सिंदखेड राजा ( सचिन खंडारे )

सविस्तर माहिती अशी की चिखली – मेहकर रोड वर हिवरा आश्रम लगतच पिंपळगाव उंडा या फाट्यावर दि . ९ जानेवारी ला रात्री ७ . 30 वाजताच्या दरम्यान ट्रक क्रमांक एम एच 23 7275 व मोटरसायकल क्रमांक एम एच 28 AQ 1053 क्रमांकाच्या मोटर सायकलचा भीषण अपघात झाला या अपघातामध्ये मोटर सायकल स्वार रवी अंभोरे राहणार पिंपळगाव उंडा गंभीर जखमी झाला असून त्यांना पुढील उपचारासाठी गावकऱ्यांच्या सहकार्याने मेहकर येथील रुग्णालयात हलवण्यात आले असून उपचार सुरू आहे. अपघात इतका जबरदस्त होता की या अपघातामध्ये मोटर सायकलची सुराळा झाला आहे तसेच मोटरसायकलस्वार सुद्धा मोटरसायकलवरून उडून रस्त्याच्याकडेला फेकला गेला आहे चिखली कडून मेहकर कडे जाणाऱ्या भरधाव वेगाच्या ट्रक ने मोटरसायकल धडक दिल्याने हा अपघात घडला. परंतु घटनास्थळावरून ट्रक ड्रायव्हर अपघात घडला तेव्हा पसार झाला. बातमीचे वृत्त कळेपर्यंत अजून कुठलाही गुन्हा ट्रक चालकावर दाखल करण्यात आला नव्हता. मोटर सायकलस्वार रवी अंभोरे गंभीर जखमी झाले असून त्यांना पुढील उपचारासाठी गावकऱ्यांच्या सहकार्याने मेहकर येथील रुग्णालयात नेले असून उपचार सुरू आहे.

सुनील पवार नांदुरा

जवळील धरणगाव व तादुलवाडी चे मध्यभागी एक पांढऱ्या रंगांची गाडी (दिल्ली पथक) नावावर (पोलीस गाडी नव्हती) ऊभी होती व तेथे दोन पोलीस ड्रेसवर ऊभे होते (प्रत्येकी हजार रु रोज) व दोन्ही साईडला ४/५ ट्रक व गाड्या ऊभ्या होत्या. व जँकीट घातलेली ४/५ माणसे गाड्या थांबवून पावत्या फाडत होते. सर्वच ट्रक ना रिफलेकटर ,रेडीयम , टेल लाईट असल्यावर ही.
मी व माझा वडणेर भोलजी येथील मीत्र अनंता सातव दसरखेड कडे जात असतांना हा प्रकार पाहून त्यांच्या जवळ पुढे गेल्यावर वापस आलो व चौकशी केली पोलीस दादा ने मला ओळखले व विषय मोडायच्या निमित्ताने कुठे चालले , कशाला चालले ,आज किशोर भाऊ च्या घरी लग्न आहे वगैरे वगैरे. नंतर या वसुली बाबद विचारले असता त्यांनी बुलढाणा SP यांच्या सहीचे पत्र दाखवून आम्ही अधिक्रुत वसूली करत असल्याचे सांगितले म्हणून मी माझ्या सवयी प्रमाणे माझ्या मित्राला फोटो घेन्यास सांगितले माझा एक्स्पर्ट मित्र अनंता ने फटाफट ४/५ फोटो घेतले पण नंतर पोलीस दादा नावे माहीत आहेत कोनी वरीष्ठ कारवाई* *करत असतील तर सांगू . ग्रुपमध्ये टाकू नका म्हणून सांगत होते मी म्हटले तुम्ही अधिक्रुत वसूली करत आहात तर तुम्हाला भेन्याच काय काम. व पाहिजे तेवढे ते भेलेले पण दिसत नव्हते कारण बाँस ला ३००० तिन हजार रु दररोज व या दोघांना वर लीहलेलेच आहे (चौकशी केली म्हणून लिहले) अस असल्याने बाँस सांभाळून घेनारच*
हे एवढ लिहायचे कारण कारण असे की नुकतेच ५० रूपया साठी ३ बुलढाणा पोलीस घरी गेले. त्यानंतर ही वडणेर भोलजी जवळ गिते साहेबांचा स्टाफ अवैध वसूली करत होता व त्यानंतर ही खामगाव बायपास वर असच दुसर फिरत पथक महीला चा विचार न करता वसूली करत होत त्या दिवशी VDO व्हायरल केल्यानंतर थोडा फरक पडला
शेतकरी अडचणी त आहे आणि हे स्वतः ला शेतकऱ्यांचे पोर म्हणवतात आणि स्वतः च्या हजार रुपयासाठी( पगार असल्यावरही) त्या रस्त्याने येनार्या सर्वांना त्यामधे तिन सिट शेतकरी ,फायनान्स वर घेतलेला सुशिक्षित बेरोजगार अँटोवाला , मरणा वर जात असलेला टेंपो ,यांना पैसे घेतल्या शिवाय सोडत नाही निमित्त असते कागदपत्रे , पण ज्या काळ्या पि हप्ते देतात त्यांची कागदपत्रे कधीच पाहीले जात नाही असो वरीष्ठांनी कारवाई करावी अस काही नाही पण विध्यमान SP साहेबांनी लक्ष द्यावे व यानंतर असे अवैध प्रकार बंद होवून सामान्य नागरीकांना दिलासा मिळावा ही विनंती

