सिंदखेड राजा ( सचिन खंडारे )

बुलढाणा जिल्ह्यातील मातृतिर्थ सिंदखेडराजा तालुक्यातील पळसखेड चक्का येथील सुपुत्र प्रदीप मांदळे दि . १४डिसेंबर रोजी जम्मू काश्मीर खोऱ्यातील द्रास टायगर हिल येथे शहिद झालेअंगावरती बर्फाचा मोठा गोळा पडल्यामुळे ते ड्युटीवर असताना शहीद झाले ! बुलढाणा जिल्ह्याचे सुपुत्र वीर जवान शहीद प्रदीप साहेबराव मांदळे पळसखेड चक्का या गावातील गरीब कुटुंबामधील हा तरुण व्यक्ती दोन हजार आठ ते नऊ यास साली फौजी सैन्यदलामध्ये औरंगाबाद या ठिकाणी भरती झाला होता.

शहीद झाल्याचे ठिकाण द्रास टायगर हिल जम्मू काश्मीर या ठिकाणी कार्यरत ड्युटीवर होता त्याच्या कुटुंबाबद्दल माहिती पत्नीच नाव कांचन प्रदीप मांदळे, प्रदीप च लग्न २०१४ साली झालेलं होतं.
तीन मुलं असून त्यांचे समोर नाव. सुरज ,सार्थक ,जयदीप असे मुलांचे नाव असून आईचे नाव श्रीमती. शिवनंदा साहेबराव मांदळे .भावांचे नाव संदीप साहेबराव मांदळे कृषी सहाय्यक विशाल साहेबराव मान्दळे फौजी सैन्यदलामध्ये सध्या कार्यरत आहे.

बुलढाणा जिल्ह्याचे सुपुत्र प्रदीप मांदळे जवान शहीद.
पश्चिम बंगाल या मधील पन्हागड या ठिकाणी कार्यरत आहे २००८ च्या अगोदर ची परिस्थिती फार गरीब कुटुंबातील ही व्यक्ती असून आई वडील मोलमजुरी करून मुलांचे शिक्षण पूर्ण करून तिन्ही मुलं चांगल्या

ठिकाणी नोकरी लावणारे शेवटी स्वर्गीय साहेबराव मांदळे यांना सर्व कुटुंबाला सोडून जावे लागले काही आजारामुळे त्यांची मृत्यु दिनांक २०१७ साली झालेला आहे त्यामुळे मोठा मुलगा म्हणून प्रदीप यांच्यावर सर्व कुटुंबाची जबाबदारी होती.
त्यामुळे घरात घरचा कर्ता पुरुष गेल्यामुळे मांदळे परिवार खूप दुःखाचा डोंगर सावट याठिकाणी आहे आणि पळसखेड चक्का या गावांमध्ये अशी घटना पहिल्यांदा घडल्यामुळे या गावांमध्ये खूप दुःख होत आहे.
संदीप साहेबराव मांदळे यांना रात्री नऊच्या दरम्यान मध्ये माहिती मिळाली सैन्य दला कडून फोनवरून माहिती मिळाली तुझा भाऊ शहीद झालेला असल्याची माहिती फोनवर देण्यात आली.

त्यांचा पार्थिव अंत्यविधीसाठी दिनांक १८तारखेला येईल अशी प्राथमिक माहिती आहे !

(सूर्या मराठी न्युज ब्युरो)

ही घटना धक्कादायक आहे आता पर्यंत आपण आयकलेच असेल की नवरा बायको ही जोडी सात जन्माचे एकामेकाच्या दुःख सुखात साथ देणारे आहे पण या ठिकाणी जे घटना घडली ते विचार करणारीच आहे बायको न पैसा साठी केला चक्क मर्डर
एखाद्या गुन्ह्याबद्दलची किरकोळ शंकासुद्धा गुन्हा उघडकीस आणण्यास मदतीची ठरू शकते. असाच काहीसा प्रकार निलंगा येथे घडला आहे. नवऱ्याची १ कोटीची विमा पॉलिसी होती, ही विम्याची रक्कम मिळवण्यासाठी बायकोनेच नवऱ्याचा काटा काढल्याचा प्रकार तब्बल ८ वर्षांनी निलंगा येथे उघडकीस येऊ शकला आहे.या गुन्ह्याच्या तपासात विमा कंपनीला आलेला संशय आणि त्यानंतर पोलिसांनी शिताफीने केलेला तपास या दोन्ही गोष्टी कारणीभूत ठरल्या आहेत.

