(यावल प्रतिनीधी) विकी वानखेडे

वाळू माफियांचा पाठलाग करणाऱ्या फैजपूर विभागीय अधिकाऱ्यांच्या (प्रांताधिकाऱ्यांच्या) गाडीला बेकायदेशीर वाळू वाहतूक करणाऱ्या डंपरने पळून जाण्याच्या प्रयत्नात जोरदार धडक दिल्याची खळबळजनक घटना काल रात्री उशिरा यावल तालुक्यातील न्हावी जवळ घडली. यावेळी विभागिय अधिकाऱ्यांचा जीपचा चालक जखमी झाला असून शासकीय गाडीचेही नुकसान झाले आहे. याप्रकरणी वाळू वाहतूक करणारा डंपर,त्यावरील चालक आणि सोबत असणारी कार ताब्यात घेण्यात आली असून फैजपूर पोलीस ठाण्यात गुन्ह्याची नोंद करण्यात आली आहे.
याबाबत अधिक माहिती उपविभागीय महसूल अधिकारी कैलास कडलग यांनी माहीती दिली.
काल (ता २४) रात्री उशिरा अकराच्या सुमारास बेकायदेशीर वाळूची वाहतूक होत असल्याची माहिती मिळाल्याने त्यांनी आपल्या शासकीय वाहनातून चालक उमेशसह या डंपरचा पाठलाग यावल- किनगांव दरम्यान केला. मात्र अंधाराचा फायदा घेत हा डंपर किनगाव भागात पळून जाण्यात यशस्वी झाला. तेथून परत येताना श्री कडलग यांना न्हावी गावाकडे एक वाळू वाहतूक करणारा डंपर जाताना दिसला. त्यांनी या डंपरचा पाठलाग करतात डंपर सुसाट वेगाने न्हावी गावातील अडचणीच्या अरुंद गल्लीत शिरला. तेथून पळून जाण्याच्या प्रयत्नात डंपर रिव्हर्स नेताना शासकीय गाडीला पुढून जोरात धक्का लागून गाडीचे मोठे नुकसान झाले आहे. त्यांचे वाहन चालक उमेश यांनाही झालेल्या ओढाताणीत वाळूमाफियांनी धक्काबुक्की केली असून त्यांना मुका मार लागलेला आहे. याप्रकरणी या डंपरला संरक्षण देणाऱ्या १०१० क्रमांकाच्या पांढऱ्या कारसह डंपरला ताब्यात घेण्यात आली आहे. सुसाट वेगाने डंपर चालवणाऱ्या अठरा एकोणीस वर्षाच्या युवकाला ही पोलिसांनी ताब्यात घेतले असून रात्री उशिरापर्यंत फैजपूर पोलीस ठाण्यात गुन्हा नोंदविण्याचे काम सुरू होते.
विना क्रमांकाच्या या डंपर्समधून वाळू वाहतूक पोलिसांच्या आशीर्वादाने होत असल्याचे महसूल विभागाच्या वरिष्ठ अधिकाऱ्यांनी सांगितले. याप्रकरणी पोलिसांनी धडक कारवाई करण्याची अपेक्षा महसूल विभागाच्या अधिकाऱ्यांकडून व्यक्त होत आहे.

