गजानन सोनटक्के जळगाव जा

जळगाव जामोद तालुक्यातील भेंडवळ बीटमधील चावरा येथे दिनांक २५ एप्रिल रोजी दुपारच्या सुमारास जळगाव जामोद पोलीस स्टेशन चे हेड कॉन्स्टेबल अनिल सुशिर यांना गुप्त बातमीदारांनी सदर अवैध गावठी दारूची चावरा येथे सर्रास विक्री चालू आहे अशी माहिती मिळाल्यामुळे पोलीस हेड कॉन्स्टेबल अनिल सुशिर यांनी होमगार्ड गणेश दांडगे यांना सोबत घेऊन जावरा हे गाव गाठले व दुपारी एक वाजेच्या सुमारास अवैध गावठी दारू पकडण्यासाठी पोलिसांनी रेड केली असता आरोपी किशोर वासुदेव मेहेंगे वय २७ वर्ष राहणार कवठळ तालुका संग्रामपुर याला पकडले असता त्याच्या जवळून १५ लिटर हातभट्टीची गावरान दारू किंमत अंदाजे एक हजार पाचशे रुपये प्लास्टिक कँनसह बागडताना मिळून आला यावरून अनिल सुशील यांनी अपराध नंबर २८९/२१,६५ इ. महाराष्ट्र दारूबंदी कायदा अंतर्गत कलम १८८,२६९,२७० भारतीय दंड विधान नुसार आरोपी किशोर वासुदेव मेहेंगे याच्यावर गुन्हा दाखल केला आहे पुढील तपास जळगाव जामोद पोलीस स्टेशन ठाणेदार सुनील जाधव यांच्या मार्गदर्शनात पोलीस हेड कॉन्स्टेबल अनिल सुशिर हे करीत

सचिन वाघे वर्धा

समुद्रपूर 26.4.21 माउंट कार्मेल कॉन्व्हेंट स्कूल च्या प्रशासनाने व्हाट्सअप ग्रुपच्या माध्यमातून आमच्या पाल्याला पुढील वर्गात प्रवेश दिल्याचे सामायिक नोटीस द्वारे कळविले ,परंतु शालेय फी न भरल्यामुळे आम्हाला निकाल पत्र देण्यात आले नाही . त्यामुळे आमच्या पाल्याला शाळेने पुढील वर्गात प्रवेश दिला की नाही याबाबत आम्ही पालक संभ्रमात आहोत . तसेच शालेय प्रशासनाने इयत्ता नववी व दहावी चे ऑनलाईन क्लासेस सुरू केले असून ज्या पालकांनी शालेय फी भरली त्यांच्याच पाल्याला ऑनलाइन शिक्षण देणे सुरू आहे .इतर पाल्य शिक्षणापासून वंचित आहेत .इयत्ता आठवी पर्यंतच्या ऑनलाइन शिक्षण २६एप्रिल २०२१ पासून सुरू होणार असून त्यामध्ये सुद्धा विद्यार्थ्यांना अद्याप व्हॉटस अॅप लिंक पाठवलेली नसून शालेय फी भरण्यासाठी शालेय प्रशासनाने तगादा लावला आहे त्यामुळे ७०% ते ८० % पाल्य शिक्षणापासून वंचीत राहणार आहे . तसेच मागिल शैक्षणिक वर्षात एप्रिल २०२० ला काही पालकांनी आपल्या पाल्यांचा नर्सरी वर्गा करिता २०९६० रुपये फि भरून प्रवेश घेतला परंतू संपूर्ण वर्षभर नर्सरी ची कोणतीच शाळा किंवा वर्ग घेतले नसतांना शाळेने यावर्षी नर्सरी च्या मुलांना पुढील वर्गात म्हणजे KG -1 मध्ये दाखल केले . परंतू यावर्षी सूद्धा शाळेकडून K G – I ची भरावी लागले अशी शाळेकडून मागणी होत आहे मग आमचे २०९६० रुपये फि चे काय ? याकडे सुद्धा माय बाप सरकारणे लक्ष द्यावे . आधिच कोरोना महामारी मुळे आम्ही पालक वर्ग आर्थिकदृष्टया परिस्थिती हलाखीची झाली आहे. त्यामुळे शालेय फी भरण्यास असमर्थ असून फार तर आम्ही ५०% फी भरू शकतो . शालेय फी न भरल्याच्या कारणाने शिक्षणापासून विद्यार्थ्यांना वंचित ठेऊ नये असा शासन निर्णय असताना शालेय प्रशासन शासन निर्णयाची अवहेलना करीत आहे .
करिता शालेय प्रशासनाला तातडीने आमच्या पाल्यांना पुढील वर्गात प्रवेश देऊन त्यांचे निकाल पत्र व्हाट्सअप च्या माध्यमातून देण्यास व सर्व विद्यार्थ्यांना ऑनलाइन शिक्षणासाठी सामावून घेण्याचे आदेश देण्यात यावे
याबद्दल पालक वर्गाकडून सचिन गावंडे ,रवींद्र लांबट ,अजय पानेकर ,विनोद डगवार यांनी निवेदन दिले