सिंदखेड राजा ( सचिन खंडारे )

11 ते 12 जानेवारी दरम्यान मातृतीर्थ सिंदखेडराजा शहरामध्ये देश-विदेशातून आंतरराष्ट्रीय दर्जाचे जिजाऊ जन्मोत्सव सोहळ्यासाठी लाखोच्या संख्येने दरवर्षी लोक येत असतात !व राष्ट्रमाता मा जिजाऊ साहेबांना अभिवादन करत असतात ‘मात्र यावर्षी करोनाची परिस्थिती लक्षात घेता ‘महसूल प्रशासकीय यंत्रणेने उपविभागीय अधिकारी सिंदखेड राजा यांना एक आदेश पारित करून 11 ते 12 जानेवारी दरम्यान संपूर्ण सिंदखेड राजा परिसर व शहरात दोन दिवसा करता कलम 144 लागू करण्यात आले आहे ‘या आदेशाचे उल्लंघन केल्यास भारतीय दंड संहिता १८६० व कलम १८८नुसार कारवाई करण्यात येईल असा दिनांक ५ / १ / 202 १ उपविभागीय अधिकारी श्री सुभाष दळवी यांनी आदेश पारित केला आहे !

अजहर शाह मोताळा प्रतिनिधी

बुलडाणा,दि. 8: समाजाचे वेगवेगळे ऋण प्रत्येकावर असतात. कोविडच्या काळात या ऋणांचे महत्व अधिकतेने पुढे आले. आपण समाजाला काही देणे लागतो. या भावनेतून हे ऋण फेडण्याचा प्रयत्न केला पाहिजे. याच भावनेतून पत्रकारांनी रक्तदान शिबिराचे आयोजन करून या माध्यमातून समाज ऋण फेडण्याची संधी उपलब्ध करून दिली आहे, असे प्रतीपादन जिल्ह्याचे पालकमंत्री डॉ. राजेंद्र शिंगणे यांनी केले. बुलडाणा टिव्ही जिल्हा टिव्ही जर्नालीस्ट असोसिएशनच्यावतीने जिल्हा पत्रकार भवन येथे रक्तदान शिबिराचे आयोजन केले.
सदर शिबिर उद्घाटन कार्यक्रमाला उद्घाटक पालकमंत्री डॉ. राजेंद्र शिंगणे उपसिथत होते. कार्यक्रमादरम्यान त्यांनी आपले मनोगत व्यक्त केले. याप्रसंगी व्यासपीठावर आमदार संजय गायकवाड, वस्त्रोद्योग महामंडळाचे माजी अध्यक्ष रविकांत तुपकर, बुलडाणा अर्बन सोसायटीचे राधेश्याम चांडक, जिल्हा पोलीस अधिक्षक अरविंद चावरीया, माजी आमदार विजयराज शिंदे, जिल्हा पत्रकार संघाचे अध्यक्ष अरूण जैन, टिव्ही जर्नालीस्ट असोसिए शनचे अध्यक्ष वसीम शेख, सचिव युवराज वाघ, संदीप शेळके आदी उपस्थित होते.
