सचिन वाघे वर्धा
17.6.21
हिंगणघाट ते जाम वरील सर्विस रोड उब्दा या गावापर्यंत वाढ करण्यातयावी
या रस्त्यावर अपघाताचे प्रमाण खूप जास्त वाढलेले आहे.
सात किलोमीटरचे रस्ते दरम्यान आठ ते दहा खेडेगाव आहे
आजंती, एमआयडीसी ते उब्दा पर्यंत जवळपास पन्नास उद्योगधंदे कारखाने आहे तसेच जामची सूतगिरणी सुद्धा आहे .
सर्व मजूर वर्ग भोवतालच्या भागातील असून ऑटो, दुचाकीवर ,काही पायदळ सुद्धा नेहमी येणे-जाणे करते
बहुतांश शेत जमिनी ह्या ज्या पलिकडच्या भागात असून शेती विषयक सर्व कामाकरिता नेहमी जाणे-येणे असते
संपूर्ण भागातील लोकांना हिंगणघाट मध्ये प्रत्येक महत्त्वाच्या कामाकरता शिक्षण आरोग्य, प्रशासन व इतर कामांकरिता दिवस-रात्र जाणे येणे करावे लागते .मध्यंतरी झालेले अपघात स्थानिक लोकांचे असून विदारक होते की ते सांगणे खूप अवघड आहे . आमदार समीर कुणावर मार्फत युवा मोर्चा व समस्त कामगार ,शेतकरी, विद्यार्थी वाहतूकदार, उद्योजकांकडून श्री अंकुश ठाकूर नगरसेवक, प्रदेश सचिव भाजयुमो यांनी निवेदन दिले

