यावल ( प्रतिनिधी )विकी वानखेडे

कोरोना विषाणु संसर्गाचा वाढत्या प्रादुर्भावाच्या पार्श्वभूमीवर राज्यात व जळगाव जिल्ह्यात सर्वत्र लॉकडाऊनचे निर्बंध लावल्याने या काळात जिल्हाधिकारी यांनी सर्वांनी नियमांचे काटेकोर पालन करावे असे आदेश दिले असुन या नियमावलीनुसार किराणा व आदी व्यवसायीकांसाठी सकाळी ७ते ११ वाजे पर्यंत नागरीकांसाठी जिवनावश्यक वस्तुची आपली दुकाने सुरू ठेवावी अशा सुचना देण्यात आल्या असुन , या सुचनांचे काही रेडीमेड कापड विक्रेते व आदी अनावश्यक व्यापारी आपली दुकाने बाहेरून बंद करून आतुन सुरू ठेवुन जिल्हाधिकारी यांच्या आदेशाकडे दुर्लक्ष करीत असल्याचे दिसुन येत असुन असाच एक प्रकार आज यावल शहरातील मेन रोड वरील मुख्य बाजार पेठेतील एका कापड दुकानात घडला आहे .
जीवणावश्यक वस्तुच्या दुकानांसहअन्य दुकानानां परवानगी नाही शनिवारी सकाळी येथील मुख्य रस्त्यावरील रुपकला साडी सेंटरच्या दुकानाचे शटर बाहेरून बंद तर आतून दुकानदारी सुरूअसल्याचे पोलीसांना माहित पडल्यावरून पोलीसांनी दुकानात प्रवेश केला असता सुमारे २५-३० ग्राहकांना खरेदी करतांना पाहुन पोलीस अचंबीत झाले. यावेळी पोलीसांनी दुकानदारासह २५ जणांना
प्रत्येकी दोनशे रुपये दंडाप्रमाणे पाच हजार रुपयाचा पोलीसांनी दंड वसुल
केला आहे. मात्र अनेक ठीकाणी अशा घटनांमध्ये व्यवसायीकांची दुकाने ही सिल केली जाते इथं मात्र तसे झाले नसल्याचे दिसुन आले असुन पोलीसांनी केलेली ही अर्धवट कार्यवाही तर नाही न ? असा प्रश्न यावल शहरात नागरीकांकडून उपस्थित करण्यात येत आहे

गजानन सोनटक्के जळगाव जा

विदर्भासह संपूर्ण राज्यात प्रसिद्ध असलेल्या भेंडवळ घटमांडणी ची परंपरा अखेर कायम राहिली आहे आधी हे घटमांडणी रद्द करण्यात आल्याचे जाहीर करण्यात आले होते मात्र अनेक शेतकऱ्यांच्या आग्रहास्तव व प्रशासनाच्या परवानगीने चार ते पाच जणांच्या उपस्थितीत सोशल डिस्टन चे पालन करत पुंजाजी महाराज वाघ व शारंगधर महाराज वाघ यांनी काल अक्षय तृतीयेचे रात्री घटमांडणी करून आज सदर मांडणीचे भाकीत वर्तविले आहे
यानुसार यावर्षी पाऊस चांगला होणार असून पीक परिस्थिती साधारण राहणार आहे राजा हा कायम राहणार असला तरी अर्थव्यवस्था कोलमडलेलिच राहील माणसा सह पिकावर रोगराईच संकट येईल असा अंदाज वर्तवण्यात आला आहे देशाच्या सुरक्षा व्यवस्थेवर ताण तणाव असणार असून घुसखोरी वाढण्याची शक्यता आहे यावर्षी तुर हे सर्वात चांगले पीक असेल तर कापसाचे पीक कुठे कमी कुठे अधिक सर्वसाधारण राहील उडीद मुगाचे पीक साधारण असून नासाडी राहील हे तिळ तेलवान साधारण असून भावात तेजी राहिल भादली हे रोगराईचा प्रतीक असून या वर्षात रोगराईमुळे प्रमाण अधिक असेल लाख व वाटाणा हे पिके साधारण सर्वसाधारण असून गहू हरभरा करडी या वर्षात चांगले राहणार आहे

यावर्षी पाऊस
करव्या मध्ये भरपूर पाणी असल्यामुळे गेल्या जून महिन्यात साधारण दुसऱ्या जुलै महिन्यात चांगला पाऊस येत्या ऑगस्ट महिन्यात थोडा कमी व सप्टेंबर महिन्यात जास्त पाऊस असून पूरपरिस्थिती व पिकांची नासाडी राहणार असे भाकीत पुंजाजी महाराज वाघ व सहकारी शारंगधर महाराज वाघ यांनी यावेळेस जाहीर केले

