प्रतिनिधी सचिन वाघे
हिंगणघाट : शहरातील जगन्नाथ व जगदीश मंदिर ट्रस्ट प्रकरणाला नवे वळण लागले असून महसूल विभागाच्या स्पष्ट आदेशानंतरही संबंधित मालमत्तेवरील इमारतीची तोडफोड सुरू असल्याचा गंभीर आरोप अर्जदार सुमित आहुजा यांनी केला आहे.hingnghatnews
मिळालेल्या माहितीनुसार, तहसीलदारांनी या प्रकरणात चौकशी पूर्ण होईपर्यंत मंदिर ट्रस्टशी संबंधित कोणतेही बांधकाम, व्यवहार किंवा मालमत्तेवरील हस्तक्षेप पूर्णपणे थांबवण्याचे आदेश दिले होते.crimenews
मात्र, प्रत्यक्षात या आदेशाचे पालन होत नसून संबंधित ठिकाणी तोडफोड सुरू असल्याचे समोर आले आहे.
याबाबत प्रतिक्रिया देताना सुमित आहुजा म्हणाले, “तहसीलदारांचा स्पष्ट आदेश असतानाही मंदिराची संपत्ती असलेल्या इमारतीवर तोडफोड सुरू आहे. हे प्रशासनाच्या आदेशांचे सरळ उल्लंघन आहे.”
त्यामुळे प्रशासनाच्या कार्यक्षमतेवर प्रश्नचिन्ह निर्माण झाले असून आदेशांची अंमलबजावणी होत नसल्याची भावना नागरिकांमध्ये व्यक्त होत आहे.wardhanews
दरम्यान, या घटनेमुळे हिंगणघाट शहरात संतापाची लाट उसळली असून नागरिकांनी प्रशासनाने तातडीने हस्तक्षेप करून संबंधित काम त्वरित थांबवावे आणि आदेशांची काटेकोर अंमलबजावणी करावी, अशी मागणी केली आहे.brekingfast
सूत्रांच्या माहितीनुसार, प्राथमिक चौकशीदरम्यान संबंधित अधिकाऱ्यांकडून जगन्नाथ मंदिराची नोंदणी चुकून झाल्याचे सांगण्यात आले असून त्यावर आधारित फेरफार करण्यात आला. मात्र, जुन्या कागदपत्रांमध्ये मंदिर देवस्थानाचा स्पष्ट उल्लेख आढळून येत असल्याचेही समोर आले आहे. विशेष म्हणजे, ज्या मंदिराच्या नावावरून ‘जगन्नाथ वार्ड’ हे नाव पडले, त्याच मंदिराची नोंद कागदपत्रातून हटविण्यात आल्याने या प्रकरणाची गंभीरता वाढली आहे.
Policenews /सध्या या प्रकरणातील अंतिम चौकशी अहवाल आणि प्रशासनाकडून होणाऱ्या पुढील कारवाईकडे हिंगणघाटवासियांचे लक्ष लागले आहे.
