गजानन सोनटक्के
तालुका प्रतिनिधी
जळगाव जा

दिनांक 22 सप्टेंबर/ जळगाव जामोद

तालुक्यातील जय भवानी चौकातील टपऱ्याचे अतिक्रमण उचलण्यासाठी वार्ड क्रमांक 2 व 3 मधील मोहन सिंह राजपूत श्रीमती गीता बाई बैस किशोर वंडाळे व सविता वंडाळे यांनी त्यांच्या घरासमोरील तीन टपऱ्या उचलण्यासाठी प्रथम तक्रार अर्ज दिनांक 17 ऑगस्ट व 15 सप्टेंबर ला सुनगाव व ग्रामपंचायत प्रशासनास दिला होता या अर्जावर गटविकास अधिकारी यांनी अधिक्रमण उचलण्यात यावे हा शेरा दिलेला आहे तरी आतापर्यंत अतिक्रमणावर कुठलीही कारवाई न केल्यामुळे दिनांक 22 सप्टेंबरला सकाळी अकरा वाजेपासून मोहन सिंह व इतर चार जण ग्रामपंचायत समोर उपोषणास बसले यावेळी अर्जात नमूद अतिक्रमणधारकांना सुद्धा दिनांक 18 विरोधी तक्रार देत स्थानिक लोकांचे अतिक्रमण हटविण्यात यावे ही भूमिका होत उपोषणाची भूमिका घेतली दिनांक 22 ला ग्रामपंचायत समोर एकाच दिवशी एकाच वेळी व एकाच जागेवर दोन परस्परविरोधी मागण्यांचे उपोषण सुरू झाल्याने गावात एक प्रकारे तणावाचे वातावरण निर्माण झाले होते याप्रकरणी सर्वप्रथम प्रशासक राजपूत यांनी उपोषण मंडपास भेट देत दोन्ही गटांशी चर्चा करून उपोषण सोडण्याचा अपयशी प्रयत्न केला त्यानंतर गटविकास अधिकारी व पोलीस प्रशासन दाखल होऊन त्यांनी ह्या प्रकरणी उपोषण सोडविण्याचे प्रयत्न केले परंतु त्यांनाही अपयश आलेले पाहून पुढील तणावग्रस्त स्थिती रोखण्यासाठी स्वतः जळगाव जामोद पोलीस स्टेशनचे ठाणेदार सुनील जाधव आपल्या ताफ्यासह सुनगाव ग्रामपंचायत मध्ये येऊन दोन्ही गटासह बंदद्वार चर्चा करून प्रकरण समंजस पणे मिटवण्याचे प्रयत्न केले ही चर्चाही विफल ठरली, परंतु यावेळी चर्चेनंतर टपरीधारक यांनी उपोषण मागे घेतले रात्री उशिरापर्यंत गावात पोलीस व ग्रामपंचायत प्रशासन हे उपोषण मंडपाजवळ कोरोना व जमाबंदी च्या पार्श्‍वभूमीवर गर्दी नियंत्रणाचा प्रयत्नात होते,
दिनांक 22 ला रात्री उशिरापर्यंत श्री मोहन सिंह व इतर चार यांचे उपोषण सुरू होते दिवसभर पावसात हे उपोषण सुरू होते एकंदरीत प्रशासन व पोलिस हे प्रकरणात तोडगा काढण्यात अपयशी ठरले याप्रकरणी काही राजकारणी मंडळी पडद्याआडून सूत्रे हलवत आपली राजकीय पोळी भाजण्याच्या तयारीत असल्याची गावात खमंग चर्चा होती दिवसभर याप्रकरणी उद्या प्रशासन काय कारवाई करते याकडे सर्व सुनगाव वासियांची लक्ष लागले आहे.