निलंगा तालुक्यातील निटूर या गावातील रहिवाशी आण्णाराव बनसोडे यांचा अपघाती मृत्यू २०१२ला झाला होता.

तशी पोलिसांत नोंदही होती. आण्णाराव यांनी १ कोटी रुपयांचा अपघाती विमा २०१०मध्ये उतरवला होता. त्यांच्या मृत्यू पश्चात त्यांची बायको आणि कायदेशीर वारसदार ज्योती यांनी विमा कंपनीकडे क्लेम दाखल केला होता.

या क्लेममधील काही माहिती विपर्यस्त होती, शिवाय व्यवसायाने फर्निचर बनवणारे आण्णाराव १ कोटीचा अपघात विमा का उतरवतील अशी शंका विमा कंपनीला आली. त्यांनी या प्रकाराची चौकशी औसा इथल्या पोलिस स्टेशनमध्ये केली आणि कंपनीला आलेली शंका पोलिस निरीक्षकांपर्यंत पोहोचवण्यात आली. पोलिसांनाही यात तथ्य वाटल्याने त्यांनीही बंद झालेली फाईल उघडून चौकशीला सुरुवात केली.

अन् काळेबेरे असल्याचा आला संशय…

दरम्यान, आण्णाराव यांच्या कुटुंबियांनाही या प्रकारात काही तरी काळेबेरे असल्याचा संशय आला होता. त्यांनीही या प्रकरणात तक्रार दाखल केली.

पोलिसांनी ज्योती हिला चौकशीला बोलावून घेतले. सुरुवातीला तिने उडवाउडवीची उत्तरे दिली. पण १ कोटी इतक्या रकमेची पॉलिसी कशी उतरवली, याचं उत्तर काही तिला देता येत नव्हतं. अखेर तिने पॉलिसीची रक्कम मिळवण्यासाठी नवऱ्याचा खून केल्याचे कबुल केले. ही पॉलिसी तिचा आतेभाऊ रमेश विवेकी हा विमा एजंट असून त्याने ही विमा पॉलिसी उतरल्याचं तिने सांगितलं.

गळा दाबून खून, मृतदेह महामार्गावर नेऊन टाकला

विमा पॉलिसी उतरवतानाचा विम्याची रक्कम हडपण्यासाठी आण्णाराव याचा खून करण्याचा कट ज्योती आणि रमेश यांनी रचला होता, असं पोलिसांच्या चौकशीत निष्पन्न झाले.

२०१२ त्यांनी आण्णाराव यांचा गळा दाबून खून केला, मृतदेह महामार्गावर नेऊन टाकल्याची कबुली त्यांनी दिली. पोलिस आणि विमा कंपनीच्या सतर्कतेमुळे एक मोठा गुन्हा उघडकीस येऊ शकला आहे.

हे आहेत आरोपी….

याप्रकरणी आरोपी 1) लहू विश्वनाथ कांबळे (वय 54, रा. लातूर), 2) गोविंद माधव सुबोधी (वय 36, रा. वायगाव सातळा, ता. उदगीर, 3) विमा एजंट रमेश भागवतराव विवेकी (वय 44), 4) वैजीनाथ तुळशीराम सुडे (वय 51) यांना अटक केली आणि काही दिवसांपूर्वी मयताची पत्नी ज्योती अण्णाराव बनसोडे (वय 35, रा. सुमठाणा) यांना लातूर स्थानिक गुन्हा शाखेने अटक केली आहे. याप्रकरणी औसा पोलिसात आरोपी विरुद्ध पोलिस डायरीत 73/2014 अन्वये भादंवि 302, 201,120 व 34 नुसार गुन्हा दाखल करण्यात आला.