पालकमंत्री पुढे म्हणाले, कोविड काळात पत्रकारांनी उत्कृष्ट काम करीत समाजाला जागृत करण्याचे काम केले. त्यामुळे कोरोना विषाणू विरोधात जनजागृती होण्याचे मोलाची मदत झाली. पत्रकारांकडून रक्तदान शिबिरासारखा स्तुत्य उपक्रम आयोजित केलेला आहे. मागील काळात रक्ताचा तुटवडा राज्यात होता . त्यावेळी राज्याचे मुख्यमंत्री ना. उद्धवजी ठाकरे यांनी जनतेला रक्तदान करण्याचे आवाहन केले. अन्न व औषध प्रशासन विभागाच्या माध्यमातून यासाठी प्रयत्न करण्यात आले. त्याला प्रतिसाद देत चांगल्या प्रकारे रक्त संकलन राज्यात होत आहे. कोरोना संसर्ग आटोक्यात आणण्यासाठी राज्य शासनाने सातत्याने प्रयत्न केले. त्यामध्ये यशही मिळत आहे.
आमदार संजय गायकवाड यावेळी म्हणाले, कोविड काळात माणुसकीला काळीमा फासणाऱ्या व माणुसकी जिवंत असणाऱ्या घटना सातत्याने अनुभवास आल्या. कोविडने मृत्यू झालेला असल्यास त्याचे प्रेतही नातेवाईक घेत नव्हते. आपलेस आपल्या दूर सारत असल्याचा हृदयद्रावक अनुभव आला. मात्र काहींनी या कठीण काळात माणुसकी जागविणारे काम केले. रक्तदान करून कोविड रूग्णांना आवश्यकतेनुसार रक्तही त्याकाळात पुरविल्या गेले.
रविकांत तुपकर यावेळी म्हणाले, अगदी तुटपुंज्या पगारावर किंवा मानधनावर पत्रकार काम करीत असतात. कोविडच्या परिस्थितीत केवळ पगारासाठी काम न करता व आपले आरोग्य धोक्यात घालून पत्रकारांनी वार्तांकन केले. हे खरेच कौतुकास्पद आहे. केवळ चरितार्थासाठी काम न करणारे पत्रकार हे खरोखरच समाजसेवकच आहेत. राधेश्याम चांडक यावेळी म्हणाले, बुलडाणा अर्बन भविष्यात रूग्णसेवेसाठी चॅरीटेबल हॉस्पीटलची निर्मिती करणार आहे. या माध्यमातून गरीब रूग्णांची सेवा करण्याची संधी संसथेला मिळेल. रक्तदान हे महत्वाचे दान आहे. या दानामुहे लोकांचे जीव वाचतात. असे पवित्र कार्य पत्रकारांनी हाती घेतले ही स्तुत्य बाब आहे.
यावेळी असोसिएशनच्यावतीने नगर परिषद आदर्श उर्दू शाळेचे मुख्याध्यापक रयसोद्दीन काजी, संचेती हृदयालयाचे डॉ. संचेती, पत्रकार गजानन धांडे यांचा मान्यवरांच्याहस्ते सत्कार करण्यात आला. प्रास्ताविक सचिव युवराज वाघ यांनी केले. प्रास्ताविकात कार्यक्रमाच्या आयोजनामागील भूमिका विषद केली. असोसिएशनचे जिल्हाध्यक्ष वसीम शेख यांनीही यावेळी आपले मनोगत व्यक्त केले. कार्यक्रमाचे संचलन व आभार प्रदर्शन संदीप वानखेडे यांनी केले. कार्यक्रमाला जिल्हा पत्रकार संघाचे पदाधिकारी, टि व्ही जर्नालिस्ट असोसिएशनचे पदाधिकारी, राजकीय, सामाजिक क्षेत्रातील व्यक्ती, पत्रकार बांधव मोठ्या संख्येने उपस्थित होते.
**********