यावल ( प्रतिनिधी )विकी वानखेडे

येथील नगरपरिषदेचे कनिष्ठअभियंता एस. ए. शेख यांनी बेकायदेशीर कामे करून कामात सतत हलगर्जीपणा केल्याच्या कारणावरून त्यांना मुयाधिकरी बबन तडवी यांनी निलंबीत केले आहे.
येथील नगरपरिषदेचे कनिष्ठअभियंता एस. ए. शेख यांनी परिषदेच्या ठरावानुसार कामे न केल्याने, तसेच संबंधित कामांची काही कागदपत्र आढळून येत नसल्याने, कामकाजात सतत हलगर्जीपणा करून कर्तव्यात कसूर केला.
बांधकाम विभागाच्या विविध विकास कामांसंबंधीचे जे देयके ठेकेदारांना
प्रदान करण्यात आलेली आहे त्या संबंधित जे लेखापरीक्षणात आक्षेप
नोंदविण्यात आले त्याबाबतची पूर्तता न करणे कारणे दिलेल्या पत्रांचा खुलासा न करणे असे अनेक कारणावरून शेख सईद शेख अहमद यांना मुख्याधिािरी बबन तडवी यांनी
अखेर निलंबीत केले आहे.
कानतोडीच्या नाल्यातील अनधिकृत संरक्षण भिंतीचे बांधकाम, वसुंधरा
अभियानाचे अनियोजीत काम, तसेच जलसंवर्धनाच्या वि विध कामात त्यांनी हलगर्जीपणा करून दिलेल्या पत्राचे खुलासे न केल्याबद्यल महाराष्ट्र
नगरपरिषदा,नगरपंचायती व औद्योगिक नगरी अधिनियम १८६५चे कलम ७९ व महाराष्ट्र नागरी सेवा शिस्त व अपील नियम१९७९ मधील तरतुदीनुसार मुख्याधिकारी बबन तडवी यांनी निलंबनाचे आदेश बजावले आहेत. तसेच चौकशीअंती जे नव्याने दोषारोप समोर येतील त्याबाबातही आपणास नव्याने आदेश बजवण्यात येतील असे आदेशात नमूद आहे.

एलसीबीच्या पथकाने 10 इंजेक्शनही केले जब्त

नांदुरा(प्रफुल्ल बिचारे पाटिल) :
कोरोना महामारीच्या काळात लोकांच्या मजबुरीचा ग़ैरफ़ायदा घेऊन काही जण रेमडेसीवीर इंजेक्शनचा काळाबाजार करीत आहेत. बुलडाणा एलसीबीच्या पथकाने आज धडाकेबाज कार्रवाई करीत काळ्याबाजारात विकल्या जाणारे 10 रेमडेसीवीर इंजेक्शन जब्त केले असून आरोपीला जेरबंद केले आहे. अन्य दोघे जण ताब्यात घेण्यात आले आहेत. ही कार्यवाही आज संध्याकाळी 4 वाज़ेदरम्यान नांदुरा येथे करण्यात आली. नांदुरा येथील गैबी नगर येथे तीन जण रेमडेसीवीर विकत असल्याची गुप्त माहिती एलसीबीला मिळाली होती. त्यावरून सापळा रचुन सदर कार्यवाही करण्यात आली. प्राप्त माहितीनुसार एपीआय श्री. मोरे आणि पथकाने ही यशस्वी कार्रवाई केली आहे. विशेष म्हणजे अन्न व औषधी प्रशासन मंत्री तथा पालकमंत्री ना. डॉ. राजेंद्र शिंगणे यांच्या जिल्ह्यात हा काळाबाजार उघडकीस आणल्याने पोलिसांचे कौतुक होत आहेत. पालकमंत्री डॉ. शिंगणे यांनी यापुर्वीच काळ्याबाजारात रेमडेसीवीर विकणाऱ्यांवर कठोर कारवाई करण्याचे आदेश दिलेले आहेत. यामध्ये आझादखा इनुसखा वय 31 रा. गैबी नगर नांदुरा, अलबग हुसेन उर्फ नुरआलम अबुबकर अन्सारी वय30 वर्ष रा.खुतरा जि. हजारीबाग (झारखंड), शे. इरफान शे. अजमत वय 20 वर्ष रा. गैबी नगर नांदुरा या तिघांना ताब्यात घेतले असून त्यांच्याकडून 10 इंजेक्शन व दोन मोबाईल असे एकूण 1 लाख 76 हजार हजारांचा मुद्देमाल जप्त करण्यात आला आहे.

