसात अवसमात मृत्युची नोंद करण्यात आली आहे . या संदर्भात पोलीस सुत्रांकडुन मिळालेल्या माहीतीनुसार यावल तालुक्यातीत किनगाव गावात दिनांक २५ ऑगस्ट रोजी सकाळी ९ , १५ वाजेच्या सुमारास दगडु यादव धनगर या २६ वर्षीय तरूणाने आपल्या राहत्या घरातील मागच्या खोलीत रात्री २ वाजताच्या सुमारास झोपला असता घरातीत सुतळी पटयाने घराच्या छताला असलेल्या लाकडी दांडयाला बांधुन गळफास घेवुन आत्महत्या केल्याची घटना घडली आहे . या घटनेची खबर सचिन रामकृष्ण धनगर वय३६ वर्ष राहणार किनगाव यांने दिल्याने अक्समात मृत्युची नोंद करण्यात आली असुन , तपास सहाय्यक फौजदार विजय पाचपोळे हे करीत आहे . तरूण दगड्ड धनगर याने आत्महत्या केली याचा स्पष्ठ कारण कळाले नसले तरी काही दिवसांपासुन त्याचे मानसीक संतुलन बिघड्ल्याचे कळाले असुन यातच त्याने आत्महत्या केली असावी असा कयास आहें.
.

हिंगणघाट 24 ऑगस्ट

वर्धा येथील डॉ बाबासाहेब आंबेडकर पुतळ्याजवळील पेट्रोलपंप हटवून दुसरीकडे घेऊन जाण्याच्या मागणीसाठी आज पेट्रोल पंप हटाव कृती समिती च्या वतीने हिंगणघाट उपविभागीय कार्यालया समोर एक दिवसाचे धरणे आंदोलन करण्यात आले.आजच्या धरणे आंदोलनात डॉ आंबेडकरी विचारांच्या 16 संघटना
1) रिपब्लिकन पार्टी ऑफ इंडिया
2) समता सैनिक दल
3) भीम आर्मी
4) निर्माण सोशल फोरम
5) बहुजन समाज पार्टी 6)भारतीय बौद्ध महासभा 7)भिम टायगर सेना
8) सबुद्ध महिला संघटना
9) वंचित बहुजन आघाडी 10)संभाजी बिग्रेड
11)झलकारी सेना
12) विदर्भ विकास आघाडी
13) भारत मुक्ती मोर्चा
14) आंबेडकर राईट इंजिनियर असोशियन
15) डॉ. बाबासाहेब आंबेडकर विचार व कृती समिती
16) भारतीय संविधान जागृती अभियान सहभागी झालेल्या होत्या.
निवेदनातून या पुतळा परिसरात वर्षभर विविध सामाजिक,सांस्कृतिक,कार्यक्रम होतात.या परिसरात विविध शासकीय कार्यालये आहेत.हजारो नागरिक कामा निमित्ताने या ठिकाणी येतात.डॉ बाबासाहेब आंबेडकर पुतळ्याला माल्यार्पण करून फटाक्यांची आतिषबाजी विविध कारणाने नेहमीच करण्यात येते. शिवाय या परिसरातील पोलीस मुख्यालया जवळ गॅस सिलेंडरचे गोडाऊन,स्फोटक दारूगोळ्यांचे गोदाम,मंगल कार्यालय आहे एवढे वर्दळीच्या ठिकाणी ज्वलनशील पेट्रोलपंप झाल्यास अपघात होऊन नागरिकांच्या जीविताला धोका निर्माण होऊ शकतो.या मुळे हा नियोजित पेट्रोलपंप या ठिकाणाहून हलवून अन्यत्र सुरक्षित जागी करावा अशी या आंदोलकांची मागणी आहे.
आज सकाळी 11 वाजता डॉ बाबासाहेब आंबेडकर यांच्या पुतळ्याला माल्यार्पण करून कृती समिती आंदोलक उपविभागीय अधिकारी यांच्या कार्यालया समोर 11 ते 3 या वेळात शांततेत धरणे दिल्यानंतर कृती समितीने उपविभागीय अधिकारी शिल्पा सोनले यांना निवेदनातून मागणी आपल्या स्तरावर पेट्रोल पंप हटविण्याच्या संदर्भात कारवाई करावी ही विनंती ,अन्यथा पेट्रोल पंप कृती समितीच्या वतीने संपूर्ण जिल्ह्यातील गावखेड्यात उग्र आंदोलन करण्यात येईल कायदा सुव्यवस्था बिघडल्यास याची जबाबदारी शासन प्रशासनावर राहील याची नोंद घ्यावी मागणी संदर्भात एक निवेदन सादर केले.
आजच्या धरणे आंदोलनाचे नेतृत्व वर्धेचे माजी नप अध्यक्ष नीरज गुजर, माजी नगरसेवक अशोक रामटेके,अनिल जवादे,शंकर मुंजेवार,गोरख भगत,गोकुल पाटील,विक्रात भगत, यांनी केले.
या धरणे आदोलनाच्या यशस्वीतेसाठी कुणाल वासेकर,, अनिल मून,मनोज वासेकर,रसपाल शेंदरे, सुहास जीवनकर,ललित धनविज,राजू मेश्राम, विजय तामगाडगे, प्रशांत मेश्राम, अजय डांगरे, पृथ्वीराज मेश्राम , सौ मंगला कांबळे,अनुला सोमकुंवर,सीमा मेश्राम,यांनी परिश्रम घेतले.
सूर्या मराठी न्यूज साठी सचिन वाघे वर्धा