सचिन वाघे वर्धा

हिंगणघाट दि.१७
वर्धा जिल्ह्यातील अनेक विकास कामे रस्ते जवळपास पूर्ण होत असून वर्धा जिल्ह्यात विकासाला गती मिळाली असल्याचे ना. नितीनजी गडकरी यांनी सांगितले, आमदार समीर कुणावार यांनी मागणी केल्याप्रमाणे येथे एम्स वैद्यकीय महाविद्यालय सुरू करण्यासाठी प्रयत्न करण्याचे आश्वासन नामदार नितीन गडकरी यांनी यावेळी दिले,राष्ट्रीय महामार्ग प्राधिकरणातर्फे केंद्र सरकारच्या निधीतून तयार करण्यात आलेल्या राष्ट्रीय महामार्गावरील नांदगाव चौकातील उड्डाणपुलाच्या लोकार्पण सोहळा प्रसंगी ते बोलत होते.
स्थानिक शिवाजी मार्केट यार्ड येथे आज या उड्डाणपुलाचे लोकार्पण सोहळ्याचे आयोजन करण्यात आले होते याप्रसंगी वर्धा लोकसभा मतदार संघाचे खासदार रामदास तडस, राज्यसभेचे खासदार डॉ. विकास महात्मे, विधानसभा क्षेत्राचे आमदार समीर कुणावर,वर्धा विधानसभा क्षेत्राचे आमदार डॉ.पंकज भोयर,आर्वी विधानसभा क्षेत्राचे आमदार दादारावजी केचे, विधान परिषद सदस्य डॉ.रामदास आंबटकर हिंगणघाट कृषी उत्पन्न बाजार समितीचे सभापती एड. सुधीर कोठारी,हिंगणघाट नगरपालिकेचे नगराध्यक्ष प्रेम बसंतानी, वर्धा जिल्हा परिषद अध्यक्षा श्रीमती सरीता गाखरे, जिल्हा परिषद सभापती मृणाल माटे, माधव चंदनखेडे,पंचायत समिती सभापती सौ.शारदा आंबटकर,समुद्रपुर प.स.सभापती सुरेखा टिपले,वर्ध्याच्या जिल्हाधिकारी प्रेरणा देशभ्रतार इत्यादि मान्यवर व्यासपीठावर हजर होते.
राष्ट्रीय महामार्गावरील शेडगाव येथील उड्डाणपुलाचा शिलान्यास करुन ना.गडकरी हे दुपारी १.३० च्या सुमारास हिंगणघाट येथे कृषी उत्पन्न बाजार समितीच्या सभागृहात पोचले, त्यांनी नांदगाव चौक येथील सुमारे १.४२ किलोमीटर लांबीच्या उड्डाणपुलाचे लोकार्पण केले, या पुलाचे मूल्य ८५.२८ करोड आहे,दिल्ली येथील विद्या इंफ्रा या कंपनीने या पुलाचे बांधकाम केले आहे. स्थानिक आमदार कुणावार यांच्या पाठपुराव्यामुळे या पुलाची ना. गडकरी यांनी केंद्र सरकारतर्फे निधी देऊन मंजुर केला होता. सदर पुलाच्या निर्मितीमुळे राष्ट्रीय महामार्ग पलीकडे राहणाऱ्या शहरी व ग्रामीण लोकांना मोठी सुविधा झाली आहे या रस्त्यावर ती अनेक अपघात झाले असून त्यासाठीच आमदार समीर कुणावर यांनी या पुलाच्या निर्मितीसाठी प्रयत्न केले होते. आज लोकार्पण सोहळ्याप्रसंगी नामदार गडकरी यांनीच
शेणापासून चांगल्या प्रकारचा डिस्टेम्पर पेंट तयार होत असून त्याचा उपयोग करून रंगरंगोटी करण्यासाठी पुलाची निर्मिती करणाऱ्या कंत्राटदारास आवाहन
केले, आमदार समीर कुणावर यांनी वणा नदी खोलीकरण व सौंदर्यीकरण करण्याचा मुद्दा उपस्थित केला असता गडकरी यांनी त्यासाठी प्रयत्न करण्याचे आश्वासन दिले, नागपूरच्या धर्तीवर नदीतुनही भविष्यकाळात वॉटर टॅक्सी सुरू करण्याच्या दृष्टीने त्यांनी योजना दिली.
राष्ट्रीय महामार्गावर झाडे लावून महामार्ग हिरवा करण्याचा सल्ला राष्ट्रीय महामार्ग प्राधिकरणाच्या अधिकाऱ्यांना दिले, कोरोना काळात नागरिकांचे मनोबल वाढले पाहिजे यासाठी मी व्यक्तिशः आलो असून मोठ्या प्रमाणात लसीकरण तसेच सामाजिक दूरता मास्क वापर इत्यादी कोरोना नियमांचे पालन करण्याचे आवाहन करीत निरोगी राहण्यासाठी नागरिकांना शुभेच्छा दिल्या. तसेच शेतकऱ्यांना समृद्ध करण्यासाठी शेतकऱ्यांचा शेतमाल व उत्पादन निर्यात केले पाहिजे, हिंगणघाट शहरातील कृषी उत्पन्न बाजार समिती किंवा इतरांनी असा माल निर्यात करण्यासाठी प्रयत्न करावे त्यासाठी येथून रेल्वे वाहतूक व्यवस्था सुरू करण्यासाठी मदत करण्याचे आश्वासन ना. नितीन गडकरी यांनी दिले शेतकऱ्यांच्या समृद्धीसाठी त्यांनी अनेक शासकीय योजनांची माहिती दिली.
कार्यक्रमाचे प्रास्ताविक नगराध्यक्ष प्रेम बसंतानी यांनी केले तर महामार्ग प्राधिकरणाचे प्रकल्प निदेशक यवतकर यांनी उपस्थितांचे आभार मानले.
सदर कार्यक्रमाचेवेळी भाजपा सरचिटणीस किशोर दिघे, भूपेंद्र शहाणे,माजी जि.प.अध्यक्ष नितिन मडावी तसेच न.प.सदस्य भाजपा पदाधिकारी,कार्यकर्ते मोठ्या संख्येने उपस्थित होते.
ना.गडकरी यांनी सदर कार्यक्रमानंतर शहरातील पत्रकार मंगेश वणीकर यांचे निवासस्थानी सदिच्छा भेट दिली तसेच आमदार समिर कुणावार यांच्याही निवासस्थानी भेट दिली याप्रसंगी त्यांनी वणा नदी संवर्धन समितीचे निवेदन स्विकारले.
हिंगणघाट नगरपालिका अध्यक्ष प्रेम बसंतानी यांच्या निवासस्थानीसुद्धा त्यांनी भेट दिली.