सचिन वाघे वर्धा
हिंगणघाट ,26.4.21
कोरोना विषाणूचा वाढता प्रादुर्भाव पहाता राज्यशासनाने दि,१४ एप्रिल पासुन १ मे पर्यंत राज्यासह जिल्ह्यात संचारबंदी लागू केली आहे.
याचा गैरफायदा घेत किराणा दुकानदार व खाद्यतेल विक्री करणाऱ्या ठोक व्यापाऱ्यांनी नफेखोरी करून जास्तीचे दर आकारुन ग्राहकांची सर्रास आर्थिक लुट करीत असल्याचे निदर्शनास येत आहे. तेलासह साखर,गुळ,दाळ अश्या अनेक वस्तुंचे भावदेखील वाढवून ग्राहकांना वेठीस धरले आहे.प्रशासनातील अधिकारी मात्र यावेळी मुग गिळून चुप बसल्याचे दिसुन येत आहे.
लॉकडाऊनमुळे हाताला काम नसलेल्या गोरगरिबांना जीवनावश्यक वस्तू
जास्त दराने विकल्या जात आहे
जिल्हा पुरवठा अधिकाऱ्यांनी किराणा मालाचे भाव जाहिर केल्यानुसार साखर ३५ रु. किलो ,गुळ ४५ रु.किलो, हरभरा डाळ ६० रु.किलो ,शेंगदाने १००रु किलो , तेल ९५ रुपये किलो, तुरदाळ ९० रु ‌किलो , देण्याचे निर्देश दिले आहेत. परंतु आज किराणा व तेलासारख्या जीवनावश्यक वस्तु चढ़या दराने विक्री करण्यात येत आहे. मोठे दुकानदार साठा करुन भाववाढ करुन कीरकोळ दुकानदारांना जास्त किंमतीत माल पुरवठा करीत असल्याने किरकोळ किराणा विक्रेतेसुद्धा जादा भाव घेऊन विक्रि करीत आहे.
उपरोक्त भाववाढ करुन गोरगरीब जनतेला वेठीस धरणाऱ्या व्यापाऱ्यांवरती कठोर कारवाई करण्याची मागणी साहसिक जनशक्ती संघटनेचे अध्यक्ष यांनी उपविभागीय अधिकारी चंद्रभान खंडाईत व तहसीलदार श्रीरामं मुधंडा यांना निवेदनाद्वारे केली आहे ,

यावल ( प्रतिनिधी )विकी वानखेडे

येथील विरारनगर परिसरातील रहीवासी व राष्ट्रवादी काँग्रेस पक्षाच्या यावल शहर अध्यक्ष सुरेखा सिताराम पारधे वय३५ वर्ष यांचे आज अल्पशा आजाराने डॉ . उल्हास पाटील यांच्या गोदावरी रुग्णालयात उपचार घेत असतांना दुपारी ३ वाजेच्या सुमारास निधन झाले, सुरेखा पारधे या महीलांच्या सामाजीक व विविध प्रश्नासाठी धावुन जाणाऱ्या कार्यकर्त्या म्हणुन त्यांची ओळख होती .एक महीला म्हणुन संघर्षमय जिवन जगणारी आमची उमदा कार्यकर्ता निघुन गेल्याचे आपल्या शोकसंदेशात राष्ट्रवादी काँग्रेसचे तालुका अध्यक्ष प्रा . मुकेश येवले यांनी म्हटले व त्यांना श्रद्धांजली वाहीली . सुरेखा पारधे यांच्या पश्चात कुटुंबात आई , बहीण , पुतण्या , पुतणी असा परिवार आहे .

सिंदखेड राजा ( सचिन खंडारे )

मेहकर तालुक्यातील सातशे ते आठशे लोकवस्तीचे गाव असलेल्या सावंगी विर येथे .दलित वस्तीत असणारे जीर्ण व पडीत असलेली विहीर बुजविण्याची मागणी .स्थानिक नागरिकांनी .सरपंच व सचिवास निवेदन देऊन केली आहे
दलित वस्तीतील नागरिकांना या पडित विहिरी मुळे नाहक त्रास सहन करावा लागत आहे जीव धोक्यात घालून रात्रीच्या वेळेला वाट काढत घरापर्यंत यावे लागत आहे .
झी रणविहिर 50 ते 60 वर्षांपासून पडीत असून .
ही विहीर अतिशय धोकादायक बनली आहे ‘

ही विहीर पडित असल्यामुळे सर्व गावातील घाण या विहिरी मध्ये लोक टाकत आहे .
त्यामुळे टाकलेल्या घाणीमुळे आसपासच्या घरांमध्ये दुर्गंधी येत असून त्यामुळे गावात मच्छरांचा प्रादुर्भाव झपाट्याने वाढत आहे ‘

त्यामुळे डेंगू चे आजार उद्भवण्याचा धोका निर्माण होऊ शकतो ‘

तसेच लहान लहान मुले सुद्धा विहिरीमध्ये डोकावून पहात असल्यामुळे मोठा अपघात होण्याचा धोका निर्माण झाला आहे ‘
अगोदरच कोरोणाचा प्रादूर्भाव झपाट्याने वाढत असताना ‘

पंडित विहिरी मुळे गावात दुर्गंधी सुटून गावात आजार होण्याचा धोका निर्माण झाला आहे ‘

एखादे अपघात झाला एखाद्या व्यक्ती बिमार पडला तर याला जबाबदार कोण ? असेही या निवेदनात म्हटले आहे

सचिव व सरपंच एक महिना झाला तरी अजून दिलेल्या निवेदनावर कुठल्याही प्रकारची कारवाई झाली नाही त्यामुळे जिल्हा अधिकारी कार्यालयासमोर उपोषणास बसण्यात येईल असा इशारा शेवटी दिला आहे !

त्यामुळे ग्रामपंचायत सरपंच व सचिव काय कारवाई करतात याकडे हे पाहणे औचित्याचे ठरेल ‘तसेच पडीत असलेल्या विहिरीचा कुठल्याही प्रकारचा उपयोग नसताना ती विहीर काम बुजवत नाही हा प्रश्न आहे ?

या निवेदनावर .समाधान सुखदाने .
श्रीकृष्ण सुखदाने,सिताराम सुखदाने, प्रभाकर सुखदाने,विजय सुखदाने, शैलेश सुखदाने, शुद्धोधन सुखदाने ‘आधीच्या सह्या आहेत ‘