गजानन सोनटक्के जळगाव जा

आपल्या कर्तव्यात कसूर केल्याप्रकरणी बुलडाणा वन विभागातील 2 वन कर्मचाऱ्यांना बुलडाणा उपवनसंरक्षक अक्षय गजभिये यांनी निलंबित केल्याने वन विभागात खळबळ माजली आहे. निलंबित करण्यात आलेल्या वन कर्मचाऱ्यांमध्ये वनपाल सलीम खान गुलशेर खान व वनरक्षक गजानन रमेश सोळंके यांचा समावेश आहे.बुलडाणा जिल्ह्यातील जळगाव जामोद व संग्रामपूर तालुक्यातून सातपुडा पर्वत रांगा जात आहे. या दोन्ही तालुक्यात मोठ्या प्रमाणात वन संपदा असल्याने येथे वनसंपत्तीची तस्करी ही मोठ्या प्रमाणात होत असते. जळगाव जामोद वनपरिक्षेत्र नेहमी चर्चेत राहते. वनपाल सलीम खान यांच्या कडे जळगाव जामोद वनपरिक्षेत्र अधिकारी पदाचा प्रभार असतांना त्यांच्या कार्यक्षेत्रात दोन डांबरी रस्ते वन विभागाच्या जमिनीतून करण्यात आले व त्यामुळे वनसंपत्तीचे मोठ्या प्रमाणात नुकसान झाले होते ही बाबत त्यांनी वरिष्ठांची दिशाभूल केली तसेच 33 कोटी वृक्ष लागवड योजनेअंतर्गत रोपांचा पुरवठा न केल्याने लागवड करण्यात आली नाही व त्यामुळे शासनाचे मोठ्या प्रमाणात नुकसान झाले,तसेच जळगाव जामोद परिक्षेत्रात डिंकाचा अवैध व्यवसाय चालत असून त्यास सलीम खान हे जबाबदार असल्याची शंका व्यक्त करण्यात आली आहे. त्याचबरोबर कुंवरदेव बीट क्रमांक 1 मध्ये कार्यरत वनरक्षक गजानन रमेश सोळंके यांच्या कार्यक्षेत्रात तब्बल 14 हेक्टर वनक्षेत्र जळून 11 हजार 550 पन्नास रुपयांची वन संपत्तीचे नुकसान झाले. या आगीच्या वेळी वनरक्षक गजानन सोळंके हे गैरहजर होते व त्यांच्या निष्काळजी पणामुळे वन क्षेत्रात आग लागून वनसंपदेचे नुकसान झाले . अशा कारणामुळे वनपाल सलीम खान व वनरक्षक गजानन सोळंके यांना बुलडाणा डीएफओ अक्षय गजभिये यांनी निलंबित केले आहे.

सिंदखेड राजा ( सचिन खंडारे )

दि: 23/02/21 रोजी
तथागत युवा प्रतिष्ठान ग्रुप महाराष्ट्र राज्य वाळवा तालुका, सांगली जिल्हा

संस्थापक अध्यक्ष मा.संदिप भाऊ गवई यांच्या आदेशावरुन वाळवा तालुका सांगली जिल्हा येथे मा.चंद्रकांत पवार साहेब यांची पेठ गावच्या उपसरपंच पदी निवड झालेबद्दल त्यांचे तथागत युवा प्रतिष्ठान ग्रुपच्या वतीने वाळवा तालुका अध्यक्ष मा. अनिकेत (भाऊ ) पवार यांनी अभिनंदन केले.
येथील फुले, शाहू, आंबेडकर चळवळीतील कार्यकर्ते पेठ तालुका वाळवा येथील मा. चंद्रकांत पवार यांची पेठ गावच्या उपसरपंच पदी निवड झालेबद्दल त्यांचे वाळवा तालुका तथागत युवा प्रतिष्ठान ग्रुप महाराष्ट्र राज्य यांनी तथागत गौतम बुद्ध यांची प्रतिमा देऊन वाळवा तालुका अध्यक्ष अनिकेत पवार यांनी अभिनंदन केले आणि त्यांच्या पुढील सामाजिक व राजकीय वाटचालीस शुभेच्छा दिल्या..

यावेळी उपस्थित मान्यवर :विशाल भाऊ कुर्णे, जयकुमार कांबळे, रविराज आढाव, अजय गायकवाड, सुशांत कांबळे, सागर आढाव, आणि इतर कार्यकर्ते आदी उपस्थित होते.

