गजानन सोनटक्के जळगाव जा

जळगांव जा.प्रतिनिधी:-
स्थानिक जळगांव जामोद नगरपालिके ची दिनांक 25/05/ 2021 रोजी विशेष सभा पार पडली.या सभेमध्ये काँग्रेस गटनेते अर्जुन घोलप, शिवसेना गटनेते गजानन वाघ नगरसेवक सर्वश्री श्रीकृष्णा केदार,रमेश ताडे, एडवोकेट संदीप मानकर, व महाविकास आघाडीचे विरोधी पक्षातील सर्व नगरसेवक यांनी सत्ताधाऱ्यांना चांगलेच धारेवर धरले.सभा पुस्तिकेमध्ये नमूद विषय क्रमांक 1नुसार गॅस शवदाहिनी उभारण्याबाबत विचार विनिमय करताना प्रथम जळगाव जामोद शहरातील सर्व अविकसित स्मशानभूमी व कब्रस्तान विकसित करण्यात यावेत व नंतर गॅस शवदाहिनी ची उभारणी करण्यात यावी असे मत विरोधकांनी नोंदविले तसेच कोरोना महामारी च्या काळात शहरातील जनतेच्या आरोग्य व जीवनावश्यक प्राथमिक गरजा याकडे लक्ष न देता केवळ आवश्यकता नसताना अवाजवी खर्च करून त्यांचे बिले काढून कमिशन खाण्याचे काम नगर परिषद प्रशासनाकडून होतांना दिसत आहे असा विरोधकांनी आरोप केला. विषय क्रमांक 2 नुसार स्वर्गरथ घेणेबाबत महाविकास आघाडीच्या नगरसेवकांनी सहमती दर्शवत स्वर्गरथा सोबतच रुग्णवाहिका घेण्याबाबत सुद्धा प्रस्ताव तयार करण्यात यावा तसेच शहरातील अपंग, निराधार,परित्यक्त्या महिला व गोरगरीब जनतेला आर्थिक मदत नगर परिषदेने करावी असे मत नोंदवत विषय क्रमांक दोन ला सहमती दर्शविली. विषय क्रमांक 3 नुसार माननीय नगराध्यक्ष यांनी मंजुरी प्रदान केलेल्या कामांना कार्योत्तर मंजुरी देण्याबाबत विचारविनिमय करताना माननीय अध्यक्ष तथा माननीय मुख्याधिकारी यांनी संबंधित कामाची यादी वाचून दाखवावी अशी मागणी विरोधकांनी केली असता संबंधित विभागाच्या अधिकाऱ्यांनी कामाची यादी वाचून दाखविली यामध्ये कचरा संकलनाचे कामाला कार्योत्तर मंजुरी देण्याबाबत विरोधकांनी आक्षेप नोंदविला व असे नमूद केले की कचरा संकलनाचे काम योग्य प्रकारे होत नसून संपूर्ण शहरातील नागरिकांच्या याबाबत तक्रारी आहेत.ह्या तक्रारी माननीय आरोग्य पर्यवेक्षिका तसेच माननीय मुख्याधिकारी यांना वेळोवेळी सांगून सुद्धा तक्रारींचे निराकरण झाले नाही उलटपक्षी कचरा संकलनाचे नियमानुसार व इस्टिमेट प्रमाणे काम न करताच अवाजवी बिले काढण्यात येतात असा आरोप केला. संबंधित प्रभागाच्या नगरसेवकांची सहमती घेतल्याशिवाय बिले काढण्यात येऊ नये जेणेकरून शासनाच्या निधीचा अपव्यय होणार नाही असे मत विरोधकांनी नोंदविले. विषय क्रमांक 3 नुसार सार्वजनिक शौचालयाची साफसफाई करण्याचे कार्योत्तर मंजुरी देण्याबाबत विरोधकांनी आक्षेप नोंदवला व शहरातील शौचालयांची साफसफाई होत नसून काही शौचालयात पाण्याची व्यवस्था विस्कळीत झालेली आहे असा आरोप करत त्या कामासंबंधिचे दिलेले कामे पूर्ण झाल्याशिवाय बील काढण्यात येऊ नये असे मत नोंदविले. विषय क्रमांक 3 नुसार हातपंप दुरुस्ती चे कार्योत्तर मंजुरी घेताना हातपंप अनेक वेळा तक्रार करून सुद्धा वेळेवर दुरुस्त होत नाहीत असा आरोप करत अगोदर बिल सभेसमोर सादर करावेत व नंतर मंजुरात द्यावी असे मत विरोधकांनी नोंदविले. विषय क्रमांक 3 नुसार इलेक्ट्रिक विषयक कामांना कार्योत्तर मंजुरी देण्याबाबत चर्चा सुरू असताना विरोधकांनी आपले मत असे नोंदविले की अगोदर केलेल्या कामाची सविस्तर माहिती रकमेसह सादर करण्यात यावी व नंतर मंजुरी देण्यात यावी. विषय क्रमांक 3 प्रमाणे मनुष्यबळ पुरविणेनुसार कर्मचाऱ्यांचा पगार काढण्याबाबत कार्योत्तर मंजुरी देण्याबाबत या विषयावर मत नोंदविताना विरोधकांनी सहमती दर्शवली.सबंधित विभागाचे अधिकारी कर्मचाऱ्यांवर अन्याय करत असून, शासनाच्या निर्देशानुसार कर्मचाऱ्यांना पगार दिल्या जात नाही,पी एफ चे पैसे प्रशासनाने भरणे बंधनकारक असून सुद्धा ते पैसे भरल्या जात नाहीत,त्या कर्मचाऱ्यांचा पगार नियमीत निघत नसून 8 ते 10 महिने प्रशासनाकडून विलंब लावल्या जातो असे आरोप केले तसेच अग्निशमन, साफसफाई,विद्युत व इतर जोखमीची काम करणारे कायमस्वरूपी व कंत्राटी कर्मचाऱ्यांना पुरेसे विमा संरक्षण व कोरोना प्रतिबंधात्मक साहित्य पुरविण्यात यावे असे मत नोंदवून संबंधित विषयास सहमती दर्शविली.वरील सर्व कामांची कार्योत्तर मंजुरी घेण्याऐवजी शहरातील नागरिकांच्या व नगर परिषद च्या हिताच्या दृष्टीने माननीय अध्यक्ष व माननीय मुख्याधिकारी यांनी दर महिन्याला सर्वसाधारण सभा घेणे आवश्यक होते व त्या सभेमध्ये सर्व विषय चर्चेला घ्यावयास पाहिजे होते परंतु तसे न करता सर्वसाधारण सभा घेण्याच्या कर्तव्यात कसूर केलेली आहे हा एक प्रकारे न प अधिनियम 1965 नुसार अपराध ठरतो.जळगाव शहरामध्ये सॅनीटायझर फवारणी व इतर समस्या बाबत अनेक वेळा निवेदन देऊन सुद्धा प्रशासनाला जाग येत नाही असा आरोप विरोधकांनी केला. उपरोक्त सर्वच विषयांवर विरोधकांनी प्रश्न उपस्थित केले असता माननीय अध्यक्ष व माननीय मुख्याधिकारी यांची चांगलीच तारांबळ उडाली असून नगर परिषद प्रशासनाच्या कारभारात कुठल्याही प्रकारचा ताळमेळ नसल्याचे स्पष्ट झाले.

