गजानन सोनटक्के
जळगाव जा
जळगाव जामोद तालुक्यातील नाफेड मार्फत होणाऱ्या शासकीय खरेदी साठी नाव नोंदणी प्रक्रिया दिनांक २८/१२/२०२० पासून सुरु होणार होती. नोंदणी करिता शेतकर्यांनी रात्रीपासून रांगा लावल्या परंतु सकाळी हजारो लोक नोंदणीसाठी आले आणि झुंबड़ उडाली.मका खरेदी साठी १७०० शेतकर्यांनी नोंदणी केली असतांना जागेअभावी अद्याप फक्त ३०० शेतकर्यांचा मका खरेदी केल्या गेला त्यामुळे तूर खरेदी वेळी सुद्धा हेच होईल या भितीमुळे लवकर नंबर लागावा या उद्देशाने शेतकर्यांन्नी पहिल्याच दिवशी तूफान गर्दी केली होती. त्यातही एका व्यक्तिकडे एका पेक्षा जास्त सातबारे असल्यामुळे व काही नेतेमंडळी व व्यापारी यांनी वशील्याने आपले नंबर लावून घेतलेव जवळपास एकाच दिवशी 2600ते 2700 नोंदणी झाल्याचे आढळून आले जळगाव जामोद खरेदी विक्री संघाच्या संचालक मंडळाने प्रसेनजीत पाटिल यांच्याशी चर्चा करून झालेली नोंदणी प्रक्रिया रद्द करून नव्याने ऑनलाइन प्रक्रियेद्वारे नोंदणी करण्याचा निर्णय घेण्यात आला. ऑनलाइन नोंदणी प्रक्रियेसाठी नवीन ऍप निर्माण करण्याचा निर्णय सुद्धा यावेळी घेण्यात आला.