सिंदखेड राजा ( सचिन खंडारे )

सिंदखेडराजा तालुक्यातील सर्वाधिक मोठी ग्रामपंचायत असलेल्या साखरखेर्डा येथील शवविच्छेदन केंद्र डॉक्टरांच्या व साहित्याच्या अभावी गेल्या पंधरा वर्षांपासून धूळ खात पडलेले आहे,साखरखेरडा हे सर्वात मोठे गाव असल्यामुळे परिसरातील ५२ खेडे या गावची जोडलेले आहेत,साखरखेर्डा येथे प्राथमिक आरोग्य केंद्र असून ‘अनेक लोक उपचारासाठी साखरखेर्डा येथे दवाखान्यामध्ये येत असतात .परंतु एखांदा अपघाती मृत्यू झाल्यास त्याचे शवविच्छेदन करावयाचे असल्यास सिंदखेड राजा येथे न्यावे लागते .त्यामुळे नातेवाईकांना नाहक मनस्ताप सहन करावा लागतो व आर्थिक भुर्दंड पडतो,कारण साखरखेर्डा ते सिंदखेडराजा हे ७० किलोमीटर अंतर असून,लवकर नंबर लागत नसल्यामुळे तासन तास सिंदखेडराजा येथे शवविच्छेदन केंद्रावर ताटकळत बसावे लागते,कधी तर शवविच्छेदन केंद्रावर नातेवाईकाचे व डॉक्टरचे वाद सुद्धा झालेले आहे,व वादाचे रूपांतर मारहाणीत सुद्धा झालेली आहे त्यामुळे कायदा व सुव्यवस्थेचा प्रश्न निर्माण होतो,म्हणून शवविच्छेदन करताना प्रेताची विटंबना झाल्या सारखीच आहे ‘म्हणून साखरखेर्डा येथील गेल्या पंधरा वर्षापासून शवविच्छेदन केंद्राची इमारत धूळखात पडलेली आहे,शवविच्छेदन केंद्राची इमारत बांधून पूर्ण तयार आहे परंतु डॉक्टर व साहित्याच्या अभावी अजूनही शवविच्छेदन केंद्र सुरू झालेले नाही ही शोकांतिकाच म्हणावी लागेल, सिंखेडराजा मतदारसंघाचे आमदार व बुलढाणा जिल्ह्याचे पालकमंत्री डॉक्टर राजेंद्र शिंगणे यांनी या घटनेकडे लक्ष देऊन शवविच्छेदन सुरू करावे अशी मागणी नागरिकानी केली आहे,त्यामुळे साखरखेर्डा परिसरातील लोकांना मोठा दिलासा मिळेल, — – – -(गेल्या पंधरा वर्षापासून शवविच्छेदन केंद्र सुरू झाले नसून हे केंद्र सुरू झाली तर परिसरातील नागरिकांना याचा लाभ मिळेल व वादविवाद होणार नाहीत हे केंद्र लवकरात लवकर सुरू करावे यासाठी आपण सातत्याने पाठपुरावा करत राहू – – -राजू ठोके माजी पंचायत समिती सभापती साखरखेर्डा )

– …हे केंद्र लवकरात लवकर सुरू करावे यासाठी आपण पालक मंत्री डॉक्टर राजेंद्र शिंगणे यांच्याकडे पाठपुरावा करणार आहोत . – …सय्यद रफिक ग्रामपंचायत सदस्य तथा ज्येष्ठ पत्रकार साखरखेर्डा ‘