पातूर पंचायत समिती चा कारभार वाऱ्यावर

नासिर शहा
पातुर तालुका प्रतिनिधी

पातूर /: तालुक्यातील पिंपळखुटा येथील डी.पी. ई. एस.विद्यालयाच्या एका खोलीतून मुख्याध्यापक चव्हाण आणि वाहनचालक हे दोघे एका मालवाहू वाहनाचा चालक शालेय पोषण आहार योजनेअंतर्गत शाळेला मिळालेल्या तांदळाचे पाच कट्टे वाहनामध्ये भरत असताना ग्रामस्थांनी मुख्याध्यापक चव्हाण, आणि वाहनचालकास दोघांना पकडले परंतु दोघेही शाळेच्या आवारातून पसार झाले या प्रकरणात चान्नी पोलिसांना घटनेची माहिती देण्यात आली असता, पोलीस कारवाई करीता पंचायत समिती च्या अधिकारींकडून लेखी तक्रार आवश्यक असल्याचे कळविण्यात आल्याने प्रहार संघटनेचे अरविंद पाटील यांनी पातूर पंचायत समितीचे बीडीओ. समाधान वाघ व गटशिक्षणाधिकारी अनिल अकाळ यांना तक्रार करण्याची मागणी केली.
सदर घटनेला पाच दिवस उलटूनही अजूनपर्यंत अधिकाऱ्यांनी तक्रार दाखल करण्याची तसदी घेतली नसल्याने आज प्रहार संघटनेचे पदाधिकारी पातूर पंचायत समितीला आले असता अधिकारी हजर नसल्याने पंचायत समितीचे बीडीओ समाधान वाघ व गटशिक्षणाधिकारी अनिल अकाळ आपल्या कार्यालयात हजर नसल्याने त्यांच्या रिकाम्या खुर्च्यांना हार टाकून आंदोलन करण्यात आले.
यावेळी प्रहार संघटनेचे अरविंद पाटील,दत्ता सुडोकार, जिवन उपर्वट,मंगेश इंगळे,नितीन इंगळे,गणेश रणपिसे ,दत्ता वाघ,अंकुश बुंधे,राहुल देशमुख,रविंद्र निंबोकार आदी प्रहरसेवक उपस्थित होते.

संग्रामपूर तालुक्यात गेल्या तीन दिवसांपासून मोठ्या प्रमाणात वादळी पाऊस सुरू आहे. आणि या पावसाचे प्रमाण सतत वाढत असल्यामुळे आणि अतिवृष्टी सदृश्य वातावरण असल्यामुळे मका, सोयाबीन,कपाशी पिकांचे मोठ्या प्रमाणात नुकसान झाले आहे. अगोदरच दुबार तिबार पेरणी करून शेतकरी दुष्काळात सापडला आहे त्यात सततच्या पावसामुळे मुंग, उळीद पिकाचे नुकसान झाले असून आता मका, सोयाबीन चे पण पिकाचे नुकसान झाले आहे. वरवट बकाल येथील शेतकरी मोहन काशिराम रौंदळे गट नंबर 137 त्यांच्या शेतात 1 हेक्टर 20 आर मका लागवड केलेली आहे. 10 ते 15 दिवसात पिक तयार होणार अशावेळी वेळोवेळी वादळी पाऊस येत असल्यामुळे मक्का पिक पूर्ण जमीनदोस्त झाले असून पूर्ण पिक मातीत गेलेले आहे.त्यामुळे खूप मोठ्या प्रमाणात नुकसान झाले आहे. त्याची भरपाई मिळण्याकरिता तहसील कार्यालय संग्रामपूर व कृषी कार्यालय संग्रामपूर येथे दिनांक 16 सप्टेंबरला लेखी स्वरूपात तक्रार अर्ज केलेला आहे. तक्रार अर्ज मध्ये असे नमूद केले आहे. की रौदळे यांच्या शेताचा तात्काळ पंचनामा करून तसा अहवाल शासनास सादर करावा व झालेल्या नुकसानाची भरपाई मिळावी. तात्काळ परिसरातील नुकसानग्रस्त शेतकऱ्यांना दिलासा मिळावा.
शासनाने तात्काळ ओला दुष्काळ जाहीर करून शेतकऱ्यांना सरकारकडून मदत व पीक विमा जाहीर करावा अशी मागणी शेतकऱ्यांकडून होत आहे.

