अंकुश गिरी
ग्रामीण प्रतिनिधी सेनगाव

हिंगोली: राज्यातील हळद संशोधन व प्रक्रिया धोरण निश्चित करण्यासाठी राज्य शासनाने गठीत केलेल्या राज्यस्तरीय समितीच्या अध्यक्षपदी खासदार हेमंत पाटील यांची निवड करण्यात आली आहे.हिंगोली येथे हळद संशोधन आणि प्रक्रिया महामंडळ स्थापन करण्यात यावेयाकरिता खासदार हेमंत पाटील मागील काही दिवसापासून सतत केंद्र व राज्य सरकारकडे पाठपुरावा करत आहेत. याबाबत राज्य शासनाने 22 जुलै रोजी बैठक आयोजित करुन अभ्यास समिती गठित करण्याचे सांगितले होते. त्यानुसार अभ्यास समिती तयार करण्यात आले आहे.खासदार हेमंत पाटील यांचे सातत्यपूर्ण पाठपुरावा ची ही फलश्रुती म्हणावी लागेल. त्यातील हिंगोली नांदेड बुलढाणा यवतमाळ वाशीम सांगली सातारा चंद्रपूर व परभणी या जिल्ह्यामध्ये हळदीचे पीक जास्त प्रमाणात घेतले. परंतु प्रक्रिया साठवणूक विक्रीची पुरेशी सुविधा उपलब्ध नसल्यामुळे राज्यातील हळद इतर राज्यांमध्ये निर्यात केली जाते,हळदीच्या लागवडीपासून प्रक्रिया विक्रीपर्यंत सर्व सुविधा राज्यातच उपलब्ध झाल्यास राज्यातील हळद उत्पादक शेतकऱ्यांना त्याचा मोठा फायदा होऊन उत्पादनात वाढ होण्यास मदत होईल आणि हळद लागवडी पासून प्रक्रिया आणि विक्री पर्यंत येणाऱ्या अडचणी विचारात घेता खासदार हेमंत पाटील यांनी मागील अनेक दिवसांपासून केंद्रीय,संसदीय व वाणिज्य आणि राज्य शासनाकडे सातत्याने पाठपुरावा केला होता. तसेच या अनुषंगाने 22 जुलै रोजी राज्यशासनाने बैठक आयोजित करून लवकरच हळद प्रक्रिया आणि संशोधन अभ्यास समिती गठित करण्यात येणार असल्याचे सांगितले होते त्याच बैठकीची फलश्रुती म्हणून अभ्यास समिती गठित करण्यात येणार आहे. या राज्यस्तरीय समितीच्या अध्यक्षपदी खासदार हेमंत पाटील यांची तर सचिवपदी कृषी आयुक्तालय पुणे विभाग (फलोत्पादन) संचालक यांची निवड केली आहे. तर सदस्य म्हणून पुणे कृषी आयुक्त धीरजकुमार यांच्यासह परभणी, दापोली, राहुरी या कृषी विद्यापीठाचे संशोधन संचालक, स्पायसेस बोर्डाचे उपसंचालक, हळद आयात-निर्यात संघाचे प्रतिनिधी, महाराष्ट्र कृषी उद्योग आणि महाराष्ट्र औद्योगिक विकास महामंडळाचे प्रतिनिधी, पणन मंडळाचे संचालक,अन्न औषध प्रशासन विभागाचे प्रतिनिधी, हळद उत्पादक शेतकरी, उत्पादक कंपनी यांची निवड करण्यात आली आहे. ही समिती राज्यातील हळद उत्पादक शेतकरी यांच्याशी संपर्क साधून लेखी अथवा प्रत्यक्ष स्वरूपात समस्या मागवून त्यावर सखोल चर्चा करून त्यावर काय उपाययोजना करता येतील याबाबतचा अहवाल शासनास सादर करण्यात येणार आहे. खासदार हेमंत पाटील यांच्या अध्यक्षपदाच्या निवडीमुळे हिंगोली येथील हळद संशोधन प्रक्रिया महामंडळाचा मार्ग मोकळा झाला असल्याची चर्चा सर्वत्र होत आहे. मतदारसंघाच्या सर्वांगीन विकासासाठी खासदार हेमंत पाटील सदैव कार्यशील असल्याचे यावरून दिसून येते.