गेल्या 17 ऑगस्ट 2020 रोजी मा.अधीक्षक अभियंता बुलडाणा पाटबंधारे प्रकल्प मंडळ बुलडाणा यांच्या दालनात खडकपूर्णा प्रकल्प विभाग,देऊळगाव राजा अंतर्गत गांगलगाव वितरीकेवरील संबंधित कास्तकार यांच्या मागण्या विभागीय स्तरावरुन पूर्ण न झाल्यामुळे मा.अधीक्षक अभियंता यांच्या दालनात ऋषिकेश म्हस्के व संबंधित कास्तकार यांच्यासोबत दुपारी 1:00 वाजेपासून तर रात्रीच्या 11:00 वाजेपर्यंत ठिय्या आंदोलन केले.
संबंधित कास्तकार यांच्या मागण्या आम्ही विविध कालावधीत पूर्ण करून असे आश्वासन/करावयाची कार्यवाही पत्र मा.अधीक्षक अभियंता यांनी दिले व आंदोलन माघे घेऊन सांगता करण्यात आली
त्यानंतर 4 महिने होऊन सुद्धा हे काम पूर्ण झाले नाही .
त्या कामाचा पाठपुरावा करण्यास गेल्या नंतर मा.अधीक्षक अभियंता उडवा उडवी चे उत्तर देतात…
हे माझं काम नव्हे ते कार्यकारी अभियंता यांचे कार्य आहे मला काय एवढं काम आहे का आमच्याकडे मनुष्यबळ नाही
त्यानंतर सहायक अभियंता यांना विचारल्या नंतर तेही उडवा उडवीचे उत्तर देतात ते प्रकरण पाठवले तुमचे काम झाले मी प्रत्यक्षस्थळी येऊन बघितले परिस्थिती अशी आहे की हे संबधीत अधिकारी कदापिही प्रत्यक्षस्थळी आलेले नाही.
नुसता खोटेपणा करून शेतकऱ्यांनाचा आवाज दाबतात आणि कमी आवाजात बोला आवाज वाढू नका असा अश्या धमक्या शेतकऱ्यांना देतात.

दिलेल्या पत्राची व काय कामे केली यांचा जाब विचारण्यासाठी काल संबंधित कास्तकार गेले असता दुपारी 3 वाजेपासून तर 7 :33 वाजेपर्यंत सहायक अभियंता खडकपूर्णा प्रकल्प चिखली यांच्या कार्यलयात ठिय्या देऊन होते.
त्यानंतर संबंधित अधिकारी कोणत्याही मुद्याला थारा लागू देत नव्हेत.
सौजन्याने बोला माझे काम नाही ते मी वरिष्ठांना कस बोलू असे म्हणून तेही शेतकऱ्यांची दिशाभूल करत होते.
त्यांनतर ऋषिकेश म्हस्के आक्रमक होऊन मुद्यांवर संपूर्ण चर्चा करून सर्व मागण्या पूर्ण झाल्या पाहिजे नाहीतर आम्ही येथून उठत नाही अशी भूमिका घेतली.
त्यानंतर सर्व मुद्यांवर लेखी आश्वासन दिले व आंदोलन माघे घेण्यात आले.
दिलेल्या आश्वासनाची पूर्तता विहित कालावधीत झाली नसल्यास त्रिव आक्रमक भूमिका घेऊन पुढील आंदोलन करण्यात येईल.

यावेळी यावेळी ऋषीकेश बबनराव म्हस्के,गणेश मदनराव म्हस्के व नितीन मधुकर म्हस्के,आव्हाड साहेब,चांदवडकर साहेब,देशमुख साहेब व इतर अधिकारी यांच्यासह राजेंद्र गंगाराम म्हस्के,ज्ञानेश्वर अशोक म्हस्के,महादू कुंडलिक म्हस्के,गणेश दिनकर सावळे,अमोल रामकृष्ण म्हस्के,विलास पुंडलिक म्हस्के,शिवाजी पुंडलिक म्हस्के,प्रदीप शंकर खरात,एकनाथ दत्तू सोळंकी हे प्रामुख्याने हजर होते

(सूर्या मराठी न्युज ब्युरो)

