यावल ( प्रतिनिधी )विकी वानखेडे

महाराष्ट्र प्रदेश असंघटीत कामगार काँग्रेस नियुक्ती कार्यक्रम आज दिनाक ११/६/२०२१ रोजी यावल रावेर विधानसभा क्षेत्राचे आमदार शिरीष मधुकरराव चौधरी यांचे हस्ते व योगेंद्रसिंग पाटील, बंटी भैय्या खान्देश काँग्रेस समन्वयक यांचे उपस्थित सोबत सौ मनीषाताई पाचपांडे प्रमुख उपस्थित खिरोदा येथे आमदार शिरीष चौधरी यांच्या निवासस्थानी कार्यक्रम पार पडला यात महाराष्ट्र प्रदेश अध्यक्ष नाना पटोले व असंघटीत कामगार काँग्रेसचे राज्य अध्यक्ष मोहम्मद बदरू जमा यांचे सूचनेवरून महाराष्ट्र प्रदेश असंघटीत कॉंग्रेस कामगारांची बैठक जळगाव जिल्हा अध्यक्ष गणेश भैय्या बारसे व कार्याध्यक्ष फय्याज हुसैन , प्रसन्न गुणवंतराव देशमुख जिल्हा समन्वयक व जिल्हा प्रसिध्दी प्रमुख यांचे उपस्थितीत ॲड नितीन चौधरी यांची कायदेविषयक सल्लागार समितीच्या जिल्हा अध्यक्षपदी निवड करण्यात आली आहे तर ॲड. देवेंद्र आर बाविस्कर यांची जिल्हा उपाध्यक्षपदी तर ॲड लोंढे यांची सचिवपदी तसेच कायदेशीर सल्लागार समिती वर, मदिना तडवी यांची अध्यक्ष यावल तालुका ,सौ प्रेरणा ताई भंगाळे यांची जिल्हा उपाध्यक्षपदी व योगिताताई शुक्ला यांची जिल्हा उपाध्यक्षपदी उल्हास मुरलीधर नेमाडे, जगदीश धांडे यावल तालुका सचिव प्रशांत किरगे फैजपूर शहर मीडिया प्रमुख ,प्रदीप आदिवाल यांची जिल्हा समन्वयक रिक्षा चालक मालक प्रदीप मेढे यांची रावेर तालुका अध्यक्ष माथाडी कामगार, म्हणून अमीनाताई तडवी यांची जळगाव महानगर अध्यक्ष , असली रोष यांची भुसावळ तालुका समन्वयक ,हाफिज खान भुसावळ तालुका उपाध्यक्ष, मोहम्मद जावेद भाई भुसावळ, नईम हाजी यांची अध्यक्ष यावल शहर व्यापारी असोसिएशन व जुगल घारू यांची व्यापारी असोसिएशन च्या उपाध्यक्ष पदी निवड करण्यात आली
सोबत जळगाव चे प्रल्हाद सोनवणे , यावल चे समाजसेवक राजेन्द्र करांडे व रावेर चे दिलीप पंडित,लक्ष्मण भैय्या रल, राधेश्याम गुजराती, ( पहीलवान),हेमंत हसकर, गौरव जावरे, रोहित रल उपस्थित होते

