सिदखेडराजा । ( सचिन खंडारे )

सिंदखेडराजा तालुक्यातील साखरखेर्डा येथे ८मार्च रोजी दुपारच्या दरम्यान साखरखेडा पोलीस स्टेशन तसेच अन्न व औषध प्रशासन बुलढाणा
यांच्या संयुक्त कारवाई मुळे ‘गुजरी चौकातील केजीएन किराणा दुकान वर ‘छापे टाकून सुमारे 38 हजार रुपयांचा गुटखा जप्त करण्यात आला,त्यामुळे चोरून गुटखा व्यापार करणाऱ्या व्यापाऱ्यांमध्ये प्रचंड खळबळ उडाली आहे ‘तसेच परिसरातील किराणा दुकानदार सुद्धा धास्तावलेले आहेत ‘दुकानदार ‘शेख वसीम शेख चांद .यांच्यावर साखरखेडा पोलीस स्टेशनमध्ये ‘अपराध नंबर 65व अन्न सुरक्षा अधिनियम 2006 भारतीय दंड विधान कायदा नुसार ‘कलम ( २६ ) ( 2) i ) २६ (2) ii २० – २७ ( ३ ड) – २७ – ३ ई ) ३ (W ) ( z z )व भारतीय दंड कायद्यानुसार -कलम 272 ,188 273, 328,नुसार आरोपी
शेख वसीम शेख चांद वर गुन्हा दाखल करण्यात आला आहे,या कारवाईमध्ये ‘अन्नपुरवठा अधिकारी रवींद्र सोळंके ‘जीके वसावे ‘साखरखेडा पोलीस स्टेशनचे ठाणेदार श्री जितेंद्र आडोळे,पोलीस कॉन्स्टेबल श्री अरविंद चव्हाण ‘गोपनीय विभागाचे श्री मापारी .हे या संयुक्त कारवाई मध्ये सहभागी होते . ‘

नांदुरा( बुलढाणा )
(प्रफुल्ल बिचारे पाटिल ):-

कच्च्या तेलाचे भाव कमी असतांना सुद्धा अंबानी अदानीच्या केंद्र सरकारने गोरगरीब सर्वसामान्य नागरिकांवर पेट्रोल डिझेल व इंधन दरवाढ लादली आहे. परिणामी सर्वसामान्य जनतेची प्रचंड आर्थिक पिळवणूक होत आहे.यामुळे सर्वसामान्य जनतेच्या मनामध्ये केंद्र सरकारच्या वतीने तीव्र असंतोष निर्माण झाला आहे.केंद्र सरकारने केलेल्या पेट्रोल डिझेल व इंधन गॅस दरवाढीचा निषेध करण्यासाठी नांदुरा तालुका काँग्रेस कमिटी,शहर काँग्रेस कमिटी,नांदुरा व शहर महिला काँग्रेस,युवक काँग्रेस, एन.एस.यु.आय यांच्यावतीने नांदुरा शहरातील गणी पेट्रोल पंपासमोर काँगेस कमिटीचे जिल्हा अध्यक्ष तथा माजी आमदार श्री.राहुलभाऊ बोंद्रे यांच्या आदेशनुसार मलकापूर मतदार मतदारसंघाचे आमदार माननीय श्री.राजूभाऊ एकडे यांच्या मार्गदर्शनाखाली जनआक्रोश निषेध करत केंद्र सरकारचा जाहीर निषेध करण्यात आला.
या जन आक्रोश मोर्चाच्या वेळी सर्वश्री जिल्हा काँग्रेस कमिटीचे सरचिटणीस निलेशभाऊ पाऊलझगडे,नांदुरा तालुका काँग्रेस कमिटीचे तालुकाध्यक्ष भगवानभाऊ धांडे,ऍडवोकेट मोहतेशाम रजा,जिल्हा पुनर्वसन समितीचे सदस्य तथा पातोंडा येथील युवा सरपंच पुरुषोत्तम झाल्टे,माजी पंचायत समिती सदस्य प्रसाद पाटील,राजू हाडे पाटील,ज्ञानेश्वर डांबरे,केशवराव मापारी,इक्बाल खान, किसन भगत,संजू इटखेडे, किसना इंगळे,महेंद्र देशमुख,विनलकुमार मिरगे,जयसेन सरदार,शालीग्राम तांगडे,संजय बाठे,शंकरभाऊ बोदळे,शुभम लांडे,वासुदेव वावगे,सोपान फाडके,दीपक काळे,पांडुरंग किसन तायडे,चंद्रकांत इंगळे,शत्रुघ्न काळे,ज्ञानेश्वर हरिचंद्र देठे,अक्षय वनारे,अमोल तांदळे,मिलिंद मोरे,वैभव साबे पाटील,सुनील वेरुळकर,सागर काटे पाटील, गजनान उन्हाळे,महेंद्र गजानन देशमुख,विष्णू पाटील,भास्कर वाकोडे हे प्रामुख्याने उपस्थित होते.