नांदुरा(प्रफुल्ल बिचारे पाटिल ):-

मलकापूर विधानसभा मतदार संघाचे आमदार श्री. राजेश एकडे यांच्या प्रयत्नांना अखेर यश प्राप्त झाले असून नांदुरा येथे तहसील ईमारत बांधकामस महसूल विभागाच्या दिनांक १७ फ्रेब्रू.२०२१
रोजीच्या शासन निर्णय निर्णयान्वये
( रु.८,०९,८९,२९) प्रशासकीय मंजुरी प्राप्त झाली आहे. त्यासोबतच तहसीलदार व नायब तहसीलदार यांच्या निवासस्थान बांधकामासाठी देखील रु.२,४८,०८,३९१ निधी उपलब्ध झाला आहे.तालुका मुख्यालय असलेल्या नांदुरा शहरातील तहसील कार्यालयाच्या ईमारतीमध्ये तालुक्यातील प्रत्येक नागरिकाला आपल्या कामासाठी यावे लागते त्यांची कोणतीही गैरसोय होऊ नये या अनुषंगाने सध्या कार्यान्वित असलेले तहसील कार्यालयाची ईमारत ही अपूर्ण,सोइ सुविधाचा अभाव असणारी होती. तहसील कार्यालयातील अधिकारी कर्मचारी विशेषता महिला कर्मचारी यांची गैरसोय होऊ नये त्यांना कार्यालयात बसण्यासाठी मुबलक जागा असावी. त्याच प्रमाणे तहसील कार्यालय येणाऱ्या तालुक्यातील अभ्यंगतांना सर्व सुविधा मिळाव्यात यासाठी आमदार श्री. राजेश एकडे यांनी राज्याचे महसूल मंत्री नामदार श्री.बाळासाहेबजी थोरात यांच्याकडे सतत पाठपुरावा करून सदर तहसील कार्यालयाची ईमारत व तहसीलदार,नायब तहसीलदार यांची निवासस्थान यांना प्रशासकीय मंजुरी मिळविली आहे.
मतदार संघातील विकास कामे जसे मोठी रस्ते व पूल, अंतर्गत रस्ते,शेत रस्ते,जलसंधारणाची कामे,नांदुरा एम.आय.डी.सी.
साठी पाठपुरावा ईत्यादी बाबत सुक्ष्म नियोजन करुन, नियोजनबद्ध पद्धतीने एक-एक विकास काम मार्गी लागत असल्याने जनमानसात व मतदारसंघात आनंदाचे वातावरण निर्माण झाले आहे.

सिंदखेड राजा (सचिन खंडारे )

कोरोना च्या वाढता प्रादुर्भाव बघता बुलढाणा जिल्ह्यामध्ये 21 फेब्रुवारी ते 28 फेब्रुवारी पर्यंत नियम व अटी घालून दिल्याप्रमाणे लॉक डाऊन सुरू आहे ‘ कोरोना ची संख्या वाढली तर परत पहिल्यासारखे कडक लॉक डाऊन होईल ‘या भीतीपोटी चोरीचे प्रमाण सुद्धा वाढलेले दिसून येत आहे .तालुक्यातील दुसरबीड येथील मुंबई – नागपूर या हायवेवर असलेल्या सचिन वाईन बार मध्ये अज्ञात चोरट्यांनी 23 फेब्रुवारी च्या मध्यरात्री 2 वाजता चोरी करून काही विदेशी दारू व १५७३० असा एकूण ३० ते ३५हजार रुपयांचा ऐवज लंपास करून पोबारा केला,अतिशय वर्दळीच्या ठिकाणी असलेली सचिन वाईन बार होती ‘दुसरबीड मधील सतत चोर्‍यांचे प्रमाण वाढल्यामुळे नागरिकांमध्ये भीतीचे वातावरण निर्माण झाले आहे .सचिन बारचे मालक संदीप देसाई यांनी किनगाव राजा पोलिस स्टेशनमध्ये रीतसर तक्रार दाखल केली . व तक्रार दाखल होताच ‘किनगाव राजा चे पीएसआय माळी साहेब व दुसरबीड बीड बीट जमदार चाटे साहेब व पोलीस कॉन्स्टेबल बारगजे यांनी घटनास्थळी घटनेचा जाऊन पंचनामा केला ‘गावांमध्ये होणारे चोऱ्या याला आळा घालण्यात यावी अशी मागणी या वेळी नागरिकांनी केली आहे . ‘