सचिन वाघे वर्धा

वडनेर दि.३ मे
तालुक्यातील वडनेर येथे ग्रामीण रुग्णालय असून सभोवतालच्या ४४ गावांचा येथे संबंध येतो. वडनेर गाव राष्ट्रीय महामार्ग ७ वर असून या गावात बँका, पोलिस स्टेशन तसेच विविध महाविद्यालये बाजारपेठ असून परिसरातील ४४ गावांच्या नागरिकांची देवाण-घेवाण होत असल्याने वडनेर हे मोठे केंद्र ठरले आहे. शासनाने सद्यस्थितीत वडनेर येथे लसीकरण केंद्र दिलेले नसल्याने फक्त हिंगणघाट येथेच लसीकरण केंद्र दिलेले आहे परंतु वडनेर परिसरातील गावाच्या आजूबाजूला असलेल्या खेड्यातील नागरिकांना हिंगणघाट येथे लस घेण्याकरिता अंदाजे ३० ते ४० किलोमीटर अंतर जावे लागते, सद्यस्थितीमध्ये बसेसची व्यवस्था नसल्यामुळे ग्रामीण भागातील शेतकरी, शेतमजूर यांना हिंगणघाट येथे लस घेणे शक्य नाही.तसेच वडनेर येथे ग्रामीण रुग्णालय असल्याने व या गावाच्या आजूबाजूला असलेल्या गावाचा संबंध येत असल्याने ग्रामीण रुग्णालय वडनेर येथे
कोविड प्रतिबंधक लसीकरण केंद्र तात्काळ सुरू करावे,अशी मागणी सरपंचा सौ.कविता वानखेड़े यांनी वर्धा जिल्हा पालकमंत्री ना.सुनील केदार यांना निवेदनाद्वारे केली आहे.

सचिन वाघे वर्धा

समुद्रपूर
राष्ट्रीय स्वयंसेवक संघ समुद्रपूर तालुक्याचे मा. संघचालक स्वर्गीय दिलीप मोरेश्वर उपाख्य नानाजी वखरे यांचे 29 एप्रिल रोजी कोरोनामुळे निधन झाले. त्यांना श्रद्धांजली म्हणून राष्ट्रीय स्वयंसेवक संघ, सेवा विभाग समुद्रपूर तालुका द्वारा आयोजित रक्तदान यज्ञ घेण्यात आले.
कार्यक्रमाचे उद्घाटन ग्रामपंचायत जाम चे सरपंच श्री. सचिनजी गावंडे यांच्या हस्ते करण्यात आले. रक्तदान यज्ञामध्ये एकूण 51 रक्तदात्यांनी आपली समिधा अर्पण केली. यज्ञानंतर मा. नानाजीना उपस्थित सर्वांनी श्रद्धांजली अर्पण केली. यावेळी तालुका कार्यवाह श्री. रविजी गाठे, श्री. फकीरा खडसे, पी व्ही टेक्सटाइल जाम चे महाव्यवस्थापक व संघाचे जेष्ठ स्वयंसेवक मा. श्री. भुपेंद्रजी शहाणे यांनी मनोगत व्यक्त केले यावेळी ग्रामपंचायत जाम चे उपसरपंच श्री. अजय खेडेकर, संघाचे जिल्हा सदभावना प्रमुख श्री. कमलाकरजी भुरे, युवासेनेचे श्री. पंकज लाटकर या सर्व मान्यवरांची प्रमुख उपस्थिती होती.
कार्यक्रमाच्या यशस्वीतेसाठी श्री. सुरेश डरे, प्रशांत कोटमकर, किशोर गिरडकर, गौरव कुलकर्णी, नामदेव चंदनखेडे, अनिल दोडेवार, गजानन रोकडे, रजत भुरे, प्रशांत चंदनखेडे, अजय भुरे, कुणाल वरघणे, कुंदन वरघणे, सचिन कामडी, हिमांशू वरघणे, शुभम, अवघडे, आशिष येकोणकर, संकेत भोयर, नरेंद्रजी खेरडे, सुधाकर वरघणे, मिलिंदजी वैद्य व अन्य संघटनाचे पदाधिकारी व कार्यकर्ते यांचे कार्यक्रमाला मोलाचे सहकार्य लाभले.
या कार्यक्रमाला हॉटेल अशोका, जाम व जीवन ज्योती ब्लड बँक, नागपुर यांचे सहकार्य लाभले.