हिंगणघाट : – दि. २३ ऑगस्ट हिंगणघाट शहरात डेंग्यूचा वाढता प्रकोप पाहता झोपी गेलेल्या नगर पालिका प्रशासनाला ‘मनसे’चे जिल्हाध्यक्ष ‘अतुल वांदिले’ यांच्या नेतृत्वात निवेदन देण्यात आले. शहरात मागील १ महिन्यापासून डेंग्यू चा प्रादुर्भाव मोठ्या प्रमाणात वाढत असल्याने झोपी गेलेल्या नगर पालिका प्रशासनाचे शहरावर दुर्लक्ष होत आहे. त्यातच शरातील संपूर्ण भागात अमृत योजने अंतर्गत भूमिगत गटार योजनेचे काम त्यात त्या गटाराचा चेंबर मध्ये डबक्यात पाणी साचून राहते पावसाचा पाण्यात हेच गटारे ओव्हरफ्लो झाल्याने पाणी जाण्याकरिता जागाच राहिली नाही त्या पाण्याचे रूपांतर सांडपाण्याचा होत असल्याने त्यातूनच डेंग्यूचे माचार निर्माण होत आहे. या गटार योजनेच्या पाईप लाईन मुळे सर्वत्र घाणीचे साम्राज्य निर्माण झाले आहे यातून शहरात नागरिकांमध्ये दहशतीचे वातावरण निर्माण झाले आहे .
सूर्या मराठीन्यूज साठी सचिन वाघे वर्धा

नांदुरा(प्रफुल्ल बिचारे):-

नांदुरा शहरातील शिवाजीनगर येथील 45 वर्षे इसमाने राहत्या घरात गळफास घेऊन आत्महत्या केल्याची घटना आज सोमवार दिनांक 23 ऑगस्ट रोजी सकाळी 5 वाजताच्या सुमारास घडली गजानन महादेव खेतकर वय 45 वर्ष असे मृतकाचे नाव आहे.
याबाबत विजय गजानन खेतकर यांनी नांदुरा पोलिसात फिर्याद दिली. फिर्यादीत म्हटले आहे की,त्यांचे वडील गजानन महादेव खेतकर वय 45 वर्ष राहणार शिवाजीनगर यांना दारू पिण्याची सवय होती ते नेहमी दारू पीत असत.त्यांनी यापूर्वी दोन तीन वेळा विषारी औषध घेतले होते.त्यांनी आज सोमवारी सकाळी पाच वाजता च्या सुमारास राहत्या घरी टीनाच्या खाली लावलेल्या लाकडी बल्लीला साडी च्या सहाय्याने गळफास घेऊन आत्महत्या केली सकाळी ते लटकलेल्या अवस्थेत दिसून आले अशा फिर्यादीच्या तोंडी तक्रारीवरून कलम 174 नुसार मर्ग दाखल करण्यात आला असून पुढील तपास पोलिस निरीक्षक यांच्या आदेशाने सहाय्यक फौजदार गजानन सातव हे करीत असल्याचे नांदुरा पोलिसांनी सांगितले आहे.