ओमसाईं फाऊंडेशन म्हणजे नांदुरा शहरातील सामाजिक कार्यात अग्रभागी असलेली संस्था! पोलिसस्टेशन असो की रेल्वे स्टेशन, दवाखाना असो की स्मशानभूमी जिथ कुठ काही मदत पाहिजेत असल्यास नांदुरा शहरातील व पंचक्रोशीतील प्रत्येकाच्या तोंडी सर्वात पहिले नाव येते ते ओमसाईं फाउंडेशन.थोर पुरुषांच्यां फक्तच जयंत्या साजऱ्या करून चालणार नाही तर त्यांनी दिलेल्या शिकवनी नुसार आपण कार्य केले पाहिजेत यां विचाराने ओमसाई चा प्रत्येक सदस्य काम करत असतो.विविध सामाजिक कार्य करत असतांना खर्च हा लागूच असतो.पण एक म्हणतात न की आपण जऱ देवाकड़े जाण्यासाठी एक पाऊल पुढे टाकले तर तो देव चार पाऊल पुढे येतो.हाच अनुभव ओमसाई च्यां सर्व सदस्यांना येत आहे.जसजशी ओमसाईच्या कार्याची माहिती समाजात पसरत आहे तसतशे अनेक मदतीचे हात ओमसाई च्या कार्यात उत्साह वाढ़वन्याचे काम करीत आहेत.

अनेक सामाजीक कार्यात सहभागी असणारे श्री पीयूष मिहानी हे देखील ओमसाईचे सामाजिक कार्य बघून प्रभावित झाले व ओमसाईच्या कार्यात आपला देखील सहभाग असावा व आपन देखील समाजऋण फेडण्याचा प्रयत्न करावा या विचारावे एक मदतिचा हात म्हणून त्यांनी ओमसाई चे संस्थापक अध्यक्ष श्री विलास नींबोळकर यांच्यां जवळ 20 हजार रु ची आर्थिक मदत जमा केली. या वेळी डॉ ज्ञानेश्वर लोढ़े साहेब उपस्थित होते.

गेल्या दोन महिन्या पासून सर्वांना ऑक्सीजन च्यां संकटाने भयभीत करून सोडले आहे.अशा संकटात नांदुरा शहरातील उद्योजक श्री राजुभाया शर्मा यांनी ओमसाईं लां जंबो ऑक्सीजन सिलेंडर भेट दिले आहे.त्यामुळे ओमसाई च्यां माध्यमातून अनेकांना ऑक्सीजनची मदत मिळत आहे.