अजहर शाह मोताळा

• रेमडेसिवीर औषधाचा काळाबाजार करणाऱ्यांवर कडक कारवाई करावी
• किरकोळ व घाऊक विक्रेत्यांकडे आलेल्या रेमडेसिवीर औषधांची तपासणी करावी
• लसींसाठी पाठपुरावा करीत लसीकरणाचा वेग वाढवावा

बुलडाणा:-दि.2मे कोरोनाच्या दुसऱ्या लाटेमध्ये संसर्गाचा वेग जास्त आहे. त्यामुळे क्रियाशील रूग्णांचे प्रमाणही वाढले आहे. क्रियाशील रूग्णांपैकी ऑक्सिजनची गरज असणारे रूग्णही वाढले आहे. परिणामी जिल्ह्यातील ऑक्सिजनची मागणी वाढती असून मागणी व पुरवठ्याचे प्रमाण सम राखण्याचा प्रयत्न करण्यात येत आहे. यंत्रणांनी ऑक्सिजन निर्मिती प्लँट तातडीने सुरू करून जिल्ह्याला ऑक्सिजन निर्मिती व पुरवठ्यामध्ये स्वयंपूर्ण बनवावे. अन्य जिल्ह्यातून ऑक्सिजन मागण्याची वेळ येवू देवू नये, अशा सूचना पालकमंत्री डॉ राजेंद्रजी शिंगणे यांनी दिल्या.
स्थानिक जिल्हाधिकारी कार्यालयातील नियोजन समिती सभागृहात 1 मे रोजी कोविड संसर्ग नियंत्रण बैठकीचे आयोजन करण्यात आले होते. त्यावेळी आढावा घेताना पालकमंत्री बोलत होते. याप्रसंगी व्यासपीठावर जि.प अध्यक्ष मनीषा पवार, जिल्हाधिकारी एस रामामूर्ती, जि.प मुख्य कार्यकारी अधिकारी भाग्यश्री विसपुते, जिल्हा पोलीस अधिक्षक अरविंद चावरीया, निवासी उपजिल्हाधिकारी भूषण अहीरे आदी उपस्थित होते.
रेमडेसिवीर औषधांचे वितरण आता जिल्हाधिकारी कार्यालयातून रूग्णालयांना होत असल्याचे सांगत पालकमंत्री म्हणाले, रेमडेसिवीर औषधाचा काळाबाजार करणाऱ्यांचा शोध घ्यावा. काळाबाजार करणाऱ्यांविरूद्ध कडक कारवाई करावी. रेमडेसिवीर औषधांच्या रिकाम्या कुप्यांची योग्य विल्हेवाट लावावी. इंजेक्शन दिलेल्या रूग्णांचे नाव, हॉस्पीटलचे नाव आदींचे रेकॉर्ड ठेवावे. जेणेकरून काळाबाजार होणार नाही. रेमडेसिवीर वितरण करताना रूग्णालयातील बेडची संख्या गृहीत धरावी. घाऊक व किरकोळ विक्रेत्यांकडे रेमडेसिवीर औषध येत असल्यास त्याची तपासणी करावी. औषधाचा अपव्यय होवू देवू नये. घाऊक विक्रेत्यांना रेमडेसिवीर देण्यासाठी कंपन्यांशी चर्चा करू.
