नागपूर दि ५ : मुख्यमंत्री उद्धव ठाकरे यांचे आज सकाळी साडेदहाच्या सुमारास नागपूर विमानतळावर आगमन झाले. हिंदू हृदयसम्राट बाळासाहेब ठाकरे महाराष्ट्र समृद्धी महामार्गाची ते अमरावती जिल्ह्यामध्ये पाहणी करणार आहेत. यासाठी नागपूर येथून हेलिकॉप्टरने ते लगेच अमरावतीकडे रवाना झाले.
तत्पूर्वी, नागपूर विमानतळावर विभागीय आयुक्त डॉ. संजीव कुमार, जिल्हाधिकारी रवींद्र ठाकरे यांनी त्यांचे स्वागत केले. मुख्यमंत्री विशेष विमानाने नागपूर येथे आले होते. या ठिकाणावरून अमरावतीकडे हेलिकॉप्टरने रवाना झालेत. अमरावती जिल्ह्यातील नांदगाव खंडेश्वर येथील शिवणी रसुलापूर हेलीपॅडवरून ते मौजे देऊळगव्हाण येथे पोहोचणार आहेत. याठिकाणी उतरून ते समृद्धी महामार्गाची पाहणी करतील.
त्यानंतर दुपारी सव्वाबारा वाजता हेलिकॉप्टरने औरंगाबाद जिल्ह्यातील वैजापूर तालुक्यातील मौजे गोळवाडी कडे प्रयाण करतील. दोन वाजता गोळवाडी हेलिपॅड येथे आगमन व हिंदू हृदयसम्राट बाळासाहेब ठाकरे समृद्धी महामार्गाची पाहणी ते करणार आहेत. त्यानंतर दुपारी साडेतीन वाजता औरंगाबाद तेथून ते विमानाने मुंबईला प्रयाण करतील.
आज सकाळी साडेदहा वाजता नागपूर विमानतळावर विभागीय आयुक्त व जिल्हाधिकारी यांच्यासह अप्पर मुख्य सचिव मनोज सौनिक हे देखील उपस्थित होते. मुख्यमंत्री उद्धव ठाकरे यांच्यासोबत मिलिंद नार्वेकर व अप्पर मुख्य सचिव मनोज सौनिक यांनी देखील नांदगाव खंडेश्वरकडे प्रयाण केले.
विमानतळावरील त्यांच्या स्वागतासाठी यावेळी खासदार कृपाल तुमाने उपस्थित होते.याशिवाय महाराष्ट्र रस्ते विकास महामंडळाचे व्यवस्थापकीय संचालक राधेश्याम मोपलवार ,अप्पर पोलीस आयुक्त दिलीप झळके, सुनील फुलारी, उपायुक्त नरुल हसन, बसवराज तेली, जिल्हा पोलीस अधीक्षक ( ग्रामीण ) राकेश ओला, वरिष्ठ विमानतळ अधिकारी आबीद रूही, विमानतळाचे मुख्य सुरक्षा अधिकारी यशवंतराव सराटकर उपस्थित होते.

गजानन सोनटक्के जळगाव जामोद

गेल्या वर्षी जळगाव जामोद तालुक्यात घडलेल्या वाटमारीतील मुख्य आरोपीच्या मुसक्या आवळण्यात जळगाव जामोद पोलिसांना यश आले आहे. अजय मन्साराम चव्हाण (26 रा. उमरा, ता. अकोट, जि. अकोला) याला त्याच्या घरातून आज, 4 डिसेंबरला अटक करण्यात आली.
अजय चव्हाणविरुद्ध दर्यापूर, खल्लार, सोयगाव, मलकापूर ग्रामीण पोलीस ठाण्यातही जबरी चोरी, दरोड्याचे गुन्हे दाखल आहेत. तो अनेक गुन्ह्यांत पोलिसांना हवा होता. बर्‍याच दिवसांपासून पोलीस त्याच्या शोधात होते. मात्र तोव। मिळून येत नव्हता. अखेर त्याला पकडण्यात जळगाव जामोद पोलिसांना यश आले. ही कारवाई पोलीस अधीक्षक, अप्पर पोलीस अधीक्षक, उपविभागीय पोलीस अधिकारी यांच्या मार्गदर्शनाखाली पोलीस निरिक्षक सुनील जाधव यांच्या नेतृत्त्वाखालील पथकाने केली. पथकात सहायक पोलीस निरिक्षक सतीश आडे, पोलीस उपनिरिक्षक भारत बर्डे, पो.काँ.गणेश पाटील, विकास गव्हाण, सुनील वावगे यांनी केली.

अशी केली होती वाटमारी…

बोराळा येथील आदिनाथ पुंडलिक वाघ हे रात्री आठच्या सुमारास मोटसायकलने घरी जात असताना मागून दुचाकीवर आलेल्या तिघांनी त्यांना अडवून खिशातील नगदी 20 हजार 370 रुपये, सॅमसंग कंपनीचा मोबाइल 1500 रुपयांचा चोरून नेला होता. हा गुन्हा उघडकीस आणण्यासाठी पोलिसांनी बरेच प्रयत्न केले. अखेर संयमाने तपास करत लुटारूंनी हिसकावून नेलेल्या मोबाइलच्या साह्याने पोलीस मुख्य आरोपी चव्हाणपर्यंत पोहोचले