मुख्य संपादक
अनिलसिंग चव्हाण

सतत पाऊस सुरु असल्याने नदी नाले ला मोठ्या प्रामानात पुर आलेला आहे नदीकाठाने चरत असलेली बकरी पुराच्या पाण्यात पडल्याने तिला वाचवण्यासाठी प्रवाहात उडी घेतलेले तिघे जण वाहून गेले आहेत. ही घटना खामगाव तालुक्यातील माक्ताकोक्ता गावी सोमवारी (दि. २१) घडली. यापैकी एकाचा मृतदेह सापडला आहे.

जोरदार पाऊस झाल्याने परिसरातील नदीनाले दुथडी भरून वाहत आहेत. माक्ताकोक्ता येथील गजानन लहानू रणशिंगे (वय ३८), राहूल गजानन रणशिंगे (१६), दिलीप नामदेव कळसकार (४२) हे तिघे बक-या चारण्यासाठी आज बोर्डी नदीपरिसरात गेले होते. दरम्यान त्यांची एक बकरी नदीकाठावरून घसरून प्रवाहात वाहत चालल्याचे पाहून तीला वाचवण्यासाठी राहूल रणशिंगे हा पाण्यात ऊतरला.
परंतु वेगवान प्रवाहात तोही वाहून चालल्याचे पाहून वडील गजानन रणशिंगे व दिलीप कळसकार या दोघांनी नदीत उडी घेतली. परंतु त्यांची धाव अयशस्वी ठरली. तिघेही पुरात वाहून गेल्याच्या घटनेने परिसरात हळहळ व्यक्त होत आहे.
ग्रामस्थांना दिलीपचा मृतदेह सापडला असून गजानन व राहूल या पितापुत्रांना शोधण्याचे काम सुरू आहे.

गेल्या काही दिवसांपासून जिल्ह्यात चालू असलेल्या अतिपावसाने शेती पिकांचे मोठ्या प्रमाणात नुकसान झाले आहे. खामगाव तालुक्यातील भालेगाव तेथे शेतकऱ्यांच्या हातातोंडाशी आलेला घास या पावसाने हिरावला आहे. सोयाबीन,कपाशी,मका,ज्वारी व अन्यपिकांचे मोठे नुकसान झाले आहे. तरी तहसिलदार साहेबांना विनंती आहे तात्काळ पंचनामे करुन शेतकरी यांना आर्थिक मदत देण्यात यावी आज दोन दिवस उलटुन गेले असुन कुठलाही अधिकारी पंचनामा करण्यासाठी आलेला नसुन लवकरच पंचनामे करुन मदत जाहीर करावे अन्यथा शेतकर्यांना सोबत घेऊन स्वाभिमानी शेतकरी संघटना नाईलाजाने आंदोलन करावे लागेल असा ईशारा स्वाभिमानी चे विद्यार्थी जिल्हा अध्यक्ष निलेश देशमुख यांनी दिला यासंदर्भात आज भेट घेवून शेतकऱ्यांना हे.25 हजार रुपये नुकसान भरपाई मागणी केली.यावेळी मोठ्या संख्येने शेतकरी उपस्थित, होते निलेश गवळी,विजय भाऊ चोपडे, गोपाल सावरकर, विजय कोल्हे, संदिप सुरडकर,अजय बुजाडे व समस्त शेतकरी संघटनेचे कार्यकर्ते उपस्थित होते

अन तो ठरला देवदूत..

