यावल ( प्रतिनिधी ) विकी वानखेडे

राज्यात १८+ वयोगटातील नागरिकांना लसीकरण करणे राज्यसरकारने बंधनकारक केले आहे. पण यावल तालुक्यात व जिल्ह्य़ात लसीकरण हे अतिशय संत गतीने केले जात असुन नागरीकांनमध्ये लसी संबधी गोधंळ निर्मान झाला आहे.
लसीकरण करण्यासाठी Co-win या बेब साईट वर नोदंनी करून अपॉइण्टमेण्ट घेणे बंधनकारक केले आहे पंरतु लसी अभावी १८+ नागरिकांना नोंदणी नंतर अपॉइण्टमेण्ट भेटत नसल्याचे दिसून येत आहे म्हणून लसीची संख्या वाढवून लसीकरण हे महाविद्यालयीन पातळीवर राबवीले जावे जेणे करुन आरोग्य यंत्रणेवरील ताण कमी होवुन लसीकरण हे जलद गतीने करणे सोपे जाईल.
कोरोना विषाणुसंसर्गाच्या सातत्याने वाढत्या प्रादुर्भावाच्या पार्श्वभुमीवर १८+ नागरिकांमध्ये विद्यार्थ्यी संख्या जास्त आहे म्हणून विद्यार्थ्यांना सरळ महाविद्यालयामध्ये लस दिली तर लसीकरणाला गतीमीळेल त्यासाठी १८+ विद्यार्थ्यांचे लसीकरण महाविद्यालयीन पातळीवर केले जावे अशी मागणीचे निवेदन राष्ट्रवादी विद्यार्थ्यी कॉंग्रेसचे यावल तालुकाअध्यक्ष राकेश सोनार यांनी नायब तहसीलदार आर डी पाटील यांच्या कडे दिले आहे या प्रसंगी सोबत कार्यअध्यक्ष महेंद्र तायडे, जय अडकमोल उपस्थित होते.

गजानन सोनटक्के जळगाव जा

जळगांव जामोद:-आज दिनांक 12 मे 2021 रोजी जळगांव जामोद शहरातील विविध समस्या विषयी तालुका काँग्रेस कमिटीचे अध्यक्ष अविनाश उमरकर,पंचायत समितीचे माजी सभापती प्रविण भोपळे, नगरसेवक ऍड संदीप मानकर यांच्या उपस्थितीत तसेच न प गटनेता अर्जुन घोलप यांच्या मार्गदर्शनाखाली नगरसेवक श्रीकृष्ण केदार यांनी विविध प्रकारच्या समस्या विषयी निवेदन दिले. त्यामध्ये पुढीलप्रमाणे समस्या न प प्रशासनाच्या निदर्शनास आणून देण्यात आल्या.
जळगांव जामोद शहरात व परिसरात सॅनिटायजर फवारणी करण्याबाबत अनेक वेळा तक्रारी देऊन सुद्धा अद्यापपर्यंत सार्वत्रिक फवारणी करण्यात आली नाही.
शहरातील व्यापारी,गोरगरीब व सर्वसामान्य नागरिक यांच्या समस्या सोडवण्याच्या बाबतीत न प जळगांव जामोद चे प्रशासन सपशेल अपयशी ठरत आहे.
अग्निशमन ,साफसफाई तसेच ईतर अत्यावश्यक व जोखमीच्या विभागात सेवा देणारे कायमस्वरूपी व कंत्राटी कर्मचाऱ्यांना अतिरिक्त पुरेसे विमा संरक्षण व कोरोना प्रतिबंधक साहित्य देण्याविषयी मागील वर्षी तक्रार दिली असूनही त्याबाबत कुठल्याही प्रकारची दखल घेण्याची संवेदनशीलता न प शासन व प्रशासनाने दाखवली नाही.
न प मलकापूर ने मागील दिवसात अत्यावश्यक सेवा देणाऱ्या कर्मच्याऱ्यांचा सत्कार केला व त्यांना मानसिक बळ दिले,असे कार्य करण्याची सद्बुद्धी न प प्रशासन जळगांव जामोद ला केव्हा येईल?
न प प्रशासनाच्या असंवेदनशील व गलथान कारभारामुळे काही न प कर्मचारी तसेच पुष्कळ नागरिक गतप्राण झाले. त्यांच्या परिवारावर दुःखाचा डोंगर कोसळला परन्तु त्याच्याविषयी सहानुभूती या निगरकट्ट प्रशासनाने दाखवली नाही.
न प मार्फत केवळ शहरात दर्जाहीन व थातुरमातुर बांधकामे सुरु ठेवण्याचे काम होतांना दिसत आहेत .त्यावर कुणाचेही नियंत्रण नाही.त्या ठिकाणी विकास कामाविषयीचे फलक लावलेले आढळत नाहीत.
तसेच न प च्या व जळगांव जामोद शहरातील नागरिकांच्या हिताच्या दृष्टीने नगरसेवकांनी म्हणजेच लोकप्रतिनिधी यांनी न प च्या अधिकारी व कर्मचारी यांना विचारणा केली असता अत्यंत पोरकट व उडवाउडवीची उत्तरे देऊन वेळकाढूपणा न प प्रशासनाकडून करण्यात केला जातो. मा नगराध्यक्षा यांचे प्रशासनावर अजिबात नियंत्रण नसुन,लोकांनी निवडून दिलेले लोकप्रतिनिधी यांना न प प्रशासन अजिबात जुमानत नाही हा एकप्रकारे शहरातील जनतेचा अपमान आहे.केवळ काही विशिष्ट व्यक्ती व अधिकारी यांच्या मर्जीनुसार न प चा अंदाधुंद व गचाळ कारभार सुरू आहे.
आता तरी न प प्रशासन व सत्ताधारी यांचे डोळे उघडतील का?शहरात आरोग्याच्या सुविधे अभावी आणखी किती बळी घेतले जातील?असे प्रश्न शहरवासीयांना पडत आहेत.
अश्याप्रकारे निवेदन देऊन भा रा काँग्रेस व महाविकास आघाडीच्या वतीने न प प्रशासनाच्या अंदाधुंद, गलथान व भ्रष्टाचारी कारभाराचा निषेध उपस्थितांमार्फत नोंदविण्यात आला.

