Policenews:बुलढाणा: जिल्ह्यातील सोनाळा पोलीस स्टेशन हद्दीतील टुनकी गावाचे रहिवासी तथा पत्रकार प्रभूदास पारस्कार यांची एमएच २८ बि.एम ३१९० ह्या क्रमांकाची दुचाकी १८ जानेवारी २०२२ रोजी अज्ञात चोरट्याने चोरी केली होती. स्थानिक पोलीस स्टेशन सोनाळा येथे २० जानेवारी २०२२ रोजी दुचाकी हरविल्याची तक्रार सोनाळा पोलीस स्टेशन येथे दाखल करण्यात आली होती.
त्यानंतर तब्बल तीन वर्षांनंतर चोरीला गेलेल्या दुचाकीचा शोध घेण्यात आला व अकोला जिल्ह्यातील हिवरखेड येथील दोन चोरटे जेरबंद करण्यात आले. सदर दुचाकीचा रंग जेनी ग्रे मेटॅलिक हा होता मात्र चोरट्यांनी दुचाकीचा रंग बदल करून पेट्रोल टाकी साईट पॅनल बदल करून काळ्या लाल रंगात करून पुर्णतः बदल केला होता .
मात्र पोलीसांनी खाकी दाखत चोरट्यांचा छळा लावत जेरबंद केले . संबंधित पोलिसांच्या तपासाअंती स्थानिक पोलीस स्टेशन सोनाळा येथून संबंधित सोनाळा पोलीस स्टेशनचे पोहेकॉ विशाल गवई व पोहेकॉ मोहनसिंग पवार यांनी १५ एप्रिल रोजी प्रभुदास पारस्कार यांना भ्रमणध्वनी वरून चोरट्यांकडून दुचाकी जप्त केल्याची माहिती देण्यात आली.
न्यायदंडाधिकारी प्रथम श्रेणी न्यायालय संग्रामपूर यांच्या कडे अर्ज सादर करून सदर प्रथम श्रेणी न्यायालय कडून कायदेशीर आदेश प्राप्त करून घेत प्रभुदास पारस्कर यांनी सोनाळा पोलीसांत सादर केले.
Policenews:त्यांनतर सोनाळा पोलीस स्टेशनचे ठाणेदार चंद्रकांत पाटील यांनी प्रभुदास पारस्कर यांना सदर दुचाकी ताब्यात दिली. या वेळी प्रभूदास पारस्कर यांनी पोलिसांचे आभार मानले.