मेहकर तालुक्यातील देऊळगाव माळी येथील कोराडी धरणावर गावातील काही युवक सकाळी सहा वाजता पोहण्यासाठी गेले असता सांडव्याच्या पाण्यात अडकले. यामध्ये गोपाळ दत्ता जाधव वय 18, विजयानंद किसन कुडके वय 22, शुभम दिनकर गवई वय 22, सलमान जाकिर पठाण वय 22, संतोष सुखदेव माने वय 18, हे तरुण सांडव्यात पोहण्यासाठी गेले,असता अचानक धरणातील पाण्याचा प्रवाह वाढल्यामुळे हे तरुण पाण्यामध्ये वाहून गेले.
यासंदर्भात पाटबंधारे विभागाचे अभियंता राजगुरू व कर्मचाऱ्यांनी तात्काळ गावात ही बातमी दिली. गावात माहिती मिळताच गावातील नागरिकांनी त्या ठिकाणी गर्दी करून त्यांना वाचवण्यासाठी प्रयत्न सुरू केले, त्यातील सलमान पठान, शुभम गवई ,विजयानंद कुडके यांना सुखरूप बाहेर काढल्या गेले.तर संतोष हा एका झाडाच्या आधराने पाण्यात अडकून होता. मेहकर येथील पोलिस प्रशासनाचे कर्मचारी, व गावातील विजय सुरुशे, आलम पठाण ,अकील पठाण,ऋषिकेश चाळगे,मोहन मगर हे संतोष माने या तरुणाला वाचवण्यासाठी पाण्यामध्ये उत्तरले. परंतु त्यामध्ये दुर्दैवाने विजय सुरूशे कुस्ती पैलवान या तरूणाचा पाण्यामध्ये अडकल्यामुळे डोक्याला जबर मार लागून दुर्दैवी मृत्यू झाला. दोन वाजता जिल्हा आपत्ती शोध बचाव पथक, पोलीस प्रशासन, गावातील आलम पठाण ,अखिल पठाण व गावातील तरुणांच्या मदतीने संतोष माने तरूणाला बाहेर काढण्यात यश आले, या मोहिमेमध्ये संभाजी पवार (जिल्हा आपत्ती व्यवस्थापन अधिकारी ), कृष्णा जाधव ,राजेंद्र झाडगे, प्रवीण साखरे ,वाहनचालक पी.एस खरे (जिल्हाधिकारी कार्यालय बुलडाणा ) पोलीस पथकातील तारासिंग पवार ,हेड -कॉन्स्टेबल दिपक वायाळ ,व त्यांचे सहकारी यांच्यासह मेहकर पोलिस स्टेशनचे ठाणेदार आत्माराम प्रधान , उपविभागीय अधिकारी गणेश राठोड ,तहसीलदार संजय गरकळ,पोलीस प्रशासनाचे कर्मचारी, आरोग्य विभाग ,तंटामुक्ती अध्यक्ष राजेश मगर,शिवसेनेचे अशोक गाभणे, सचिन मगर, रवींद्र सुरूशे ,कैलास राऊत सह असंख्य तरुण गावकरी हजर होते. प्रशासनाचे कर्मचारी आरोग्य विभाग सह मदत करून चारही मुलांना सुरक्षित बाहेर काढले. परंतु दुर्दैवाने विजय सुरूशे (४०) यांच्या मृत्यूने देऊळगाव माळी गावात सर्वत्र शोककळा पसरली असून त्यांच्या पश्‍चात दोन मुले पत्नी, आई ,भाऊ व वडील असा खूप मोठा आप्तपरिवार आहे. गावकऱ्यांनी “गड आला पण सिंह गेला” अशी भावना व्यक्त करुन जिल्हा आपत्ती उशीरा पोहोचल्यामुळे त्यांच्यावर रोष व्यक्त केला जात आहे. सकाळी सहा वाजता फोन करून सुद्धा आपत्ती व्यवस्थापन विभाग वेळेवर न पोहोचता तब्बल पाच तास उशिरा आले.जर आपत्ती व्यवस्थापन वेळेवर पोहोचले असते तर ही घटना घडली नसती. या दुर्दैवी मृत्यू ला आपत्ती व्यवस्थापन जबाबदार आहे असा रोष गावकऱ्यांकडून व्यक्त होत आहे.