सचिन वाघे वर्धा

हिंगणघाट दि.१६ एकाच रात्री दरम्यान दाखल असलेले जबरी चोरीचे दोन गुन्हे उघडकिस आणून तीन
आरोपिंना गजाआड करीत एकूण ८८ हजार ५६३ रूपयाचा मुद्देमाल जप्त करण्याची कामगिरी हिंगणघाट पोलिसांनी केली.
काल दिनांक १५ रोजी रात्री १२.४५ दरम्यान राष्ट्रीय महामार्गा वर आजंती बस स्टॉप तसेच रायगड हॉटेल जवळ फिर्यादी
गुरूदेव कवडुजी उमरे वय 65 वर्षे रा. भिमनगर वार्ड, हिंगणघाट व त्यांचा मित्र मारोती उरवते रा. भिमनगर वार्ड, हिंगणघाट हे पायदळ आंजती बस स्टॅण्ड कडुन हिंगणघाटकडे येत होते, तसेच दुसरा फिर्यादी
अनुप विनयराव पवार वय ३२ वर्षे रा. शास्त्री वार्ड, हिंगणघाट हे रिमडोह कडुन हिंगणघाटकडे येतांना पांढन्या
रंगाच्या मोपेड गाडीवरील चार अनोळखी इसमांनी धारदार चाकुचा धाक दाखवुन तसेच चाकुने गंभीर जखमी
करून त्यांचे कडुन जबरीने रोख रक्कम तसेच मोबाईल हिसकावुन नेल्याच्या दोन्ही फिर्यादिनी हिंगणघाट पोलिसांत तक्रार केली. सदर तक्रारीवरुन पोलिसांनी
अपराध क्र. 0५२२/२०२१ कलम ३९७, ३४भादंवि तसेच अप क्र. ५२३/२०२१ कलम ३९७, ५०४, ५०६, ३४ भादंवि
चा गुन्हा नोंद केला.
सदर गुन्हा दाखल होताच पो.स्टे. हिंगणघाट येथील सहायक पोलीस निरिक्षक पाटणकर, उपनिरिक्षक अमोल लगड तसेच गुन्हे प्रकटीकरण शाखेचे पो.हवा. शेखर डोंगरे यांनी त्यांच्या पथकासह
आजंती व रिमडोह शिवारात चोरीस गेलेल्या मालाचा शोध घेतला असता सदर
गुन्हयातील संशयीत आरोपीची पांढऱ्या रंगाची मोपेड स्कूटर आजती शिवारात सापड़ली तसेच तीन संशयीत आरोपी शुभम अशोक कोल्हे वय २० वर्षे रा. आंजती, रोशन रामाजी बोभाटे, वय २२ वर्षे,रा. संत ज्ञानेश्वर वार्ड, हिंगणघाट आणि चंद्रकांत उर्फ शेखर शंकर कुटारकर वय २२ वर्षे रा. गव्हा कोल्ही यांना अटक करण्यात आली.
सदर तिन्ही आरोपींची कसुन
चौकशी केली असता त्यांचे फिर्यादिंना धाक दाखवित जबरीने लूटलेली नगदी रक्कम, मोबाईल, गुन्हयात वापरलेले वाहन, त्यांचे जवळ असलेले
प्राणघातक हत्यार इ. असा एकूण ८८ हजार ५६३ रूपयाचा मुद्देमाल जप्त करण्यात पोलिसांना यश मिळाले.

नांदुरा( प्रफुल्ल बिचारे):-

तालुक्यातील माळेगाव (गोंड) येथे शेतात मशागत करीत असलेल्या शेतकऱ्यावर रानडुकराने हल्ला करू गंभीर जखमी केल्याची घटना १३ जून २०२१ च्या दुपारी ४ वाजे दरम्यान घडली.
याबाबत अधिक माहिती अशी की पांडुरंग राजाराम बारब्दे वय ५३ वर्ष राहणार माळेगाव गोंड हे आपल्या शेतात १३ जून च्या दुपारी काकर काढीत असताना त्यांच्यावर पाठीमागून येऊन रानडुकराने अचानक हल्ला चढवला यात त्यांच्या डाव्या पायाला व डाव्या हाताला गंभीर जखमा केल्या. विशेष म्हणजे या हल्ल्यानंतर पांडुरंग बारब्दे हे जवळपास एक तास शेतातच पडलेले होते. गावकऱ्यांना या घटनेची माहिती मिळताच त्यांनी शेताकडे धाव घेऊन त्यांना तात्काळ नांदुरा येथे हलविले.
मात्र प्रकृती गंभीर असल्याने त्यांना पुढील उपचाराकरिता अकोला येथे नेण्यात आले सदर शेतकरी बांधव हा अत्यल्पभूधारक असून त्यांची आर्थिक परिस्थिती हलाखीची असल्याने शासनाने त्यांना मदतीचा हात द्यावा अशी मागणी होत आहे. तसेच वनविभागाने या हिंस्त्र प्राण्यांचा तात्काळ बंदोबस्त करीत पिकांचे व शेतकन्यांचे या प्राण्यांपासून संरक्षण करावे अशी मागणी पुढे येत आहे.