नागपूर, ता.१५  नागपूर महानगरपालिकेच्या उपद्रव शोध पथकाचे जवानांनी मंगळवारी (१५ डिसेंबर) ला मास्क शिवाय फिरणा-या बेजबाबदार १५२ नागरिकांविरुध्द कारवाई केली असून त्यांच्याकडून प्रत्येकी रुपये ५०० प्रमाणे ७६ हजार रुपयांचा दंड वसूल केला. या सर्व नागरिकांना मास्क सुध्दा देण्यात आले. मागील काही महिन्यात शोध पथकांनी २३९४३ नागरिकांविरुध्द कारवाई करुन आतापर्यंत रु. १,०३,३०,५००/- चा दंड वसूल केला आहे.
कोरोना रुग्णांची संख्या कमी झाली असले तरी कोरोना विषाणूचा संसर्गाचा अदयापही धोका टळला नाही. आताही अनेक ठिकाणी सुरक्षित अंतर पाळत नसल्याचे दिसून येते. नागरी भागात तर ‍विनामास्क नागरिक फिरतांना दिसतात ही बाब घातक आहे. त्यामुळे उपद्रव शोध पथकाव्दारे अशाप्रकारे बेजबाबदारीने स्वत:चे आरोग्य, कुटुंबाचे आरोग्य व समाजाचे आरोग्य धोक्यात घालणा-या नागरिकांवर कडक कारवाई करीत आहे तसेच त्यांना मास्क देण्यात येत आहे.
मंगळवारी मनपा उपद्रव शोध पथकाव्दारे लक्ष्मीनगर झोन अंतर्गत २३, धरमपेठ झोन अंतर्गत ३०, हनुमाननगर झोन अंतर्गत ८ धंतोली झोन अंतर्गत ११, नेहरुनगर झोन अंतर्गत १७, गांधीबाग झोन अंतर्गत ८, सतरंजीपूरा झोन अंतर्गत १२, लकडगंज झोन अंतर्गत १०, आशीनगर झोन अंतर्गत १५, मंगळवारी झोन अंतर्गत १३ आणि मनपा मुख्यालयातील ५ जणांविरुध्द ही कारवाई शोध पथकाचे प्रमुख विरसेन तांबे यांच्या मार्गदर्शनात करण्यात आली. ५०० रुपये प्रमाणे आतापर्यंत १८४७३ बेजबाबदार नागरिकांकडून रु ९२ लक्ष ३६ हजार ५०० वसूल करण्यात आले आहे.
नागपूरात रुग्णांची संख्या सतत वाढत चालली आहे यावर नियंत्रण करण्यासाठी महानगरपालिकेचे उपद्रव शोध पथक दररोज दहा ही झोनमधील मास्क शिवाय फिरणा-या बेजबाबदार नागरिकांविरुध्द कारवाई करीत आहे. नागरिकांना कोरोनापासून बचाव करण्यासाठी मास्क लावणे, सामाजिक अंतराचे पालन करणे, हात स्वच्छ धुणे इ. ची सूचना नागपूर मनपा व्दारे वारंवार केली जात आहे. सुजाण व जबाबदार नागरिकांनी आता मास्क लावून आपली व आपल्या परिवाराची सुरक्षा करावी, असेही आवाहन म.न.पा.तर्फे करण्यात आले आहे.

चंद्रपूर आर्थिक देवाणघेवाणीतून मर्जीतल्या कंत्राटदारांना काम देण्याचा त्यांनी जणू सपाटा लावला आहे. असाच प्रकार कचरा संकलनाच्या कामात झालेला आहे. कचरा संकलनाच्या कामासाठी आधी निविदा मागितल्या. त्यातील मे. स्वयंभू ट्रान्सपोर्ट पुणे या कंत्राटदाराला कमी रकमेचे दर असल्याने काम दिले. नंतर काहीतरी कारण सांगून संपूर्ण प्रक्रियाच रद्द केली. पुन्हा त्याच कामासाठी ई.निविदा मागितल्या. आधी कंत्राट मंजूर केलेल्या स्वयंभू याच कंत्राटदाराला पुन्हा काम दिले. आधी हेच काम १७०० रुपये प्रति टन होते. तर, दुस.या निविदेत आता २५५२ रुपये झाले आहे. यातून या कामात मोठा आर्थिक गैरव्यवहार झाला आहे. त्यामुळे या संपूर्ण घोटाळ्याची चौकशी करण्यात यावी. अन्यथा काँग्रेसतर्फे तीव्र आंदोलन करण्यात येईल, असा इशारा काँग्रेसचे शहर जिल्हाध्यक्ष रितेश उर्फ रामू तिवारी यांनी पत्रकार परिषदेत दिला.