हवेतून ऑक्सिजन निर्मिती करणाऱ्या प्लँट तातडीने सुरू करणेबाबत सूचना करीत पालकमंत्री म्हणाले ऑक्सिजन पुरवठा वेळेवर व सुरळीत होण्यासाठी कार्यवाही करावी. पुरवठ्यामध्ये अडचणी असू नये. लिक्वीड ऑक्सिजन टँकमधून ड्युरा व जम्बो सिलेंडर भरण्यासाची सुविधा सुरू करावी. त्यामुळे बुलडाणा येथेच ऑक्सिजन भरला जाईल. तालुकास्तरावरील कोविड केअर सेंटरसाठी ऑक्सिजन कॉन्सट्रेटर देण्यात यावे. जळगांव जामोद येथील कोविड हॉस्पीटल तातडीने सुरू करावे. त्या भागातील रूग्णांना तेथेच उपचार मिळतील. ऑक्सिजन व फायर संबंधाने जिल्हयातील सर्व खाजगी व शासकीय रूग्णालयांचे ऑडीट सुरू असल्यास ते पुर्ण करावे. ऑडीटमधून काही कमतरता समोर आल्यास त्या तातडीने दूर कराव्यात. ऑक्सिजन खुप मौल्यवान त्याची बचत करावी. कुठेही ऑक्सिजन पाईप लाईनला गळती असता कमा नये. खाजगी रूग्णालयांकडून ऑक्सिजनबाबत व फायर ऑडीट झाल्याबाबत प्रमाणित करून घ्यावे. हिवरा आश्रम येथील ग्रामीण रूग्णालय लवकरात लवकर सुरू करावे.
ते पुढे म्हणाले, 18 ते 44 वयोगटातील लसीकरणाबाबत काही विशेष योजना आखावी. जेणेकरून लसीकरण वेगाने पूर्ण होईल. लसीकरणाचा वेग वाढवावा, 18 वयाच्या पुढे जिल्ह्यातील 21 लक्ष लाभार्थ्यांना लसीकरण करावयाचे आहे. एकूण लोकसंख्येच्या 72.4 टक्के नागरिक लसीकरणाच्या टप्प्यात घ्यावयाचे आहे. त्यादृष्टीने यंत्रणांनी नियोजन करावे. जिल्हयातील सर्व नगर पालिका, नगर पंचायत क्षेत्रात विद्युत दाहीनीचा प्रस्ताव सादर करावा. सर्व नगर पालिकांना विद्युत दाहीनी देण्यात येईल. कोविड हॉस्पीटल, कोविड केअर सेंटर येथे भोजन पुरविणाऱ्या कंत्राटदारांचे देयक अदा करावे. ऑक्सिजनचे देयकही अदा करून ॲडव्हान्स द्यायचे असल्यास तर देवून टाकावे. भोजनचा दर्जा चांगला ठेवावा. रूग्णांच्या याबाबत तक्रारी यायला नको. जिल्ह्यातील बेडची उपलब्धता, रिक्त बेड प्रकारानुसार दाखविणारी एखादी वेबलिंक किंवा डॅश बोर्ड तयार करावा. जेणेकरून नागरिकांना बेडची परिस्थिती लक्षात येईल. रूग्णालयाबाहेरही अशाप्रकारचा डॅश बोर्ड कार्यान्वीत करावा. बैठकीला जिल्हा शल्य चिकित्सक डॉ नितीन तडस, जिल्हा आरोग्य अधिकारी डॉ सांगळे, अति. जिल्हाधिकारी धनंजय गोगटे आदींसह उपविभागीय अधिकारी, तहसलिदार उपस्थित होते.
जिल्ह्यातील उपलब्ध बेड व सद्यस्थिती : शासकीय व खाजगी रूग्णालयातील एकूण बेड 5014. यामध्ये आयसीयु 526, वेंटीलेटर 113, ऑक्सिजन बेड 1554, सामान्य बेड 2934.

