प्रतिनिधी सचिन वाघे
हिंगणघाट :- शहरातील वाढती लोकसंख्या आणि त्यानुसार वाढणाऱ्या गरजांचा विचार करता, अंत्यसंस्काराच्या वेळी मृतदेह वाहतुकीसाठी उपलब्ध असलेल्या दोन शववाहिकांमध्ये भर म्हणून आता आणखी एक शववाहिका शहरासाठी उपलब्ध करून देण्यात आली आहे.
सार्वजनिक आरोग्य विभागामार्फत ही नवी शववाहिका जिल्हाधिकारी कार्यालयात आमदार समीर कुणावार यांच्या हस्ते नगरपरिषद, हिंगणघाटला सुपूर्द करण्यात आली.
या कार्यक्रमाला जिल्हा आरोग्य अधिकारी डॉ. स्वप्निल बेले तसेच नागरिक मोठ्या संख्येने उपस्थित होते.
नवीन शववाहिका उपलब्ध झाल्याने अंत्यसंस्काराच्या प्रवासात दिलासा मिळणार आहे.
वाढत्या लोकसंख्येमुळे निर्माण झालेली गरज पूर्ण होणार आहे.
या उपयुक्त सेवेसाठी आमदार समीर कुणावार यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार तसेच सार्वजनिक आरोग्य व कुटुंब कल्याण मंत्री प्रकाश आबिटकर यांचे मनःपूर्वक आभार मानले.
Sameerkunavar /नगरपरिषदेतर्फे ही शववाहिका आता नागरिकांच्या सेवेसाठी सदैव उपलब्ध राहणार असून शहरातील कुटुंबांना दिलासा देणारी ठरणार आहे.