सोनाळा , संग्रामपूर तालुक्यातील सातपुड्याच्या पायथ्याशी असलेल्या सोनाळा येथे कार्तिक पोर्णिमेला श्री संत सोनाजी महाराजांची यात्रा महोत्सव मोठ्या थाटात साजरा करण्यात येतो. पण यंदा कोरोणा महामारी च्या प्रभावामुळे यात्रा, रथउत्सव, काला व महाप्रसादाचे कार्यक्रम स्वयंस्फूर्तीने गावकऱ्यांनी व संस्थांनी बंद करण्याचे लेखी पत्र पोलीस स्टेशन यांना दिल्यावर एकदम साध्या पद्धतीने दिनांक एक डिसेंबरच्या रात्री बारा वाजता पोलिसांच्या परवानगी व उपस्थित गावातील मोजक्या भाविकांच्या उपस्थितीत परंपरेनुसार रथाची पूजाअर्चा केली तर पोलिसांच्या समोर रथाची प्रतिकृती म्हणजे लहान पितळी रथ डोक्यावर ठेवून गाव प्रदक्षिणेला नेण्यात आले त्यावेळी अप्पर पोलीस अधीक्षक तसेच दंगा काबू पथक ५ ते ७ पोलिस उपनिरीक्षक 140 ते पोलिसांचा तगडा बंदोबस्त असताना मिरवणूक निघाली तर कशी .. पोलिसांच्या कार्यकुशल तेवर समस्त गावकरी व व भक्त प्रश्नचिन्ह निर्माण केले आहे….
गावातील मोजक्या भाविकांच्या उपस्थितीत परंपरेनुसार रथाची पूजाअर्चा केली तर पोलिसांच्या समोर रथाची प्रतिकृती म्हणजे लहान पितळी डोक्यावर घेऊन गाव परदेशी नेला नेण्यात आले यावेळी कुठलाही अनुचित प्रकार घडला नाही रस व्यवस्थित मंदिर स्थळी पोचवण्यात आला या मिरवणुकीदरम्यान कोणीही पोलीस अधिकारी हजर नव्हते पोलिसांनी नियुक्त केलेले व्हिडिओ शूटिंग चालू होते या प्रकारामुळे कोणतेही कायदा-सुव्यवस्था बिघडला नाही उलट प्रशासनाला सहकार्य केले असल्याचे भाविकांनी एका निवेदनाद्वारे स्पष्ट स्वरूपात सांगितले .
शासनाने स्थानिक पोलिस अधिकाऱ्यांनी गेल्या तीन वर्षापासून जिल्हा प्रशासनाला चुकीचे अहवाल पाठवून यात्रा बंद करण्याचे घाट घातला आहे पोलिसांनी दिलेल्या अहवाल खरा ठरवण्यासाठी गावकऱ्यांवर वचपा काढण्यासाठी खोटे गुन्हे दाखल करत असल्याचे व गावामध्ये दरवर्षीच्या यात्रेमध्ये पोलीस प्रशासन विरुद्ध लोकनाट्य मंडळ कधी तर भक्तगण असे असताना पोलिसांनी यात्रे संबंधित चुकीची माहिती वरिष्ठ पातळीवर देण्यात आली या अनुषंगाने याहीवर्षी पोलिसांनी पूर्वीचा डाव मनात घेऊन यात्रेची व गावकर यांची प्रतिमा मलिन करत असल्याने त्यांच्यावर कारवाई करण्यात यावी याकरता 5 डिसेंबर 2020 शनिवारला गाव स्वयंस्फूर्तीने बंद करण्यात येत असल्याचे एका निवेदनात गृहमंत्री पालकमंत्री खासदार आमदार महानिरीक्षक अधीक्षक मुख्यमंत्री यांना अधिकार्‍यावर कारवाई करण्यासाठी निवेदन देण्यात आले आहे.

साखरखेर्डा (प्रतिनिधी )

अवैध रेतीचे केंद्र बनलेल्या सिंदखेड राजा तालुक्यातील हिवरखेड पूर्णा येथील एका शेतामध्ये असलेला रेतीचा साठा व तसेच तेथे असलेली टिप्पर व विना क्रमांकाची जेसीबी महसूल विभागाच्या पथकाने 2 डिसेंबर रोजी जप्त केली !तालुक्यातील हिवरखेड पूर्णा येथील एका शेतामध्ये रेतीचा साठाअसल्याची माहिती तहसीलदार सुनील सावंत यांना मिळाली होती या माहितीच्या आधारे नायब तहसीलदार प्रवीण लटके तलाठी प्रदीप मोगल तलाठी माघाडे यांच्या पथकाने हिवरखेड पूर्ण गावात भेट दिली असता यावेळी नवीन गावाच्या पूर्वेस गट नंबर 131 मध्ये दहा ते पंधरा ब्रॉस रेतीचा साठा आढळून आला !तसेच विना क्रमांकाच्या जेसीबीने टिप्पर क्रमांक एम एच 28 एबी 72 76 मध्ये रेती साठवत असल्याचे आढळले ‘यावेळी नायब तहसीलदार प्रवीण दटके यांनी परवाना मागितलं असतं त्यांच्या जवळ कुठलाही परवाना आढळून आला नाही ।येळी नायब तहसिलदार लटके यांनी टिप्पर मालक लक्ष्मण माधवराव काटकर यांच्याविरुद्ध किनगावराजा पोलिस स्टेशनमध्ये तक्रार दाखल केली .तसेच जेसीबी व टिप्पर पोलीस जप्त करून पोलीस स्टेशनमध्ये लावण्यात आले । यावेळी जेसीबी चालक घटनास्थळावरून पसार झाला होता ‘यावेळी जीसीपी मालकाचा शोध महसूल कर्मचारी व पोलीस घेत आहे !