गजानन सोनटक्के जळगाव जा

आज दि 8/9/20
ला महाराष्ट्र प्रदेश युवक काँग्रेसच्यावतीने
रोजगार दो अभियान अंतर्गत बेरोजगार युवकांना रोजगार देण्यात यावा याकरिता आंदोलन करण्यात आले.
व तहसीलदारयाना निवेदन देण्यात आले.
वर्षाला दोन कोटीरोजगारनिर्मिती करण्याचे आश्वासन देऊन पंतप्रधान मोदी सरकार सत्तेवर आले पण या दिलेल्या आश्वासनाचे काय झाले या मागणीसा आंदोलन करण्यात आले यावेळी तहसीलदारांना निवेदन देउन थेट केंद्र सरकारला जाब विचारण्यात आला.
याप्रसंगी युवक काँग्रेस प्रदेश सचिव अभिजीत अवचार विधानसभा अध्यक्ष शेख अफरोजजळगाव जा युवक काँग्रेस शहर अध्यक्ष शे राजीक*जिल्हा काँग्रेस कार्यकारणी सदस्य अमर पाचपोर अजय ताठे,
मयुर राऊत, श्रीकांत वानखडे, योगेश जाधव,
महिला काँग्रेस शहर अध्यक्ष मिनाताई सातव, परवीन ताई देशमुख
माणिक खोद्रे,आनंद पाटील,
जुनेद शेख येवले, हरिषभाई इमरान खान, वैभव वरगे,
सौरभ अवचार,धनंजय बोबटकार, गोपाल कोथळकार, सचिन हरमकार, मोहन बोडखे, शिवदास जाने, राजा दमदार, तस्लीम मिर्झा,शे शाकीर शहनवाज अमहद मतीन पटेल शफीकभाई अकबर शेख आरीफ शेख मोडीन भाई आदि कार्यकर्ते पदाधिकारी उपस्थित होते.

गजानन सोनटक्के जळगाव जा

जळगाव जामोद तालुक्यात कोरोणा चा संसर्ग वाढत असताना ग्रामीण भागात कोरोणाचा शिरकाव मोठ्या प्रमाणात झालेला आहे असेच ग्रामपंचायत सूनगाव अंतर्गत येत असलेल्या ग्राम उसरा बु येथे कोरोनाचा शिरकाव झालेला आहे 7ऑगस्ट रोजी आलेल्या एका 40 वर्षीय पुरुष रिपोर्ट कोरोना बाधित आल्याने उसरा येथील जनतेत भीतीचे वातावरण आहे ग्रामपंचायत व आरोग्य विभाग यांच्या वतीने रुग्ण राहत असलेला परिसर सील करण्यात आला आहे व उसरा येथील जनतेने विनाकारण बाहेर फिरू नये व फिरताना तोंडाला मास्क बांधावे असे सुनगाव ग्रामपंचायतीच्या वतीने उसरा येथील नागरिकांना संदेश दिला आहे

अंकुश गिरी
ग्रामीण प्रतिनिधी सेनगाव

महाराष्ट्र राज्यातील वैद्यकीय प्रवेश 70/30 टक्क्याचे विभागवार धोरण शैक्षणिक वर्ष 2020-2021 पासून साध्य करण्यात यावी अशी विद्यार्थ्यांची मागणी आहे. मराठवाड्यात वैद्यकीय प्रवेशाच्या जागा कमी असल्याने अनेक गुणवत्ताधारक विद्यार्थी वैद्यकीय प्रवेशापासून वंचित राहत आहेत. देशपातळीवर एकच परीक्षा घेतली जाते व देशातील इतर कुठल्याही राज्यात 70/30 हे धोरण राबविले जात नाही. तरी मराठवाड्यातील विद्यार्थ्यांवर होणारा अन्याय दूर करण्याकरिता आज शिवसेनेचे नेते तथा महाराष्ट्र राज्याचे पर्यटन व पर्यावरण मंत्री तसेच युवा सेना प्रमुख श्री. आदित्यजी ठाकरे यांच्याकडे 70/30 चे विभागवार धोरण शैक्षणिक वर्ष 2020-2021 पासून रद्द करण्यात यावे अशी मागणी केली. यावेळी कळमनुरी विधानसभा मतदारसंघाचे आमदार तथा शिवसेना जिल्हाप्रमुख हिंगोली श्री.संतोषराव बांगर यांच्यासोबत परभणीचे शिवसेनेचे आमदार डॉ. राहुल पाटील, आमदार बालाजीराव कल्याणकर हे उपस्थित होते. यावेळी युवा सेना प्रमुख श्री.आदित्यजी ठाकरे यांनी आपला प्रश्न लवकरच मार्गी लागेल असे आश्वासन दिले.