सचिन वाघे वर्धा

12.5.21
हिंगणघाट
तक्रारकर्ता देवानंद मोहारे यांचे शेतातील बंडयाचे कुलुप तोडुन लसणाचे दिडशे किलो वजनाचे 5 कट्टे अज्ञात चोरटयाने चोरून नेल्याबाबतची तक्रार प्राप्त झाल्याने फिर्यादीचे तक्रारीवरून हिंगणघाट पोलिसांनी अपराध क्र. 0442/2021 कलम 461, 380 भादंवि प्रमाणे गुन्हा नोंद करून तपासात घेतला.
सदर गुन्हा दाखल होताच हिंगणघाट येथील गुन्हे प्रकटीकरण शाखेचे पथकाने लगतचे परिसरात माहीती घेत अज्ञात आरोपी व चोरीस गेलेल्या मालाचा शोध घेतला असता, सदर गुन्हयातील चोरून नेलेले लसणाचे बाजार भावाप्रमाणे अंदाजे 15 हजार रुपये किमतीचे कट्टे हे भिमनगर वार्ड येथील अमोल यादवराव वडे (33)याने चोरी केल्याचा सशंय असल्याने त्यास ताब्यात घेतले.
कसुन चौकशी केली असता आरोपी नामे अमोल यादवराव वडे (33) याने सांगितले कि, सदरचे लसणाचे कट्टे त्यानेच चोरले असल्याची कबुली दिली. पोलिसांनी आरोपीचे घरी जावुन त्याचे ताब्यातुन सदरचे लसणाचे 5 पोते एकुण 150 किलो माल जप्त करण्यात आला.
सदरची कामगीरी प्रशांत होळकर, पोलीस अधीक्षक, यशवंत सोळंके, अपर पोलीस अधीक्षक, वर्धा, दिनेश कदम, उपविभागीय पोलीस अधिकारी, ठाणेदार संपत चव्हाण,पोलीस स्टेशन, हिंगणघाट यांचे मार्गदर्शनात डि. बी. पथकाचे पो.हवा. शेखर डोंगरे, नापोशि. निलेश तेलरांधे, सचिन घेवंदे, विशाल बंगाले, पोशि सचिन भारशंकर यांनी केली आहे.