चंद्रपूर शहर महानगरपालिकेने शहरातील घर ते धर कचरा गोळा करणे, कंपोस्ट डेपोपर्यंत कचरा वाहतूक करणे, नाली सफाईचा कचरा वाहतूक करणे या कामासाठी निविदा मागितल्या होत्या. या कामासाठी मे. स्वयंभू ट्रान्सपोर्ट पुणे या कंत्राटदारासह अन्य पाच कंत्राटदारांनी निविदा सादर केल्या. त्यातील दोन निविदा या तांत्रिक मूल्यांकनात पात्रता गुणांची पूर्तता न केल्याने रद्द करण्यात आल्या. उर्वरित चार निविदांत मे. स्वयंभू ट्रान्सपोर्ट पुणे या कंत्राटदाराचा १७०० रुपये प्रति मेट्रीक टन हा सर्वात कमी दर होता. त्यामुळे या कंत्राटदाराला दहा वर्षासाठी काम देण्याच्या संपूर्ण खर्चास प्रशासकीय मंजूरी देण्याकरिता स्थायी समितीत निर्णय घेण्याकरिता आयुक्तांनी विषय सादर केला होता. त्यानुसार या संस्थेला काम मंजूर करण्यात आले.
मात्र, नंतर ही सर्व प्रक्रियाच रद्द करण्यात आली. मनपा प्रशासनाने या कामासाठी पन्हा ई.निविदा मागितल्या. यावेळी हे काम ७ वर्षे आणि वाढीव ३ वर्षे असे एकूण दहा वर्षांकरिता देण्यात येणार असल्याचा बदल केला. आधी काम मजूर झालेल्या मे.स्वयंभ ट्रान्सपोर्ट, पुणे या कंत्राटदारासह अन्य तीन कंत्राटदारांनी निविदा सादर केल्या. त्यातील एका कंत्राटदाराची निविदा ही तांत्रिक मूल्यांकनात पात्रता गुणांची पूर्तता न केल्याने रद्द करण्यात आली. उर्वरित तीन निविदा उघडण्यात आल्या. त्यात में. स्वयंभू ट्रान्सपोर्ट, पुणे या संस्थेचा सर्वात कमी दर होता. मात्र, आधी मंजूर झालेल्या कंत्राटातील दरात तब्बल आठशे रुपयांनी वाढ करीत कंत्राटदाराने २५५२ एवढी रक्कम नमूद केली आहे. मनपा प्रशासनाने मे. स्वयंभू ट्रान्सपोर्ट पुणे या संस्थेला सादर केलेल्या दरात वाटाघाटी करण्यासाठी ७ डिसेंबरला दुपारी १ वाजता मनपात उपस्थित राहण्यास कळविले. मात्र, या संस्थेने मनपात उपस्थित न राहता निविदेत सादर केलेला दर हा बाजारभावाशी सुसंगत आहे. त्यानुसार काम करण्यास तयार असून, काम करण्याची संधी देण्याची विनंती केली.

संबंधित कंत्राटदाराची विनंती मनपातील भाजप पदाधिकाऱ्यांनी तातडीने मंजूर करीत ७ वर्षे कालावधी व ३ वर्षे वाढीव अशा एकूण दहा वर्षांकरिता येणाऱ्या संपूर्ण खर्चाला स्थायी समितीच्या बैठकीत ११ डिसेंबरला प्रशासकीय मान्यता देण्यात दिली आहे. यासर्व प्रकरणात मोठे अर्थकारण दडल्याचे यातून स्पष्ट होत आहे. राज्याचे माजी अर्थमंत्री सुधीर मुनगंटीवार यांच्या नेतृत्त्वात मनपात सत्तेत आलेल्या भाजप पदाधिकाऱ्यांनी कचरा संकलनात मोठा घोटाळा केला आहे. यातून भाजपचा पारदर्शकतेचा फुगा पूर्णपणे फुटला आहे. यासर्व घोटाळ्याची चौकशी करण्याची मागणी लाचलुचपत प्रतिबंधक विभाग, विभागीय आयुक्त नागपूर, नगरविकास मंत्रालय यांच्याकडे केली आहे. या सर्व प्रकरणाची चौकशी करून दोषींवर कारवाई करावी. कारवाई न झाल्यास शहर जिल्हा काँग्रेसतर्फे तीव्र आंदोलन छेडले जाईल.पत्रकार परिषदेत शहर महिला कांग्रेस अध्यक्ष सुनीता अग्रवाल, विधानसभा युवक काँग्रेसचे अध्यक्ष माजी नगरसेवक राजेश अडूर, नगरसेवक प्रशांत दानव,ओबीसी सेलचे नरेंद्र बोबडे,स्थायी समिती सदस्य नगरसेवक नीलेश खोब्रागडे,माजी नगरसेवक प्रसन्न शिरवार,अख्तर सिद्दीकी आदि उपस्थित होते.