जनविकास संघटनेचे हिंगोली जिल्हाध्यक्ष साईनाथ गिरी यांच्याकडून हिंगोली जिल्ह्यामधे पार्थ पवार फाऊडेशन ची सुरुवात गरजू लोकांपर्यंत मदतीचा हात मिळावा म्हणून पार्थ फाउडेशन ची हिंगोली जिल्ह्यात सुरुवात

अंकुश गिरी
ग्रामीण प्रतिनिधी सेनगाव

पार्थ फाऊंडेशन चा माध्यमातून महाराष्ट्र भरामध्ये विकासाची कामे अतिशय चांगल्या पद्धतीने केली जात आहे त्याचेच एक प्रयत्न म्हणून हिंगोली जिल्ह्यामध्ये मी साईनाथ गिरी जनविकास संघटना महाराष्ट्र राज्य हिंगोली जिल्हाध्यक्ष
हिंगोली जिल्ह्यामध्ये गरजू व्यक्ती पर्यंत मदतीला हात मिळावा यासाठी पार्थ फाऊंडेशन चा माध्यमातून विकासाचा वसा पुढे नेत आहे

मलकापूर- देशगौरव नेताजी सुभाषचंद्र बोस यांचा पुतळा परिसराची साफसफाई करण्यात येवून पुतळा परिसरात सीसीटीव्ही कँमेरे बसविण्यात यावे, अशी मागणी प्रहार जनशक्ती पक्षाच्या वतीेने आज ७ सप्टेंबर रोजी मुख्याधिकारी न.प. मलकापूर यांच्याकडे एका निवेदनाद्वारे करण्यात आली. दरम्यान यावेळी एकही अधिकारी हजर नसल्याने सदरचे निवेदन प्रहार जनशक्ती पक्षाच्या वतीने खाली खुर्चीला देण्यात आले.
मलकापूर शहराच्या तहसील चौकामध्ये देशगौरव नेताजी सुभाषचंद्र बोस यांचा पुतळा उभारण्यात आला आहे. काही महिन्यांपासून या पुतळा परिसरामध्ये न.प.च्या वतीने कुलूप लावण्यात आलेले असून या परिसरात आजरोजी घाणीचे साम्राज्य निर्माण झाले आहे. तेव्हा या परिसराची तात्काळ साफसफाई करण्यात यावी. त्याचप्रमाणे सुरक्षिततेच्या दृष्टीने नेताजी सुभाषचंद्र बोस पुतळा परिसरामध्ये सीसीटीव्ही कँमेरे बसविण्यात यावे, अशी मागणी करण्यात आली आहे.
आज रोजी पुतळा परिसरात झालेली घाण पाहता ही एक प्रकारे विटंबनाच होत असल्याचा प्रकार आहे. तेव्हा होत असलेली विटंबना प्रहार जनशक्ती पक्षाच्या वतीने सहन करण्यात येणार नाही. तात्काळ याबाबत कार्यवाही न केल्यास प्रहारच्या वतीने जनआंदोलन उभारण्यात येईल, याची सर्वस्व जबाबदारी न.प. प्रशासनाची राहील, असेही निवेदनाच्या शेवटी नमूद करण्यात आले आहे.
निवेदन देतेवेळी उपजिल्हा प्रमुख अजय टप, तालुका प्रमुख अजित फुंदे, युवा तालुका प्रमुख अमोल बावस्कार, युवा शहर प्रमुख संतोष जाधव, बळीराम बावस्कर, अपंग क्रांती आंदोलन संघटना तालुका प्रमुख दत्ता पाटील, सुर्यकांत महाजन आदी उपस्थित होते.

नासिर शहा
पातूर प्रतिनिधी

पातुर : तालुक्यातील चांन्नी पोलीस स्टेशन अंतर्गत येत असलेल्या चांन्नी ते पिंपळखुटा या मार्गावर वाळू वाहणाऱ्या MH 14 AZ /7245 या क्रमांकाच्या मिनी टाटा वहानाने दोन मजुर महीलाना धडक दिल्याने एक महीलां जागेवर ठार तर एक गंभीर जखमी झाले आहे सविस्तर वृत्त असे आहे की वाळूची वाहतूक करीत असलेले वाहन वेगाने जात असताना दोन मजूर महिला शेतात जात होत्या त्यांना आज सकाळी सात ते आठच्या दरम्यान या वाहनाने जबर धडक दिल्याची घटना घडली आहे यामध्ये शिलाबाई सरदार ही महिला जागेवर ठार झाली आहे.तर दुसऱ्या मुलीचे नाव बेबाबाई सोनोने या गंभीर जखमी झाल्याची माहिती मिळाली या वाहनाच्या चालकावर व वाहनांवर 279 / 338/304 अ भादवी. सह कलम 134 मोटार वाहन कायदा नुसार गुन्हा दाखल करण्यात आला आहे , व वान हे घटनास्थळी जागर उभे करून वाहन चालक फरार असल्याची माहिती मिळाली आहे पुढील तपास चांन्नी पोलिस स्टेशन करत आहे

