यावल ( प्रतिनिधी ) विकी वानखेडे ,येथील डांगपुरा परिसरातील राहणारे सामाजीक कार्यकर्त हमीद शेख मोहम्मद यांचे आज उपचारादरम्यान निधन झाले . यावल येथील डांगपुरा परिसरातील राहणारे शांतता समितीचे जेष्ठ सदस्य व मोमीन बिरादरीचे अध्यक्ष हमीद शेख मोहम्मद मोमीन यांचा यावल चोपडा मार्गावरून सकाळी ८ वाजेच्या सुमारास जात असतांना चोपडयाकडे जाणाऱ्या भरधाव वेगाने जाणाऱ्या एका वाहनाने त्यांना उडवुन पड काढला होता . दरम्यान यावलच्या जागृत नागरीकांनी तात्काळ या घटनेची माहीती देत अपघात करून पळुन जाणारा हरीयाणा येथील ट्रक अडावद पोलीसांच्या मदतीने पकडण्यात आला होता . तर अपघातात गंभीर जख्मी झालेले हमीद शेख मोहम्मद मोमीन वय७० वर्ष यांना नागरीकांच्या मदतीने उपचारासाठी दिनांक २८ जानेवारी रोजी जख्मी अवस्थेत गोदावरी या खाजगी रुग्णालयात पाठवण्यात आले होते . दरम्यान १५ दिवसांपासुन उपचार सुरू असतांना आज दिनांक १३ फेब्रुवारी रोजी त्यांचे निधन झाले असुन आज त्यांचा दफनविधी करण्यात आला ,अपघाताच्या गुन्ह्यात काही बदल होते का हे पाहावे लागणार हमीद शेख मोहम्मद यांच्या पश्चात पत्नी चार मुली , तिन मुल, सुना, नांतवंडे असा परिवार आहे .

नांदुरा ता. प्रतिनिधि – सुनील पवार

तालुका मुख्यालय असलेल्या नांदुरा येथे रेल्वे स्थानक असून नांदुरा शहर राष्ट्रीय महामार्गावर वसलेले आहे.तसेच नांदुरा येथिल बाजारपेठ देखील मोठी आहे. परंतु उद्योगधंद्यांना चालना मिळत नसल्याने नांदुरा तालुक्यामध्ये सुशिक्षित बेरोजगारांची संख्या दिवसेंदिवस वाढत आहे.तर अनेक सुशिक्षित बेरोजगारानी शहराची वाट धरली आहे.बेरोजगारांच्या हाताला काम व रोजगार मिळवून देण्याच्या अनुषंगाने *मलकापूर विधानसभा मतदार संघाचे आमदार श्री.राजेश एकडे* यांनी नांदुरा तालुक्यामध्ये नवीन एम.आय.डी.सी.मंजूर करावी अशी मागणी राज्याचे उद्योग मंत्री मा.ना.श्री.सुभाषजी देसाई यांच्याकडे केली होती. त्या अनुषंगाने काल दिनांक १२ फेब्रुवारी ला सायंकाळी महाराष्ट्र औद्योगिक विकास महामंडळ अमरावती चे प्रादेशिक अधिकारी श्री.राजारामजी गुठले
यांच्या समवेत  आमदार श्री.राजेश एकडे यांनी नांदुरा येथे एम.आय.डी.सी.मंजूर करणे बाबत सुजातपूर,आमसरी,आंबोडा, सांगावा वडी येथील जागेची पाहणी केली व नांदुरा येथे नवीन एम.आय.डी.सी.
च्या जागेची स्थळ निश्चिती करून सदर बाबातचा मंजुरीचा प्रस्थाव तात्काळ शासनास सादर करावा अश्या सूचना केल्या.यावेळी नांदूऱ्या चे तहसीलदार श्री.राहुल तायडे,महाराष्ट्र औद्योगिक विकास महामंडळ अमरावती चे सर्व्हेअर श्री.बंडू राठोड,महाराष्ट्र औद्योगिक विकास महामंडळ खामगाव चे अभियंता श्री.धुर्वे,
मंडळ अधिकारी श्री.उगले, श्री.बंगाळे,तलाठी श्री.म्हस्के, शकील पटेल प्रामुख्याने उपस्थित होते….!!