सचिन वाघे वर्धा

12.5.21
. हिंगणघाट येथील उपजिल्हा रुग्णालयात 200 ऑक्सिजनयुक्त बेड्सची व्यवस्था वाढत्या कोविड रुग्ण संख्येमुळे करण्यात यावी जर या भागातील जनतेची ही न्यायोचित मागणी मान्य न झाल्यास प्रहारच्या स्टाईलने कोणत्याही क्षणी उग्र आंदोलन करण्यात येईल व त्याची जबाबदारी ही जिल्हा प्रशासनाची असेल असा खणखणीत इशारा प्रहारचे पूर्व विदर्भ प्रमुख रुग्णमित्र गजू कुबडे यांनी दि 12 मेला जिल्हाधिकारी यांना दिलेल्या निवेदनातून दिलेला आहे.
या बाबत जिल्हाधिकारी प्रेरणा देशभ्रतार यांना दिलेल्या निवेदनातून दिलेल्या माहितीनुसार, यापूर्वी दि.19 एप्रिल व 22 एप्रिलला २०० बेड्सच्या निर्मितीसाठी निवेदन सादर केले होते.निवेदनातून दिलेल्या इशाऱ्यानुसार श्री कुबडे यांनी दि 26 एप्रिलला कोविड संदर्भातील शासकीय नियमांचे पूर्ण पालन करून स्वतःच्या घराच्या छतावर बसून एक दिवसाचे लाक्षणिक उपोषण केले होते. या उपोषणाची सांगता करण्या पूर्वी सायंकाळी 6 वाजता येथील उपविभागीय अधिकारी श्री खंडाईत यांनी व्हिडीओ कॉल करून श्री कुबडे यांच्याशी चर्चा केली व या मागणी साठी थोडा अवधी देण्याची विनंती केली होती.त्यानंतर शासनाचे प्रतिनिधी म्हणून येथील ठाणेदार श्री संपतजी चव्हाण यांनी प्रत्यक्ष गजू कुबडे यांचे घरी येऊन उपोषण सोडविले होते.
वरिष्ठ अधिकारी यांच्या विनंतीनुसार त्यावेळी आंदोलन तात्पुरते स्थगित केले होते.परंतु सदरची मागणी ही येथील सर्वहारा,गोरगरीब जनतेच्या हिताच्या दृष्टीने अतिशय महत्वाची आहे.त्यामुळे त्यांनी सातत्याने 200 बेड्सची मागणी लावून धरलेली आहे. याबाबतीत सहानुभूतीपूर्वक निर्णय घेऊन ही मागणी मंजूर करावी अशी श्री कुबडे यांनी कळकळीची विनंती आहे.
जर ही न्यायोचित मागणी येत्या आठ दिवसात मान्य न झाल्यास प्रहारच्या स्टाईलने कोणत्याही दिवशी कोणत्याही वेळेला जिल्ह्यातील /तालुक्यातील वरिष्ठ प्रशासकीय अधिकारी किंवा लोकप्रतिनिधींच्या घरा समोर तीव्र आंदोलन छेडील व त्याची संपूर्ण जबाबदारी ही आपल्या प्रशासनाची राहील याची नोंद घ्यावी असा इशारा निवेदनातून देण्यात आलेला आहे.सदर निवेदन देतेवेळी कुबडे यांचे सोबत प्रशांत आवारी,मोहन पेरकुंडे उपस्थित होते.

अनिल सिंग चव्हाण मुख्य संपादक.

गडचिरोली:-महाराष्ट्र राज्यातील गडचिरोली जिल्हा अतिदुर्गम,नक्षल ग्रस्त, आदिवासी जिल्हा म्हणून प्रसिद्ध आहे.हा जिल्हा अतिमागास असल्याने केंद्र व महाराष्ट्र शासनाने सन २०१६ ते २०२५ पर्यंत जिल्हा परीषदेच्या प्राप्त लेखाशिर्षाकानुसार ठक्कर बापा,बिआरजीएफ, मनरेगा, १३, १४, १५ व वित्त आयोग, नक्षल योजना जिल्हा वार्षिक योजना, २५१५३०५४ इत्यादी योजनेमध्ये करोडो रुपयेचा निधी प्राप्त झाला.मात्र मुलचेरा तालुक्यातील अडपल्ली, कालीनगर या ग्राम पंचायत मध्ये ग्रामविकास अधिकारी यांनी सदर निधीच्या वापरात करोडो रुपयेचा भ्रष्टाचार करून शासनाच्या नियमांना धाब्यावर बसविले व सदर निधीचा विल्लेवाट लावलेला आहे.या संपूर्ण कामात प्रचंड गैरव्यवहार तथा भ्रष्टाचार झालेला आहे.
चौकशी करताना सर्व योजनांच्या मोजमाप पुस्तिका मधील काम केलेल्या कामाचे स्तळ दर्शविलेल्या ठिकाणी प्रत्यक्ष मोका चौकशी करून तसेच झालेल्या खर्चाची देयके आणि कामावर असलेल्या मजुराचे हजेरी पट तपासण्यात यावे अशी मागणी लेखी तक्रार जिल्हाध्यक्ष प्रा अशोक लांजेवार यांनी मुख्य कार्यकारी अधिकारी यांचेकडे केली आहे. कामात गैरव्यवहार,भ्रष्टाचार झालेला असून एकाच कामाचे स्तळ अनेक योजनेमध्ये दाखवून शासकीय निधीचा परस्पर अपहर केलेला आहे. यामध्ये ग्रामविकास अधिकारी, गटविकास अधिकारी,शाखा अभियंता जबाबदार असल्याचे नमूद केले आहे.