गजानन सोनटक्के
जळगांव जा.प्रतिनिधी:-

जळगाव जामोद तालुक्यामध्ये अलीकडील काळात अवैध धंद्यांना उत आल्याचे दिसत आहे
त्यामध्ये अवैध गुटखा, वरली,मटका, सट्टेबाजी अवैध दारू धंदे जोमात असल्याचे चित्र सध्या पाहायला मिळत आहे तसेच या सर्व प्रकारांमुळे पोलीस प्रशासनाविषयी मोठे प्रश्नचिन्ह निर्माण झाले आहे.परिणामी रेती माफियाकडुन अधिकाऱ्यानवर हल्ला, तर अवैध धंदेवाल्यांकडुन पत्रकारांनवर हल्ला होत असल्याचे प्रमाण जळगांव जामोद येथे दिसुन येत आहे. असेच भ्रष्ट पोलिस यांच्या आश्रीत असलेले गुटखा माफियाकडुन पत्रकाराला मारहाणीचे प्रकरण समोर आले आहे.
जळगाव जामोद तालुका पत्रकार बांधवांच्या वतीने दिनांक 7 सप्टेंबर रोजी उपविभागीय अधिकारी यांना निवेदन देण्यात आले. सविस्तर वृत्त असे की दिनांक 6 सप्टेंबर रात्री नऊच्या सुमारास मतदार टाईम्सचे तालुका प्रतिनिधी राहुल निर्मळ यांना मिळालेल्या माहिती वरून श्रीकांत श्रीकृष्ण भेलके यांच्या अवैध गुटखा विक्रीची टाटा कंपनीची इंडिका गाडीने गजानन दहीकर टुनकी गाडी क्रमांक एम एच 28 6188 या गाडीने गुटका आसलगाव येथे भेलके यांच्या घरी आला असता त्यांचे स्टिंग आँपरेशन करीत फोटो काढीत असताना श्रीकांत श्रीकृष्ण भेलके यांनी अंगावर धावत येत राहुल निर्मळ यांना लाथाबुक्क्यांनी मारहाण करण्यास सुरुवात केली त्यामुळे राहुल निर्मळ यांचा भ्रमणध्वनी फुटला तसेच त्यांच्या दुचाकी वाहनांचे नुकसान होऊन शरीराला मुका मार लागला सदर घटनाक्रम चालू असताना गावकरी धावून आले नाही तर श्रीकांत भेलके यांनी राहुल निर्मळ यांचा खून करण्याचा पूर्ण प्रयत्न केला होता सदर घटनेची तक्रार पोलीस स्टेशन जळगाव जामोद येथे करण्यास राहून निर्मळ गेले असता,ASI रमेश धामोडे यांनी एवढ्या मोठ्या गुन्ह्याची नोंद फक्त NC करून घेतली.तसेच ASI रमेश धामोडे यांनी राहुल निर्मळ यांना धमकी देत प्रकरण दाबण्याचा प्रयत्न करीत अर्वाच्य भाषेत राहुल निर्मळ यांना म्हणाले की रिकामे कामे कशाला करतोस तुला कोणी सांगितले गुटख्याच्या गाडीचे फोटो काढायला.तसेच ASI रमेश धामोडे हे दारू पिल्याचे जाणवत होते ही बाब निवेदनात नमुद केली आहे.सदर प्रकरणाची गंभीर दखल घेऊन आरोपी व पोलिस अधिकारी यांच्यावर तात्काळ कारवाई करण्याचे आदेश उपविभागीय अधिकारी जळगांव जामोद यांनी द्यावे तसेच पुढील आठ दिवसात सदर प्रकरणात आरोपी व पोलीस अधिकारी यांच्यावर कारवाई करण्याचे आदेश देण्यात यावे. सदर प्रकरणात आरोपीला अटक व ASI रमेश धामोडे याची बदली न झाल्यास पत्रकार उग्र आंदोलन करतील तसेच होणाऱ्या परिणामाची सर्वस्वी जबाबदारी प्रशासनाची राहील असा इशाराही निवेदनाद्वारे देण्यात आला. सदर निवेदनावर राजेश गजानन बाठे, राजू वाडे, विजय पोहनकर , दत्तू दांडगे,अनिल भगत, अशोक टाकळकर, गणेश भड, गणेश गिर्हे, गजानन सोनटक्के विनोद वानखडे, सागर झनके, राहुल निर्मळ, मनीष ताडे, गुलाबराव इंगळे,विलास बोडखे,अमोल भगत,विनोद चिपडे, आदींच्या सह्या आहेत