गजानन सोनटक्के जळगाव जा

ऊमापूर ता जळगांव जामोद येथील रहिवासी मोतीलाल राऊत यांनी जळगाव जामोद पोलीस स्टेशनला तक्रार दिली की मी उमापूर येथे कूटूंबासह राहतो. मला एकून दोन मूली असून मोठी मूलगी न वय 15 वर्ष 10 महीने असून दूसरी मूलगी नामे वय 12 वर्ष असे आहेत. दिनांक 12/05/2021 रोजी सकाळी 8/30 वाजता मी मेडीकलच्या औषधी घेने कामी जळगांव जामो येथे आलो होतो. 10/00 वा घरी परत गेलो असता मला माझी पत्नि नामे सौ सूधा हिरालाल राऊत हिने सांगितले की आपली मोठी मूलगी 1 तासापासून दिसली नाही असे सांगितल्याने मी मूलीचा शोध घेत घेतला मूलगी मिऴून आली नाही. आज सकाळी 10/00 वा निमखेडी फाट्यावर आलो असता निमखेडी फाट्यावरील हाँटेल चूल अंगन हाँटेलवर असलेला दिपक तेरसिंग राऊत याने मला सांगितले की दि. 12/05/2021 रोजी सकाळी 9/30 माझे ओळखीचा रितेश ऊपाश्या जामरा वय 22 वर्ष व जगन काशीराम चव्हान वय अंदाजे 23 वर्ष ह्यांचे सोबत मोटर सायकल वर तुमच्या मुलीला घेवून जातांना पाहीले आहे. दि. 12/04/2021 रोजी सकाळी 10/00 वा पासून माझी अल्पवयीन मूलगी निघून गेलेली असून तिला रितेश व जगन यांनी गाडीवर बसवून नेतांना दीपक राऊत नि पाहीलेले असल्याने माझी मूलगी दिव्या हीस वरील दोघांनी पऴून नेल्याची माझी खात्री झाली म्हनून माझी मूलगी दवय 15 वर्ष 10 महीने हीला रितेश ऊपाश्या जामरा वय 22 वर्ष रा. रायपूर सराई व जगन काशीराम चव्हान वय अंदाजे 23 वर्ष रा. मेथा जि. बर्हानपूर ह्यांनी पळून नेले बाबत पोलिस स्टेशनला तक्रार दिलेली आहे. कारवाई व्हावी.

गजानन सोनटक्के जळगाव जा

आज दि.14 मे रोजी अक्षय तृतीया व ईद च्या शुभ मुहूर्त पर्वावर महासिध्द अर्बनने आज जळगांव (जा) तालुक्यातील लोकांसाठी ॲम्बुलन्स ची सेवा उपलब्ध करून दिली.
यावेळी ॲम्बुलन्सचे उद्घाटन संस्थेचे संस्थापक अध्यक्ष मा.श्री. कृष्णरावजी इंगळे यांनी केले.
सदर कार्यक्रमाला महासिध्द अर्बनच्या अध्यक्षा तथा जळगांव जा मतदार संघाच्या पक्षनेत्या डॉ. सौ. स्वातीताई वाकेकर महासिध्द अर्बनचे माजी अध्यक्ष प्रा.भाऊसाहेब इंगळे, डॉ.शेषरावजी भोपळे, संचालक सर्वश्री मांगीलाल भंसाली हुसैन डायमंड, राजाभाऊ कोकाटे, समाधान नेमाडे, पांडुरंगभाऊ घोलप, शामभाऊ इंगळे, योगेशभाऊ वाकेकर, व्यवस्थापक
अनिलभाऊ इंगळे, दिवेश कोठडिया, अनंता वानखडे, राहुल राजनकार, आदीची उपस्थिती होती….