यावल ( प्रतिनिधी ) विकी वानखेडे

ग्रामीण पातळीवर कोरोनाचा संसर्गा वाढता प्रादुर्भाव लक्षात घेता आरोग्य यंत्रणाही अधिक सर्तक व सज्ज झाली असुन , या दृष्टीकोणातुन तालुक्यातील प्राथमिक आरोग्य केंद्र सावखेडासीम अंतर्गत येणाऱ्या आरोग्यवर्धिनी केंद्र कोळवद येथे उपकेंद्र स्थरावर कोविड १९ प्रतिबंधात्मक लसीकरणास आज प्रारंभ करण्यात आला.
यावेळी जिल्हा परिषद सदस्या सविता अतुल भालेराव, सरपंच याकुब तडवी, उपसरपंच शशिकांत चौधरी, सामाजीक कार्यकर्ते अतुल भालेराव, वैद्यकीय अधिकारी डॉ. नसीमा तडवी, ग्राम पंचायत सदस्य अनिल पाटील, विठ्ठल सूर्यवंशी, फत्तू तडवी आदि उपस्थित होते.
प्रभारी तालुका वैद्यकीय अधिकारी डॉ.मनीषा महाजन , वैद्यकीय अधिकारी डॉ. नसीमा तडवी डॉ. गौरव भोईटे यांच्या मार्गदर्शनाखाली ही लसीकरण मोहीम तालुक्यातील विविध आरोग्य उपकेन्द्रांवर राबवण्यात आली असुन.
यावेळी ४५ वर्षावरील ३० नागरिकांना कोविड १९ प्रतिबंधात्मक लसीकरण करण्यात आले.
कोळवद व सातोद येथील समुदाय आरोग्य अधिकारी डॉ.साजिद तडवी , डॉ.राहुल गजरे ,आरोग्यसेविका मेहमूदा तडवी, आरोग्यसेवक भुषण पाटील, आशा सेविका छाया वाघुळदे ,उषा कोळी ,सरला गुंजाळ व सायरा तडवी यांनी यशस्वीरित्या नियोजन करून कोवीड लसीकरण कार्यक्रम राबविला जात आहे.

यावल ( प्रतिनिधी )विकी वानखेडे

राज्य मुख्याध्यापक माध्यमिक व उच्च माध्यमिक शाळा मुख्याध्यापक संघा महामंडळच्या महाराष्ट्र राज्य प्रभारी अध्यक्षपदी जे के पाटील यांची निवड करण्यात आली आहे . या संदर्भात दिनांक १ मे २०२१रोजी सायंकाळी ६ वाजता महाराष्ट्र राज्य मुख्याध्यापक महामंडळ संघाच्या राज्य कार्यकारणीची सभा ऑनलाईन पार पडली , या सभेत सर्व सभासदांनी महामंडळाचे विद्यमान उपाध्यक्ष तथा जळगाव जिल्हा मख्याध्यापक संघाचे जिल्हा अध्यक्ष जे के पाटील यांची महामंडळाच्या प्रभारी अध्यक्षपदी निवड करण्यात आली आहे .जे के पाटील यांनी महामंडळासाठी केलेल्या आपल्या भरीव कामगीरी व योगदान पाहता त्यांची महाराष्ट्र राज्य प्रभारी अध्यक्षपदावर निवड करण्यात आली आहे . जे के पाटील यांची राज्य कार्यकारणीवर निवडीमुळे जळगाव जिल्ह्यच्या शिरपेचात मानाचा तुरा रोवला गेला . या पदाला न्याय देणार असं व्याक्तीमत्व म्हणुन पाटील यांची संपुर्ण महाराष्ट्र राज्यात आहे . त्यांच्या निवडी बद्दल डॉ . सुरेश पाटील खानापुर यांच्यासह आदींनी त्यांचे स्वागत करून अभीनंदन केले आहे .