यावल ( प्रातिनिधी) विकी
वानखेडे

राष्ट्रीय अन्न सुरक्षा योजना व शेतकरी योजनेअंतर्गत तालुक्यातील पुर्वी समाविष्ठ न झालेल्या एपीएल (केशरी ) शिधापत्रक धारकांना माहे जुन २१ / ६ / २०२१ पासून सवलतीच्या दरात धान्य मिळणार आहे. योजनेचा लाभ घेण्याचे आवाहन यावलचे तहसीलदार महेश पवार यांनी केले आहे.
मागील दिड वर्षापासुन सुरू असलेल्या कोराना संसर्गाच्या पार्श्श्वभुमीवर पिवळया रेशन कार्ड धारकांना धान्य मिळायचे आता माहे२१ जुन पासून २३५७५ कार्डधारकातील १ लाख२३९७५ नागरीकांना या योजनेद्वारे लाभ मिळणार असुन , आता केशरी शिधापत्रिका कार्डधारकांना देखील प्रती माह प्रती व्यक्ती एक किलो गहु तर एक किलो तांदुळ असे दोन किलो धान्य तांदुळ १२ रुपये प्रती किलो तर गहु ८ रुपये प्रती किलो दराने मिळणार आहे. अशा सुचना तहसीलदार महेश पवार यांच्या आदेशान्वये धान्य वितरणाच्या सुचना तालुका पुरवठा निरिक्षक कु.अंकीता वाघमुळे आणी पुरवठा विभागाचे अव्वल कारकुन राजेश भंगाळे यांनी तालुक्यातील सर्व रेशन दुकांनांना दिले असून , मागील एक वर्षा पासुन शिधा पत्रीका असतांना ही कोरोनाच्या संकटकाळात धान्य मिळत नसल्याच्या तक्रारी करण्यात आल्या होत्या याची दखल घेत शासनाने हा निर्णय घेतला असुन , नागरीकांनी लाभ घ्यावा असे आवाहन तहसीलदार महेश पवार यांनी केले आहे

अमरावती.. अपंगांचा जलत गतीने विकास व्हावा म्हणून केंद्र सरकार ने अपंग हक्क अधिनियम 2016 नवीन कायदा बनविला आहे व हा कायदा संपूर्ण महाराष्ट्र राज्य मध्ये सक्तीने लागू करावा म्हणून अपंग जनता दल सामाजिक संघटना महाराष्ट्र राज्य चे नेते शेख अनिस पत्रकार प्रयत्न करत आहे असून अमरावती जिल्ह्यात सक्तीने अंमलबजावणी करण्यात यावी या बद्दल आहे अमरावती जिल्हाचा पालकमंत्री यशोमती ठाकूर सोबत अपंग जनता दल सामाजिक संघटना महाराष्ट्र राज्य अमरावती विभागीय उपाध्यक्ष शेख बब्बू यांनी सविस्तर चर्चा केली असून मा पालकमंत्री यशोमती ताई ठाकूर याची अपंग हक्क अधिनियम 2016 चा कायदा ची जिल्ह्यात सक्तीने अंमलबजावणी करण्यात येणार असे आश्वासन दिले आहे यावेळी समाज सेवक अन्नूला खान. शमा भाई. राईस भाई समीर भाई. मयूर मेश्राम. शाहीन परवीन. गोपाल वनवे. कासीम भाई. अन्वर शहा. रुस्तम शेख. मुतालिख चौस. नासीर बेग ये उपस्थित होते

सचिन वाघे वर्धा
26.5.21

वर्धा :– केंद्र सरकारने लागू केलेले तीन कृषी विरोधी कायदे रद्द व्हावे यासाठी मागच्या सहा महिन्यांपासून शेतकरी आंदोलन करीत आहेत. 26 मे रोजी मोदी सरकारला 7 वर्षे पूर्ण होत आहे शेतकरी विरोधी कायदे करणाऱ्या मोदी सरकारच्या निषेध म्हणून आज मोदी सरकारच्या निषेध म्हणून 26 मे रोजी महाराष्ट्राचे जलसंपदा, शिक्षण,कामगार व महिला व बालकल्याण राज्यमंत्री व प्रहार जनशक्ती पक्षाचे सरसेनापती नामदार बच्चूभाऊ कडू यांनी केलेल्या आव्हानाला प्रतिसाद देत , पूर्व विदर्भ प्रमुख गजू कुबडे यांच्या मार्गदर्शनाखाली विदर्भातील सर्व शेतकरी,शेतमजुर,व प्रहार सेवकांनी आपआपल्या घरावर व शेतीवर काळा झेंडा लावून निषेध नोंदवला वर्धा जिल्ह्यातही सर्व तालुक्यात प्रहारचे सर्व पदाधिकारी जिल्हाप्रमुख,उपजिल्हाप्रमुख,तालुका प्रमुख, शहर प्रमुख,शाखा प्रमुख यांनि गावागावात काळे झेंडे लावून निषेध नोंदवला