अजहर शाह

जिल्हाधिकारी एस रामामूर्ती

बुलडाणा:-सक्रीय रूग्णांची लक्षात घेता प्राणवायूची गरज भविष्यातही अशाच पद्धतीने लागणार आहे. त्यामुळे स्थानिक सामान्य रूग्णालयात प्राणवायू निर्मिती प्रकल्प असणे गरजेचे आहे. तरी या प्रकल्पाचे काम तातडीने पुर्ण करून रूग्णांच्या सेवेत रूजू करावा, अशा सूचना जिल्हाधिकारी एस रामामूर्ती यांनी केले आहे.
जिल्हाधिकारी एस.रामामूर्ती यांनी आज खामगांव सामान्य रुग्णालयाला भेट दिली. यावेळी त्यांनी आढावा बैठकही घेतली. बैठकीत आढावा घेताना ते बोलत होते. याप्रसंगी जिल्हाधिकारी यांनी रूग्णालयातील कोविड वार्ड, डायलेसीस विभाग, पाकगृह, कोविड प्रयोगशाळा व नव्याने प्रस्तावित प्राणवायू प्रकल्पाचा आढावा घेतला. यावेळी वैदयकीय अधीक्षक यांचे दालनात अप्पर जिल्हाधिकारी धनंजय गोगटे, उपविभागीय अधिकारी राजेंद्र जाधव, प्रभारी तहसीलदार सुरेखा जगताप, न.प.मुख्याधिकारी श्री. आकोटकर, निवासी वैद्यकीय अधिकारी डॉ.निलेश टापरे, गटविकास अधिकारी चंदनसिंग राजपूत, तालुका वैदयकीय अधिकारी दिनकर खिरोडकर, डॉ.सोनटक्के आदी उपस्थित होते.
जिल्हाधिकारी यांनी यावेळी वैद्यकीय अधिकाऱ्यांना चाचण्या वाठविण्याचे निर्देश दिले. कोरोना चाचणी, विलगीकरण कक्ष व इतर सुविद्या रूणांना पुरविण्यासाठी आवश्यक सुविधा नागरिकांकडून लोकसहभाग वाढवावा, असे आवाहन त्यांनी संबंधित अधिकाऱ्यांना केले. रूग्णालयात प्राणवायू प्रकल्पाचे काम सध्या सुरु आहे. या कामाची पाहणी त्यांनी केली. येथील रुग्णालयात आर टी पी सी आर प्रयोगशाळा सुरु करण्यात येत आहे. त्याचा आढावा देखील त्यांनी घेतला. शोध, उपचार आणि लसीकरण या त्रिसूत्रीवर जास्तीत जास्त भर देण्याचे आवाहन त्यांनी केले. लसीकरणाचे योग्य नियोजन करण्यासही त्यांनी सांगितले. याशिवाय सामान्य रुग्णालयाला जर काही अडचणी,समस्या असल्यास त्यांनी जिल्हा प्रशासनाशी संपर्क साधण्याचे आवाहन त्यांनी केले.

यावल (प्रतिनीधी) विकी वानखेडे

मागील अनेक दिवसांपासुन तालुक्यातील थोरगव्हाण येथील तापी नदी पात्रातुन बेकायद्याशीर होणारा वाळुचा उपसा व अवैध मार्गाने होणारी चोरटी वाहतुकीला आळा बसविण्यासाठी यावल तहसिलदार महेश पवार यांनी एक विशेष गस्त पथकांची नियुक्ती केली असल्यामुळे अवैध वाळु वाहतुक करणाऱ्या मध्ये एकच खळबळ उडाली आहे.
या संदर्भात वृत्त असे की यावल तालुक्यातील थोरगव्हाण ,पथराडे, शिरागड येथुन मोठया प्रमाणावर तापी नदीच्या पात्रातुन खुलेआम अवैध मार्गाने वाळुचा उपसा करून वाहतुक बिनधास्त पणे सुरु होती महसुल विभागाकडुन अवैध रेती वाहतुक रोखण्यासाठी पथक तयार करुन ही अवैध वाळुची वाहतुक सुरुच होती उलट पक्षी कार्यवाही करणाऱ्या पथकांवर वाळु माफीयांचे हल्ले देखील झाल्याच्या घटना देखील घडल्या आहेत. दरम्यान चार दिवसापुर्वीच अवैध वाळुची वाहतुकीचे ट्रॅक्टर पकडण्यासाठी जाणाऱ्या महसुल विभागाचे मनवेल येथील तलाठी स्वप्निल तायडे यांचा अंगावर टँक्टर चालवुन त्यांना जिवे ठार मारण्याचा प्रयत्न झाला सुदैवाने ट्रॅक्टर त्यांच्या पायावरून गेल्याने त्यांच्या पायास गंभीर दुखापत करण्यात आली असल्यामुळे अखेर हा सर्व प्रकार थांबविण्यासाठी तहसीलदार महेश पवार यांनी तात्काळ या घटनांची दक्षता घेत नाकाबंदी केली असुन याकरीता थोरगव्हाणगावातील मुख्य चौकात वाळुची चोरटी वाहतुक रोखण्यासाठी तलाठी मुकेश तायडे , कोतवाल धनराज महाजन, होमगार्ड कैलास लावणे या पथकांची नियुक्ती करण्यात आली आहे.