जागतिक महिला दिनविशेष

‏

गजानन सोनटक्के जळगाव जामोद

जळगाव जामोद तालुक्यातील सुनगाव येथील सोनल संजय झंवर बनली पहिली महिला एम बी बी एस डॉक्टर सूनगाव येथील प्रतिष्ठित नागरिक जीवनलालजी झंवर यांची नात ही जळगाव जामोद येथील स्वामी विवेकानंद राष्ट्रीय ज्ञानपीठ जळगाव जामोद येथे आपले बारावी सायन्स पर्यंतचे शिक्षण पूर्ण केले व 12 वी परीक्षेत घवघवीत यश संपादन केले व त्यानंतर 2015 साली गोदावरी फाउंडेशन द्वारा संचालित डॉ उल्हास पाटील वैद्यकीय महाविद्यालय जळगाव येथे प्रवेश घेतला व आपले एमबीबीएस शिक्षण उत्तम गुणांसह पूर्ण केले व नुकत्याच 7 मार्च रोजी झालेल्या सेमिनारमध्ये उल्हास पाटील वैद्यकीय महाविद्यालय जळगाव येथे तिचा सत्कार करण्यात आला व मागील वर्षी पासून डॉक्टर सोनल ही डॉ उल्हास पाटील वैद्यकिय महाविद्यालय जळगाव येथे कोविड विभागात आपली अविरत रुग्ण सेवा देत आहे तरी तिने तिने तिची जिद्द कर्तुत्वाने सुनगाव येथील पहिली एमबीबीएस महिला डॉक्टर होण्याचा मान मिळविला आहे तरी तिच्या एम बी बी एस पदवी पूर्ण केल्याबद्दल व कोरोना काळात स्वतःची काळजी न करता आपले सामाजिक कर्तव्य जोपासून कोविढ विभागात रुग्णसेवा करीत आहे याबद्दल तिचे सुनगाव येथे सर्वत्र कौतुक होत आहे

गजानन सोनटक्के जळगाव जा

जळगाव जामोद तालुक्यातील सुनगाव येथे माहेर असणाऱ्या व सुनगाव येथे रहिवाशी असणाऱ्या गीता गजानन दामधर यांचा स्वतःच्या दोन्ही मुलींना अधिकारी बनवण्यापर्यंतचा प्रवास खडतर,अथक परिश्रमाचा दुखद आहे
सुनगाव येथील गीता रामा धुळे यांचा विवाह 1993 साली अकोट येथील गजानन दामधर यांच्याशी झाला ,तीन वर्षानंतर 21 मे 1996 ला त्यांच्या पतीचा दुर्दैवी मृत्यू झाला पतीच्या मृत्यूच्या वेळी प्रिया नावाची मुलगी 18 महिन्यांची होती तर लहान मुलगी नीता ही आईच्या गर्भात सहा महिन्याची होती अशा परिस्थितीत सासरच्या मंडळींनी कोणतीही मदत देण्यास नकार दिल्याने त्या दोन वर्ष वडिलांच्या घरी राहिल्या,नंतर स्वतःच्या बहिणीने त्यांना स्वतंत्र जागा विकत घेऊन गेल्याने त्या वेगळ्या राहायला लागल्या सुरुवातीला त्यांनी मोलमजुरी करून उदरनिर्वाह केला नंतर 2019 मध्ये त्या अंगणवाडी सेविका म्हणून रुजू झाल्या
मोठी मुलगी प्रिया चे पहिली ते दहावी पर्यंतचे शिक्षण सोयगाव येथे मावशी कडे झाले अकरावी ते पदवीधर पर्यंतचे शिक्षण समाजकल्याण वसतिगृहात राहून घेतले औरंगाबाद येथे स्पर्धा परीक्षेचे क्लास केले स्पर्धा परीक्षेद्वारे करनिर्धारण अधिकारी म्हणून 15 जानेवारी 2018 ला परिषद बीड येथे रुजू झाल्या
लहान मुलगी नीताचे पहिली ते दहावी पर्यंतचे शिक्षण मातोश्री नथियाबाई विद्यालय सुनगाव येथे झाले तर अकरावी ते बारावी पर्यंतचे शिक्षण हायस्कूल जळगाव जामोद येथे झाले औरंगाबाद येथे बीए झाल्यानंतर त्यांनी एम पी एस सी परीक्षा दिली आणि 17 मार्च 2020 रोजी त्यांचा निकाल लागलेला असून त्यांची पोलीस उपनिरीक्षक पदासाठी निवड झाली आहे 25 एप्रिल 2021 पासून पोलीस उपनिरीक्षक पदाचे प्रशिक्षण नाशिक येथे होणार आहेत
अशा दुर्दम्य परिस्थितीत कोणाचीही मदत नसताना केवळ स्वतःच्या हिमतीवर कर्तृत्वावर मेहनतीवर विश्वास ठेवून दोन्ही मुलींना अधिकारी बनवणाऱ्या मातेला महिला दिनानिमित्त कोटी कोटी प्रणाम