नांदुरा(प्रफुल्ल बिचारे पाटिल):-

राज्याचे कर्तव्यदक्ष उपमुख्यमंत्री तथा अर्थमंत्री यांनी राज्यातील रुग्णांची गैरसोय होऊ नये याची दखल घेत जिल्हा रुग्णालय ग्रामीण रुग्णालय व प्राथमिक आरोग्य केंद्रांना रुग्णवाहिका उपलब्ध करून दिल्या जातील अशी घोषणा मागील अर्थसंकल्पीय अधिवेशनात केली होती त्या अनुषंगाने नांदुरा तालुक्यातील प्राथमिक आरोग्य केंद्र नांदुरा व प्राथमिक आरोग्य केंद्र टाकरखेड यांना प्रत्येकी एक रुग्णवाहिका उपलब्ध झाली असून नांदुरा शहरात दाखल देखील झाली आहे.सदर रुग्णवाहिकेचा लोकार्पण सोहळा आमदार श्री.राजेश एकडे यांच्या हस्ते आज संपन्न झाला सदर रुग्णवाहिका रुग्णांसाठी देवदूत म्हणून काम करतील अशी अपेक्षा त्यांनी व्यक्त केली. यावेळी शिवसेना उपजिल्हाप्रमुख श्री.वसंतराव भोजने नांदुरा पंचायत समितीच्या सभापती सौ. सुनिताताई डीवरे,नांदुरा तालुका काँग्रेस कमिटीचे अध्यक्ष श्री.भगवानभाऊ धांडे,युवा सेनेचे श्री.ईश्वर पांडव,नायब तहसीलदार श्री.संजय मार्कंड, डॉ.अभिलाष खंडारे, डॉ.खोद्रे, डॉ.जैस्वाल, डॉ.घाटे,,डॉ.पायल पाटील,विजय पायघन, दादागावचे सरपंच श्री.गणेशराव काटे प्रामुख्याने उपस्थित होते.

गजानन सोनटक्के जळगाव जा

दिनांक 6 जून 2021 रोजी संपूर्ण राज्यभरच नव्हे तर देशभर छत्रपती शिवाजी महाराजांचा राज्याभिषेक सोहळा दिन संपन्न झाला.
हा सोहळा राज्यातील सर्व स्थानिक स्वराज्य संस्थांमध्ये संपन्न होत असतांना सुद्धा नगर परिषद जळगाव जामोद शासन व प्रशासनाला शिवराज्याभिषेक सोहळा दिनानिमित्त आयोजित कार्यक्रमाचा पडला विसर पडला.
छत्रपतींच्या नावावर मते मागून देशात सत्ता स्थापन करणाऱ्या भाजपशासित नगरपरिषद प्रशासनास शिवराज्याभिषेक दिनाच्या विसर पडणे म्हणजे एक प्रकारे शिवभक्तांच्या भावनांसोबत केलेली थट्टाच होय. अशा या निगरगट्ट व छत्रपतींचे नावाचा केवळ वापर करणाऱ्या व छत्रपतींचा सन्मान करण्याची मानसिकता नसलेल्या विचारसरणीचा आम्ही जाहीर निषेध व्यक्त करतो.
नगर परिषद च्या संबंधित अधिकाऱ्यांना शिवराज्याभिषेक दिनाचा सोहळा का आयोजित केला नाही अशी विचारणा केली असता त्यांनी अत्यंत पोरकट व उडवाउडवीची उत्तर देत थातूर मातुर समाधान करण्याचा प्रयत्न केला.अशा या अकार्यक्षम प्रशासकीय अधिकाऱ्यांवर वेळीच कार्यवाही होणे आवश्यक आहे.अन्यथा अशा या घोडचूक करणाऱ्या अधिकाऱ्यांना तसेच त्यांना पाठीशी घालणाऱ्या नगराध्यक्षा व संबंधित पदाधिकारी यांना जनता माफ करणार नाही.