सचिन वाघे वर्धा

हिंगणघाट
दि. 5.5.21

पश्चिम बंगालमध्ये झालेल्या विधानसभेच्या निवडणुकीच्या निकालानंतर भारतीय जनता पक्षाच्या तसेच अखिल भारतीय विद्यार्थी परिषदेच्या कार्यालयावर करण्यात आलेल्या भ्याड हल्ल्याचा हिंगणघाट विधानसभा भाजपाच्या वतीने निषेध करण्यात आला.
या हल्ल्यात भारतीय जनता पक्षाचे कार्यकर्त्यांना क्षती पोहचवून जी अशोभनीय परंपरा पश्चिम बंगालमध्ये अखिल भारतीय तृणमुल काँग्रेसने चालवीली आहे अश्या अराजक कृत्याचा भारतीय जनता पार्टी हिंगणघाट विधानसभेच्या वतीने जाहीर निषेध करण्यात आला.
सबंधितांवर कठोर कारवाई व्हावी यासाठी आमदार समिर कुणावार यांचे मार्गदर्शना नुसार निषेधात्मक निवेदन नायब तहसीलदार समशेर पठाण यांचे मार्फत उपविभागीय अधिकारी चंद्रभान खंडाइत यांना देण्यात आले.
निवेदन देतांना भाजपाचे जिल्हा महामंत्री किशोर दिघे,नगर पालिकेचे नगराध्यक्ष प्रेम बसंतानी, माजी जिल्हा परिषद अध्यक्ष नितीन मडावी,भाजपचे हिंगणघाट तालुका अध्यक्ष आकाश पोहाणे समुद्रपुर तालुका अध्यक्ष संजय डेहणे,नगरसेवक चंद्रकांत मावळे उपस्थित होते.

गजानन सोनटक्के जळगाव जा

जळगांव जा.प्रतिनिधी:-अनिल भगत.
पश्चिम बंगाल मध्ये नुकत्याच विधानसभेच्या निवडणूका संपन्न झाल्या.या निवडणुक निकालाच्या दरम्यान तृणमूल कोंग्रेस च्या गुंडांणी अनेक भाजपा कार्यकर्ते व पदाधिकारी यांच्या झालेल्या हत्या, भाजपा कार्यालयाची झालेली तोड़फोड़,जाळपोळ याचा जळगांव जामोद मतदार संघाचे आमदार माजी मंत्री डॉ. संजय कुटे यांच्या नेतृत्वात दिनांक ५ मे रोजी स्थानिक जळगांव जामोद तहसील जवळील छत्रपती शिवाजी महाराज पुतळा ते उपविभागीय अधिकारी कार्यालयापर्यंत कोवीड नियमांचे पालन करीत.पश्चिम बंगाल येथील गुंड शाहीचा निषेध अशा घोषणा देत. लोकशाही मार्गाने निषेध व्यक्त करून मारेकऱ्यांवर कारवाई करण्याची मागणी निवेदणाव्दारे करण्यात आली आहे.निवेदनात नमूद आहे की,या निवडणुकांमध्ये भारतीय जनता पार्टीला घवघवीत यश मिळाले व प्रमुख विरोधी पक्ष म्हणून भाजपाला मान्यता मिळाली.भारतीय जनता पार्टिने लोकशाही मार्गाने जनतेचा विश्वास संपादन करून पं.बंगाल राज्यात आपले भरीव अस्तित्व तयार केले आहे.परंतु पश्चिम बंगाल मधिल या भारतीय जनता पार्टी च्या यशाने तृणमूल कोंग्रेस पक्षाची गुंडगिरी व हुकुमशाही विरोधात कौल दिल्याने आता तृणमूल कोंग्रेस कडून भाजपा कार्यालयाची तोडफोड व पदाधिकारी व कार्यकर्त्यांना मारहाण सुरु आहे. मारझोड़,जाळपोळ करून भाजपा पदाधिकारी व कार्यकर्ते यांची हत्या करण्यात आली आहे. झालेल्या ह्या हत्या म्हणजे फक्त मानवी हत्या असून तृणमूल कांग्रेस ने केलेली लोकशाहीची हत्या आहे. त्यामुळे सर्व भारतीय जनता पार्टिचे पदाधिकारी व कार्यकर्त्यांनी या घटनेचा,तृणमूल कोंग्रेस चा तिव्र भावनेने “जाहिर निषेध” व्यक्त केला आहे.तसेच तृणमूल कोंग्रेस च्या ह्या हल्ल्यात गेल्या काही वर्षापासून हिंसाचारात बळी पडलेल्या भाजपा कार्यकर्त्यांना श्रद्धांजली अर्पण करण्यात आली.तसेच या कठिन काळात पं.बंगाल मधील कार्यकर्त्यांच्या पाठीशी आम्ही खंबिर उभे राहून हा संघर्ष त्यांच्या एकटयाचा नसून लोकशाहीवर विश्वास ठेवणाऱ्या प्रत्येक नागरिकांचा आहे.त्यामुळे घड़लेल्या या लोकशाही विरोधी कृत्याचा,गुंडगिरी प्रवृत्तिचा भाजपा जळगांव जा.तालुक्याच्या वतीने पुन्हा एकदा “जाहिर निषेध” व्यक्त करून या समाज विघातक प्रवृतींवर कठोर कारवाई होण्यासाठी आपल्या स्तरावरुन योग्य कार्यवाही व्हावी.अशी विनंती निवेदनाव्दारे करण्यात आली आहे.यावेळी आमदार डॉ. संजय कुटे, जिल्हा सरचिटणीस नंदकिशोर अग्रवाल, तालुकाध्यक्ष प्रकाश वाघ,शहराध्यक्ष अभिमन्यू भगत,तालुका युवा मोर्चा अध्यक्ष परिक्षित ठाकरे,सचिन देेशमुख,अक्षय देशमुख,उमेश येऊल,आशिष सारसर,गोटु खत्ती,कैलास पाटील, कृषी उत्पन्न बाजार समिती संचालक राम इंगळे, कैलास डोबे,डॉ. प्रकाश बगाडे,गजानन सरोदे, बाळू चव्हाण,, पांडुरंग मिसाळ,सुरेश इंगळे, अरूण खिरोडकार अंबादास निंबाळकर यांची उपस्थिति होती.