गजानन सोनटक्के
जळगांव जा.प्रतिनिधी

जळगाव जामोद नगर परिषदेमध्ये आज दिनांक 14 डिसेंबर रोजी महा विकास आघाडीचे नगरसेवक यांनी घनकचरा व्यवस्थापन अंतर्गत नगरपरिषद जळगाव जामोद वायाळ येथील सेंद्रिय खत गैरअर्जदार यांनी चोरून नेल्याबाबत फौजदारी कारवाई होण्यासाठी मुख्याधिकारी आशिष बोबडे यांना लेखी तक्रार दिली सविस्तर असे की येथील नगर परिषदेमध्ये महा विकास आघाडीचे सदस्य त्यांनी अशी तक्रार दिली की नगरपरिषद जळगाव जामोद मार्फत स्वच्छ भारत अभियान अंतर्गत घनकचरा व्यवस्थापन कामांमध्ये ओला व सुका कचरा वेगवेगळ्या करून त्यावर प्रक्रिया करून त्यापासून खत तयार करण्याचे कंत्राट हे विरबा गिअर्स अकोला यांना देण्यात आले आहे. सदर घनकचरा व्यवस्थापनावर नगर परिषद यांचे नियंत्रणाखाली सर्व कारभार चालू असतो नगरपरिषद जळगाव जामोद हे सदर घनकचरा व्यवस्थापन अंतर्गत निर्माण केलेले सेंद्रिय खत विक्री करीत असते परंतु दिनांक 14 डिसेंबर रोजी पहाटे गैरअर्जदार यांनी ठेकेदाराचे ट्रॅक्टरने वायाळ येथून तारापूर शिवारातील रसलपुर रोडवरील परिक्षित ठाकरे यांच्या शेतामध्ये सेंद्रिय खताची वाहतूक होत असल्याचे अर्जुन घोलप गजानन वाघ श्रीकृष्ण केदार, रमेश ताडे, संतोष बोरसे, संजय भुजबळ,युवराज देशमुख, अमर पाचपोर, व पत्रकार तसेच जळगाव जामोद येथील नागरिकांना या विषयी माहिती पडले असता आरोग्य पर्यवेक्षक, घनकचरा व्यवस्थापन पर्यवेक्षक कुमारी पल्लवी इंगळे मुख्याधिकारी डॉक्टर आशिष बोबडे आरोग्य निरीक्षक रामचंद्र चंडाले यांना याबाबत कल्पना दिली असता त्यांना सोबत घेऊन त्यांनी अकरा वाजता घटनास्थळावर जाऊन सदर खताची पाहणी केली असता सदर खत हे घनकचरा व्यवस्थापना वरुन तीन ट्रॉली सेंद्रिय खत बॅग ची किंमत रुपये 100 प्रमाणे अंदाजे एक लाख वीस हजार रुपयाचे खत चोरून आणल्याचे घटनास्थळाचा पंचनामा करून सिद्ध झाले त्या संदर्भात सदर गैरअर्जदार जवळ पावती नसल्याचे वरील अधिकाऱ्यांनी सांगितले व सदर बाबीचा पंचनामा केला व त्याठिकाणी उपस्थित असलेले अनिल ढगे यांनी पत्रकार यांना मुलाखत देताना सांगितले की सेंद्रिय खत मी स्वतः ट्रॅक्टरने आणले आहे. व मला खत आणायला परिक्षित ठाकरे यांच्या सांगण्यावरून त्यांच्या शेतामध्ये खत आणून टाकले आहे.तरीसुद्धा उद्यापर्यंत नगरपरिषद कार्यालयाकडून आरोपी परिक्षित ठाकरे व इतर लोकांविरुद्ध अद्यापर्यत कोणतीही कारवाई केली नाही तसेच मुख्याधिकारी यांनी गैरअर्जदार विरुद्ध जळगाव जामोद पोलीस स्टेशनला चोरीचा गुन्हा नोंदवून गैरअर्जदार विरुद्ध कडक कारवाई करावी. तसेच कारवाई तीन दिवसाचे आत कारवाई न केल्यास नगर परिषद कार्यालयात घेराव टाकून आंदोलन करु असा इशारा महाविकास आघाडीच्या नगरसेवकांनी मुख्याधिकारी यांना दिला आहे दिला आहे तर मुख्याधिकारी या विषयी कोणती भूमिका घेतात यावर सर्वांच्या नजरा लागलेल्या आहेत. या लेखी तक्रारीवर अर्जुन गोविंद घोलप गटनेते काँग्रेस,गजानन नामदेव वाघ गटनेते शिवसेना, यांच्या सह्या आहेत तसेच लेखी तक्रार देताना महाविकास आघाडीचे सर्व नगरसेवक उपस्थित होते.