,यावल, ( प्रतिनिधी )विकी वानखेडे , येथे शहरातील वर्दळीच्या चौकातील दुकानासमोरील रिक्षा पुढे काढून घे असे सांगितल्याचा राग येऊन प्रवासी रिक्षा मालकाने दुकान मालकाचे गळ्यावर चाकूने वार करून गंभीररित्या जखमी केल्याची घटना शुक्रवारी (ता.१२) दुपारी चारच्या सुमारास घडली असुन या घटने बाबत पोलीसात गुन्हा दाखल करण्यात आला आहे. याबाबत सागर अशोक देवांग यांच्या फिर्यादीनुसार संशयित आरोपी नवाज अली नियाज अली ( रा.बाबूजीपूरा यावल) याने त्याचे मालकीची प्रवासी रिक्षा क्रमांक (एमएच १९ व्हि ५५४५) महेश अशोक देवांग यांचे दुकाना समोर उभी करून ठेवली होती. महेश देवांग यांनी सदरची रिक्षा पुढे काढून घे असे नवाज अली यास सांगितले असता त्याचा राग येऊन नवाज अली नियाज अली याने महेश देवांग यास शिवीगाळ करून चापटा बुक्क्यांनी मारहाण करून महेश चे गळ्यावर चाकूने वार करून मारहाण करीत दुखापत केली.संशयित नवाज अली याचे विरुद्ध येथील पोलीस ठाण्यात गुन्हा दाखल करण्यात आला असून त्यास अटक करण्यात आली आहे. पुढील तपास पोलिस निरीक्षक सुधीर पाटील यांचे मार्गदर्शनाखाली उपनिरीक्षक अजमल पठाण व पोलिस हवालदार संजय तायडे आदी पोलीस कर्मचारी हे करीत आहेत.

सिंदखेडराजा ( सचिन खंडारे )

सिंदखेडराजा तालुक्यातील तांदुळवाडी येथे दहा दिवशीय भव्य बौद्ध धम्म श्रामणेर शिबिराला दिनांक /11 फेब्रुवारी पासून सिंदखेड राजा तालुक्यातील मौजे तांदुळवाडी रूमणा गावाजवळ सुरुवात झाली पुज्यंनिय भन्ते ज्ञानरक्षितजी (थेरो) यांच्या हस्ते प्रारंभ करण्यात आला आणि पंचक्रोशीतील तब्बल 30/ते32उपासकानी चिवरप्रदान केले
पुज्यंनिय भंन्ते यांनी आपल्या मंगलमय वाणिने तथागत भगवान गौतम बुद्ध आणि धम्म समजावून सांगितले व यातच मानवाचे कल्याण आहे आज देशाला गरज बौद्ध विचारांचीच आहे असे ते म्हणाले व संपूर्ण परिसर मंगलमय वातावरणाने प्रेरीत झाला यावेळी धम्मपिठावर उपस्थित भिक्कु संघाने तथागत भगवान गौतम बुद्ध यांना धुपदिपाने प्रज्वलित करून महामानव डॉ बाबासाहेब आंबेडकर यांच्या प्रतिमेला पुष्पहार अर्पण करून शिबिराला सुरुवात केली या वेळी उपस्थित महिलांनी पुज्य भिक्कु संघाचे फुल गुच्छ देऊन स्वागत केले
यावेळी उपस्थित तालुक्यातील भारतीय बौद्ध महासभेचे मा.संस्कार प्रमुख नारायण शिंदे जयद्रंत खरात मेजर अनिल खरात छत्रपती शिवाजी महाराज अकॅडमी मधुकर शिंदे सोनोषी वंचित बहुजन आघाडी सिंदखेडराजा.विठ्ठल सोनकांबळे भा.बौ.महासभा . सामाजिक कार्यकर्ते.कडुबाजी वाघमारे साहेब युवा नेते नितीन साळवे भिकाजी जाधव साहेब हे उपस्थित होते तर कार्यक्रमाचे मुख्य आयोजक संयोजक सन्माननीय प्रकाश दादा खरात मा.पोलीस अधिकारी व गजानन काळे खरात साहेब व अन्य मान्यवर तांदुळवाडी येथील उपासक उपासिका हे उपस्थित होते

सिंदखेड राजा (सचिन खंडारे )

