नागपूर येथील हिवाळी अधिवेशनात मांडलेल्या विविध प्रश्नांची सांगितली माहिती
उमरगा: युवा कार्यप्रशिक्षण योजना तत्कालीन मुख्यमंत्री एकनाथ शिंदे यांनी मतदान घेण्यासाठी ही योजना राबवली आहे. पण आता त्या लोकांना त्यांनी वारंवार सोडले असून, त्या लोकांच्या आंदोलनावर लाठी चार्ज करून आंदोलन दडपण्याचा प्रयत्न केला जातोय.
उबाठा शिवसेनेचे आमदार प्रवीण स्वामी यांनी नागपूर येथील हिवाळी अधिवेशनात विविध महत्त्वाचे प्रश्न मांडल्याची माहिती देताना
उमरगा येथील शिवसेना उबाठा संपर्क कार्यालयात सोमवारी (दि.१५) रोजी आयोजित पत्रकार परिषदेत ते बोलत होते.
आमदार प्रवीण स्वामी पुढे म्हणाले की, राज्यातील असा एकमेव लोहारा तालुका असून, शेतकऱ्यांच्या फार्मर आयडीचा तांत्रिक अडचणीचा प्रश्न आहे. उमरगा- लोहारा तालुक्यातील तलाठी कार्यालयाची अनेक प्रलंबित प्रश्न मांडले आहेत. आश्रम शाळेचे थकित अनुदान द्यावे, पोलीस पाटील यांची शैक्षणिक आणि शारीरिक पात्रतेनुसार नेमणूक करावे, १९९३ च्या भूकंपा नंतर १९९५ पर्यंत
पुनर्वसनाची कामे झाली परंतु नंतर त्या गावांना कसलाही भरीव निधी मिळालेला नाही त्या गावांना विशेष पॉकेज द्यावे.
राज्यामध्ये एन. एच. एम. आरोग्य विभागामध्ये जी.आर नुसार भरती झालेली नसून, त्या कर्मचाऱ्यांना सहा ते दहा हजार मानधन आहे. अशा कर्मचाऱ्यांना सुद्धा जी.आर नुसार भरती करावे.
ग्रामपंचायत स्तरावर डाटा ऑपरेटिंग कर्मचाऱ्यांच्या मानधनांमध्ये वाढ करावे, जिल्हा परिषद शाळा ४०-५० वर्षांपूर्वी बांधले गेले असून त्यांचे स्ट्रक्चरल ऑडिट करून राज्यातील सर्व शाळा आधुनिक करावे,
लोहारा तालुक्यात कृषी भवन, विश्राम ग्रह, एमआयडीसी तसेच हुतात्मा स्मारकासाठी विशेष पॅकेज द्यावे. शेती संदर्भात राज्य शासनाच्या योजना असून, नगरपालिका नगरपंचायत मध्ये मोडतात म्हणून त्या योजना त्यांना लागू नाहीत तशी तरतूद करावी, महसूल विभागाकडे मागणी केल्याची माहिती त्यांनी सांगितले आहे.
भूकंपग्रस्त कर्मचाऱ्यांच्या वयामध्ये वाढ व्हावे, पंचायत समिती, महावितरण, महसूल मोजणी, आरोग्य विभाग, जलसंपदा या शासकीय कार्यालयामध्ये कर्मचाऱ्यांचा तुटवडा असून, रिक्त पदाची माहिती काढून शासनाने तीपदे लवकरात लवकर भरावे,
राज्यातील नगरपालिका नगरपंचायत मध्ये कंत्राटी स्वरूपात कर्मचारी भरले आहेत. त्यांच्या शैक्षणिक पात्रतेनुसार त्यांना नोकरीत कायम घ्यावे. महात्मा बसवेश्वर आर्थिक विकास महामंडळाला शंभर टक्के अनुदान द्यावे.
Umrganews /या आयोजित पत्रकार परिषदेला शैलेश नागणे, बालाजी सुरवसे, शिवकांत पतंगे आदी उपस्थित होते.
सूर्या मराठी न्यूजसाठी ऋषिकेश सुरवसे उमरगा
