प्रतिनिधी सचिन वाघे
samirkunavar:हिंगणघाट :-महाराष्ट्रजनतेच्या हिशोबावर वचक ठेवणाऱ्या महाराष्ट्र विधानमंडळातील अत्यंत महत्त्वाच्या लोकलेखा समितीवर वरिष्ठ आमदार समीर कुणावार यांची प्रभावी नियुक्ती!महाराष्ट्र विधानमंडळाच्या अत्यंत महत्त्वाच्या समजल्या जाणाऱ्या लोकलेखा समितीवर आमदार समीर कुणावार यांची प्रतिष्ठेची नामनियुक्ती करण्यात आली आहे.
महाराष्ट्र विधानसभा नियम २०६ व विधानपरिषद नियम २०७ नुसार सन २०२४-२५ या वर्षासाठी समितीचे नवे सदस्य निश्चित करण्यात आले. या समितीचे अध्यक्षपद काँग्रेस पक्षाचे ज्येष्ठ नेते, माजी विरोधी पक्षनेते मा. विजय वडेट्टीवार यांच्याकडे सोपवण्यात आले असून, त्यांच्या नेतृत्वाखाली हिंगणघाट-समुद्रपूर-सिंदी (रेल्वे) विधानसभा मतदारसंघाचे लोकप्रिय व अभ्यासू आमदार समीर कुणावार यांची समिती सदस्य म्हणून नियुक्ती ही त्यांच्या कारभारातील पारदर्शकता, अभ्यासू दृष्टिकोन आणि विकासाभिमुख कार्यपद्धतीची पावती आहे.
छगन भुजबळ यांची मंत्री पदी नियुक्ती हिंगणघाट मध्ये जल्लोष (chhaganbhujbal)
विधानमंडळाच्या लोकलेखा समितीला “जनतेच्या पैशाचा पहारेकरी” म्हणून ओळखले जाते. हि समिती शासकीय खर्चावर बारकाईने लक्ष ठेवते, नियंत्रक व महालेखापाल (CAG) यांच्या अहवालांवर चर्चा करते व शासकीय यंत्रणांची जबाबदारी निश्चित करते व अनियमितता उघड करते. २५ सदस्यांची ही समिती (२० विधानसभा व ५ विधानपरिषद सदस्य) ही अर्थसंकल्पानंतरची एक अत्यंत प्रभावशाली
संसदीय यंत्रणा मानली जाते.समीर कुणावार हे गेल्या अनेक वर्षांपासून मतदारसंघात सातत्याने विकासकामे राबवणारे, नियोजनबद्ध, तळमळीने काम करणारे व पारदर्शकतेवर विश्वास असलेले आमदार म्हणून परिचित आहेत. विकासाभिमुख दृष्टिकोन, मजबूत जनसंपर्क, आणि शिस्तबद्ध नेतृत्वशैली यांच्या जोरावर त्यांनी आपली वेगळी ओळख निर्माण केली आहे.
samirkunavar:या नियुक्तीद्वारे विधानमंडळात त्यांच्या वरिष्ठतेला, निःपक्ष अभ्यासाला आणि प्रामाणिक कार्यक्षमतेला शासनाने दिलेली मान्यता स्पष्ट होते. लोकशाहीतील वित्तीय शिस्त व उत्तरदायित्वासाठी ही नियुक्ती महत्त्वपूर्ण मानली जात असून, लोकलेखा समितीच्या कामकाजात आमदार कुणावार यांचा अनुभव व दृष्टीकोन निश्चितच मोलाची भूमिका बजावेल, असा विश्वास राजकीय व प्रशासकीय वर्तुळात व्यक्त करण्यात येत आहे.