सिंदखेड राजा तालुक्यातील शिंदी येथेदिनांक 12 फेब्रुवारी रोजी सविस्तर माहिती मिळावी यासाठी महिलासाठी पुरुषासाठी उद्योग चर्चासत्राचे आयोजन करण्यात आले होते ,महिलांनी केवळ बचत गट न स्थापन करता बचत गटाच्या माध्यमातून स्वयंरोजगाराच्या संधी कशा उपलब्ध होतील यासाठी प्रयत्न करणे गरजेचे आहे !शिवाय छोटे छोटे उद्योगातून मोठी क्रांती घडेल -याबाबत सविस्तर मार्गदर्शन अविनाश खिल्लारे यांनी केले !उद्योगाच्या अनेक संधी आहेत परंतु पाहिजेत अशी मार्गदर्शन ग्रामीण भागातील महिलांना होत नाही अनेक रुपयाचा निधी हा शासन दरबारी पडून असतो !परंतु कोणी ते करत नाही ‘म्हणून महिलांनी उद्योगाबाबत सजग राहून उद्योग उभारावा व आर्थिक उन्नती साधावी असे प्रतिपादन उद्योग मार्गदर्शक अविनाश खिल्लारे यांनी केले ‘यावेळी त्यांचे सहकारी उमेश खारडे यांनी सुद्धा उद्योगाबाबत माहिती सांगितली ‘यावेळी महिला बचत गटाचे अध्यक्ष स्वातीताई मार्के ‘संगीताबाई खंडारे राजकोरबाई खंडारे मनिषा गिरी ‘बंगळे ताई खरातताई इतर महिला उपस्थित होते !कार्यक्रमाचे प्रास्ताविक सचिन खंडारे यांनी केले तर आभार प्रदर्शन अजय खंडागळे यांनी मानले ‘कार्यक्रम यशस्वीतेसाठी पंढरी आटोळे अनील बंगाळे प्रल्हाद मोरे यांनी परिश्रम घेतले !

सिंदखेड राजा ( सचिन खंडारे )

सिदखेडराजा तालुक्यातील साखरखेर्डा तालुक्याची मागणी ही गेल्या बारा वर्षापासून जुनी आहे साखरखेर्डा तालुका जेव्हा होईल तेव्हा ! ची गोष्ट आहे ।साखरखेर्डा या गावाशी ५२ खेडे जोडलेली आहे ‘शाळा ,महाविद्यालये ,दवाखाने, तलाठी कार्यालय, असे अनेक कार्यालय महत्त्वाचे ठिकाणी साखरखेर्डा आहे,परंतु ज्या शेती संबंधित कार्यालय आहे ते म्हणजेच तलाठी कार्यालय होय !गेल्या अनेक वर्षापासून साखरखेर्डा येथे तलाठी कार्यालयाची स्वताची इमारतच नाही !ही वस्तुस्थिती आहे ‘तलाठी कार्यालय हे अनेकदा या इमारतीतून त्या इमारतीमध्ये पाच -पाच – चार – चार वर्षासाठी स्थलांतरित झाली आहे ।त्यामुळे अचानक स्थलांतरित झाल्यामुळे अनेक लोकांना नेमके तलाठी कार्यालय गेले कुठे हा प्रश्न पडतो लोक तलाठी कार्यालयाची शोधा-शोध करतात !अगोदर तलाठी कार्यालय हे खाजगी इमारतीमध्ये होते त्यानंतर तलाठी कार्यालय हे नवीन ग्रामपंचायत इमारतीमध्ये गेले ‘तेथून ते परत आता मानकर यांच्या कॉम्प्लेक्समध्ये आले !परंतु असतात तलाठी कार्यालय बदलल्यामुळे अनेक लोकांची गैरसोय होत आहे :त्यामुळे साखरखेर्डा हे मोठे गाव असूनही तिथे तलाठी कार्यालयाची स्वतःची इमारत नाही ‘म्हणून साखरखेर्डा येथे लवकरात लवकर तलाठी कार्यालयाची स्वतःची इमारत बांधून द्यावी अशी मागणी तलाठी संघटनेचे जिल्हा उपाध्यक्ष श्री प्रशांत पौधे यांनी केली आहे ! – ( – -साखरखेर्डा हे गाव भौगोलिक दृष्ट्या खूप मोठी आहे तलाठी कार्यालयाची स्वतःची जागा इमारत शासनाने बांधून द्यावी अशी मागणी गेल्या कित्येक वर्षापासून आम्ही करत आहोत !लवकरात लवकर तलाठी कार्यालय इमारत बांधून मिळावी ही अपेक्षा -श्री प्रशांत पौंधे जिल्हा उपाध्यक्ष तलाठी संघटना बुलढाणा )