यावल ( प्रतिनिधी ) विकी वानखेडे

,येथील पंचायत समितीच्या उपसभापतीपदी यांची ईश्वर चिठ्ठीद्वारे निवड करण्यात आली .आज दिनांक ८ मार्च रोजी जिल्हाधिकारी जळगाव यांच्या १ मार्च रोजी प्राप्त झालेल्या आदेशानुसार यावल पंचायत समितीच्या सभागृहात दुपारी २ वाजता उपसभापती निवडीची प्रक्रीया निवडणुक निर्णय अधिकारी तथा तहसीलदार महेश पवार यांच्या अध्यक्षतेखाली व पंचायत समितीचे गटविकास अधिकारी डॉ . निलेश पाटील व महसुलचे दिपक भुतेकर यांच्या प्रमुख उपस्थितीत पार पडली , या सर्वसाधारण सभेच्या पुर्वी उपसभापती पदासाठी भारतीय जनता पक्षाच्या वतीने योगेश दिलीप भंगाळे यांचा एकतर कॉंग्रेस पक्षाच्या वतीने कलीमा सायबु तडवी आणी सरफराज तडवी यांचे प्रत्येकी एक असे एकूण ३नामर्निर्दशन अर्ज निवडणुक निर्णय अधिकारी महेश पवार यांच्याकडे प्राप्त झाले होते . या पंचायत समितीमध्ये सत्ताधारी गटाचे भारतीय जनता पक्षाचे चार आणी काँग्रेस पक्षाचे चार असे सरसम्मान सदस्य संख्याबळ असुन , विद्यमान प्रभारी सभापती दिपक अण्णा पाटील यांनी आपल्या उपसभापतीपदाचा राजीनामा दिल्याने रिक्त झालेल्या पदावर आज निवड करण्यात आली , दरम्यान यावल पंचायत समितीत योगेश भंगाळे , दिपक भास्कर पाटील , लक्ष्मीबाई विजय मोरे , सौ .पल्लवी पुरूजीत चौधरी असे चार सदस्य असुन कॉंग्रेस पक्षाचे उमाकांत रामराव पाटील, शेखर सोपान पाटील , सरफराज सिकंदर तडवी ,कलीमा सायबु तडवी हे सदस्य आहेत . या वेळी उपसभापतीच्या निवड प्रक्रीयेत पंचायत समिती सदस्य सरफराज सिकंदर तडवी यांनी आपला उमेदवारीचे अर्ज मागे घेतल्याने दोन अर्ज राहीले असता मतदान घेण्यात आले योगेश भंगाळे यांना ४ मते तर कलीमा सायबु तडवी यांना ही चार मते मिळाल्याने सरसन्मान मते मिळाल्याने अखेर ईश्वरीय चिट्टीद्वारे प्रेम देवरे यांनी काढतेल्या चिठ्ठीद्वारे योगेश भंगाळे यांची निवड करण्यात आली .