यावल ( प्रतिनिधी )विकी वानखेडे

काल रात्री तालुक्यातील चुंचाळे बोराळे गाव परिसरात विज कोसळली व ढगफुटी सदृष्य झाल्याने झालेल्या मुसळधार पाऊस पडल्याने गावातुन जाणाऱ्या नदीला १५ वर्षानंतर नदीला मोठा पुर आल्याने दोघ गावांचा संपर्क तुटला होता तर एका ठीकाणी विज कोसळुन दोन बैलांचा मृत्यु तर दोन मोटरसायकल पुराच्या पाण्यात वाहुन गेल्याची घटना घडली असुन .या संदर्भात मिळालेली माहीती अशी की यावल तालुक्यातील पश्चिम क्षेत्रातिल असलेली चुंचाळे व बोराळे या गाव परिसरात आज सायंकाळच्या सुमारास ढगफुटीसदृष्य झाल्याने दोघ गावांना जोडणाऱ्या नदीला २००६नंतर अशा प्रकारचे मोठे पुर आल्याचे ग्रामस्थांचे म्हणणे आहे . तर हा सर्व प्रकार ढगफुटीसारखा असल्याचे ग्रामस्थांच्या वतीने सांगण्यात आले या सर्व वातावरणात विज कोसळल्याने बोराळे गावातील शेतकरी सुरेश प्रल्हाद धनगर यांच्या घरासमोर बांधलेल्या बैलांच्या अंगावर विज कोसळयाने सुमारे एक लाख २० हजार रुपये किमतीच्या दोन बैलांचा मृत्यु झाला असुन , यांची संजयसिंग राजपुत आणी रमेश पिताबंर धनगर यांच्या १ लाख३०हजार रुपये किमतीच्या दोन मोटरसायकली देखील पुराच्या पाण्यात वाहुन गेल्याचे वृत्त आहे . दरम्यान चुंचाळे बोराळे गावांच्या उत्तरेकडील असलेल्या सातपुडा पर्वताच्या जवळ असलेल्या निंबादेवी तलावाच्या परिसरात ढगफुटी झाल्याचे वृत्त आहे .अचानक परिसरात मुसळधार पाऊस मागील पाच तासापासुन सुरू असल्याने अचानक गावातील नदीला मोठा पुर आल्याने दोघ गावातील अनेक घरांमध्ये पाणी शिरल्याने अनेकांचे नुकसान झाले आहे . या पार्श्वभुमीवर महसुलच्या प्रशासकीय यंत्रणेकडुन सकाळ पासुनच नुकसानीच्या पंचनाम्याच्या कामास सुरूवात करण्यात आली होती या पंचनाम्याच्या कार्यवाही साकळीचे मंडळ अधिकारी पी .बी .कडनोर , ग ग्रामसेवक राजू तडवी, ग्रामसेविका प्रियंका बाविस्कर. यांच्यासह चुंचाळे गावाचे तलाठी प्रविण नेहते , विशाल राजपुत कोतवाल यांनी यात भाग घेतला दरम्यान या वेळी पावसामुळे नुकसान झालेल्या ९ घरांचे पंचनामे करण्यात आले तर पुराच्या पाण्यात वाहुन गेलेल्या दोघमोटरसायकल वाहन सापडले असल्याचे वृत्त आहे. दरम्यान अचानक आलेल्या मुसळधार पावसामुळे झालेल्या नुकसानाची पाहणी करण्यासाठी तात्काळ चोपडा मतदारसंघाच्या आमदार सौ .लता ताई चंद्रकांत सोनवणे , तहसीलदार महेश पवार , विस्ताराधिकारी हबीब तडवी, , कृषी उत्पन्न बाजार समितीचे सभापती तथा शिवसेनेचे जिल्हा उपप्रमुख तुषार उर्फ मुन्ना पाटील , शिवसेनेचे तालुकाप्रमुख रवी सोनवणे , युवा सेनेचे प्रमुख गोटु सोनवणे , योगेश पाटील , दिनेश पाटील , पराग महाजन , दिपक कोळी , पिटुं धनगर, चुंचाळे ग्रामपंचायतच्या उपसरपंच नाजिमा तडवी , स्वराज फाउंडेशनचे भरत चौधरी , ग्राम पंचायत सदस्य अनिल कोळी , रहेमान तडवी , सुकलाल कोळी व सुधीर सर चौधरी यांच्यासह आदी ग्रामस्थ बांधव याप्रसंगी उपस्थित होते . यावेळी आमदार सौ .लताताई सोनवणे यांनी घरांचे नुकसान झालेल्या ग्रामस्थांना तात्काळ अन्नधान्य देण्याच्या सुचना यावेळी महसुल प्रशासनास दिल्यात .