संग्रामपूर तालुक्यातील वरवट बकाल येथे RTE (बालकांचा मोफत व सक्तीचे शिक्षणाचा अधिकार अधिनियम 2009) अंतर्गत 2026-27 या शैक्षणिक वर्षासाठी झालेल्या प्रवेश प्रक्रियेत गंभीर गैरप्रकार झाल्याची तक्रार समोर आली आहे.
स्थानिक नागरिकांनी गटविकास अधिकारी (शिक्षण विभाग), पंचायत समिती संग्रामपूर यांच्याकडे दिलेल्या तक्रारीनुसार, सातपुडा इंग्लिश स्कूल व सहकार विद्या मंदिर, वरवट बकाल या शाळांमध्ये RTE 25% अंतर्गत काही विद्यार्थ्यांना खोटे व बनावट कागदपत्रांच्या आधारे प्रवेश देण्यात आल्याचा आरोप करण्यात आला आहे.
तक्रारकर्त्यांच्या म्हणण्यानुसार, निवड यादीतील 14 तसेच प्रतीक्षा यादीतील 14 विद्यार्थी हे स्थानिक रहिवासी नसून त्यांच्या पालकांनी खोटे रहिवासी दाखले, आधार कार्ड व इतर बनावट कागदपत्रे सादर करून प्रवेश मिळविला आहे. या प्रकारामुळे खऱ्या अर्थाने पात्र व गरजू विद्यार्थ्यांवर अन्याय होत असल्याचे त्यांनी नमूद केले आहे.
या प्रकरणात पारदर्शकता राखण्यासाठी आणि सत्यता पडताळण्यासाठी BLO, पोलीस पाटील, सरपंच तसेच रास्त दुकानदार यांचे चौकशी अहवाल तक्रारीसोबत जोडण्यात आले आहेत.
तरीही संबंधित प्रकरणाची सखोल चौकशी करून दोषींवर कठोर कायदेशीर कारवाई करावी आणि पात्र विद्यार्थ्यांना न्याय मिळवून द्यावा, अशी मागणी करण्यात आली आहे.
RTE/दरम्यान, या प्रकरणामुळे शिक्षण क्षेत्रात खळबळ उडाली असून प्रशासनाने तातडीने लक्ष घालण्याची गरज व्यक्त होत आहे.
