अकोला :- जिल्ह्यातील बाळापूर तालुक्यातील उरळ पोलीस ठाण्याअंतर्गत येत असलेल्या पूर्णानदी पात्रातून विनापरवाना वाळूची ट्रॅक्टरद्वारे वाहतूक करीत असल्याची माहिती उरळ पोलीस ठाण्याचे ठाणेदार अनंतराव वडतकर यांना मिळाली त्या आधारे उरळ पोलिस ठाण्याचे ठाणेदार अनंतराव वडतकर,पोलीस उपनिरीक्षक राजेन्र्द मोरे चालक कांताराम तांबडे,यांनी ट्रॅक्टर.एम.एच.२८ ए.जे. २६४४ क्रमांकाचा ग्राम हातरुण परिसरात कारवाईचा सापडा रचत विनापरवाना वाळूची वाहतूक करीत असताना सदर ट्रॅक्टर पकडला असता त्या ट्रॅक्टरमध्ये एक ब्रास विनापरवाना वाळू आढळून आली. सदर ट्रॅक्टर चालकाला ताब्यात घेऊन त्याचेजळून एक ब्रास वाळूसह 5 लाख 3 हजार रुपयांचा मुद्देमाल हस्तगत केला.आरोपी ज्ञानेश्वर श्रीधर रोहणकार रा. बोरगांव वैराळे याचे विरुद्ध भादंवीचे कलम ३७९ नुसार रेतीचोरीचा गुन्हा दाखल करण्यात आला.
सदर कारवाईमूळे परिसरात विनापरवाना वाळूची वाहतूक करणाऱ्यांचे धाबे दणाणले आहेत.
